Рет қаралды 78,779
Heestii: Dhoof caashaq
Ereyadii: Maxamed Cali Kaariye
Laxankii: Cabdikariim Faarax Qaarey (Jiir)
Codkii: Xasan Aadan Samatar
Jacayl aan dhammaan baa
Dhexda iigu maran oo
Kii horaa i dhaawacay
Kanna waygu dhaafee
Dhabbuhuu ka foofiyo
Dhig oo qaad miyaan ahay
Dharaaraba wax yaab laa
Igu soo dhacaayee
Allahayoow dhib badanaa
Adoo dhoofay caashaqa
Dhul shisheeye kaa helay
Waaban soo dhaqaaqee
Dhiirranaa il adagaa
Dhabbaha yuu la soo maray
Dhawr habeen diyaaradi
Meel aanay u dhixin buu
Dhakhso iigu yimid ee
Dheereeyee maxaa siday?!
Waxan kaloo la dhaygagay
Gorongoosa dhirteedi
Dhulkoo hodon ah geedaha
Dheentiyo cambe is xiray
Kayn libaax ilmaha dhigo
Anigoo ku dhuuntuu
Iga soo dhex saaree
Dhaayihiisu furanaa
Ma dhal awliyaad baa
Hurdo miyaan dhakoolaa
Dhan markaan u seexdaba
Sow dhool la mooddii
Dhabta anoo ku haysta
Kuma soo dhadhabayoo
Dheelalloow ma soo kaco!
Soomaaliya dhankeedii
Dhawaaq farax leh mooyee
Dhiillo kama sugaayee
Allahayoow iyadoon dhiman
Dhaban quruxsan oo ladan
Kalgacaylkii oo dhicin
Weliba dheeri sii koray
Dhulkii oo barwaaqo ah
Dhammaanteen na nabad gee