#طاكوس

#طاكوس غراتيني#خبز الصاج #خبز الطاكوس#الصلصة الجزائرية #صلصة الجبن
خبز الصاج :
حوالي 3كؤوس تع 250غ
مع مغرف صغير ملح مغرف صغير خميرة الخبز
2مغارف صغار سكر
نطم بكاس وربع ماء حوالي 300ملل اكتر أو أقل المهم جي شوية تتلاسق نعجنها 10د كي لمسمن ونقرصها 8دويرات 90غ .نخليهم 2ساعات ندهنهم بالزيت باش ميدربهمش الريح .
السوريين يدهنوا غير بالماء الطاجين و العجين كي يحلوه لكن هما عندهم واحد المخدة يحبوا فوقها .احنا نحلوه كما نحلوا المسمن بقطرة زيت .
ملاحظة:خبز الصاج كي نڨرتينيه في الفور مييبسش يجي طري .
المواد لي كفاوني 7اشخاص
نص بارا تع فرماج رابي نسكرفجها درت داخل الطاكوس وبرا الطاكوس وفي الصلصة الجبنية.
_عندنا الصلصة الجزائرية هي لي نبداو ندهنوا بيها الخبز
هادا رابط فيديوا تع الصلصة الجزائرية • راو جاي صيف نبداو ليسن...
_عندنا الفريت نقليوها حوالي 7حبات كبار
_عندنا الشاورما شريت قيس 90الف باش تكفي 7اسشخاص .
_عندنا الشاورما "درناها مغرف صغير ملح مغرف صغير فلفل احمر رشة فلفل اسود 2مغارف صغار راس الحانوت مغرف صغير مطارد او ليمون او خل مع علبة ياهورت طبيعي ان وجدت هو مغرف صغير طماطم علب مغرف صغير كمون 2فصوص توم شوية زيت ونخلط .
الصلصة الجبنية لي نديرها في الاخير:3كيسان حليب مع 2مغارف ونص مايزيينة مع مغرف صغير ملح رشة فلفل اسود رشة راس الحانوت و 10حبات فرماج نخلط نحطهم فوق النار حتي يغلي مع التحريك نرمي 2حفنات فرماج رابي ونخليه لازم القوام تاعوا اكون سائل كي نجي نخدم بيه الا لقيتوا جامد نضيف لحليب ونحرك حتي يولي جاري شوية .
متنساوش تخلوا شوية الصلصة الجبنية لي نديرها ملفوق مع فرماج رابي.
هادي كامل كفاتني ل7طاكوس غراتيني .
متنساوش متابعة ولايك وتعليق
صلوا علي رسول الله ❤️❤️❤️

[@asmaassouma2820]

يبان خفيف و بنين شكرا على الوصفة ان شاء الله نجربو ❤