Keta Laran Susar - Mateus

Copyright Quiz Worx Inc.
Translation & Voiceovers by Scripture Union Timor-Leste.
Tradusaun i Gravasaun ho lian Tetun hosi Uniaun Biblika Timor-Leste.
Mateus 6:25-34
25“Hau hatete ba imi,
keta preokupa kona ba imi nia moris,
saida mak imi atu haan ka hemu ka hatais.
Laos moris nee importante liu duke hahaan ka ropa?
26Hateke ba manu fuik sira iha loro leten nebee
la kuda I la koelheta, i la halibur hahaan iha armazen,
maibee imi nia Aman iha lalehan tau matan ba sira.
Laos imi importante liu duke manu fuik sira nee?
27Imi nia preokupasaun bele aumenta imi nia tempu moris?
28Tanba saa imi preokupa kona ba ropa?
Hateke ba oinsa ai-funan sira moris iha ai laran.
Sira la servisu makaas i la suku,
29maibee Hau hatete ba imi:
Salomão ho nia gloria hotu mos
la hatais ropa furak hanesan ai funan sira nee.
30Se Maromak foo hatais ai funan sira nebee ohin iha i aban soe ba ahi,
saa tan imi, Nia sei tau matan liu ba imi.
Tanba saa imi nia fiar la metin nunee?
31Keta preokupa i husu ba imi nia aan,
‘Ita atu haan saida? Ita atu hemu saida? Ka ita atu hatais saida?
32 So ema nebee la konhese Maromak mak sempre buka buat sira nee.
Imi nia Aman iha lalehan hatene katak
imi presiza buat sira nee hotu.
33Maibee buka uluk Maromak nia reinu no moris loos,
mak Maromak sei foo ba imi buat sira nee hotu.
34Keta preokupa kona ba loron aban, tanba loron aban iha ninia susar rasik.
Susar ba loron ida natoon ba loron ida.”