حل مشكلة الدبل الخفيف للاند كروزر بطريقة ثانيه ( 2 )

[@borayyan85]

جزاك الله خير وبيض الله وجهك على نقل المعلومة ناس كثيرة تحتاج تعرف

[@mubarakalharbi6424]

الله يجزاك خير اول ما شفت المقطع وحطيته بN فصل ... شكرا

[@ابومحمدالمطيري-ش1ش]

mubarak alharbi // ويجزاك خير يالغالي والعفووو 🌹

[@علاءاحمد-ي5ج]

يا بعد قلبي راحت علامه صدقت والله عجزت علشان اسويها ،، ما بقى كراج ما راحت له كل واحد يقول شي ،،، دخلت يوتيوب شفت

[@fahadm3349]

الفيديو حل مشكلتي اليوم، شكرا لك من القلب

[@ابومحمدالمطيري-ش1ش]

العفووو يالغالي والحمدلله انها ضبطت

[@ferassalrehoodi8913]

😊شكراً لك جربته مرتين مازبطت 3 زبطت

[@محمدعبدالعزيز-ه1ب]

جزاك الله على هالمعلومة القيّمة 👍🏻🌹

[@mohamed-li2ol2jz8m]

عندي علامة الارباك تظهر أثناء التشغيل هل هذا يدل علي انه السياره فيها دعمه قويه لانه شريتها م ادري

[@shikahkalifa928]

يزاك الله الخير لان صادوني هاشي

[@tariqalosimi]

صحيح ظبطت معي👍🏻

[@ابومحمدالمطيري-ش1ش]

تـوِكس [ FM ] // الحمدلله انها ضبطت 🌹

[@alharthee]

جربت وزبطت معي بيض الله وجهك كنت بايضرب عندي فيوز من القهر

[@hamada8555]

شاكرلك ومنتن انقذتني اليوم 🙏🏻

[@ابومحمدالمطيري-ش1ش]

Hamad A // العفووو والحمدلله انها ضبطت 💐

[@rgaq8alotibi400]

قواك الله يالحبيب ضبطت وياي شكرا شكرا

[@ابومحمدالمطيري-ش1ش]

Rgaq8 Alotibi // الله يقويك العفووو يالطيب 💐

[@Salah-vq6mm]

يعطيك العافيه واستفدنه منك🌹

[@osamabenghryan9145]

هل الفوررنر تنجح معاها نفس الطريقة

[@عبدالمحسن-غ2ز]

عندي الاربي ام دائما على النص او قريب من الواحد اشوف صوت المكينة مرتفع وش تتوقعون السبب .!!؟

[@2008_someone]

شحم عمود الدفرنس ( الشفت الخلفي والامامي حق الدبل ) وتنتهي المشكلة ما يوصل قيمة تشحيمه ١٥ ريال سعودي هذي علامة سنسر نقص التشحيم لا تلعبوا بالمواتر وتخربوهم الله يجزاكم خير 👍🌹

[@ابومحمدالمطيري-ش1ش]

مخاوي الليل // الله يعطيك العافيه صور لنا الطريقه لفايدة الجميع

[@AmmarH413]

فقط غير زيت ال center diff كل ٤٠ الى ٨٠ و ما بتتعرض للمشكلة اصلا . تكلفتها ٨٠ ريال

[@عبدالمحسن-غ2ز]

وش زيت مافهمت .!؟؟

[@AmmarH413]

الدبل الوسطاني

[@محمدالدوسري-ض5ظ5ض]

السلام عليكم انا سويت جميع التجارب مانفع طلع المشكله عندي حساس الـ ابي اس مكسور الي عند الكفر عشان كذا تشر لمبة الدبل مع الـ ابي اس

[@صاحباللكزس]

شنو فايدة الدبل الخفيف ومتى أستخدمه وهل ينفع لسرعات عاليه

[@سعيدالدوسي-م3غ]

زبطت معي ربي يحفظك

[@Adel.J90]

انا معي ٢٠١٧ وبنفس طريقتك ما ضبطت وناقصها بس تفتح باب السواق وتقفله قبل ماتشغل السيارة وبتضبط

[@ابومازن-خ5ج]

الطريقة صحيحة الله يعطيك العافية لكن المشكلة انها ترجع نفس الحركة نبي حل لها عشان ماترجع اللي يعرف يخبرنا الله يوفقكم ..

[@ابومحمدالمطيري-ش1ش]

ابو مازن // الحل مكلف بالوكيل وراح يرجع مع مرور الوقت وهذا عيب مصنعي انا اشوفه بأكثر سيارات تويوتا الدفع الرباعي (بأختصار العلامه مافي منها ضرر ان شاءالله تعايش مع الوضع والامور طيبه ان شاءالله )

[@ابومازن-خ5ج]

@@ابومحمدالمطيري-ش1ش الله يسعدك انا عندي اذا رحت مشوار واحتمت السيارة خلاص اول ماطفي السيارة واشغل تروح بدون ماسوي حركتك فتعودت عليها

[@ابومحمدالمطيري-ش1ش]

ابو مازن // ممتاز اكثر الشباب تروح معاهم العلامه مع كثرة الاستخدام (( ونلاحظ ان العلامه تطلع اذا السياره بارده او قليل تستعملها ))

[@aboabdallah8230]

انا. ولعت معي. والدبل مايشبك. وسويت حركتك. وطفت وشبك الدبل بس رجعت بعد يومين وش الحل.

[@izqo77]

@@aboabdallah8230 تشحم الصليبات ب 15 ريال اقرب بنشر

[@Sa-zj3jq]

ي اخوان .. شغل الدبل كل فتره وامش عليه .. هذي تطلع للي مطول ماشغل الدبل وطريقة صاحب المقطع تخفي المشكله مؤقته فقط .. اذا طلعت شغل الدبل الخفيف وامش عليه والافضل تمشي فالبر واذا ع اسفل يكون مستقيم ولاتعدا ٨٠

[@ماجدالعنزي-ه8ك3ف]

الله يعطيك الف عافيه

[@druk4751]

ماجد العنزي مقابل 90 الف ريال

[@د.المري]

طيب اخواني ما نفع معي سويت الطريقة الاولى والثانية مع العلم انه صار لي قبل فترة ونفعت الطريقة الاولى لاكن الحين ولا شي منها بس السوال هل اذا كانت اللمبة شغالة ومشيت بالسيارة لازم سرعة محددة ولا عادي ؟؟

[@na2elll]

هذا حل مؤقت في بداية لكن مع الوقت تصير تظهر لك كل يوم

[@علاءاحمد-ي5ج]

وش الحل لها

[@سعدالرياض-ح5س]

@@علاءاحمد-ي5ج افصل اصبع البطاربة عشر دقايق وأرجع ركبه تختفي

[@alm6yree]

العلامه ترا ما منها ضرر على السياره لاشفتها امش لين يحتر الموتر وطف وشغل وتروح معك بس مشكلتها لا خليت الموتر فتره حول ٧ ساعات كذا بترجع مره ثانيه مشكلتها انك ما تقدر تشغل الدبل ولا مثبت السرعه

[@moradali710]

يعطيك العافية ياخوي

[@ابومحمدالمطيري-ش1ش]

Morad Ali //. الله يعافيك 🌹

[@ferass1001]

غير زيت الدبل يكون خربان الزيت

[@dhiam6191]

سلام عليكم اخي عملت هذي الطريقه اول مره اختفت عندي وظهرت عندي اللمبه مره ثانيه وماخليت طريقه ماسويتها وماتروح وش الحل جزاك الله خير

[@ابومحمدالمطيري-ش1ش]

Dhia M // وعليكم السلام ، جرب الطريقه الثانيه منزل فيديو لها ( وبالغالب العلامه تطلع اذاكانت السياره بارده وما اشتغلت فتره طويله ) الحل بالطريقتين من فتره لي الثانيه تسويها او التوجه للوكيل وتبديل جهاز السنسر قيمته بوكيل الكويت الساير 430 دينار تقريباً مايعادل تقريباً 1350 دولار امريكي) وجهة نظري طبق الطريقتين كل مره تطلع العلامه وان شاءالله مافي ضرر بالعلامه بس شغلت تنبيه سنسر

[@dhiam6191]

@@ابومحمدالمطيري-ش1ش شكرا لك يا طيب ع النصيحه

[@بوزو-ب7و]

مرات ما تضبط الطريقه الاولى بالحاله هاذي امش بسياره شوي الى انت تسخن بعدين جرب الطريقه الاولى

[@rwgan.]

بوزو الله يسعدك

[@بوزو-ب7و]

ومن يقول

[@عبدالعزيزالحواس-ز8ك]

4lo ظهرت ودبل ثقيل مايفصل وش الطريقة

[@izqo77]

شحم عند اقرب بنشري الصليبات ويضبط

[@عبدالعزيزالحواس-ز8ك]

@@izqo77 بارك الله فيك

[@user-Caesar999]

ماله علاقة طال عمرك الحركة هذي المشكلة في ماطور الدبل يحتاج تنظيف من الصدا لدخول الماء عليه اما مستنقع او غيرهـ مع تنضيف حساس الدبل وموجود اسفل السيارة بجوار عمود دوران الدبل

[@balharbi3872]

لاندكروز من 2010 لغايه 2017 اذا واجهت هالمشكله لازم تحديث بكمبيوتر للنظام وتروح المشكله نهائي وتحديث النظام في الوكاله ومجاني اذا تطفي السياره تروح ومرات تعلق ماتطفي ومرات تاشر وماتطفي ومايشتغل معك الدبل الخفيف واذا طفيت السياره تروح بس ترجع معك اذا شغلت الدبل الخفيف مره ثانيه مالك الا تحديث النظام بالشركه وتروح نهائي

[@sloomak2521]

يعطيك العافيه

[@زماناول-ي6م]

بيض الله وجههك اخوك محمد العنزي

[@ابومحمدالمطيري-ش1ش]

زمان اول // ونعم والله اخوي ابو محمد ووجهك ابيض يالغالي 💐

[@Daddy-d1d]

الله يعطيك العافيه والله التوتر راح 💔❤️

[@ابومحمدالمطيري-ش1ش]

Abin J // الله يعافيك والحمدلله انها راحت 💐

[@sami34223]

​@@ابومحمدالمطيري-ش1ش كيف طريقة تشغيل الدبل الخفيف في GXR 2005 لان زر الدبل عندي تحت زر الفليشر

[@سعد-ظ4ل]

بيض الله وجهك

[@علاالجنيد]

اخي انا عندي ما تطلع المبه حتى اذا شغلته ما تطلع الدبل شغال بس اللمبه ما تولع

[@مشاهير-ع5ث]

شكرا يابطل

[@ابومحمدالمطيري-ش1ش]

ابو يزيد الفريح // العفوووو 🌹

[@salihdubai237]

مشكور على معلومه

[@ابومحمدالمطيري-ش1ش]

Salih Dubai // العفووو 🌹

[@abumansorMohammd]

سوي تشيحيم لدبل يضبط ع طول لا طفي ولا تشغل ولا إن ولا ار

[@zqx7]

وشلون يشحم الدبل؟

[@abumansorMohammd]

Hi تروح عند البنشري وقلة شحملي الصليبات ب 15ريال يعني عمد الدوران حق الدبل

[@حاتمالحربي-ي1ث]

وشلون وتروح المبه

[@sami34223]

@@abumansorMohammd التشحيم هو نفسه الي يسوي عامل مغسلة السيارات ولا يفرق ؟

[@abumansorMohammd]

T نفسة يشحملك عمود الدوران حتى يسهل شبك الدبل وفصلة بس البنشري ب 15 ريال يشحمة

[@PainKiller-ci3vp]

شكرا يالحبيب

[@ابومحمدالمطيري-ش1ش]

Mohammed Basher العفوووو 🌹

[@alqudrahalfaieqah168]

اخواني انا صارت نعي نفس المشكله لمبه الدبل ترمش ، وكنت اضرب على دينمو الدبل يتشغل وبعد يوم ترجع نفس المشكله ، بالاخر غيرت دينمو الدبل ، فيه الدبل الخفيف والثقيل طبعا ، بالنسبه للاربع سلندر تبديله سهل عشر دقائق ، اما بالنسبه لل6 سلندر لازم تفك الدبل كامل ، وطبعا لازم تغيره جديد وكاله ،لانه المستعمل بيكون فيه دايما نفس المشكله ما بتستفيد منه وفكته مو سهله، التكلفه سعره الدينمو 1650 درهم اماراتي واجره اليد بحدود 700 درهم ، وياخد تقريبا يوم كامل شغل

[@abomazoon]

حبيبي انت ماحليت المشكلة.. هذي مشكلة دينمو الدبل مع الزمن بيعلق ويخرب وأكثر مشاكله وسبب خرابه الماء بيدخل فيه بذلك انتم بالسعوديه أو بالخليج بيكلف التصليح معكم.. هاي مشكلة كهربائية مش ميكانيكية.. انا بدلكم على الطريقة الرخيصة اطلب من مواقع السيارات بأمريكا بتحصل بأقل بكثير بحوالي ٦٠٪ واللي بيشتغلها كهربائي أهم شي متمكن أجرة ايده ماببتجاوز ٣٠٠ ريال.. التشليح المستعمل مابتضمنه وبالتوفيق حبايبي

[@ابومحمدالمطيري-ش1ش]

غريب وعابر سبيل // الله يعطيك العافيه ممكن صح كلامك لاكن نحتاج اسم القطعه وطريقة التركيب ( لان حد علمي المشكله بتنزيل القير مكلفه غير اجر تركيب القطعه وسعرها )

[@عيسىالحربي-ق2ث]

ماله داعي يطفي السياره وهي تمشي لو وقف وطفاها ثم شغل راح تطف في لمبة الدبل انا جربت بس وقفت الموتر

[@abokhaleelAbokhaleel]

ما تطفى السياره وهي ماشيه الكمبيوتر يمنع عشان الدركسون ما يقفل

[@حسابخاص-ذ1ش]

ياشباب لازم الدبل يشتغل اسبوعين يعني كل اسبوع شغله مره ولاراح تشوف لمبة الدبل شغاله نهائي باذن الله لان عدم تشغيله بيخرب معاك بعدين ولازم يسواله صيانه مكلفه

[@alsahri055]

احسنت

[@1166-o4r]

نفس المشكلة عندي وكررها مرتين واسوي نفس حركتك وتمشي معي ولكن ماهي المشكلة بالاساس للحل النهاي كل شي عندنا يالعرب طفي وشغل وتزبط امورك 😀😃😁🤣

[@سوريوللهالحمدابوخالد]

الوالدة ربي يطول عمرها وقت كان حد من اخوتي تعبان او متمارض مشان مايدرس او حجة ليسهر كانت تقله نام بطيب لحالك ههههههه

[@abdulrahmanaldehaimi4568]

لو شغلت الدبل ثانيه ترجع نفس المشكله وفي الغالب يحتاج وزن للدبل

[@radwanalmosa484]

خطأ أخي يجب التشحيم أقرأ التعليقات و بيطلعلك الناس التي واجهت المشكلة

[@aboodaljhdly1848]

@@radwanalmosa484تشحيم ايش ؟

[@aaameamk]

انا كانت تطلع لي وبعد ماشحمت العمود حق الدبل راحت

[@سعودالحربي-ف2ع]

الحل بنصف دقيقة فقط بإذن الله تعالى وهذى أنا اخذه من كتيب الوكالة ونجح معاي إريد فقط تدعون لوالدي الطريقة القير على p شغل السويك بدون تشغيل السيارة ثم اضغط على البانزين 5 مرات خلال 5 ثواني يعني كل ضغطه ثانية واحدة ثم طف السويك ثم شغل السيارة راح تطفي لمبة الدبل ولمبة الزيت ويشتغل الدبل وتثبيت السرعه وترجع وكالة والسلام

[@MohammedAljnoop]

جزاك الله خير ووالديك

[@yonisnaseralkhatri7609]

كيف طريقه ف الجير العادي

[@حسينالعراقي-ز7ط9و]

اخي انا عندي كير عادي كيف

[@waleedseyadi9412]

عندي عداد السرعة لا يعمل ولمبة الهاند بريك والعة ولمبة ال ABS والعه. نفس السيارة بس 2008

[@abokhaleelAbokhaleel]

وده التشليح

[@Truth-of-Live]

غير شريط الدركسون وتضبط معك بس غيره اصلي

[@waleedseyadi9412]

@@Truth-of-Live ماذا تقصد بشريط الدركسون

[@Truth-of-Live]

@@waleedseyadi9412 رح الورشة وهو يعلمك

[@waleedseyadi9412]

@@Truth-of-Live انا في البحرين اذا قلت له شريط الدركسون يمكن مايفهم.

[@Khalid-ml4ob]

العلامة ماتروح اذا الموتر بارد لازم يسخن شوي للعلم

[@abumansorMohammd]

يحتاج شحم لعمود الدوران حق الدبل وتروح ع طول

[@سوريوللهالحمدابوخالد]

المشكلة صارت تظهرلي بشكل شبه يومي وهالتجربة مافادتني

[@ابوعبداللهالبلوشي-ت8ض]

دخيلك كيف اتروح فالجير العادي

[@ابومحمدالمطيري-ش1ش]

شركة دار الكرامة للمشاريع الرائدة // والله القير عادي ماجربت ان شاءالله الاخوان يفيدونك

[@maheralharbe8036]

يا اخواني هذي صارت معي انا وديتها الشركه ورجعت والله مافي فايده وطفشتني تروح وترجع المهم الي سويته اني برمجت السياره بنفس والله معاد شفتها الي تسونه انك تضغط ضغطه وحده زر التشغيل وبعدي تعلق على الي يصفر الطبلون مع زر التشغيل لين تشتغل السياره بدون ماتدوس فرمل

[@محمدالسبيعي-ظ6ل6ص]

المشكله هي دينمو الدبل !! يحتاج صيانه فقط!!

[@ابومحمدالمطيري-ش1ش]

محمد السبيعي // شلون طريقة الصيانه والتكلفه كم تقريباً

[@brightopener]

معلومة طيبة. مؤشر القفل المركزي يضيء بهذا الشكل منبها ان نظامه ونظام الدبل الثقيل لايعمل. قد تكون المشكلة بسبب تجييم بسيط في دينمو الدبل، كما قال الأخ السبيعي في تعليقه. لتفادي ذلك أنصح بتشغيل هذا القفل المركزي لفترة وجيزة ثم أيقافه أثناء سير اللاندكروزر بسرعة أقل من 80 كيلومتر ، يكون ذلك بسرعة مستقيمة ، بدون تسارع او تباطؤ، مرة واحدة كل عدة أسابيع . بأذن الله لن تواجه هذه المشكلة إطلاقاً. إذا إستمر المؤشر بالوميض بعد نصيحة الأخ في الفيديو ، قد يكون السبب عطل في أحد حساسات ABS وهنا سيستمر الوميض مع تعطل الدبل حتى يتم إصلاح الحساس أو ما تعطل في نظام ABS. مهمة القفل المركزي هي إجبار أحد الكفرات الامامية والخلفية على الدوران مهما كانت قوة إحتكاكها مع الطريق. بهذا يلغي النظام التفاضلي بين الدفرنش الامامي والخلفي. تتجلى فائدة هذا النظام في السير السلس على الطرق الزلقة والرملية والثلوج . والله أعلم. والسلام عليكم ورحمة الله. وصلى الله وسلم على خير بني أدم، محمد رسول الهدى.

[@عبدالرحمنالتويم-د4ق]

بس المشكلة ترجع يا كحيلان

[@ابومحمدالمطيري-ش1ش]

عبدالرحمن التويم // يامرحبا ،، في بعض السيارات تروح منهم على طول اما انا لها عندي سنتين تروح وترد تقريباً اذا خليت السياره يومين مو مشتغله ومامنها ضرر ان شاءالله لانها شغلت سنسر - بالنسبه لي افضل اسوي الطريقه كل 3 أشهر واكثر ولا ادفع للوكيل 450 دينار كويتي 👍🏻

[@havesomemana1442]

اشكر والله

[@azziiz10]

انزين شنو الخلل من هالعلامه ما احد اكتشف فيكم

[@ابومحمدالمطيري-ش1ش]

عزيز صلف // الخلل معروف سنسر الدبل يحتاج تبديل وتكلفة التبديل بوكيل تويوتا الساير مايقارب 445 دينار كويتي ( قيمة السنسر 225 وقيمة تنزيل وتركيب الجير 200 دينار ) الاجمالي 445 تقريباً ... او انك تتعود ع العلامه وتطبق الطريقتين الي منزلهم والامور طيبه

[@azziiz10]

ابو محمد المطيري // موتري مبطي واقف من فترة حظر تجول وبينت . ولا قبل اختفت على استعمال تقريباً ٦ شهور

[@ابومحمدالمطيري-ش1ش]

عزيز صلف // اي بالعاده ترد تطلع خاصه وقت الي ماتستخدم فيه السياره مده طويله او يكون الجو بارد ومع الطريقه الي بالفيديو تروح العلامه مده وترد ومع ناس ماترد العلامه والعلامه ماتأثر على الدبل طالما انك مو مشغله

[@azziiz10]

ابو محمد المطيري - جزيت خيراً يابو محمد واسفين على ازعاجك 🌹

[@ابومحمدالمطيري-ش1ش]

عزيز صلف // ويجزاك خير ياخوي 💐

[@Op-mt6uf]

شُـکْرنِ

[@ibmc1813]

لاندكروز من 2010 لغايه 2017 اذا واجهت هالمشكله لازم تحديث بكمبيوتر للنظام وتروح المشكله نهائي وتحديث النظام في الوكاله ومجاني اذا تطفي السياره تروح ومرات تعلق ماتطفي ومرات تاشر وماتطفي ومايشتغل معك الدبل الخفيف واذا طفيت السياره تروح وترجع لما تشغل الدبل مره ثانيه مالك الا تحديث النظام بالشركه وتروح نهائي