Рет қаралды 6,202
رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
احمي نفسك من النرجسي مش من كل الناس
إحنا تكلمنا في الحلقات إللي فاتت عن الحدود إزاي نحط حدود وقلنا إنه لازم تكون حدودنا صحية يعني إيه حدود صحية وحدود مش صحية في كتاب شفاء الطفل الداخلي لروبرت جاكمان بيتكلم عن أنواع الحدود الغير صحية أول نوع من الحدود الغير صحية بيتكلم عنها روبرت الحدود الفقاعية
هو بيقول إن الناس إللي عندهم حدود فقاعية بيبقو ماشيين في حياتهم كأنهم لابسين دروع حربية لكنها دروع حربية عاطفية عشان يحموا نفسهم ومشاعرهم ومستعدين في أي لحظة يدخلوا معركة هما متخيلينها ومستعدين لها في دماغهم الناس دي الجزء المجروح عندهم لسة مخفش لسة عندهم جروح الطفولة بتؤلمهم وبتخوفهم ومش قادرين يتخلصوا من تأثيرها حتى لو كانوا مش مدركين لوجود الجروح نفسها ، حالات كتير بتيجي تقولي أما نيجي نعمل التفريغ الوجداني أنا طفولتي كانت سعيدة أنا طفولتي كانت طبيعية جدا أنا ما عانتشي من أي حاجة في الطفولة ومع ذلك هي عندها انفصال عن نفسها لما بنيجي نعمل تمرين عشان نعرف علاقتها بنفسها بنلاقيها مش عارفة نفسها فعلا ولما نيجي نفرغ بنلاقي إنه مفيش أي ذكريات في الطفولة ذكريات الطفولة ممسوحة تماما فدة معناه إنه فيه صدمات الذاكرة خبتها عنها وفي نفس الوقت لسه أثرها موجود هي عندها مشاعر حزن وغضب ولوم نفس وهي مش فاهمة إيه سبب المشاعر دي الفكرة إنه سبب المشاعر هي الصدمة إللي اتنست وده لازم يتعالج هو ده إللي إحنا بنقول عليه إيه الجزء المجروح في نفسك إللي لسة ماخفش ، طيب نرجع للحدود الفقاعية
الحدود الفقاعية قوية وهشة في نفس الوقت مرنة وجامدة يعني إنت بتحطي مسافة بينك وبين الناس لكن في نفس الوقت إنتي حابة تقضي وقت معاهم تشاركيهم وتستمتعي بوقتك معاهم بس في نفس الوقت بتبقي بتجزي على سنانك طول الوقت عشان خايفة من قربهم منك زيادة عن اللزوم الفقاعة إللي إنتي عاملاها حواليكي بتحسسك بالأمان والحماية طيب إزاي اتكونت الفقاعة دي إزاي حصل إنه إنتي عملتي الحدود دي
جاكمان بيقول ان أصحاب الحدود الفقاعية كونوها وهما بيحمو نفسهم من هجوم أفراد العيلة وهما أطفال لما كان الأب أو الأم أو القرايب بيعلقوا عليهم تعليقات عدائية أو بيحصل تنمر منهم أو لو كانت الأسرة فيها صمت مطبق زي الحياة مع النرجسيين الأطفال إللي بيكونوا الحدود الفقاعية دول ماشافوش في بيوتهم أي نوع من التعبير عن المشاعر فبالتالي هما مش بيعرفو يعبروا عن إللي حاسين بيه نهائيا وبسبب إنهم ماتعلموش التعبير عن مشاعرهم كبروا عندهم إهمال عاطفي وبنوا صورة تخيلية عن العالم حواليهم ، البيت كان بيلبي كل احتياجاتهم الأساسية من الأكل والشرب واللبس لكن ما كانش فيه أي تلبية للاحتياجات العاطفية أحيانا قلة التعبير عن المشاعر والفجوة العاطفية في حياة الطفل بيخليه يحاول يملأ الفراغ ده بحاجات تانية عشان يعوض النقص إللي عنده وده بيكون في أشكال مختلفة إزاي إن هي يعزل نفسه عن طريق الحدود الفقاعية او الحدود المتطرفة اللي حنقولها الحلقة الجاية ان شاء الله ، او انه يهرب من الواقع يعيش في عالم خيالي في دماغه أو الإدمان أيا كان بقى الإدمان ده إيه إدمان أصدقاء إدمان مخدرات إدمان قراءة إدمان جيمز وهكذا كل دي حاجات ممكن يلجأ لها الطفل المجروح عشان يخفف ألمه و بسبب فشل الأب والأم في تكوين روابط حقيقية بينهم وبين الطفل فده بيخليه لما يكبر يدخل كمان في أنماط تعلق غير صحية في أغلب الأحيان البيت الخالي من المشاعر والاحتواء العاطفي زي ما قلنا قبل كده بتكون الطريقة الوحيدة فيه للتواصل مع الطفل هي عن طريق الانتقاد المستمر وده بيخليه دايما يحس إنه غلطان ومش كفاية فيبدأ الطفل ينسحب و يبطل يدور على حنان الأب و الأم و يدخل جوه قوقعة خاصة بيه ويحيط نفسه بفقاعة حدودية تحميه وتطمنه لكن في نفس الوقت الفقاعة دي بتسبب له قلق وتوتر وربكة لإنها ضد فطرته وطبيعته وذاته الأصلية طيب صاحب الحدود الفقاعية دي بيعمل إيه بعد كده في حياته العاطفية
المشكلة الكبيرة بقى إن إللي بيحصل إن الكلام ده بينطبق على بعض الناس إللي مع نرجسيين سواء زوجة أو زوج مع نرجسي أو نرجسية بيعمل إيه بيدور على شريك غير متاح عاطفيا يعني شريك متجمد المشاعر زي ما بيقولوا عشان هو أصلا مش عايز يقرب قوي فيدخل في علاقة ميؤوس منها طبعا يعذب نفسه فيها شوية ويخرج منها تاني وده بنشوفه للأسف سواء في البنات او الأولاد على حد سواء يعني الزمن إللي إحنا فيه والانفتاح والكلام ده م بيسمح للبنت إنها تعمل ده فالبنت كمان بتعمل كده بتدخل في علاقات ميؤوس منها تعذب نفسها وتخرج تاني ونفس الكلام الشباب بيعمله يدخل في علاقات ميؤوس منها ويخرج منها الناس دي بتبقى محتاجة تعالج جروح الطفولة الناس دي إحنا مش مفروض إن إحنا نحكم عليهم ونكفرهم ونقول الناس دي رايحة جهنم لا الناس دي محتاجة تتعالج خدو بالكم أنا بتكلم عن الشباب الصغير إللي بادئ من ١٨ ل ٢٥ سنة الشباب إللي بيروح يدخل في علاقات هو لسة أصلا مش جاهز للعلاقة وخصوصا البنات إللي بتضيع لنفسها البنات دي محتاجة تتعالج البنات دي مش سيئة السمعة دي بتبقى من عائلات وبتبقى ولاد ناس وبتبقى أصلا أصلا كانت متدينة لكن هي عندها جزء نفسي متدمر ومحتاج يتعالج فالكلام هنا للآباء والأمهات عالجو اولادكم عالجو بناتكم مش تحبسوهم وتقفلوا عليهم وتعاقبوهم تشيلوا منهم ........ الباقي في اول تعليق
0:00-0:53 المقدمة
0:53-1:48 تعريف الحدود
1:48-2:19 هنتكلم فى ايه النهاردة
2:19-5:00 تعريف الحدود الفقاعية
5:00-6:00 أزاى الفقاعة أتكونت
6:00-11:03 نتائج قلة التعبير عن المشاعر و الفجوات العاطفية
11:03-14:05 لما صاحب الفقاعة يجرب يفتح حدوده
14:05-11:35 الخاتمة
#صحةـنفسية #القوة #الاكتئاب #النرجسي #النرجسية