اللحم | إزاى تشترى اللحمة زى المحترفين؟

اللحم | إزاى تشترى اللحمة زى المحترفين؟ | أسرار الستيك بكل أنواعة

Рет қаралды 34,698

3 жыл бұрын

إزاى تختار قطعة اللحمة المناسبة لكل أكلة؟
اصدقائى عشاق الاكل فى كل مكان
اهلا بيكم فى حلقة جديدة مع ياسر نجم
كام مرة رحت للجزار و وقفت محتار مش عارف تاخد انهى حتة لحمة
الحمراء و لا اللى فيها دهون
اختار الحتة اللحمة الغالية زى الفلتو مثلا و لا اخد لحم سن ولا وش فخدة
و لا انت اصلا مش عارف ايه الكلام ده كلة و بتروح تقولى ادينى لحمة للخضار و خلاص
بص يا سدى
اللحمة فيها تفاصيل كتير قوى
و الجزارين ناس ولاد سوق
و دايما عندهم زحمة و مش فاضى يقعد يتحدت معاك
و يعرف انت هتتغدى ايه النهارده
ده راجل ماسك السكينة و الساطور و حاطط العجل قدامة و عايز يخلص بسرعة
فالجو بتاع امى بتقولك هات كيلو لحمة للخضار او كيلو لحمة للبوفتيك مش فى مصلحتك خالص
و الكلام العايم المايع مع الجزار بيحطك فى منطقة اللى هو انت بتخليه يختالك على مزاجة
و طلام وصلت لنقطة المزاج يعنى الضمير يعنى ممكن يبتدى يحطلك حاجة مش مناسبة للى انت عايزة
او يغشك فى اسوء الحالات
الجزار عشان يسمعك و يفهمك فى وسط الزحمة دى كلها لازم تكون بتتكلم نفس اللغة بتاعتة
و لازم يكون الطلب بتاعك واضح وصريح
و ميكونش طلب فى احتماليات او يخليه يفكر
حلو الكلام ؟
حلو الكلام
اولا و بسم الله الرحمن الرحيم كده لما تيجى تشترى اللحمة متدورش على اللحمة الطازة اللى مدبوحة النهاردة
ولو الجزار جه يديك من بتاعة النهارده قولة لا
انا عايز من بتاعة امبارح
طيب ليه؟
لان بعد دبح العجل بيحصلة تشنجات و بيرفص و الكلام ده كلة
تقوم انسجة اللحمة تعمل حاجة اسمها التيبس الرمى او
و ده ابيخلى العضلات بتاعة العجل تكون صلبة و قاسية جدا نتيجة التشنجات بقى و كده
لغاية نتيجى انزيمات البرةتيزيز Rigor mortise
Pro teases
ودى برضو بتكون موجوده فى العضلات بتاعة اللحمة
تدخل على العضلات المتشنجة و متصلبة دى و تقولها مالك بس فى ايه ؟
و تاخدها و تفكها بالهداوة كده واحد واحدة لغاية مترجع عادية و طبيعية تانى
العملية دى بتاخد شوية وقت ..عشان كده بنقول ناخد اللحمة بتاعة امبارح
حلو الكلام ؟
حلو الكلام
طيب فى كمان قاعدة مهمة كده فى اختيارك للحمة اعرفها كويس عشان دى هتكون الاساس بتاعنا اللى هنمشى عليه بقية الحلقة
كل ما كان الجزء فى العجل متحرك كل ما يكون قاسى و لحمة ناشفة و ده بيكون مناسب اكتر لطرق الطهى الرطبة او التوافقية
ولما يكون المنطقة مش متحركة زى منطقة الظهر مثلا يطلعلك قطعة اللحم اللى بتستوى بسرعة و بتكون مناسبة اكتر للشوى
و خلى بالك احنا هنا لازم نعرف ان مفيش لحمة حلوة و لحمة و حشة
كلها نعمة ربنا ..لكن فى قطعة لحم مناسبة لاكل معين و متناسبش الاكله التانية
ابسطهالك
يعنى ممكن مثلا تشترى اغلى قطع لحم عند الجزار اللى هى الفلتو و تيجى تسلقها تلاقيها مش حلوة و بتشد معاك و ناشفة
وده لانها مش مناسبة للنوع ده من الطهى
و ممن مثلا تاخد قطعة لحم من جزء متحرك زى الموزة و تيجى تشويها ..متظبطش معاك ..ليه عشان هى مش بتاعة شوى
فالفكرة كلها انك تختار القطعة المناسبة للاكله اللى انت هتاكلها
قاعدة كمان لازم نتفق عليها
اى لحم مع عظم يفضل يخن فى الفرن
حلو الكلام ؟
حلو الكلام
العجل بيتقسم ل ل 8 اجزاء
4 اللى فوق الريش و الانتركوت و الفيلية اسمهم عضلة الضلع المركزية تفضل فى الطهى الجاف اللى هى رقم 7 و 8 و 9 و 10
الاربع اجزاء اللى تحت عان عليهم تحميل فيهم مادة الكونت فيتشونزو تفضل فى وسائل الطهى الرطبة او التوافقية
الموزة للخضار اللى هى رقم 1 و 2 و 3 و 4 و 5و 6
طيب برضو لما اجى اشترى لحمة اقول ايه للجزار؟
و الله دى بتختلف على حسب انت هتستخجم اللحمة دى فى ايه
خلينا ناخدها بترتيب الصورة كده واحدة واحدة
الكتف الزند الشاك دى من الاجزاء اللى عليها تحميل يعنى قاسية
يعنى تمشى مثلا فى الخضار و الطواجن رقم 1
الخضار من السن ولو بتحب لحمتك فى الخضار تكون حمراء شوية هاتها من السن
لحم الصدر البريسكت رقم 2 Brisket
لحم الصدر بلوبيف و بسطرمة
لو انت غاوى تعمل بلوبيف و بسطرمة فى البيت افضل قطعة تشتريها هى الصدر او البريسكت غير كده متشتريهاش اللى هى رقم 2 دى
ومتاخدهمش غير فى البلوبيف او البسطرمة عشان فيهم حاجة اسمها الكونكتيف تيشوز connective tissue او الانسجة الضامة بتكون كتير جدا فيها عشان كده بتبقى حلوة جدا فى البلوبيف و البسطمرة بس
الموزة شانك رقم 3 Shank و طبعا عندنا موز امامية و موز خلفية
الموزة تتسلق و تتحمر او يخنى
سامع حد متحمس هنا و مستعجل على الاستيك
الاستيك هنغلية فى الاخر عشان نحلى بيه و عشان اديك كل التفاصيل بتاعتة
تمام ؟
احنا كده ماشيين بالترتيب
لو عايز تشترى لحم للخضار او الطواجن ..هتقول للجازر ادينى كيلو من الزند اللى هو الكتف اللى فى اول البقرة و لو بتحبها ناعمة قوى قولة يجبلك من الكولاتة اللى هى بيت الكلاوى
طبعا الريش معروفة انها للشوى مفيش كلام و الريش اسمها بالانجليزى ريبس
الله و انت بتقولنا الاسامى بالانجليزى ليه دلوقتى يا عم نجم
بتتنطط علينا مثلا ؟
هقولك حاشا و ماشا
الفكرة كلها ان معظمنا دلوقتى بيتفرج على وصفات بالانجليزى و بيقولى اسامى قطعية اللحمة بالانجليزى فا انا هديك المسميات بالانجليزى و العربى عشان لما تروح للجزار تكلمة بنفس اللغة اللى هو يفهمها و فى نفس الوقت تعرف تنفذ الوصفة اللى انت شوتها بالانجليزى من غير متحتار
رقم 4 دى اللى هى منطقة البطن او الشورت بلات و دى منطقة الدهون بتكون فيها كتير شوية
وفيها اللحمة الملبسة اللى بيقولو عليها
تنفع فى المفروم و الطواجن
واللى فيها من تحت كده حاجة اسمها الشورت ريبس Sort Ribs أو لحمة الدوش بالعظم

Пікірлер: 75

@RamezAshraf 3 жыл бұрын

الله ينور ... سيڤيت الحلقه و براجع فعلاً اهه.

@yassernegm-8854 3 жыл бұрын

افتكرنى دايما وانت بتشترى اللحمة 😂

@adame26 Ай бұрын

صعب تلاقي محتوى عربي احترافي مثل هالفيديو. شكرا

@youssefessamabdul-latif8340 Жыл бұрын

انت فنان والله. وفعلا دلوقتي كل الوصفات بتاعت الجيل الجديد بتبقي انجليزي و بنبقي تايهين في الحتة دي وبنبقي محتاجين نعرف ديه معناها ايه بالعربي والإنجليزي عشان نعرف نتعامل مع الوصفة. بجد جامد الفيديو.

@IbrahimMohamed-nk3vs 8 ай бұрын

الشرح جميل وأنما يفضل عرض صوره العجل في فترة الشرح وربنا يوفقك

@fa1576 3 жыл бұрын

تسلم يارب... شرحك واضح وممتاز......واصل..

@albheth100 Жыл бұрын

يعني اقول للجزار اعطيني لحمة توافقية ونسبة رطوبة قليلة وابعدنا عن اللخمة الانزيمية المشدودية ويا ريت تكن جذر اللحمة عدد فردي ومساوي لمعادلته الاسية .

@samirbrakat7625 3 жыл бұрын

جزاك الله كل خير

@ghadareda1456 8 ай бұрын

ماشاء الله ربنا يباركلك استفدت جداً

@malekelghaba7422 2 жыл бұрын

ممتاز . شكرا

@mrsaeedmath7314 2 жыл бұрын

جزاك الله خيراً يانجم

@emadkhalilkhalil2524 2 жыл бұрын

تسلم جميل جدا تستحق الشكر ودا اقل واجب

@yassernegm-8854 2 жыл бұрын

شكرا يا عمدة ♥️

@yasserelzahhar 3 жыл бұрын

معلومات متعوب عليها. ألف شكر ⁦♥️⁩

@yassernegm-8854 3 жыл бұрын

انا اللي بشكرك على الفيد باك بتاعك ..ومبسوط أن الحلقة عجبتك ⁦♥️⁩

@mohamedsaad-mo3wt 2 жыл бұрын

تسلم

@eslamnasuad774 Жыл бұрын

شكرااا جزيلااااا لحضرتك

@khmansour1 3 жыл бұрын

الف شكر

@samirfathy4837 3 жыл бұрын

محتوى جيد ومتناسق.. أنا مبسوط إني لقيت الفيديو ده .. بالتوفيق و ربنا يكرمك 🙏

@yassernegm-8854 3 жыл бұрын

انا مبسوط ان انت لقيت حاجة بتدور عليها و مبسوط اكتر أن الفيديو عجبك ⁦♥️⁩

@zeinabalaskndrany8602 2 жыл бұрын

ما شاء الله عليك .. رائع وفاهم واسلوبك سهل ومختصر.. الف شكر 🌷🌿

@yassernegm-8854 2 жыл бұрын

شكرا جزيلا لحضرتك

@mohamedsobhi3739 2 жыл бұрын

شكرا جزيلااا ... حلقه عظيمه جدا جدا

@yassernegm-8854 2 жыл бұрын

تسلم ..انا اللي بشكرك ❤️

@NazmySultan-cv4we Жыл бұрын

تمام ......كلام جميل .....لايبقى سوى الفلوس ال نشترى بها اللحمه

@minazakaria5517 2 жыл бұрын

تسلم عالشرح 😍

@yassernegm-8854 2 жыл бұрын

شكرا

@sam-ih2ov 2 жыл бұрын

ممتازه جدا

@yousraahmed2222 3 жыл бұрын

كلام حلووو جدا ومفيد

@yassernegm-8854 3 жыл бұрын

حمد الله على السلامة يا استاذة 😊

@waleedesam236 Жыл бұрын

بصراحه فنان

@semsemfathy2543 3 жыл бұрын

برافو ربنا يوفقك

@yassernegm-8854 3 жыл бұрын

شكرا شكرا ..حصلي الشرف ⁦♥️⁩😊

@abdulsalam6920 Жыл бұрын

الله ينورك

@bakhitm525 4 ай бұрын

ماهي افضل قطعه لعمل البسترمه

@user-xp8cu6qw3o 2 жыл бұрын

ماشاء الله ربنا يبارك فيك معلومات قيمه وفي غاية الاهميه وفعلا تحتاج المراجعه مرات ومرات

@yassernegm-8854 2 жыл бұрын

شكرا ليك ❤️

@user-ji5kh9xp9s 2 ай бұрын

هو في قطعيه اسمها ملبسه

@emadkhalilkhalil2524 2 жыл бұрын

تحياتى لك اسلوبك جميل ويستحق الأحترام

@yassernegm-8854 2 жыл бұрын

شكرا أ/ عماد

@halimshoman837 2 жыл бұрын

الله ينور يا باشا. ممكن باقي مسميات أجزاء اللحوم من الانجليزي للعربي لو سمحت 😃❤️

@emanmon3m804 3 жыл бұрын

من الحلقات اللي فادتني جداااا واسلوبك ممتع وملخص وشيق انا مكنتش اعرف كل انواع اللحمه دي خاالص وايه الفرق ما بينهم بس بجد برافووو لخصت كل حاجه ❤️ شكرا ليك

@yassernegm-8854 3 жыл бұрын

اى خدمة ..ده العادى بتاعى 😂

@hodaelzeky6752 3 жыл бұрын

يموت المعلم ويتعلم يامعلم ...بس عسل والله ربنا يحفظك ويبارك فى عمرك

@yassernegm-8854 3 жыл бұрын

ربنا يخليكى ليا يا رب ⁦♥️⁩

@binkswhitesocks6737 2 жыл бұрын

بفضل لحم بالبراد اسبوعين على الاقل لحم البقر برسكت تمام مفرومه او مشويه بل الفرن 5 الى6 ساعت

@yassernegm-8854 2 жыл бұрын

احسنت

@hanyali6491 2 жыл бұрын

ماالفرق بين الريب آي والإنتركوت ومكان كل منهما في العجل وكيف أطلبهما من الجزار , أحلى لايك

@Muhammad-wh4sv 2 жыл бұрын

ال ريب اي هي لحمه من تحت العمود الفقري ولكن من تحت السبع ضلوع الاولانيين واعتقد والله اعلم هي ال السن بردو و الانتركوت هي اللحمه ال تحت العمود الفقري ولكن تحت الخمس أو الست ضلوع ال بعدهم لان العجل غالبا فيه من ١٢ ل ١٤ ضلع والله اعلم

@alshimaaeleffish3205 Жыл бұрын

انا بشكر حضرتك جدا جدا استفدت كتير ممكن اعرف chuck هو انهى حته من اللحمه يعنى اروح اقول ايه للجزار لأنهم بيقولوا انها افضل قطعه للبرجر وممكن اعرف حضرتك لو بتعمل برجر ايه أفضل قطعه او مجموعه قطع من اللحم تفضلها

@alaasaleh3516 2 жыл бұрын

أحسنت شرح وافى بدون رغى كنت عاوز اعرف الريب اى بتكون من السبع أضلاع إلى جنب بيت الكلاوى و لا اول ثلاث أضلاع فقط كمان عاوز اعرف الست أضلاع إلى فى الزند بيكون اللحم إلى فيها شبية بالريب اى اسمة اية و شكرا

@user-so3ck8zw8n 3 жыл бұрын

محترم جدا ...

@yassernegm-8854 3 жыл бұрын

تسلم

@asmaafathy3588 4 ай бұрын

بعد اذنك انا بره مصر وبيبيعوا اللحمة بالعظم وعاوزة اشتري السن اقوله ايه بالانجليزي ياريت ترد ضروري

@binkswhitesocks6737 2 жыл бұрын

في قطع كمان حلوه جدا مثل فلات ايرن ستايك وتراي تب من الور بتكوت فوق او وجه الورك فوق توب سرليون سرليون طريه روعه وهيه بلورك

@yassernegm-8854 2 жыл бұрын

الله عليك

@akramali8451 Жыл бұрын

والله انت عظيم

@monakamal5612 Жыл бұрын

شكرا علي المعلومات .ممكن الستيك التندر لوين اطلبه من الجزار تحت اي مسمي ولك الشكر

@ramadanabo_elsoud600 2 жыл бұрын

ممكن اعرف هل في ريباي في الانتركوت والكتف وايه الفرق

@user-px6lr9it7f Жыл бұрын

شكرا ليك إن شاء الله توصل للمليون ....سؤال بتمنى ترد لأنها هتفرق 😶😂...انا نزلت شريت لحمة عادي البائع حاطط معاها ماسورة نخاع العظام بداخلها مش أصفر زي الطبيعي لأ شكله أزرق مسود كده دا معناه أن اللحمه دي من بقرة ميته ولا معناه حاجه يعني ارميه ولا عادي..انا مش فاهمه فالحجات دي فلو تعرف افيدني رجاااء