خطارك مذبوح - مصطفى السوداني

اشترك بقناة ​⁠ واستمع للجديد
خطارك مذبوح - ملا مصطفى السوداني
ليالي استشهاد الامام الصادق(عليه السلام)
هيئة وصال العاشقين _ الكوت
#اداء : ملا مصطفى السوداني
#للشاعر : حمزه السماوي
#التوزيع :محمد حليبد
مكساج : احمد البرمكي
----------------
خليك اوياي افتح گلبك .. واتغمض العين
واتخيلهه الباب اندكت .. وتشوف حسين
تتلكاه .. شتحجي وياه من خطارك مذبوح
محرم جاي .. يا مولاي ارزقني عليك اجروح
--
تتمنه لو شفت حسين ولو صار التمنيته
اليوصل ايزور العطشان العطشان يوصل بيته
تفتح الباب تشوفه نحره تخيل
بلا راس بس حسين كلش يندل
تلطم تسولف تفرح اهنا تحتار
شتكله احبك لو تكله تفضل
اتسئلك امك ضيفك ياهو شو ضوه الدار
توكع ميته لو كلتلهه حسين الخطار
حك تحتار مدري شصار حيطان البيت تنوح
محرم جاي يا مولاي ارزقني عليك جروح
--
للضيف يتقدم ماي وشلون راح تقدمه
وتشوف بهدوم حسين عبد الله واكف دمه
ابني يكلك ركبته منكطعه
وتجيبله الكاروك وتضل تنعه
ويرجع الماي ويرجع تشربه الناس
بس كلي عبد الله بعد شيرجعه
حتى بذبحه وجهه ايلالي اجمل اوصاف
بكد ما ابيض جان اكماطه اسود ينشاف
حكه حسين من يصيح طلعت وي ابني الروح
محرم جاي يا مولاي ارزقني عليك جروح
--
بويه علي يكول هواي وفاتح لهسه احضانه
من عطش لأكبر لليوم كالخشب بعده السانه
ابنك اذا ينجرح لو با ابهامه
تفكر قهر والليل ابد متنامه
وحسين من كد ما مكطعين ابنه
يدور عله الاكبر واهو كدامه
حسين امترب ليش مترب شيكول اهنا
ايكلك ابني لحظة موته اتمددت وياه
اهناك تطيح راح تصيح گلبك كدامه يروح
محرم جاي يا مولاي ارزقني عليك جروح
--
جايبهه فاتحته وياه مشدود بعده الثامه
ايده اعله ظهره امن يكوم مكطوع جف احزامه
عباسي صاح وهو صاح حسيني
افتحلي ايدك كله ماكو ايميني
افتحلي صدرك كله اذيك اسهام
افتحلي عينك كله نبله بعيني
من تشوفه ساله شحالك كدام الناس
تمشي وتعثر ويصيحولك راح العباس
صاحو مات والشمات تشوفك جفنك مقروح
محرم جاي يا مولاي ارزقني عليك جروح
--
باوع على طوله تشوف اثار شمر بصدره
اتربع على صدره اكبال زينب ويكطع نحره
ما خله حتى اهدوم عنده العاشر
ومو للخيم صوت الكسر لا عابر
للكوفه يوصل جان كسر اضلوعه
فز مسلم بكبره اعله صوت الحافر
واهنا تبجي وياه احجي وافتح موضوع
اطلب منه ايعيشك اكثر وتصب دموع
حب حسين هو الدين باب الجنه المفتوح
محرم جاي يا مولاي ارزقني عليك جروح
--
وفقني اضل ابجي عليك وعيوني تبقه تزورك
بالعيد ونستهه الناس بس ونستي بعاشورك
يالتسوه كلشي غيرك انت شيسوه
لتراب جدم الحر اروحن فدوه
سالوني كالو غيره سيد تختار
كلت الحسين وهوه او هم هوه
انه الخادم وانت السيد ما يوم انساك
ما اريد اطلع من المجلس خليني اوياك
باقي ايام وبكل عام الرايات السود تلوح
محرم جاي يا مولاي ارزقني عليك جروح
---
جميع الحقوق محفوظة للقناة الرسمية للرادود الحسيني الملا مصطفى السوداني
#Mustafa_Sudane
لمتابعة الحسابات الرسمية على الروابط التالية:
Instagram:
/ mustafa_sudane
Facebook:
/ mustafasudane1
Telegram:
t.me/Mustafa_S...
Twitter:
/ mustafa_sudane
KZbin:
/ mustafasudane1
#ملا_مصطفى_السوداني #محرم #محرم_الحرام