Kronikë e RTSH KORÇA për ekspozitën "Mbrojtja e të drejtave të fëmijve dhe të rinjve"

Kjo mështë kronika që përgatiti gazetarja Eftiola Fili nga RTSH Korça mbi aktivitetin kulturor të organizuar nga ABC TIRANA CLUB.
Këtë fundjave (28.09.2024) ne mjediset e RTSH Korça u çel ekspozita e arteve pamore “Mbrojtja e të drejtave të fëmijëve dhe te rinjve"
Ekspozita është sinergji krijuese me tematikë mbi mbrojtjen e të drejtave të të rinjve dhe fëmijëve, fabula që i kanë ngacmuar më shumë në shprehjen artistike.
30 autorët sollën përmes gjuhës artistike problematika të ndryshme në fushën e mbrojtjes së të drejtave të të rinjve dhe fëmijëve, një qasje e veçantë për të tërhequr vëmendjen e publikut në tërësi, por dhe të autoriteteve, drejtorive arsimore, ojf-ve, medias etj.
Ekspozita u organizua nga ABC Tirana Club me financim të Agjencisë për Mbështetjen e Shoqërisë Civile, AMSHC, në kuadër të projektit “FQINJËT”, Edicioni 6, si një projekt konkret i të rinjve për të rinjtë.
Qëllimi parësor është nxitja për mbrojtjen e të drejtave të tyre në përgjithësi, përmes promovimit të talenteve të reja në art dhe trashëgimi kulturore; si dhe mbështetjen e krijimtarisë dhe protagonizmit artistik të të rinjve, për të pasuruar agjendën artistike në komunitet, në favor të edukimit kulturor të publikut; forcimin e urave të kooperimit mes vendeve të rajonit.
Autorët e punimeve janë nxënës të talentuar nga shkollat në bashkinë e Korçës, si "Sevasti Qiriazic ", "Faik Konica", "Demokracia", "Vashtëmi", "Avdulla Asabella", "Goskovë", "Omiros", "Shëngjergj", "Mësonjëtorja e Parë Shqipe" dhe Kolegji “Preka”.
Partner mediatik në realizimin e këtij projekti është RTSH Korça.
Autoret, te cilet punuan nen kujdesin e piktorit Romi Kallco, ishin: Aida Terpollari, Ajla Bejkollari, Aleksi Alo, Amelda Rezhda, Ana Kodra, Anastasia Plasari, Arbri Kreka, Arilena Azo, Desara Tairi, Donela Shabanllari, Ekaterina Bendo, Elizabet Sheremeni, Erika Dimitrula Berlat, Françeska Proko, Joana Deka, Jonel Killo, Joria Andoni, Klegis Stiko, Kristina Zakolli Lazari Jovan
Livia Gjergjo, Marilja Sanço, Miledi Veli, Natali Qirinxhi, Rajna Kokona, Sara Kordalli, Selena Viero, Sonet Demiri, Theodhora Velo, dhe Xhoela Hoxhalli.
Në muajin tetor ABC Tirana Club do të rikthehet sërish në Korçë, me koncertin pianistik “Fqinjët”.
Performatorë do të jenë studentë artistë nga Maqedonia e Veriut, Kosova, Mali i Zi dhe Shqipëria, (ku përfaqësuesi nga vendi ynë do të jetë nga qyteti i Korçës). Në repertorin e pjesëve pianistike që do të luhen, do të jenë krijime nga autorët më të njohur evropianë, por dhe nga kompozitorët e vendeve të rajonit, një sinergji artistike që do barti dhe mesazhe për forcimin e bashkëpunimit rajonal, po ashtu dhe për përshpejtimin e procesit të integrimit evropian.