Рет қаралды 37,226
നിങ്ങളുടെ ഫോണില് ട്രൂ കോളര് ഉണ്ടോ? ഉണ്ടെങ്കില് ഉടന് തന്നെ ഒഴിവാക്കൂ, ഇല്ലെങ്കില് നിങ്ങളെ കാത്തിരിക്കുന്നത് വലിയ അപകടമാണ്. ട്രൂകോളര് ആപ്പിലെ ചതികളുടെ വ്യാപ്തി പ്രതീക്ഷിക്കുന്നതിനുമപ്പുറമാണ്, നിങ്ങളുടേതെല്ലാം ആപ് കൊണ്ട് പോകുകയാണ്. ഇന്ന് എണ്ണിയാലൊടുങ്ങാത്തെ ആപ്പുകളുടെ സ്വാധീനത്തിലാണ് ബഹുഭൂരിപക്ഷം ആളുകളും. എന്തിനും ഏതിനും ആപ്പുണ്ട്. ബില് പേയ്മെന്റ് ആപ്പ്, ലേര്ണിങ് ആപ്പ്, ഷോപ്പിങ് സൈറ്റ്സ് എന്നു വേണ്ട എല്ലാത്തിനും ആപ്പുണ്ട്. പലരും വിവിധ തരം ആപ്പുകള്ക്ക് അടിമകളുമാണ്. ഇനി ഇതില് ട്രൂ കോളര് എന്ന ആപ്പ് പരിചയമില്ലാത്തവരായി ആരുമുണ്ടാകില്ല, ഒരു തവണയെങ്കിലും ഈ ആപ്പ് ഉപയോഗിച്ചവരുമാകും നമ്മളില് പലരും. എന്നാല് ഇത് വലിയ പ്രത്യാഘാതങ്ങളുണ്ടാക്കുന്ന ഒരു ആപ്പാണ്.അറിയാത്ത നമ്ബരുകളില് നിന്നും നമുക്ക് വരുന്ന കോളുകള് എടുക്കാതെ തന്നെ വിളിക്കുന്നയാളുടെ പേര് ട്രൂകോളറിലൂടെ അറിയാം എന്നതാണ് ഇതിന്റെ മേന്മ. എന്നാല് ഉപയോക്താക്കളുടെ കോണ്ടാക്ട് ലിസ്റ്റില് നിന്നുള്ള കോണ്ടാക്ട് ് വിശദാംശങ്ങളും ട്രൂകോളര് ക്ലൗഡ് ഉപയോഗിക്കുന്നുണ്ടെന്നാണ് വിവരം. അതായത് ദുരുപയോഗം ചെയ്യുന്നുണ്ടെന്ന് അര്ത്ഥം. നമ്മുടെ ഫോണ് ഡാറ്റകള് മുഴുവന് ചോര്ത്തിയെടുക്കാന് ഈ ആപ്ലിക്കേഷന് വഴി സാധിക്കും. ബഹുഭൂരിപക്ഷം പേരും പല ആപ്ലിക്കേഷനും ഡൗണ്ലോഡ് ചെയ്ത് ശേഷം പിന്നീട് വരുന്ന എല്ലാ നോട്ടിഫിക്കേഷനുകള്ക്ക് രണ്ടാമതൊന്നു ചിന്തിക്കാതെ അലൗ ബട്ടണ് ക്ലിക്ക് ചെയ്യുന്നവരാണ്. എന്നാല് ആപ്പുകള് ചില അനുവാദങ്ങള് ചോദിക്കുന്നത് നിര്ദോഷകരമല്ല എന്ന് വിചാരിച്ച് എല്ലാത്തിനും അനുവാദം കൊടുത്താല് സ്വകാര്യത നഷ്ടപ്പെട്ടവരായി നാം മാറും എന്നതാണ് സത്യം. ആപ്പുകള് സ്വീകരിക്കുമ്പോള് രണ്ടുവട്ടം ആലോചിക്കണം. ചൈനയുടെ 54 ആപ്പുകള് രാജ്യസുരക്ഷയെ ബാധിക്കുന്നതിനാല് ഇന്ത്യ നിരോധിച്ചത് ഇയ്യിടെയാണ്. 2020 ന് ശേഷം 385 ചൈനീസ് ആപ്പുകളാണ് ഇന്ത്യ ഇത്തരത്തില് നിരോധിച്ചത് എന്ന് കാണുമ്പോള് രാജ്യസുരക്ഷക്ക് തന്നെ ഭീഷണിയായി ആപ്പുകള് മാറുന്നു എന്നതിന്റെ തെളിവാകുന്നു. കോടിക്കണക്കിനാളുകള് ഇന്റര്നെറ്റ് ഉപയോഗിക്കുന്ന ഇന്ത്യയില് വ്യക്തി സുരക്ഷിതത്വം ഉറപ്പുവരുത്തേണ്ട മേഖലയായി മൊബൈല് ആപ്ലിക്കേഷനുകള് മാറിയിരിക്കുന്നു. നമ്മുടെ കേരളത്തിലെ മൊബൈല് സാന്ദ്രത 100 പേര്ക്ക് 95.7 ആയതിനാലും 2018 ല് 280 സൈബര് കേസുകളില് ഉള്ള കേരളത്തില് 2021 ല് അത് 903 ആയി വര്ധിച്ച വലിയ ഭീഷണി നിലനില്ക്കുന്നു. ആന്ഡ്രോയ്ഡ് ഫോണില് നിന്നും 61 ശതമാനം വിവര ചോര്ച്ചയും ആപ്പിള് ഐഫോണ് നിന്ന് 36 ശതമാനം വിവര ചോര്ച്ചയും ഉണ്ടായി എന്നത് ഇതിനോട് ചേര്ത്ത് വായിക്കാവുന്നതാണ്.
#truecallersettings #truecallerapp #application