حلول ونصائح لصغار المستثمرين في الاستصلاح الزراعي

[@396Studio]

ربنا يكرمك على الفيديو و يكرم الراجل اللى قال الكلام

[@OurTrees]

شكرا علي دعمك يافندم

[@superthree]

ربنا يباركلك. من احسن الفيديوهات اللي عملتها. كمل السلسلة دي ربنا يجعلها في ميزانك.

[@OurTrees]

شكرا علي دعمك يافندم

[@ربيعحسن-ل9ف]

بارك الله في عمرك وصحتك وعلمك وذوريتك يابشمهندس .للتوضيح وتوعية الناس .الله يبارك في عمرك وصحتك وعلمك.....فعلآ الصحراء وزراعتها للكيان الكبير الي يقدر يصرف وينتظر العائد ع المدي البعيد لكن الي إمكانياته وخبرته قليله حرام يورط نفسه ويضيع فلوسه

[@OurTrees]

والله العظيم دا اللي بحاول أفهمه للناس والناس بتدعي عليا بالاحباط والسوداويه انا خايف علي اللي إمكانياته بسيطه هيغرق بسرعه وهيغرق اللي حواليه

[@تمنمشكل-ر2ه]

مشكور والراجل كلامه سليم فعلا الناس مفكره الموضوع سهل لكن الجبل لو معاك تل فلوس هيكله ربنا ييسرلنا جميعاً الأمور يارب

[@OurTrees]

اللهم امين ومبسوط ان الفيديو عجبك

[@كُنْمثقفًا-ت9ج]

كلام من القلب للقلب

[@OurTrees]

شكرا علي دعمك يافندم chat.whatsapp.com/JE5WgpovbvMDpr063f6ko1 ودا جروبنا علي الوتس اب ممكن حضرتك تنضم إلينا وتتابع اخر عروضنا

[@mostafasaber4762]

ننتظر منك أن تكون من يقودنا لعمل كيان ناجح لصغار المستثمرين كما ذكر الشيخ المتحدث عن وجود ناس ناجحين كثر وجزاكم الله خيرا

[@OurTrees]

نسأل الله التساهيل ان شاء الله تعالي

[@shabanabdullah-xx7jz]

بعدفيديوالوحات البحرية بعدم الاستثمار فى الزراعة شوفت فيديو ليك تقول ان احلا استثمارالزراعة فى وادى النطرون

[@OurTrees]

محصلش انا بقول أفضل مكان لزراعه نخيل البارحي

[@OurTrees]

وإنت مفهمتش الكلام من الأصل علشان لو فهمته مكنتش قولت كده ارجع اسمعه تاني وبعدين حضرتك حر تاخد بالكلام ده من عدمه

[@عصامالاشول-ف9خ]

جزاك الله خير

[@OurTrees]

نحن وإياكم يافندم

[@alaaalaa-yu6yq]

السلام عليكم ورحمة الله كل سنة والجميع طيب وبخير ممكن اقترح بدل الارض المكلفة جدا جدا طيب نعمل مشاريع ممتازة ومربحة زي تسمين العجول مزرعة دواجن مزرعة بط مزرعة ديك رومي عنبر أرانب مزرعة سمكية محدودة وغيرها وغيرها المشاريع كثيرة لاننا سوق كبير مفتوح مش لازم الارض

[@khaledawad6837]

الله ينور يا هندسه الراجل ده بيتكلم صح

[@OurTrees]

ربنا يبارك في عمرك يا رب ويرزقك

[@ميدوسليمان-ف3ق]

كثر الله من أمثالك

[@OurTrees]

شكرا علي دعمك يافندم ربنا يبارك في عمرك يا رب

[@mohammedmoussa1209]

استاذنك يا ريت لو حلقه عن زراعه اشجار الزيتون للاستثمار طويل الامد و الاراضى الى تصلح للزراعه و اسعار الارض لر تكرمت لو فى طرح حكومى اقدر اخده

[@OurTrees]

حاضر

[@alymosselhy4978]

فعلا الموضوع استغلال من كل شى حتى من العامل الحاجه المحسوبه ب 10 تلاقى فعليا بعشرين و لو نفعت افضل شى تكون انت موجود بنفسك و قاعد بنفسك و معك اصحاب ارض مخلصي بانفسهم

[@OurTrees]

الله ينور على حضرتك

[@bighero6547]

انا الحمد لله نجحت في الفرافرة من ١٠ فدان من ٥ سنين ل١٥٠ فدان السنادي ولله الحمد أولا تقف علي ارضك. مفيش حاجة اسمها وظيفة ثانيا خدت مثلا ٥ فدان يبقي تزرع ٢ نخل دة للمستقبل وتزرع محاصيل زراعية في ال٣ فدادين الباقيين عشان تعرف تصرف علي نفسك وعلي ارضك. اول سنة في محصولين أو ٣ محاصيل في الموسم حتجيب تمن الارض مع مصاريف الزراعة والاستصلاح وشبكة الري. تاني سنة تقريبا ٦٠% من مكسب كل فدان من ال٣ حيكون في جيبك والباقي مصاريف زراعة و عمالة عاوز تتوسع وتشتري اراضي جمبك ماشي. عاوز تعمل ثروة حيوانية ماشي منها حتوفر سماد بلدي وكومبوست ومنها حتقدر تعمل مشروع البان ومنها حتقدر تعمل مشروع تسمين وتبيع كل ٤ شهور عجول تسمين. كل واحد علي حسب ما هو عاوز المهم انك تمشي كل خطوة في وقتها متستعجلش وطور من نفسك دايما. وكل مرة حتتعلم اكتر وتتطور وتقلل من مصاريفك وتزود من انتاجيتك وأرباحك اهم مبدأ تكون علي رأس ارضك. مفيش حد حيخاف علي مشروعك غيرك

[@OurTrees]

ممكن معاليك تتواصل معي واتس اب من خلال الرابط التالي wtspee.com/201141183744

[@khaledawad6837]

الحمد لله ربنا يذيد من امثالك تمنياتى بمذيد من التوفيق

[@mohamedsouliman9749]

ممكن حضرتك اعرف ايه المحاصيل اللي هتجيب تمن الارض والاستصلاح والشبكات في أول سنه.

[@OurTrees]

@@mohamedsouliman9749 منا مستني من ساعتها مردتش عليا والله

[@qupidlover]

ممكن التواصل مع حضرتك،، مهندس رضا ابو العز

[@الايام-د8ث]

انشر معلوماتك انت صح ..ناس كتير عماله تدلس وتخرب بيت الناس

[@OurTrees]

شكرا علي دعمك يافندم

[@shabanabdullah-xx7jz]

فى فيديو ليك بترجح الزراعة فى وادى النطرون

[@OurTrees]

لا بسوق لمشروع زراعي في وادي النطرون

[@yassinkhaliffa663]

طيب بعيدا عن النخل إية الزراعات السريعة الآمنة اللي تجيب دخل وليها سوق من أول موسم بعد خدمة الأرض العلمية وممكن تجيب دخل علي الأقل يكفي التقنين مع تحياتي

[@OurTrees]

في الوضع اللي احنا فيه الان كل واحد ورزقه

[@shabanabdullah-xx7jz]

هى كل الزراعة نخل عشان ننتظر الربح بعد 7سنين فى زراعة ليها عائد كل شعور وانتاج حيوانى صغير مش لازم افتح على البحرى

[@OurTrees]

ازرع اي حاجه يارب تزرع مخدرات حتى المهم تعرف تبيع وتتحمل تقلبات السوق

[@OurTrees]

واعمل كده وربنا يوفقك ان شاء الله

[@ahmedmustafa9635]

من وجهة نظري الشخصيه كلام مظبوط مليون في الميه وحقيقي كلام مدروس مش كلام فاضي ولا كلام في الهوا فتقريبا انا وحضرتك متفقين في التفكير ومفيش بينا اي خلاف بس كل واحد بيشرح الموضوع بطريقته بس عاوز اسالك سؤال لو تسمح عاوزين اي افاده بخصوص الشركات الي بتشتري عندها وتراعيلك الارض بصرف النظر عن المصروفات بقه هل الشركات دي فعلا امان وفعلا ممكن يراعو الارض ولا دي احلام وهننزل نلاقي الارض خربانه وطبعا تسلم والله على المجهود الله يجزاك الجنه على الفايده الي بتفيدها للناس ومجهودك ده ربنا يجزاك خير بيه انشاء الله

[@OurTrees]

تعيش ياغالي إحنا عاوزين نوصل لهدف واحد اننا نساعد بعض علشان نقدر نوصل لمفاتيح النجاح

[@ahmedmustafa9635]

@@OurTrees حبيبي الله يسعدك ويجازيك خير والله بس متنساش لو عندك اي افاده بخصوص موضوع الشركات الي بتشتري منها الارض مزروعه وبتراعيهالك بدون ذكر اسماء بس فعلا بيراعو الارض ولا هننزل نلاقيها خربانه ياريت الله يعزك لو عندك معلومات بخصوص الموضوع ده تتكلم فيه حتى لو في حلقه لوحده لان ناس كتير بتحط شقا عمرها فيه وهما مسافرين ومتغربين عشان يقدرو يصرفو على نفسهم وعلى الارض فلو عندك اي افاده ياريت تفيدنا في الموضوع الله يسترك

[@OurTrees]

@@ahmedmustafa9635 حاضر والله هعمل فيديو نتكلم عن الموضوع دا

[@ahmedmustafa9635]

@@OurTrees بص هوه انا في حياتي احلا دعوه احبها وعزيزه على قلبي هيه لما حد يقولي روح الله يجزاك الجنه وانتا معتقدش في حاجه عاوز اقولهالك غير الدعوه دي روح الله يجزاك الجنه والله باذن الله

[@OurTrees]

نحن وإياكم أن شاء الله تعالي

[@mustafaaboshanababoshanab3619]

الصحراء مش سهله ومحتاجة فلوس وخبره ونفس طويل

[@OurTrees]

الله يفتح على حضرتك

[@tarektory]

أحسن الله إليك كما أخلصت النصح لعباده . خلاصة الفيديو : أولا : رأس المال : يجب أن تحسب كل مصروفاتك الشخصية ومصروفات الأرض ولمدة خمس سنوات قادمة . ويكون هذا هو رأس مال المشروع المطلوب توفره لديك قبل البدء. ثانيا : من ينجح في الصحراء؟ الشركات ذات الإدارة الجيدة، ورأس المال الكافي. أما الأفراد ففي الغالب خاسرون أو على أحسن تقدير مشروع غير مجز مع حهد بالغ . النتيجة : ابحث عن شركة موثوقة أو كون شركة بإدارة واحدة .

[@OurTrees]

شكرا علي دعمك يافندم

[@MohamedGamal-yo4rf]

كلام ممتاز جدا و مجهود تشكر عليه بس السوال المهم للشيخ ال بعتلك الرساله الصوتيه علشان نعدي لبر الامان بإذن الله من خلال خبرته نعدي الاربع او الخمس سنين الفدان يتكلف كام علشان ال يدخل المجال يبأ عامل حسابه هصرف كام في أول اربع سنين و من بعد الارض تشيل نفسها ده السوال المهم شكرا جدا

[@MohamedGamal-yo4rf]

سوال تاني من فضلك مهم الشيخ كان واخد كام فدان هو واصدقائه و كان بيزرع ايه ٩ سنوات اسف جدا لو بسأل في خصوصيات بس حتي توضح ليا الصورة كامله

[@OurTrees]

حاضر

[@OurTrees]

هحاول اخليه يشرح الكلام ده

[@روتينياليومي-س3ش]

السلام عليكم.اولا تحياتي للشخص صاحب التسجيل.ولحضرتك.حلقة امبارح كانت اقل انصافا من حلقة النهارده وبحييك عليها..ثانيا طالب من حضرتك تطرق لناحيه مهمه جدا جدا عشان المقبل علي الاستثمار في المجال بشكل عام.وهيا التوزيع الجغرافي للأراضي الصالحه للزراعه مع ذكر العيوب والمميزات .ولنفترض قرب وبعد الاسواق.الطرق. ملوحه الميه كذلك الارض.المحاصيل. وربنا يوفقك ويطعمك والناس اجمعين

[@OurTrees]

عنيا وشكرا علي كلامك الجميل واصلك الطيب

[@روتينياليومي-س3ش]

@@OurTrees تسلم عيونك ياجميل.ربنا يبارك في عمرك وعلمك

[@OurTrees]

@@روتينياليومي-س3ش تحت أمرك يا فندم

[@alihussein4133]

يا معالى الباشا الزراعة استثمار واى استثمار لازم يكون فيه نسبه مغامرة او كما تسميها مقامرة " حلال " ... والف باء فى اى مشروع استثماري هى دراسة الجدوى الاقتصادية الحقيقية وليست الوهمية والف باء فى اى دراسه جدوى حقيقية هى حساب التكاليف والمصاريف الثابته والمتغيرة واخر حاجه فى دراسة الجدوى هى الارباح المتوقعة، ،، اللى عاوز يوصل للهدف وينجح لازم يمشى صح ويحسبها صح . وفى الاخر ربك هو الرزاق الكريم .

[@OurTrees]

انا موافق على كلامك حرف حرف حضرتك عارف أقل دراسه جدوي من أقل مكتب في مصر عامله كام؟ تخيل حضرتك اني بعمل دراسات جدوي لاكتر من مشروع مكلفني الي الان 60 الف جنيه حضرتك فاهم الهدف من فيديوهاتي اللي بنزلها؟

[@alihussein4133]

@@OurTrees صح ، مفيش حاجه ببلاش ، بس الفكرة ان كل خطوه تكون محسوبه ومدروسه بدقة والتوفيق من الله.

[@OurTrees]

ربنا يرزق كل مجتهد يارب

[@mif1980]

حضرتك ياهندسه بتقول ما يمليه عليك ضميرك،أنا عن نفسى مرتاح لكلامك ومصدقك والدليل على صدق كلامك انك صاحب مصلحه فى بيع أرض للمستثمرين،هيطلعلك من ورا السمسره اكتر من زراعتك للأرض ومع ذلك انت مابتعملش كدا.

[@OurTrees]

ربنا يبارك في عمرك يا رب العالمين

[@abdallaahmed7793]

السلام عليكم لو سمحت يا بشمهندس أن معي 75فدان بالمغرة نسبة الملوحة 3200 والكوريد 1400الزرعة تكون نجاح لاني خايف من المنطقة مشلقي حد يفيدني اتمنى الرد وان امكنييت جهاز اتمنى الافاده وشكرا وربنا يوفقك للخير

[@OurTrees]

تحاليلك في ايدك وقوام علي مركز بحوث الصحراء دا رقم واحد رقم اتنين فكر جيدا في النخيل والشعير فكلاهما رائع

[@MohamedAhmed-dr9kh]

هل ياهندسه أفضل طريقه لتجنب الخساره هو إنك تشترى أرض تمليك بورق مش وضع يد وبتنتج بقالها سنين حتى لو كانت غاليه؟ ممكن تقولى اسعار الارض المتشجره عنب او تفاح او مانجه؟ وهل فيه أماكن تقدر تشترى فدان او اتنين جاهزين بينتجوا؟

[@OurTrees]

الفدان مش هيقل عن ٤٠٠ الف

[@اللهوحد-ع4ر]

حضرتك مشكور على. نصائح حضرتك ولاكن انا بتناقش حضرتك ٥ فدان ٢٠٠ الف مستصلح جاهذ على الزراعه شامل البير والطاقه وزراعة ٥ فدان بنجر بتكلفة ٣٥ الف الحصاد ١٦٠ الف ايه رئ حضرتك من الواقع

[@OurTrees]

هنتكلم عن الموضوع دا قريب ان شاء الله تعالي

[@OurTrees]

لا هو بيقترح حضرتك

[@اللهوحد-ع4ر]

@@noornoor-lz6rb الله يبارك فيك الأمل الان وفي ظل الظروف الحاليه الاستثمار الزراعي هره طق النجاة المهم تقعد عل أرضك وتدير صح يعني افرق ان فيه محصول موسمي وفيه محصول بيعطي عائد سريع وده بيغطي ده فية تعب ومشقه في الأول ذي اي مشروع بيتأسس ولاكن كل الأحوال بتشير عشان تأكل أولادك وتأمن مستقبلهم ابداء بأول خطوه الفدان شامل البير والطاقه وجاهذ على الزراعه ٤٠ الف وحق الدوله بعد ٣ ثنوات تقسيط على ٢٠ سنه

[@mostafasaberammar]

البنجر مش هيجيب الإنتاج ده في أرض أول مرة تزرع دا إذا لم يخسر من فلوس الزراعة، الأرض الجديدة في المحاصيل تحتاج غسيل من الملوحة وتسميد عضوي عشان تنتج، ويفضل في البداية زراعة قمح أول سنة والأفضل من زراعة المحاصيل زراعة الأشجار وبالأخص النخيل عشان المياه وشحها في الصحرا، وكمان عشان الظروف الجوية والمناخية، ربنا يوفق الكل يا رب.

[@OurTrees]

علشان كده انا مردتش

[@سلامهقدري-ر9ص]

استاذ محمود توجد لدينا أرض مقننة بالعسيلة مدفوع بها مقدر وقسط

[@OurTrees]

wtspee.com/201141183744 إبعتلي واتس اب ولو كده نتقابل

[@rmahmoud8674]

يد الله مع الجماعة الشيخ قال الزراعة للشركات والكيانات الكبيرة مش لصغار المستثمرين ده اللي فهمته لو انا غلطان حد يصلح

[@OurTrees]

مظبوط سيادتك

[@mohdal-maadead4045]

كلام الشيخ المتصل صحيح‎%‎100

[@OurTrees]

شكرا لحضرتك ويارب نكون قدرنا نوصل معلومه

[@belalhassan3899]

حضرتك بخصوص الشركات اللي بتبيع اراضي في باريس او في الداخله.. اتنين فدان ونصف ب حوالي ٣١٢ الف مزروعين جوجوبا ويدر دخل سنوي تصاعدي لحد ٣٠٠ الف سنويا.. هل الكلام دا صحيح ؟ وهل شجر الجوجوبا مستمر ومربح ومثمر لحد مائة عام ؟

[@OurTrees]

أدرس الموضوع كويس جدا

[@rababfayek9584]

لايك 👍. تحياتي لك

[@OurTrees]

شكرا علي دعمك يافندم

[@احمدشحاته-ت7ج8ج]

طيب يا هندسة انا واحد من الناس بدور على شركة أو كيان ادخل فيه بسهم او نصف سهم

[@OurTrees]

هنتكلم في القصه دي قدام ان شاء الله تعالي استأذن حضرتك تتابعنا ومتملش مننا

[@احمدشحاته-ت7ج8ج]

تمام

[@tarikshaheen5429]

لو كل واحد معه مليون ومش هيبدأ مشروع زى داه هيبدأ امته

[@OurTrees]

لما يبقي متأكد من استثماره مليار الميه

[@waelibrahim5064]

يا ريت يا بشمهندس توضح لنا ليه صاحب الرساله بعد ٩ سنيين لم يحقق مكسب مع العلم انه لو كان زرع نخل كان من السنه السادسه هيبقى فى ربح ؟

[@OurTrees]

بص انا هخليه يرد بنفسه بس مين اللي قالك انه بعد العام السادس هيبقي فيه ربح من النخل؟

[@waelibrahim5064]

@@OurTrees بعد السنه الكام النخل ببدء يحقق مكسب فى حاله الخدمه الجيده .

[@OurTrees]

منا بسأل حضرتك مين اللي قال انه بعد السنه السادسه يدي إنتاج جيد؟

[@waelibrahim5064]

@@OurTrees سألت اتنين واحد فى الواحات البحريه والتانى فى الفرافره زارعين نخل صعيدى ومش سماسره قالوا فى السنه السادسه النخله تجيب فى حدود قنطار .مع العلم أنهم من اهل البلد وبيشتغلوا فى الأرض بنفسهم

[@OurTrees]

@@waelibrahim5064 حلو آوي الكلام دا هل النخله بقي دا مكسب جيد ؟ هل جودة قنطار السنه السادسه دا زي قنطار السنه العاشرة هل قيمته والعائد بتاعه يصرف علي مزرعتك؟ اسأله نفس الأسئلة دي وقولي الاجابه أهو ادينا احنا الاتنين بنتعلم

[@kamalkamal3555]

عايز خمس فدادين ورق سليم لو ممكن

[@OurTrees]

فين؟

[@kamalkamal3555]

في ارض الواحات اي قريه

[@OurTrees]

اشوف

[@abdallahgad4370]

انا شايف ان طرحك محترم جدا . وحددت مشاكل القصة بالذات بالنسبة للأفراد. اللي عنده قدرة وهيتغلب علي المشاكل المذكورة بالذات فى التمويل علي المدي البعيد وانه يكون عنده خبرة ويقعد في ارضة فيتكل علي الله . السؤال هنا الشركات اللي علي اليوتيوب (الخمسات) كفكرة نظرية المفروض انها هتتغلب علي المشاكل المذكورة كلها للأفراد، بس هل هما عندهم الخبرة الخاصة للمشاريع فنيا واداريا وخصوصا انهم بيتوسعوا جدا؟ هل الموضوع قانونا مفيش في مشاكل في ظل وضع اليد ؟

[@OurTrees]

الموضوع دا مميز وهحاول اتكلم فيه في فيديو علشان فيه كلام كتير

[@mohammedyoussef4710]

ياريت تكلمنا عن مصاريف التشغيل في الأرض من عماله نوعيتها ومواصفات العامل الكويس ومتوسط الاجر وسكن العامل وطعامه والمصاريف الاضافيه علي اجره أيضا مصاريف السفر الواحات والاقامه والانتقال من المدينه الي الأرض وهل يفضل السكن بالمزرعه ام ايجار شقه بأقرب مدينه ولو بنتكلم عن نخيل ماهو متوسط المصاريف السنويه حتي الانتاج التجاري لمساحه 10افدنه وهل عشر افدنه تعتبر مساحه اقتصاديه بمعني أن أحمل عليها اجره عامل وفي حاله اجازه العامل ماهي اجره العامل اليوميه بالواحات البحريه مشكورا علي النصيحه تحياتي

[@OurTrees]

كلام ممتاز واسأله مشروعه هعمل فيديو عن الكلام دا وهتلاقيه قريب جدا علي القناة

[@mohammedyoussef4710]

@@OurTrees جزاك الله خيرا وبارك الله فيك

[@OurTrees]

نحن وإياكم يافندم

[@اللهوحد-ع4ر]

السلبيات وضحة في المتحدث هو قال اشتغل صح والصح هوا الاداره صح

[@OurTrees]

دا إللي بنقوله نشتغل صح وندير صح ودا اهم من الزراعه نفسها

[@egyfal]

انا عارف ده مين حبيبي... 😄

[@OurTrees]

نورت القناة يامولانا

[@MahmoudAli-sc8zj]

تحياتي لشخصك الكريم وارجو انك تسامحني لو التعليق علي الفديو الي فات ضيق صدرك شوف يااخي انا من اسيوط وزارعين علي الصحراوي الشرقي ارض وضع يد وليس لها تقنين لانها تتبع محميات اوطرق اوكهربا وخلافه الفدان من ٢٥٠ الي ٣٠٠ الف وبننقل لها طميه سوده الفدان يكلف٥٠ الف والميه ملوحه عاليه ومشاكل اهالي توصل للدم والعياذ بالله بسبب موضوع وضع اليد الله المستعان اناشخصيآ مش زارع بس عارف كل التفاصيل ديه من اهلي وفعلا الجبل عاوز جبل وموضوع فوق المتعب كمان وكلامك كله صح بس لو حد عاوز يبدا في الوادي ب٥٠٠٠٠٠الف هيبدأ شرط يكون فاهم ويأمن مصاريف بيته ويعمل انتاج حيواني علي كده ٢٠ غنمه مثلا فدانين برسيم وثلاثه نخل والشغل كله بايده لا عامل ولا غفير ويستحمل الصحراء وزى ما بيقولو ياكلها بملح وعلي فكره ده مش استثمار لا خالص ده واحد بيدور علي حاجه تكفيه شر الزمن مفيش حاجه بالساهل ابدا وفعلا انا عارف قليل اللي يقدر بستحمل الكلام ده او يناسبه طبعا كده مفيش مقارنه بين ارضنا وارض الوادى رغم كده الي زارع عندنا ممشي نفسه ومستور ويقولك الارض تستر الراجل تحياتي وبالتوفيق للجميع

[@OurTrees]

ولا يهمك وشكرا على كلامك دا

[@shabanabdullah-xx7jz]

انت تعمل فديوهات اونطة عشان تاخدعددمشاهدات شغل رخيص

[@OurTrees]

متتفرجش شفت سهله إزاي

[@aymansobhy6918]

بس يا بشمهندس انا جايلك من الواقع الفعلي مش الافتراضي ١٥فدان نخل بيصرفوا ١٠٠٠٠٠جنيه تسميد ١٢٠٠٠مكافحه افات ٢٠٠٠٠مكافحه حشايش ٤٨٠٠٠راتب عامل ٢٤٠٠٠غفره ونثريات ٥٠٠٠٠ دي مصاريف فعليه

[@OurTrees]

قول ياكبير قول كمان

[@mostafakhalil3393]

تمام دى مصاريف سنوية و لا بتتصرف على مدار كم سنة

[@aymansobhy6918]

كام سنه ايه دي مصاريف سنه واحده

[@mostafakhalil3393]

يعنى تقريباً الفدان كل سنة يحتاج ٢٠٠٠٠ جنيه

[@moatazymuhammad]

بعد اذنك يا استاذ ايمن، حضرتك بتقول انك دافع غفرة، تقصد غفرة عرب؟، هو حضرتك ارضك فين؟

[@shabanabdullah-xx7jz]

انت كل يوم كلام شكل تانى

[@OurTrees]

متجيب رقم تليفونك؟

[@OurTrees]

لا مش حقيقي 😁

[@OurTrees]

انا كل كلامي واحد متغيرش والناس هنا تشهد بالكلام ده

[@shabanabdullah-xx7jz]

انت كلامك كلةفرقعة ملوش اى فايةللناس انت عاوز ليقات ومشاهدات لليوتيوب كل فيديوهاتك مفيش حاجةجديدة

[@OurTrees]

لايكات تكتب كده مش ليقات وملوش فايده لحضرتك فقط علشان انت فاهم وعارف اما غيرك ممكن ميكونش عارف