Konjonkti/ Ensekirite/ MJSP - Nòt

Ministè Jistis ak Sekirite piblik mande diferan kò ak enstitisyon ki nan sektè jistis la, pote kontribisyon yo nan kad batay kont gang kriminèl yo, jan arete sou etadijans nan divès komin nan depatman Lwès ak Latibonit lan mande sa.
Responsab yo fè referans ak atik 55 lwa 20 novanm 2007 la sou estati majistrati a ki fè konnen, n ap site : « Jij ak ofisye ministè piblik yo kapab òganize yo pou fè pase revandikasyon yo, sepandan, sa pa dwe anpeche sistèm jistis la fonksyone. Majistra sa yo pa gen dwa antreprann okenn aksyon ki antrave lajistis oubyen redui dwa sitwayen yo ».
MJSP mande komisè gouvènman ak sibstiti komisè yo nan divès jiridiksyon yo nan peyi a pou mete yon bout nan mouvman grèv y ap fè pou pa afekte sistèm jistis la sitou nan peryòd etadijans lan.