أعطال إبرة الغاز داخل السخان وحل مشكلة ( تنقيط المياه )وطريقة فك وتغيير هذه الابره

حل مشكلة تسريب المياه في سخان الغاز
من الأعطال الغير منتشره بكثره داخل سخانات الغاز هي مسألة تنقيط أو تسريب المياه من أسفل مجموعة المياه داخل السخان ، في هذا الفديو سنتعلم معا طريقة فك وتغيير أبرة الغاز بمنتهى السهوله ، وأهم الأعطال التي تواجهنا عند تلف هذه الابره ..

[@user-xe4xi9oo8r]

بارك الله فيكم وجزاكم الله خيرا يا باشمهندس

[@fakar-tafham]

متشكر جدا لحضرتك ويسعدنا انضمامك للقناة ومتابعتك لنا

[@abdellahmouslim1317]

من المغرب الحبيب لك تحياتي وتقديري مع اجمل المتمنيات واشكرك جزيل الشكر على ما تقدمه من فيديوهات مفيدة لعامة الناس=زادك الله علما وفهما ونورا = أسأل الله عزوجل ان يحفظك من جميع شر خلقه = احبك في الله بارك الله فيك ودمت في أمان الله ورعايته والسلام ختام

[@fakar-tafham]

بارك الله فيك أخي العزيز ، ولقد تشرفت بمتابعتك لي ، تحياتي لك ولأهل المغرب الحبيب جميعا ، وشكرا لك على هذه الكلمات الجميله التي أسعدتني

[@amrnasr3453]

الله ينور

[@user-ch1uy7kt3h]

كالعادة شرح بسيط وجميل 😌💙

[@user-gw6lo4xx3j]

جزاكم الله خيرا على الشرح المفصل والدقيق والأمانة فى تقديم المعلومة ربنا يجعله فى ميزان حسناتك شرحك المفصل خلانى اشترك فى قناتك

[@fakar-tafham]

ربنا يبارك في حضرتك ويسعدنا جدا متابعتك لنا

[@ramyeagle2486]

انت انسان محترم وفاهم

[@fakar-tafham]

متشكر جدا لحضرتك على الكلام الجميل ده ، وسعيد جدا بمتابعتك لي ، ربنا يجعلنا عند حسن ظن الجميع ..

[@mostafaali-jr9ui]

الله ينور عليك يا هندسة

[@hammamiramzi9179]

الله يرحم والديك

[@konnasha]

جزاك الله خيرا شرح رائع

[@mandoeleas8882]

مجهود رائع وشرح مميز نتمنى المزيد

[@fakar-tafham]

متشكر جدا لذوقك

[@sko5851]

ماشاء الله عليك شرح سهل ومبسط ربنا يبارك فيك وبالتوفيق

[@fakar-tafham]

متشكر جدا ربنا يبارك في حضرتك

[@aliradwanibrahim]

شكرا لتعبك ومجهودك ارجو ان ترشح لي سخان غاز 10 لتر ويكون سهل الصيانة وشغله ممتاز بدون اعطال

[@fakar-tafham]

بدايةَ لا يوجد جهاز سواء سخان أو غساله أو أي جهاز آخر لا يوجد له أعطال ، ولكن يوجد بعض الفروقات بين تلك الانواع وبعضها من حيث الأداء العام وسهولة الإستخدام وتوفر قطع الغيار ، وخدمة ما بعد البيع في حالة إحتياج الجهاز للصيانه ، ويوجد في السوق أنواع كثيرة لكل منها مميزات وعيوب يختلف بها عن الآخر ، وأفضل تلك الأنواع من حيث الأداء وطول العمر الإفتراضي هو سخان " كريازي " ( شرط أن يكون من الموديلات التي تعمل على جلدة رداخ ) ويجب التأكد من ذلك قبل عملية الشراء ، ويليه في المرتبة الثانية سخان اوليمبيك ، ولكن إن كنت تبحث عن خدمة ما بعد البيع فأفضل تلك الشركات هي شركة العربي ( سخان تورنيدو ) ومن حيث توفر قطع الغيار فكل السخانات التي تعمل على جلدة الرداخ تتوفر قطع غيارها بسهولة في السوق بصرف النظر عن الماركة والموديل ، ويجب الأخذ في الإعتبار أن تلك الإجابة ترجع للقناعة الشخصية وتعبر عن وجهة نظري التي قد يختلف معها بعض الفنيين "وفي النهاية يشرفنا جدا متابعتك لنا "

[@khalidhadi8434]

السلام عليكم الله يعطيك الصحة ويبارك فيك علي المعلومات القيمة نبارك الله عليك

[@fakar-tafham]

ربنا يبارك في حضرتك ، متشكر جدا على ذوقك

[@fahdfahd-xh2hr]

احلا شرح والله ربنا يبارك فيك

[@fakar-tafham]

متشكر جدا لحضرتك

[@alijdidi4895]

جميل جدا

[@mohamedhelal1690]

معلم وشكرا لكم

[@fakar-tafham]

متشكر جدا لحضرتك ويشرفنا متابعتك لنا

[@sherifafify633]

اللة يكرمك علىالشرح ممكن تعملنا شرح عن اعطال سخان كريازى إلى بدون جلدة رداخ

[@fakar-tafham]

إن شاء الله قريبا أحاول أوفر سخان من هذا النوع وأقوم بشرحه بالكامل

[@kamelselim9266]

جزاكم الله خيرا

[@fakar-tafham]

متشكر جدا لحضرتك ويسعدنا إنضمامك للقناة

[@shad8amahmoud129]

ما شاء الله

[@Finioubricolage]

تحياتي

[@mahmoudharron5914]

❤❤❤❤

[@hamzaprof6765]

اخي الكريم من خلال تجربتك ماهي اهم الاسباب التي تؤدي الى انفجار انابيب الماء بعد إستعمال سخان وغلق الحنفية

[@fakar-tafham]

هذه المشكلة لها عدة أسباب ، أول الاسباب هو ضعف وصلات المياه وانتهاء العمر الافتراضي لها بحيث لم تعد قادرة على تحمل ضغط المياه الساخنة ، وإما بحدوث مشكلة داخل السخان أدت إلى عدم فصل السخان بعد غلق الحنفية مثل تلف جلدة الرداخ أو تعليق صمام الغاز ( الكويل ) بحيث لم يعد يغلق مسار الغاز بعد غلق الحنفية ، وهناك سبب آخر وهو تلف أو الغاء وسيلة الأمان داخل السخان مثل الثرموديسك فعند ارتفاع درجة الحرارة لأي عارض لم يشعر الثرموديسك بتلك الحرارة الزائدة حتى يقوم بغلق صمام الغاز أو الكويل

[@ashrafalsedawy999]

السلام عليكم فى الحقيقة شرح مبسط وبطريقة علمية انا عندى سخان غاز ايديال 10لتر مشكلته يشتغل ويفصل على طول حلوله ولو امكن تليفون حضرتك اكون شاكر

[@fakar-tafham]

أولا متشكر جدا على ذوقك ، ولكن حتى أستطيع أن أجاوب على أسباب تلك المشكلة بطريقة صحيحة أحتاج من حضرتك وصف للمشكلة بالتفصيل مثلا هل السخان مزود بشاشة والارقام بتوصل لحد كام عند الفصل ، وهل يوجد صوت تشريز بإستمرار أثناء وبعد عملية الاشتعال ، وهل السخان شغال على حجارة أم شاحن

[@ashrafalsedawy999]

العطل اللى فى السخان عندى هو مجرد يشتغل يطفئ فى نفس اللحظة غ غيرت السويتش وعملت شاحن 3فولت وسنفرت حساس الحرارة واختبرت الكارتة السخان هوايديال 10 بدون شاشة وبيعطى شرز لمدة 3ثوانى

[@fakar-tafham]

@@ashrafalsedawy999 جرب تغيير السلونايد ( كويل الغاز ) وحاول حضرتك تسمع الفديو ده غالبا هتلاقي فيه حل لمشكلتك kzbin.info/www/bejne/eIqnZYlrlLKgarc

[@ashrafalsedawy999]

السلام عليكم فعلا اتضح العيب من الطويل استبدله واشتغل السخان ..جزاك الله كل خير وجعله فى ميزان حسناتك

[@fakar-tafham]

@@ashrafalsedawy999 متشكر جدا لحضرتك ويشرفنا متابعتك لنا

[@mezo5306]

لو سمحت لوسخان بيطلع صاروخ نار من عند المكان اللي شاورت عليه عند الميكرووسيتش , هل ده له علاقة بالابرة بردوا ؟

[@fakar-tafham]

لو الابرة اتغيرت قبل كدة يبقى الاولسيل الخاص بالابرة لم يتم تركيبة بصورة صحيحة ، يوجد في نهاية طرف ابرة الغاز من الداخل بعد السوستة اولسيل صغير يمنع مرور الغاز الى داخل مجموعة المياه او الميكروسويتش يجب التأكد من تركيبة عند استبدال الابرة

[@Hamza-xe1sc]

عندي سخان تورنيدو 10 لتر بينقط مياه من المصوره الرفيعه اللي في مجموعه المياه اللي حضرتك فكيتها كده المشكله ايه والفني اللي هيصلحه بتاع شركه الغاز ولا الشركه المصنعه وشكرا

[@fakar-tafham]

حضرتك تقصد وصلة الفايظ ؟ دي لو بتسرب مياه بشكل متقطع وغير مستمر فهذه لا تعتبر مشكلة ، وده يعتبر بسبب ضغط مياه شديد على السخان ، أما اذا كان تسريب المياه بصورة مستمره فيجب تنظيف مجموعة المياه وربط مسمار الرجلاش الذي بداخل وصلة الفايظ بشكل تدريجي ، والأفضل الذي يقوم بعملية الصيانة هي شركة توشيبا العربي (تورنيدو ) وليس لشركة الغاز دخل بعملية الصيانة إطلاقا

[@moroshdy4512]

جزاك الله خيرا ممكن اعرف سعر الابرة دي كام لو سمحت

[@fakar-tafham]

سعر الشراء في السوق يتراوح مابين 20 إلى 25 جنيه ولكن تغيرها يختلف في السعر ، والأمر متروك لتقدير الفني الذي يقوم بإصلاح الجهاز أو على حسب الإتفاق مع العميل

[@randayoussef3874]

طب لو سمحت ممكن ترد عليا ضروري يعني لو اشتغل وهو بينقط فيه خطر

[@fakar-tafham]

لا يوجد خطر بقدر ما هو شئ يضر أجزاء السخان المختلفه وأولها سيتسبب بتلف الميكروسويتش على المدى البعيد ثم يتعطل السخان بالكامل ( ولكن من الوارد أن يظل يعمل السخان بصوره طبيعيه لمدة طويله دون أن يتسبب تسريب المياه هذا في مشكله ملحوظه) والأفضل تغيرها ..

[@sarracuta]

الطبق منقوب . ايه السبب؟

[@fakar-tafham]

أحيانا يتم ثقب الطبق الذي يوجد خلف جلدة الرداخ بسبب انتهاء العمر الافتراضي له وكثرة استعمال السخان ، ويجب إستبداله بطبق جديد نفس القطر والمقاس ، وأحيانا يكون السبب هو ثقل في حركة إبرة الغاز وزيادة الضغط على الطبق وفي هذه الحالة يجب استبدال الابره أيضا مع الطبق

[@dodoman2081]

عندى سخان تورنيدو ١٠ لتر السخان مش بيفصل حتى لو قفلين الخلاطات وفى تنقيط

[@fakar-tafham]

مشكلة في جلدةالرداخ أو الميكروسويتش ، جرب تغيير جلدة الرداخ الأول ، أما بالنسبة لمشكلة تنقيط المياه فلو المياه بتنقط من ناحية الميكروسويتش فده بسبب تلف إبرة الغاز ولازم تتغير ودي بتبقى موجودة داخل مجموعة المياه أسفل جلدة الرداخ

[@dodoman2081]

السوتش بايظ هغيرو

[@mohamedsabry6836]

حضرتك سخان غاز زانوسى 5 لتر بدون مدخنه مشكلته انه بيشتغل والمياه مقفوله والسويتش يغضل معلق ولازم اشيل الشاحن وافصل الغاز

[@fakar-tafham]

دي مشكلة في جلدة الرداخ ويجب تغيرها وتنظيف مجموعة المياه من الداخل

[@mohamedsabry6836]

@@fakar-tafham شكرا لحضرتك بس انا غيرت جلدة الرداخ ونظفت وشحمت السوسته واشتغل تمام بس بعدها باسبوع رجع تانى يشتغل واقفل الحنفيه يفضل شغال اشيل الشاحن ولو حطيته تانى السخان يشتغل والحنفيه مقفوله

[@fakar-tafham]

في الحالة دي يوجد احتمالين لا ثالث لهما ، الاول تلف الميكروسويتش وهتحتاج تغيره كامل بالصاجه الخاصة به ، الاحتمال الثاني تلف جلدة الرداخ مره أخرى لأي سبب من الأسباب ، أولا قم بتغيير الميكروسويتش وجرب هتتحل المشكلة أم لا إن لم تحل المشكلة فقم بتغيير الجلدة ولكن حاول أن تختار نوعية جيدة

[@nassimrida2012]

ياأخي أريد أن أسألك لدي مشكل في سخان 10لتر بالبطارية يعني يعمل بشكل عكسي عند فتح الحنفية لا يشتعل وعند الغلق يشتعل ثم بعض ثوان ينطفء

[@fakar-tafham]

إذا كان هذا العطل عطل جديد ، بمعنى انه لم يقم أحد بعمل صيانه للسخان قبل ظهور هذا العطل مباشرة ولم يقم أحد بتبديل مداخل المياه للسخان فعليك بتغيير جلدة الرداخ أولا والتأكد من صلاحية الميكروسويتش ثانيا ، وده رابط الحلقه الخاصه بتغيير جلدة الرداخ kzbin.info/www/bejne/mnu2f5yYptR6gpI

[@hassananwer7355]

يا اخي ياريت تعرفني ايه سبب ان السخان بيسخن المياة في ٦ ثواني وبعد كده بيطفي

[@fakar-tafham]

أولا كنت محتاج أعرف من حضرتك نوع السخان ايه ؟ وكام لتر تحديدا ، وذكر المشكله بالتفصيل ،حتى أستطيع تحديد العطل بالظبط ، بس لو قصدك ان السخان بيشتغل لمده ثواني ويفصل بعد كده فأول حاجه لازم تتأكد منها هي حساس الاشعال اللي جنب شمعات الاشعال ممكن تصنفره بورقة صنفره ناعمه أو سلك تنظيف ناعم تاني حاجه لازم تتاكد منها هي صلاحية صمام الغاز (السلونايد) وأنصحك تراجع الحلقه دي أكيد هتلاقي فيها حل لمشكلة حضرتك kzbin.info/www/bejne/eIqnZYlrlLKgarc

[@user-gw6lo4xx3j]

لو ممكن سؤال لحضرتك انا عندى اشتريت شاحن توفيرا للحجارة وللأسف السخن يعمل شرز وما يحدث اشتعال فى حين جربت الشاحن على سخان اخر اشتغل عادى فممكن اعرف ايه سبب ان الشاحن ما بيشغل السخان عندى ولما اشغله على الحجارة يشتغل عادى خالص وشكرا لحضرتك

[@fakar-tafham]

من الممكن أن يكون الفولت والأمبير بتوع الشاحن غير متوافق مع نوعية السخان الذي عندك ، ويبدو أن الامبير ضعيف لا يستطيع تشغيل ملف وصمام الغاز في سخانك ، حاول أن تجرب نوعية شاحن مختلف

[@hamedremejiji]

ازاى تخلى السخان يشتغل على ضغط ماء اقل ؟

[@fakar-tafham]

مبدأيا كل سخانات الغاز التي تعمل على (جلدة رداخ ) يجب أن توفر لها ضغط مياه مناسب وقوي حتى تعمل بصوره صحيحه ، وأيضا يفضل أن يترك السخان يعمل على نفس الضغوط التي أقرتها الشركة المصنعه للسخان وذلك للأمان ، وهذا يختلف من سخان الى آخر ، ولكن هناك عدة خطوات ممكن أن تجعل السخان يعمل على ضغط مياه اقل نسبيا من الطبيعي ، لو متوفر مسمار رجلاش على الصاجه المثبت عليها الميكروسويتش ممكن تفك المسمار قليلا ده بيخلي الميكروسويتش يفتح معاك بسرعه ولا يحتاج الى ضغط مياه قوي ، الخطوه الثانيه ممكن تظبط اكرة ضغط المياه على ضغط المياه المنخفض ده بيخنق مرور المياه من السخان ويخليه يشتغل على الضغط المنخفض ودي بتبقى الاكره اللي على اليمين ، الخطوه الثالثه لازم تبقى جلدة الرداخ سليمه حتى يعمل السخان على ضغط المياه الطبيعي ولو كان مر علي تغييرها اكتر من سنه يبقى لازم تتغير وتستبدل بجلدة جديده

[@user-iu5ft4he8x]

ماشاء الله تبارك الله عليك ربنا يوفقك لما يحبه ويرضاه

[@fakar-tafham]

اللهم آمين ، ربنا يبارك فيك

[@hishamahmad6576]

ممكن رقم حضرتك يا غالي عشان عندي مشكلة في سخان غاز يونيفرسال 10 لتر ان الابرة مش بترجع رغم غلق الحنفية وشكرا جزيلاً

[@fakar-tafham]

هذه المشكلة غالبا بسبب تلف جلدة الرداخ أو تلف الصاجة الخاصة بالميكروسويتش وأخيرا يمكن أن يسبب تلف الابرة أيضا هذه المشكلة ولكن ابدأ بتغيير جلدة الرداخ أولا

[@hishamahmad6576]

@@fakar-tafham انا بالفعل غيرت الابرة وجلدة الرداخ والسويتش ومازالت المشكلة ولكن لما بقفل المية عن السخان واشغل الحنفية ثانية بترجع تاني وبصراحة العيب ده مش لاقي له حل ابدا

[@fakar-tafham]

@@hishamahmad6576 للأسف في هذه الحالة قد تحتاج الى فني للنظر والبحث في سبب المشكلة لأن الوصف غالبا لا يكون مثل معاينة السخان بالعين ، كنت أتمنى أن أستطيع أن افيدك ولو بشكل بسيط

[@user-zs6gs1in5h]

حضرتك لما جيت تركب الابره كان الاولسيه اللي فوق السوسته راكب ولا بتعتمد علي القديم

[@fakar-tafham]

لو حضرتك تقصد الاولسيه اللي ظاهر في الصوره المصغره بتاع الفديو أسفل السوسته ، فأنا فعلا ركبت الابره من غيره لأن الاولسيه القديم راكب مكانه في مجموعه الغاز من الداخل ، ولا أحتاج لتغييره مع الابره لإن الاولسيه ده خاص بالغاز وليس له علاقة بتسريب المياه فلا أحتاج لتغيره ..

[@mostafamahmod9175]

عندي مشكله في سخان تورنيدو عند تحوله لغاز طبيعي مش رادي يسخن المياه والشعله ضعيفه جدا قمت بتوسيع الفونيا الي اكبر مقاس ونفس المشكله النار ضعيفه وعند مراجعه الضمان قالو لازم تغيير الجزره عشان هو مصمم علي غاز الاسطوانه فهل عند حضرتك شرح لحل المشكله دى

[@fakar-tafham]

بالفعل توجد أنواع من سخانات (تورنيدو العربي ) الحديثه صممت خصيصا للعمل على غاز الأنبوبه وأخرى صممت للعمل على الغاز الطبيعي ، وعلشان أحولها من غاز أنبوبه لغاز طبيعي لازم أغير الفواني أو يتم توسعتها ويتم تغيير المحبس الخاص بالغاز في السخان أيضا ( المحبس اللي بيتحكم في مستوى اللهب أو الشعلات )، وده علشان قطر الجزره بتاع المحبس اللي بيبقى راكب في السخان اللي اتصمم للعمل على غاز الانبوبه مختلف عن المحبس اللي موجود في السخان اللي اتصمم للعمل على الغاز الطبيعي ، يعني مش كفايه توسيع الفواني ( والحل إن حضرتك تكلم شركة توشيبا العربي علشان يغيرولك المحبس كمان والمشكله إن شاء الله هتتحل )

[@mostafamahmod9175]

@@fakar-tafham طيب لو عايز اعمل انا الموضوع ده بنفسي ممكن حضرتك تفيدني بايه قطع الغيار الي هشتريها واسمها ايه وقطرها كام بعد ازنك

[@fakar-tafham]

حضرتك لو عميل لسه مشتري السخان الأفضل أن تتصل بالشركه لان قطعة الغيار دي بتبقى متوفره في الشركه بنفس المقاسات والمواصفات الفنيه المطلوبه بدون تعب ، لكن لو حضرتك فني أو عايز تغيرها بنفسك فحضرتك هتفك المحبس بتاع التحكم في الشعلات اللي هوا بيبقى ناحية اليسار من السخان وده بيبقى متثبت بمسمارين فوق الصمام بتاع الغاز مباشرة وتجيب واحد زيه من شارع نجيب الريحاني في منطقة العتبه ، وهتلاقي هناك توكيلات كتير بتبيع قطع غيار شركة توشيبا العربي ( ولو كان متوفر هنا في التعليقات ميزة رفع الصور كنت أرفقت لك صوره للمحبس ولمكان التركيب )

[@iskenderyurdal9538]

من فضلك كم يبلغ طول انبوب الماء الذى يلف حول موقد النار ليسخن الماء وايضا قطره اذا ممكن ....مع احترامى

[@fakar-tafham]

عذراَ أخي لم أفهم السؤال بالضبط ، ولكن إن كنت تقصد مجموعة المواسير النحاس المسماه (السربنتينه ) التي يجري من خلالها الماء داخل السخان فإنه من المعروف أن لكل موديل من السخانات له مواسير خاصه به مختلفه في الطول والقطر ، وغالبا السخان 10 لتر يبلغ قطر المواسير الخاصه به نصف بوصه تقريبا أما السخان ال 6 لتر فتكون قطر المواسير تقريبا 3/8 أما طول تلك المواسير فتختلف من سخان لآخر

[@user-kd2lb4qj2d]

صباح الفل يا باشمهندس.. أنا اشتريت فريش 10 لتر على اساس ان سربنتينته نحاس.. لكن قيل انها المونيوم.. هل اغيره بتورنيدو... أنا لسة مافتحتوش؟

[@fakar-tafham]

صباح النور .. بالنسبة للسخان الفريش فهو من الانواع الجيدة ولكنه طبعا ليس أفضل الأنواع ومن المعروف أن لكل سخان عيوب وومميزات تميزه عن الآخر ولا يوجد سخان غاز في السوق خالي من العيوب تماما ، أما بالنسبه لمسألة أن (السربنتينه) الخاصه بالسخان الفريش مصنوعه من الالومنيوم بصراحه هذه معلومه لم أسمعها من قبل في أي سخان غاز ولا أستطيع التأكد منها الآن ، فكل السخانات التي رأيتها في السوق المصري مواسيرها مصنوعه من النحاس حتى أرخص الانواع منها كذلك ، والافضل ان تكلم خدمة العملاء على الخط الساخن لشركة فريش وتتأكد بنفسك من هذه المعلومه

[@hebaabdelrahman2418]

السلام عليكم انا عندى تنقيط من أنبوبة نازلة من المربع ال راكب فيه جلده الرداخ التنقيط ده بيظهر فقط فى ايام الجو الساقعة وبعدين يختفي ويظهر تانى فى اوقات الجو الساقعة والباردة لكن مفيش تنقيط نهائي تحت السوتش

[@fakar-tafham]

وعليكم السلام ، التنقيط من الوصلة التي توجد أسفل مجموعة المياه شئ طبيعي لا يدعو للقلق لأن هذه الأنبوبة النحاسية تسمى وصلة الفايظ تم تصميمها في سخان الغاز لتسريب ضغط المياه الزيادة

[@hebaabdelrahman2418]

@@fakar-tafham هى أنبوبة مفرغة ونازلة من مربع جلدة الرداخ

[@fakar-tafham]

دي وصلة الفايظ لتسريب ضغط المياه الزائد

[@hebaabdelrahman2418]

@@fakar-tafham هل المفروض تفضل تنقط باستمرار طول ما الجو بارد لأنها نقطت وبعدين اختفت وبعدين رجعت نقطت تانى ولم تنقطع حتى الآن بقالها اسبوع بتنقط من نقطتين إلى تلات نقط فى اليوم كله فهل ده عادى ولا أصبح فى مشكلة

[@fakar-tafham]

طبيعي لو فيه عندك ضغط مياه زائد أو وجود متور مياه في المنزل ، وممكن حضرتك تربط مسمار الريجلاش الموجود داخل الوصلة من الاسفل تربطه بمفك تست أو مفك عادة صغير هيمنع تنقيط المياه

[@aligomaaali7736]

السوتش لا يغلق للاخر عند رجوعه ما هو العبب

[@fakar-tafham]

ده بنسبة 90% بيكون بسبب تلف جلدة الرداخ يجب تغييرها أولا ، والسبب التاني لو المشكلة متحلتش بعد تغيير الجلدة بيكون الميكروسويتش نفسه محتاج يتغير لان الصاجه بتاعته بتبقى فيها مشكلة ..

[@aligomaaali7736]

بشكر حضرتك شكرا جزيلا

[@fakar-tafham]

@@aligomaaali7736 يشرفنا متابعتك لي