Рет қаралды 50,921
മലപ്പുറത്തെ പഴയ തലമുറയില് പെട്ടവരുടെ പച്ച ബെല്റ്റിനകത്ത് മലപ്പുറം കത്തി ഇന്നും കാണാം. അറേബ്യന് നാടുകളുമായി പ്രത്യേകിച്ച് ഒമാന് മലബാറിനുണ്ടായിരുന്ന ദീര്ഘകാലത്തെ വ്യാപാരബന്ധങ്ങളിലൂടെ കൈവന്ന സാംസ്കാരികവിനിമയത്തിന്റെ ഭാഗാമായാണ് കത്തി പ്രചാരത്തില് വരുന്നത്. ഒമാനിലെ ഗ്രോതവര്ഗക്കാര് ഉപയോഗിക്കുന്ന കത്തിയുമായി മലപ്പുറം കത്തിക്ക് സാമ്യത ഏറെയാണ്. ഖഞ്ചാര് എന്ന് പേരുള്ള ഒമാന് കത്തി അവരുടെ പതാകയിലും നമുക്ക് കാണാം. ഒമാനില് നിന്നെത്തിയ വ്യാപാരികളാണ് നമുക്ക് കത്തി പരിചയപ്പെടുത്തിയത്.
നിര്മാണത്തിലെ പ്രത്യേകതയാണ് മലപ്പുറം കത്തിയെ വേറിട്ടതാക്കുന്നത്. വലിപ്പം കുറഞ്ഞ എന്നാല് കനം കൂടിയ ഈ കത്തി നല്ല മൂര്ച്ചമേറിയതാണ്. 15 മുതല് 25 ഇഞ്ച് വരെയാണ് കത്തിയുടെ വലിപ്പം. നിര്മാണത്തിനുപയോഗിക്കുന്നത് പ്രത്യേകതരം ലോഹകൂട്ടാണ്. മാന്കൊമ്പിലാണ് കത്തിയുടെ പിടി നിര്മിക്കുക. നാല് വിരലില് ഒതുക്കി പിടിക്കാന് മാത്രമുള്ള നീളമേ പിടിക്ക് ഉണ്ടാകൂ. മറ്റൊരാള് കത്തിയില് കയറിപിടിക്കാതിരിക്കാനാണിത് ചെയ്യുന്നത്. വെള്ളിയിലും പിച്ചളയിലും തീര്ക്കുന്ന ചിത്രപ്പണികളും കരവിരുതമെല്ലാം കത്തിയെ മനോഹരമാക്കും. തുകല് ഉറയിലാണ് കത്തി സൂക്ഷിക്കുക. പ്രത്യേക ലോഹക്കൂട്ടില് കൂടുതല് സമയമെടുത്ത് നിര്മിക്കുന്നതിനാല് നിര്മാണചെലവും അധികമാണ്. കത്തി നിര്മിക്കാന് അറിയാവുന്നവര് ഇന്ന് വളരെ കുറവാണ്. മാന്കൊമ്പ് ഉപയോഗിക്കുന്നത് നിയമം മൂലം നിരോധിച്ചതിനാല് മരത്തടിയിലാണ് ഇപ്പോള് മലപ്പുറം കത്തി നിര്മിക്കാറുള്ളത്. ഇത്തരം പിടികള് അധിക കാലം ഈട് നില്ക്കില്ല. പഴയ കത്തികള് 100 വര്ഷം കഴിഞ്ഞാലും പിടി ദ്രവിക്കാറില്ല. ഇത്തരം കത്തികള് പഴയ വീടുകളില് ഇന്നും നമുക്ക് കാണാം. സ്വയം പ്രതിരോധത്തിന് തോക്ക് കൊണ്ട് നടക്കുന്നത് പോലെ കത്തി കൊണ്ട് നടന്ന മാപ്പിളമാര് പക്ഷെ, ഒരിക്കലും യുദ്ധായുധമായി മലപ്പുറം കത്തിയെ ഉപയോഗിച്ചിട്ടില്ലെന്നാണ് ചരിത്രകാരന്മാര് പറയുന്നത്.
#malappuramkathi #chayamakkani #malappuram kathi