ليه سبت مجال خدمة العملاء Call center ؟ 🇮🇹 | ندى سعيد

سلبيات شغل الكول سنتر اللي غالبا محدش بيحكيها عشان المرتب كبير.
مجرد وجهة نظري.

[@Zeynepelahwany]

عندك حق في كل كلمه ❤👏🏻

[@mohamedbakr1569]

ربنا يعوضك خير وتحققي كل اللي بتتمنيه💙

[@mohamed3615]

احسن نقطة قلتيها هى الصحة النفسية فعلاً لان الواحد لو وصل لمرحلة ال burn بيدمر بدعيلك ربنا يوفقك لانك مجتهدة وبتسعى بكل طاقتك ❤

[@ALAAangela]

عايزة اقولك يا ندى ان الكول سنتر دا ضيعت فيه ٤ سنين من عمري وبجد أسوأ experience عشتها في حياتي نفسيا وصحيا وكله ،. بيتعاملو مع البني ادم كانه عبد بالسخرة وبيقللو من مهارته وثقته بنفسه بشكل رهيب ! شغل استعباد

[@WeilaNada]

اتفق للأسف، أهي خبرة اكتسبناها ومحدش بيتعلم ببلاش

[@eylulkhalaf3020]

طب انا معايا فرنش و عايزة اشتغل بيه محتاجة مساعدتكم بجد عايزة اجرب ع الاقل سنة او كام شهر انا لسه طالبة اكمل و اخوض التجربة و لا اية رأيكوا ... محتاجة اعرف منكم و كمان محتاجة شركة تكون محترمة فير فودافون طبعا و الشركات دي

[@WeilaNada]

ماجوريل فيها أكونت أمازون فرينش

[@eylulkhalaf3020]

@@WeilaNada شكرا جدا ليك 🙏

[@eylulkhalaf3020]

@@WeilaNada اجرب و لا اية النظام ؟

[@nohael-sayed5353]

ماشاء الله ربنا ييسرلك كل خير ي رب ❤❤❤

[@rosaansary4949]

انتى شخصية جميلة ومجتهدة جدا .. ربنا يعوضك إن شاء الله بكل خير

[@WessamMohammedMahmoud]

دمك خفيف وعسل وفيكِ قبول ما شاء الله 💞💞💞

[@Leprof-Essamali]

ربنا يوفقك ويزيدك من فضله

[@dalteleslam3389]

ربنا يوفقك يعيوني نتي بجد بتحكي قصة حياتي في فيديو بس ربنا موجود وانشاءالله ربنا يعوضنا ويرزقك يارب بحياه اللي تتمنيها

[@WeilaNada]

آمين يارب أنا وأنتي 😘♥️

[@user-xq6fp6eb8o]

ربنا يوفقك ويكرمك يا ندى وينفع بيك وتكوني علامة فاللغة الإيطالية في مصر ، أنا فرحان والله إن الغاية عندك واضحة فربنا يقويكي وثبتك على كده واستمري

[@WeilaNada]

ولك مثله يارب 🙏🏻

[@yasminaabdelsttarali9186]

من فضلك ياندي انا محتاجة اشتغل من البيت لأني محتاجة دخل مادي ليا وعيالي. هتعلم الكول سنتر عربي او انجليزي رجاءا رشحيلي شركات تقبل العمل من المنزل

[@yasminaabdelsttarali9186]

ارجو ردك

[@WeilaNada]

معنديش فكرة للأسف، انضمي لجروبات الكول سنتر على فيسبوك واسألي

[@hadeerahmed3413]

انتي جميلة بجد شكرا ❤❤❤❤

[@liitaliano5178]

عايزين فيديو بقي عن خدمة العملاء نفسها وإزاي اهندل عميل وبنستخدم مصطلحات إيه ولو داخل غضبان ولو ولو.... بنستمتع جدا بالدردشه بتاعتك 😍 وصياحك 😂

[@ranamarweni5206]

انتي حكيتي كل تفصيلة عايشتها والله انتي لخصتي كل الي عايشاتو حرفيا والله

[@imansudan7517]

ما شاء الله ... اللهم بارك ... انا بحب اشوفك و اسمعك كلامك مرتب و أفكارك منظمة و مش بتقولى اى كلام و خلاص كل كلامك ليه معنى و ليه هدف ..... ربنا يحفظك و يسعدك أيا كان مجال شغلك و اينما كنتى فى هذه الدنيا .... من القلب شكرا جدا يا ندى يا جميلة 💐❤️💚🌼

[@WeilaNada]

ربنا يخليكي يا إيمان فرحتيني تسلمي 💖 عفوا وأنا كمان أتمنالك كل التوفيق والنجاح 😘

[@imansudan7517]

@@WeilaNada ❤️💚💙🌼💐

[@user-ws8ep2yd7d]

ما شاء الله عليكى بجد نفسي أتواصل مع حضرتك مباشرة عشان عايز أسأل حضرتك في حاجات كتير عشان طريقة حضرتك سهلة وبسيطة أوى

[@sary9937]

فيديو جميل وغني و انت زي العسل

[@WeilaNada]

🙈♥️

[@ayaadel2558]

ازاى طريقة التقديم لو المكان بعيد او محافظة تانية ؟

[@amal8266]

انا حابةاتعلم الاسباني والايطالي فمين افضل في فرص الشغل

[@eylulkhalaf3020]

طب شركة Consentrix كويسة و لا ااية ؟؟

[@WessamMohammedMahmoud]

أنا كلية تجارة اتخرجت السنادى الحمد لله ومش عايزة اشتغل فى مجالى لأنى معرفش فى حاجة معنديش طاقة أبذلها فى الطريق دا حالياً بتعلم أسبانى وفى المستوى الأول بصراحة وربنا يقوينى وأكمل ف بفكر أشتغل كاتبة مقالات باللغة الأسبانية أو حد يطلب منى أكتب عن موضوع معين بالأسبانى هل دا متاح أو فى شغل زى كدا ولا أنا فاهمة غلط ولو فيه ممكن تقوليلي امشى ازاى فى المجال دا

[@unridio5012]

10/10

[@emanelmhlawy6331]

ممكن تتكلمي عن ازاي نجيب نفس الفلوس دي ازاي الطرق الأ بسط دي وتبقي ف ميزان حسناتك

[@user-si8nw6vu5i]

انا كنت عايشه في ايطاليا لمده خمس سنين وكنت في المدرسه هناك خلصت اعدادي وسنتين ثانوي ولظروف معينه اضريت انزل مصر ، انا حاليا في اولي جامعه كليتي فيها وقت فراغ كبير وكمان داخلين علي اجازه ، مش مبالغه في نفسي بس اللغه الايطاليه بتاعتي شبه خريجين اللغات بالظبط عشان انا كنت بتعامل بشكل يومي لمده خمس سنين مع ايطالين بس . حاليا انا عوزه احافظ علي اللغه بتاعتي وبدور علي شغل كول سنتر يكون ايطالي بس دورت كتير ومش لاقيه وعوزاه من البيت عشان انا مش من القاهره فلو ممكن ترشحيلي مكان ادور فيه اكون شاكره جدا ليكي ♥️

[@WeilaNada]

شوفي ماجوريل وكونسنتركس و tp و إكسيد

[@mohammeddihossam280]

طب الواحد يشتغل ايه وفرص الشغل متاحة ولا لا

[@doaamoustafa7364]

حبيبتى ياريت يكون هدفك ترجمة القرآن تابعى خواطر إيمانية للشعر اوى وتدبر القرآن لفاضل سليمان وكونوا لجنة لترجمة القرآن

[@WeilaNada]

القرآن تُرجم للإيطالية من زمان يا أستاذة دعاء، على يد المترجم حمزة بيكاردو

[@saga_sagoo165]

هو ينفع منتقبه تشتغل كول سنتر؟

[@shoroqahmed2854]

لوسمحتي انا باقدم في فودافون يوكي بس الشغل من البيت ما عدا طبعا فترة النستنج اللي هي شهرين في الفلور و بعدين ارجع البيت تاني . فعندي سؤالين . 1) انا مش طايقة اصلا الوظيفة من دلوقتي و قلبي مش مرتاحلها من قبل ما ادخل اشوف الفيديو ده اساسا بس ماديات ففكرت ادخلها و اطلع منها بعد 4 شهور ( اللي هو شهر التريننج اونلاين و شهرين النستنج في الفلور و شهر كده جدعنة ) فهل دي فكرة كويسة ؟ و هل في شرط جزائي لو حبيت اسيبها بعد 4 شهور ؟ 2) بما انها من البيت هل ده ممكن يساعد حبة من ناحية الوقت بما ان كده مفيش قرف المواصلات و الجو ده كله ؟

[@WeilaNada]

نقطة الشرط الجزائي اتأكدي منها من ال hr وأنتي بتمضي العقد (بأسلوب زكي طبعا). رأيي إن أي شغل فأوله صعب، جربي وخدي خبرة وجمعي شوية فلوس ومنين ما تزهقي اخلعي (عملت فيديو تالت عن الكول سنتر هيفيدك شوفيه).

[@king-el8fm]

حضرتك لو تعرفي مواقع افلام ايطاليه مترجمه ياريت لينك

[@mahmoudfarrag4614]

حضرتك انا لسه خريج اداب جغرافيا قسم مساحه وحاسس المجال مش حلو ومش متقبله ومقدم على تكنيكال سبورت وخايف اسيب مجالى اندم فى الاخر وبحاول اتعلم لغه الالمانى ومشتت بسبب المجال اى النصيحه

[@WeilaNada]

اللي فهمته من كلامك ان الايطالي بتاعك كويس فمقدم على شغل بيه، فتحتار بينه وبين شغلك الأصلي، الألماني ايه دخله في الموضوع ؟ رأيي تكنسله موضوع انك محتار بين الكول سنتر وشغلك الأصلي فرأيي اعمل زي م عملت ابدأ كول سنتر واستثمر فلوسه فشغلك الأصلي لحد م تكبر فيه، الكول سنتر حقيقي ملوش مستقبل ومش ارض صلبة تستند عليها ملحوظة: الأفضل تطلب نصيحة من حد فمجالك وحد فمجال الكول سنتر بس الاتنين قدام أوي فمجالهم (١٠ سنين خبرة مثلا)

[@husseingbr2947]

معلش هو سؤال خارج السياق بس شهور البيك أو الصغط بيكون كام مكالمة ف اليوم متوسط !؟؟؟

[@WeilaNada]

مش فاكرة طبعا بس مكنش بيبقى فيه حتى دقيقتين بعد الكول تقفل فيهم الكونتاكت بميل

[@ahmedsayed1180]

انا شايف ان كل المشاكل اللي حضرتك قولتيها موجودة في اي شغل طالما مش شغل خاص بيك مفيش شغل في شركات مريح خالص لا بدنيا ولا ذهنيا +هو المرتبات بتبقي في رينج كام ؟

[@WeilaNada]

لا في شغل أريح بكتير بس مرتبه تعبان، فعلاً الشغل الخاص هو الحل ودا اللي بعمله حاليًا. في اسكندرية رينج ٨ ل ١٠ على حسب معاك انجلش ولا لأ، اعتقد في القاهرة أعلى شوية.

[@albermurad6331]

شركه اي عاوز ادخلها

[@sarahnafea9237]

ازيك يا ندي ممكن اعرف ال assessment بيبقي بالايطالي ولا لا؟ و ممكن يحطه ايه ف الجرامر؟

[@WeilaNada]

آه طبعا يا سارة بالإيطالي (أحياناً أول انترفيو انجلش والتاني إيطالي، لو الأكونت طالب اللغتين). امتحان الجرماتيكا بيختلف دايما بس هو غالبا mcq على الجرماتيكا بتاعت مستوى b1.

[@sarahnafea9237]

@@WeilaNada ايوه طالب الايطالي c1 و الانجلش b1 وانا خايفه يكون ال assessment بالانجلش🤣🤣 ممكن اعرف بعد اذنك بيبقي الجرامر عباره عن ايه

[@user-pj2ul3mg9j]

فيديو جميل ♥️♥️ عايز اعرف رأي حضرتك أنه اسهل في فرص العمل في اسكندرية الاسباني ولا الايطالي

[@WeilaNada]

حاليا متاح ايطالي بس، مفيش اسباني خالص في اسكندرية للحظة دي (بس سمعت ان في أكونت هيفتح قريب).

[@user-pj2ul3mg9j]

@@WeilaNada تمام طب و الألماني

[@WeilaNada]

@@user-pj2ul3mg9j خلاص كدا نفذ رصيدك من الاسئلة النهاردة 😃 الألماني موجود كتير بردو زي الإيطالي

[@user-pj2ul3mg9j]

@@WeilaNada تمام ربنا يوفقك 😂😂😂♥️

[@user-uw9du3qj1f]

@@WeilaNada عايزة اقولك انا اسبانى وقرفانة جدا أنه مش متوفر كول سنتر اسكندريه وكل ما يفتحوه بيقفلوه تانى

[@abdallahsherif2035]

كنت عايز أستأذن حضرتك ما تعرفيش شغل كول سنتر عربي من شركه مضمونه لإني دورت كتير ما لقيتش غير مجموعة نصابين و ناس كتير أكدت علي كده ، فقلت أسأل حضرتك لأن حضرتك مريتي بالتجربه دي

[@WeilaNada]

للأسف معنديش فكرة عن الأكونتات العربي

[@fatma.mohammad]

فيه ف وي طالبين ناس دلوقتي

[@Mohamedhassan-kl9qr]

استاذة ندا ممكن لينك جروب الكول سنتر فودافون او اتصالات او المصريه ونبي ❤❤

[@WeilaNada]

m.facebook.com/story.php?story_fbid=pfbid02ccTvyEtpfEfzGjadeUuZhyiZhhkojQEj8wek1JusPqk3HBpmSuuiMiVwSJud89nHl&id=100088643376887&mibextid=Nif5oz تابع الصفحة دي، بينزل لفودافون ايطاليا على طول

[@M0MO2202]

في اي مجالات شغل تانيه غير ال كول سنتر

[@cap.mostafamagdy734]

حضرتك قولتي انك كنتي حبه تدرسي حاجه او تتعلمي حاجه بفلوس الشغل وللاسف طلعت مكلفه ممكن اعرف ايه الحاجه دي

[@WeilaNada]

دراسات عليا في تخصصي بس فجامعة إيطالية

[@cap.mostafamagdy734]

@@WeilaNada ليها شروط معينه مثلا لازم اكون خريج السن

[@WeilaNada]

@@cap.mostafamagdy734 حضرتك بتخش ع البرنامج اللي حابه في الجامعة اللي عايزها وتشوف شروطه تنطبق عليك ولا لأ

[@mohamedhosni797]

طب شايفة التدريس افضل ولا الكول سنتر انا شايف ان التدريس بشع يتقارن بشغل عمال بناء حرق دم ملوش مثيل ياريت تردي عليا انا عايز اسيب التدريس واشتغل كول سنتر الماني .. عشان اعرف امسك فلوس لازم ادي دروس و مفيش اجازات نهائي عشان يبقى اسمي معايا فلوس ايه رأيك الكول سنتر احسن ؟؟

[@WeilaNada]

بص م الاخر فظروف البلد دي الشغل الحلال اللي يجبلك فلوس أكتر اشتغله

[@user-uw9du3qj1f]

طب لو شغلانة بتجيب فلوس بس مرهقة هل الفلوس بتنسى التعب ولا لا

[@WeilaNada]

في الأول بس، بعد كدا هتكرهي الفلوس اللي بتيجي بالمرمطة كدا، ولو دخلتي نفسك فالتزامات عشان تكملي شغل هتكرهي نفسك وعيشتك 😃 دا رأيي الشخصي

[@doaakhaled8550]

Rotational shifts نظامها بيكون ازاى

[@samatv7994]

يعني ملكيش معاد معين لشغلك

[@amerasaied3782]

طب انا كنت لسه عايزه ابدأ اشتغل كول سنتر انجليزي م البيت بلاش المجال ده وللا ايه رأيك؟

[@Idirisoo]

ابدا وحوش وسيب

[@mohontop]

ليه مش فكرتي تحضري كورسات اونلاين بحيث تتغلبي علي rotational shifts?

[@WeilaNada]

ما الأونلاين لبه مواعيد بردو ملهاش علاقة

[@amiraz2899]

قولتى كل ال جوايا وكل حاجة حصلت معايا فى الكول سنتر بس انا طفشت بعد اول اسبوعين لوج ان ومقدرتش استحمل

[@WeilaNada]

دا أنا بطلة بقى 😂 ربنا يعوضك خير إن شاء الله ❤️

[@amiraz2899]

@@WeilaNada اة طبعا بس انا كنت عربى عادى ف مكانتش مستاهله يعنى .ربنا يعوض عليكى يارب ♥♥♥♥

[@asmaaamin6580]

انا في لغات وترجمة سنة أولي عندي الفيرست أنجلش والسكند الماني لسه في المستوي الاول في الاماني كنت حابة أن اشتغل وانا في الجامع انا حاليا مش باخد اي كورسات بتعلم ذاتي بس هبدء بعد رمضان يعني علي السنة الجاية هكون خلصت اربع مستويات واشتغل بالاماني كنت بفكر اشتغل كول سنتر من البيت علشان بردو هكون بدرس وانا عندي المحاضرات اون لاين عادي ف هعرف اظبط الدنيا اكتر من اني انزل الشركة نفسها ايه راي حضرتك ولا اخليني لما اخلص جماعة ولا اعمل ايه ممكن تفيدني وشكرا جدا لحضرتك ❤️

[@WeilaNada]

شغل الكول سنتر مرهق جدا مش كله بيعرف يوازن بينه وبين الدراسة + انك الأول لازم هتنزلي السايت على م يوافقوا ينزلوكي م البيت فيها شهور كتير، ادرسي الخطوة كويس

[@ayaali9616]

سبحان الله لخصتي معاناتي انا ايضا كول سنتر ومش عارفة اخلص الشهر عشان استقيل 😂 وفضلت مأجلة القرار لحد ما تدمرت نفسيا وحاليا اخذت قراري وبحاول كل طاقتي انه اخلص الشهر حتى اخذ مستحقاتي من اوفر تايم و مبيعات للاشهر السابقة اتمنى تدعولي بالتوفيق عن جد شغلة صعبة كانت سنتين مليانة بكاء و تعب نفسي وضغط

[@WeilaNada]

ربنا يوفقك في شغلك الجديد ♥️

[@sendrellastar4119]

معلش ممكن سؤال تعبتي نفسيا ليه لان الانجلش بتاعي كويس ونفسي اشتغل كول سنتر بقول شغلها مريح؟؟

[@ayaali9616]

@@sendrellastar4119 اسباب مثل اولا تعامل الناس كثير ناس تتجاوز وتستفز وتتافه وحتى المحترم ف مطلوب منك انه تضلي تطولي بالك معه وتقنعي فيه وتجاملي ف هالشي يمتص طاقتك النفسية بشكل كبير ثانيا لود المكالمات يدخلك بضغط عصبي وتعب من كثر الكلام ثالثا ضغط التاركتات الي لازم تحققيها واغلبها تكون تعتمد ع تقييم للزبون وكثير منهم يقيم اقل من استحقاقك ويظلمك رابعا الشفتات الي يوم تكون صبح يوم ليل يوم عصر مافي استقرار ونظام تمشين عليه يعني كل ما اضبط نومي يتخربط بسبب الشفتات والخ اسباب كثيرة بس ممكن تشتغلي فيها لمدة سنة مثلا انا استمريت تقريبا سنتين وصلت لمرحلة الانهيار لكن ممكن الواحد يشتغلها لفترة قصيرة ويستقيل قبل ما يستهلك نفسه

[@ayaali9616]

@@sendrellastar4119 انا رديت بس ماعرف ليش تعليقي مديظهر ف رح اكتبه مرة ثانية الاسباب كثيرة منها اولا انه الناس احيانا قليلة ذوق وتضغط وتستفز الموظف و تتعامل باسلوب مزعج وحتى احيانا تحرش والفاظ سيئة يستخدمون بعض المشتركين لازعاجنا ف هالشي كان يخليني عصبية و محبطة طول اليوم ويتعب نفسيتي وحتى المحترم ف يتطلب منك مجاملة و اخذ وعطى والموضوع يستهلك الطاقة ثانيا ضغط ولود مكالمات طول وقت الدوام ف نتعب من كثر الحكي وننهار بسبب الضغط انه من مكالمة لمكالمة منلحك نهدأ او ناخذ نفسنا ثالثا ضغط التاركتات الي اغلبها تكون مو بايدك بس مطلوبة منك

[@ayaali9616]

@@sendrellastar4119 رابعا واخيرا الشفتات الي تكون باوقات مختلف. مرة صبح مرة ليل مرة عصر ف هالشي يخربط نظام يومك لو مهما حاولتي تصلحي وميكون لك روتين ثابت وبنفس الوقت مرات يكون ايجابي هالشي انه لما يصير عندك شي الصبح تحاولي تبدلي الشفت لشفت مسائي وهيك في مرونة يعني يعتبر سلبي وايجابي وكمان كثرة التعامل مع المشتركين يقوي من ثقتك بنفسك بالتحاور مع الناس وهيك ف لو حابة اشتغلي فترة قصيرة ولما تتعبي اطلعي كتى ماتوصلي مرحلة الانهيار وتتأثر صحتك. النفسية والجسدية مجرد اكتبسي خبرة حتى تقدري تقدمي ع وظائف ثانية

[@user-ut7bx7fy2m]

انا عندي سؤال. هو في شغل كول سنتر بارت تايم لغة ايطالي و لا صعب الاقي؟

[@WeilaNada]

صعب للأسف

[@mohamednagdy1156]

كنت عايز اتعلم لغة كويس مش شرط ايطالي بس عايز ابتدي و مش عارف ابتدي ازااي ممكن تفديني

[@kinglord8761]

خد كورسات - بس المهم يكون المحاضر شخص مقبول ودمه خفيف - لازم تشوف أسلوبه الأول قبل ما تدفع الفلوس - عشان ماتخسرش فلوسك - لأن ساعات بيكون المحاضر ضخص رخم ودمه تقيل وانت مش فاهم منه حاجة فتكتشف إن فلوسك ضاعت - واسمع دروس على يوتيوب

[@amsedStar]

انا اكونت عربي تبع طلبات أنا باخد تقريبا 4 شات في اليوم وتقريبا طول اليوم رش والراتب 4 آلاف

[@WeilaNada]

ربنا يعينك راعي بردو انك بتشتغل بلغتك الأم اللي اكتسبتها بالفطرة، لكن اللي بيتعب في تعلم لغة بيعمل كدا عشان يبعد عن ظروف الشغل دي. نصيحتي: اتعلم لغة أو برمجة أو ابدأ شغل فمجالك الأصلي حتى لو بفلوس قليلة بس هتكبر مع الوقت.

[@Ammar-cj9zt]

اقدملها ازاى لو سمحت ؟ والشغل اونلاين ولا ف الشركة ؟

[@yarasy6274]

حبيبتي ممكن تفيديني اذاي بدأتي

[@halamahmoud4981]

من فضلك ممكن تقوليلي اماكن اقدم فيها علي كول سنتر

[@WeilaNada]

Majorel Sutherland

[@Ammar-cj9zt]

انا مهندس مدنى لسا متخرج بنقف ٨ ساعات ف الشمس ب الفين ونص 😂😂

[@WeilaNada]

الحق اتعلم لغة وسافر بقى

[@Ammar-cj9zt]

@@WeilaNada انا فعلا بدات اتعلم اسبانى لان مجال الهندسة ف مصر راحت عليه الهندسة حرفيا الصيت ولا الغنى ...معلش تعرفى الاسبانى ليه شغل ف مصر ولا لا ومرتباته عاملة ايه ؟

[@WeilaNada]

ادمج اللغة مع الهندسة، شوف دولة لو اتكلمت لغتها تشغلك مهندس او تاخد منحة للماستر ودا بردو هيفتحلك سكة شغل ان شاء الله الايطالي والألماني كويسين لمجال الهندسة وابدأ تابع جروبات المنح

[@doitrightfreestyler]

حضرتك كنتي في شركة ايه

[@kinglord8761]

أكيد شركة سياحة مشهورة - عشان كانت بتكلم السياح الإيطاليين

[@abanobadel8284]

مع احترامي ليكي ده شئ عادي حضرتك لو اشتغلتي اي مكان برضوة نفس الكلام سوا بشهادك أو من غيرها إذا كان تعب من الوقوف او جلوس .. معظم الشغل دلوقتي يبقي ع شفتات.

[@WeilaNada]

شغل من غير الشهادة ممكن اتفهم المجهود اه. لكن دارسي اللغات مش بيلجأولها عشان في الآخر يلاقوا التعب. فمع احترامي لرأي حضرتك دا كلام مش صحيح، أنا حاليا شغلانة فريلانسر وظروف الشغل أريح كتير وخبرتي بتزيد يوم بعد يوم ومتحكمة فحياتي بشكل كبير مقارنة بالأول. نصيحتي متفكرش تستسلم لابتزاز الشركات الكبيرة بمبرر ان كله كدا، عشان مش كله كدا.

[@sosysplash]

@@WeilaNada انا اجنبية وعندي ماستر لغة عربية وبدور على شغل مفيش غير التدريس وصعب القى شغل مدرسة وحتى لو لقيت الراتب ضعيف مقارنة بالكول سنتر هل عندك اقتراحات او ازاي ابدأ او ادور شغلانة فريلانسر مع العلم اللغة الانجليزية عندي متوسطة بس مش ممتازة

[@thetruth-sw8nh]

​@@WeilaNada كلامك مش صح خااالص . لسببين الاول إن شغل الفرى لنسر ده ماينفعش مع بيت مفتوح لان الدخل مش ثابت انتى دلوقتى علشان عايشه مع أهلك ف حاسه إن الموضوع عادى ثانياً مش كل الناس تقدر تشتغل فريلنسر بالعكس نسبه الناس اللى تقدر تشتغل فرى لنسر اقل من 1% من عدد الخريجين و أخيراً حضرتك فى كل كلامك انا درست 4 سنين انا انا انا فى ايه !! حضرتك احنا درسنا 5 سنين فى الجامعه و الدكتور درس 7 سنين و مش بيقول كده و داخله تقولى لى واحد مهندس رد عليكى ادرس انجليزى و سافر بره !!! ايه الكلام ده !!!

[@WeilaNada]

@@thetruth-sw8nh ألف به كلام أنا قولت فأول الفيديو إن اللي مضطر يشتغل الشغلانة دي ومش هيعرف يسبها ميكملش الفيديو، فاللي فاتح بيت وعايز يعيش ع الوظيفة مكنش يشوف الفيديو أصلا. كلامي مش عرضة للتقييم دا رأيي لو مش مقتنع بيه عادي محدش ضربك على ايدك تنفذه وميشغلنيش تشوفه صح ولا غلط. نقطة الفريلانس مش هضيع وقتي في إقناعك بيها لأن براحتك ولإني مش مهتمة. وآه أنا درست لغة ٤ سنين بتعمق عشان اشتغل بيها شغلانة أحلى من الكول سنتر ايه دخلك بقى مش فاهمة انت ولا اللي درس ١٠٠ سنة حتى؟! أنا مالي بأي حد أنا بتكلم عن نفسي هو مش سباق عبودية عشان نشوف مين درس أكتر وشغله أوحش!! لا المهندس يفضل فمصر يتمرمط بملاليم ميتعلمش لغة ويسافر عن طريقها بلد تحترمه فعلا انت معاك حق جدااا

[@WeilaNada]

@@thetruth-sw8nh والدكتور اللي درس ٧ سنين بيمشي فاجراءات الهجرة بعدها وبيتعلم لغة يسافر بيها، ومش كل البنات اللي عايشين مع أهلهم مبيصرفوش كتير، ففكك من ماية البطيخ اللي عايش فيها واعمل اللي انت مقتنع بيه من غير وجع دماغ عشان مش ناقصين تنظير كفاية القرف اللي عايشين فيه

[@tahahussin2736]

طب ايه راي حضرتك ف ال Technical support

[@WeilaNada]

حلو أروق بكتير من الريتيل بس محتاج لغة أقوى

[@tahahussin2736]

@@WeilaNada طيب لو سمحت ياريت فيديو تعريفي عنه والبرامج اللي المفروض اتعلمها وشكرا جدا

[@reemmohammed2767]

اشكرك شكراً جزيلاً انا واحده اساساً عندي فرط حركة و مبردش علي صحابي 😂😂😂 مش عارفه فكرت في الكول سنتر ازاي؟؟

[@WeilaNada]

فكرتي بس ولا جربتي؟

[@reemmohammed2767]

@@WeilaNada مجربتش

[@WeilaNada]

@reemmohammed2767 لازم تجربي وتاخدي مميزات التجربة

[@reemmohammed2767]

@@WeilaNada الموضوع مغري و في نفس الوقت مخيف ..اشكرك علي النصيحة و إن شاء الله ربنا يعمل اللي فيه الخير.❤ انا فعلاً مليت Application علشان Training و خايفة أروح😅

[@cinemachild555]

المرتبات هناك كويسه...ممكن الواحد يشتغل سنتين تلاته يعمل فلوس كويسه وبعد كده يعمل مشروع خاص...مشكلتك انك بتصرفي كتير ...او معندكيش خطه للادخار ...كان لازم تحوشي لمشروعك الخاص وبعد كده تستقيلي... الترجمه مش دايمه

[@WeilaNada]

لنفترض جدلاً إني حوشت ١٠ الاف في الشهر × ٣ سنين، يعني ٣٦ ألف (مش هيتحوشوا بردو بس لنتخيل) .. ايه المشروع اللي يتفتح بالرقم دا وينجح في بلد اقتصادها متدهور؟ معنديش اعتراض ع الفكرة فعلاً بس هي مش منطقية خالص وعلى فكرة أنا بدأت أحوش فعلا ولولا اني بحفظ الفلوس في دهب كان زمانهم بقوا ولا شئ وبعد سنتين تحويش مش عارفة حتى اوصل لربع المبلغ اللي محتجاه عشان أسافر!

[@WeilaNada]

وبعد ما تدفن نفسك سنين فشغلانة خبرتها محدودة، بناءا على انهي مهارات بتفترض انك هتعرف تدير مشروع؟

[@cinemachild555]

@@WeilaNada 10 آلاف في 3سنينب360 الف لو حطتيهم في دهب زي ما حضرتك بتقولي يبقي مش وحش والله...ده اضعف الإيمان ...لانه فعلا مفيش شغل بالمرتبات دي...انتي عايزه تطوري من نفسك ليه هتشتغلي ايه مدرسة مثلا... برضو هتفضلي طول اليوم بره ومعرضه يجيلك ضغط وسكر وإحباط والدروس شغلانه ممله برضوا ...معاكي ان الكول سنتر عذاب لكن مفيش غيره...اي شركه ايا كانت مبتديش اكتر من 8 آلاف.. الكول سنتر حاليا 20الف وطالع...

[@WeilaNada]

@cinemachild555 لا حاليا بعد الغلو المرتبات فاسكندرية اخرها ١٢ وبسبب ضغط الشغل محدش بيعرف يحوش أوي زي ما حضرتك متخيل أنا عن نفسي حاليا بشتغل في الترجمة والكورسات وملاحظة تطور كويس جدا والاتنين مع الوقت بيجيبوا دخل بالدولار واليورو، عكس الكول سنتر اللي بتفضل في مكانك وبتخسر فيه صحتك غير طبعا المرونة فشغل الكورسات والترجمة وانك مش مربوط بتارجت وضغط عصبي يومي حقيقي تجربة متمناش اكررها ابدا

[@WeilaNada]

@@cinemachild555 وتحويشة ال٣ سنين دي متجبش شقة صغيرة فمنطقة شعبية وكل م هتحوش أكتر الأسعار هتتضاعف، فيإما تشتغل شغل ارحم بنفس المرتب وكدا كدا مش هتحوش بس ع الأقل هتشتري صحتك، يإما تستثمر فنفسك لحد ما تعرف تسافر او تقبض بالدولار ودا مش هتلاقيله وقت لو شغال كول سنتر. أنا شوفت أكتر من نموذج لرجالة فاتحة بيوت استقالوا وبدأوا يدوا كورسات رغم ان كان منهم ماسكين مناصب .. فطالما كدا كدا هتتجه لمجال تاني الحق عمرك وابدأ بدري واعمل اسم بدري

[@omarallam2504]

طب من فضلك أنا متحمس جدا جدا لفكرة تدريس اللغة ايطالية في مراحل التعليم و مش عارف احاول ابدأ منين ولا منين و بجد خائف الحلم دا يضيع من ايدي ف نصيحة منك اقدر أعمل أي بالضبط علشان احقق الكلام دا علشان تعبت والله من كثر التفكير 😥😥

[@WeilaNada]

ليه يا عمر الموضوع أبسط من كدا متقلقش، قريب هعمل عنه فيديو تفصيلي إن شاء الله بس مؤقتا باختصار: ١- الجرماتيكا والنطق بتاعك لازم يكونوا ممتازين. ٢- جهز الماتريال اللي هتشتغل بيها. ٣- سوّق لنفسك صح. ٤- اشتغل في الأول بأسعار رمزية لحد ما تتعرف. وعادي هتغلط وهتتعلم من غلطاتك وهتطور نفسك والدنيا في اللذيذ يعني متقلقش.

[@omarallam2504]

@@WeilaNada طب لو بدأت ابدأ مثلا في مدارس ولا اي وهل فيه وقت في صالحي دلوقتي انا اقدر اعمل كدا لاني حاسس والله اني فقد شغفي جدا جدا جدا

[@manar6245]

@@WeilaNada .

[@SondosMagdy-ew8vk]

كل ده عشان 10 آلاف بس 😥

[@WeilaNada]

أقل كمان .. متوسط ٨ وشوية في اسكندرية وبعد غلاء الأسعار كسر ال ٩

[@Amiraldz]

آسف رغي كثير والكلام السريع ومقدمات طويلة وما عرفتش اوصل للمفيد تعبت..اتمنى لك التوفيق

[@WeilaNada]

مفيش داعي للأسف أنا مندهتلكش بالاسم تشوف الفيديو وتطلعلي المفيد .. بالتوفيق ليك كمان 🙏🏻

[@mennawahba9354]

مشتغلتيش ليه من البيت

[@WeilaNada]

مكنش متاح ساعتها

[@maiahmed8785]

طيب الشغل لو من البيت يبقي احسن ولا هي هي

[@WeilaNada]

مجربتش بس ناس كتير قالت أنه أحسن

[@El.Senousi]

الشغل من البيت احسن من الناحية الجسدية ،لكن النواحي العقليه والنفسيه ال الاستاذه ندي تكلمت عنه نفس الشئ.

[@kinglord8761]

ملخص الكلام - هو جشع الرأسمالية وظلم البزنس - إذا كان شخص جسمه رفيع هيتعب من كل الضغط ده - فما بالك إن انت جسمك مليان ف طبعا اتعذبتى واتقهرتى لمدة شهور وشهور - ثم دخلتى فى متلازمة الاحتراق النفسى - انت عشان بنت صبورة وطيبة ف صبرتى معاهم شوية - لكن طبعا اتعذبتى - بس المهم إنك أخدتى خبرة فى ( العمل تحت ضغط ) - واتعلمتى نقط مهمة - إن راحة الشخص أهم من الفلوس - الراحة النفسية أهم من المرتب - البعد عن الظلم والضغط الزائد نقطة مهمة - نقطة تغيير الشيفت دى ما بين ليل ونهار دى لوحدها مصيبة - أنا كرجل وقعت فيها زمان وبهدلت نفسى وصحتى وجالى اكتئاب بسبب السهر فى الشغل - لكن بعد مرور سنة فى الشغل المعفن ده أنا اتعلمت إن مافيش أى شغل يستاهل تدمير الصحة وتدمير النفسية حتى لو كان المرتب كبير

[@WeilaNada]

شكرًا على التلخيص، بس اتعلمت حاجة كمان وهي إني أختار كلماتي، فاستحالة مثلاً أكلم حد غريب واعلقله على جسمه! 😃

[@kinglord8761]

ماقصدش والله أضايقك - حقك عليا - بس أنا عارف الفارق بين الشخص النحيف والشخص الفات فى تحمل أعباء الشغل - رمضان كريم عليكم - كويس إنك حكيتيى للشباب حجم المعاناة الشديدة فى شغل خدمة العملاء والدعم الفنى - بيظلمو شباب كتير - شركة وى سرحت شباب كتير من خدمة العملاء عندهم لأن سمعة الشركة دى وحشة ف مافيش مبيعات - شركة وى مدمرة النت الأرضى فى مصر للأسف - رمضان كريم عليكم - و تقبلى اعتذارى @@WeilaNada

[@refatabas6113]

@@WeilaNadaبهيمه فى كلامه معلش

[@user-yv6kt8cw7o]

l;هالو ممكن عايسز اتواصسل معاكى على وتساب عندى مشكلة