Рет қаралды 7,286
Chanson en arpitan savoyard de Rumilly, Albanais (Savoie).
Paroles et musique de Nicolas Gey, 2013 (voir dessous).
Ceti an, de la voga de Remelyi
J'é raportâ (u)na fiârda
Margalyâ tot corn 'un argllanchiér
Jalyèta come una pintârda.
Refrain :
Diô qu'l'est brâva, ma fifi, ma fiârda!
Mês mon Diô qu'èl est brâva!
Vira, vira, fiârda, vira, vira!
Tant qu'a nos balyér la lordâna
Vira, vira, fiârda, vira, vira!
Virotenâ 'lamènt se te pox virotenar.
J'é pués chavonâ per lo dècovrir
Que ma fiârda èn pllastico
Povêt pas-mê dècessiér de veriér
Ils y ont mècllâ de fesica.
Refrain
Depués cél tèmps,
je veyo passar
Des chapelyèts d'encrèdulos
Fôt les vêr guigniér, èlournar
Du fllanc de mon bidulo.
Refrain
Quârques-uns ont mém' volu campar
Puès fère d'tors de gouârda
P(or) s'asiûrar qu'il ètêt pas de bobârs
Tota cel'histouère d'fiârda.
Refrain
Quand je viro la cllâ dièns mon relojo
L'est bièn tojorn p(l)es hiôta
Herosamènt por mon grand âjo
Fifi n'èn a pas fêta.
Refrain
Ora que je vé d'aber morir
Ma fiârda est pas oncor arrêta
L'a tot viu nêtre et-pués perir
Il a pas gênâ sa féta !
Refrain