جفران هضبان & عناد الشيباني - اشعلت جو الصياهد - الشلف شعل ابن مجلا 2023

‎لايك للفيديو + إشترك معنا
subscribe + Like
‎فعل الجرس 🛎
‎ليصلك كل جديد✔️
..
برقٍ سرى ضربه مثل ضرب السلاح
خلا السماء يوم اشتعل منه اشعلا
قلت الله اكبر عان وبل الوسم طاح
وسمٍ يبل كبود .. عزوه وازملا ..!
شفنا شعاف الشعل برقٍ صدق لاح
يوم اشعلت جو الصياهد من الى
مير استعدو لـ الهجاد ولـ الصباح
دايم وحنا لـ .. النواميس .. اعملااا
انحذر اللي مالهم فيناااا صلااح
من دافع التنبيه .. ماهو من غلا
واللي يبي نعطيه جرعات اللقاح
نقول له .. يا مرحبا يا مسهلا ..!
حنا هل الناقه وحنا اهل الكفاح
نرعابها حنا .. ما حطيناا اوكلا
ياحلو ضرب الشلف من عقب الرماح
ميراثنا ياللي على الورث ادخلا
يا ابن مجلا عقب هذا الاكتسااااح
لاعاد تستغرب .. لامن احدٍ جلااااا
ضربك برمح الشعل في صاهد رماح
خلا اكثر العالم .. يجي فيهم بلا ..!
ياحي طاري راعي الشعل الشناح
اما الحضور اللي .. كذا والا فلاااا
ياذخر محسن تستحق الامتداح
راسك من الصملات والعز امتلا
واخوانك اهل المجد واصل الابتجاح
مافيهم اللي عن مواجيبه سلا
كم نادره عن بيعها اهلها شحاح
بخلو بها لو كان .. ماهم بـ بخلا
خليتو اهلها .. تصلي فالمراااح
الشيك يحذف عند عرقوب شعلا
مجليات ارهت على كسب الوشاح
واشعارنا معها تجلا واعتلا
يا زين هالوسره ويا حلو الطفاح
على ما قالو .. كلهااا رق وحلا ..!
ترفع جررها قيمة الحزم البراح
سعر المتر من حين تاطاه يغلا
حنا عتيبه واعمدة كل النجاح
حضورنا يدرون به كل الملا
هقواتنا اللي تارد العد القراااح
من ماضي الدنيا مهوب من اولا
كم واحدٍ لا شافناااا جر الصياح
من بطشنا يجفل مثل ريم الفلا
وده لو انه طير .. ويرف الجناح
والا نجنب عنه ويذب الخلاااا ..!