#MM

#MM #美味道來 // 西環40多年手造點心店 父子檔凌晨3點開工 街坊茶客排隊棒場
娓娓地，美味地，為你道來。今集為你道來兩父子守著點心店的故事。西環一間開業四十多年的手造點心店「德記叄去壹點心粉麵飯」，每早四點多開門為街坊服務，經歷三代變更，拍檔也慢慢由手足之情轉為父子情。這次我Chucky就跟訪了經營這間點心店的其中一對父子－大師兄及阿新﹐要付出及捨棄甚麼才能堅守一間手造點心店。
█ 老店閣樓造點心 四人撐起老店
「叄去壹」現時由四位拍檔打理，門口蒸點心位置由阿新主理、阿新好朋友阿恆就負責拉腸粉及樓面工作、爸爸大師兄則在閣樓造點心，還有大師兄的老拍檔石哥掌管廚房。不過阿新從回到店裡開始就一人分飾幾個崗位，蒸點心、收錢、下單、開茶及劏魚，他都一一包辦，若數店內最忙碌的也算是他了。但要數這家手造點心店的靈魂，就非大師兄莫屬。店內空間有限，造點心的地方只好移師上閣樓，入行做了超過五十年點心的大師兄，造點心也跟足以前師傅教的方法，連大包及蝦餃皮也要自己搓出來。店內最熱賣的蝦餃餡加入了乾蔥肉油，令肉餡更香。周末或假期時能賣上百多籠；燒賣餡則加入由炸大地魚磨成的粉末，增加燒賣鮮味；這裡更仍有賣傳統的雞球大包，有雞球、雞蛋、叉燒及冬菇等餡料，非常
足料。不過在這個追求便利的年代，大部份茶樓都改向中央工場訂點心時，為何大師兄會堅持手造點心呢？「自己懂得造，沒理由要拿貨回來賣的。有些批發點心是很便宜，但那些工場造的點心，質素都不太穩定。我就覺得不夠好吃也不夠新鮮。」大師兄說。但閣樓沒有水喉，也沒有去水位，大師兄製作每款點心也要走樓梯到下面廚房拿水備用，樓梯又斜又窄，很費體力。而且閣樓氣溫很高，少點耐力也支持不住。不過為了造好點心，大師兄都習慣了，甚至勞損到右膊受損。幸好石哥不時也會上去幫忙包點心，加快進度。
█ 凌晨茶客滿座 街坊搭枱聊天
第一批點心約四點多蒸好，店內配上手造點心的是百年歷史的德昌森記蒸籠，點心籠比較細小，但店內點心沒有分大、中及小點，所有點心一律18元，非常化算。開門後凌晨五點店內已坐滿八成茶客，而整間店只有約七至八張桌子，要飲茶就先搭枱。「有些人要落菜欄、果欄或魚欄，有些人則要駕駛的士，大家會坐一個多小時。」阿新說。第一位來到的茶客更提早到店外等候開門，她們都笑說自己是睡在店外的。大部份茶客都是附近街坊，光顧了二十至三十年，每天搭枱聊天已成習慣。茶客：「我們天文地理甚麼都聊，馬經或電視也會聊，只要一坐下就會認識對方的。」
█ 手足情建成店鋪 平起平坐
第一代的「叁去壹」由三位做點心的朋友合夥，但其中一個夥伴臨時退出，只能當員工，「叁去壹」的名字就由此而來。後來受金融風暴影響，大師兄就跟幾位同樣是點心師傅的好友一起頂下這間店，每人分擔不同角色，平起平坐，成為了第二代的「叁去壹」。大師兄說那時候賣的點心大約2至3元，盅頭飯也只約4元，但一天就能做近萬元生意，客似雲來。「那時的收入外面大約是萬多元一個月，我們平均每人每個月就能分到4至5萬元，所以有兩至三個拍檔也買了樓，不過就很辛苦，因為工作十幾個小時，沒有休息。」每日埋首做點心做足七日，每年只有新年及清明放假，十號風球也照常營業。
█ 為父闖點心老店 硬食最地獄位置
前兩年大師兄的其中兩位拍檔要退休，為了可以經營到租約完結，他找來曾做西餐及茶餐廳的兒子阿新、阿新的朋友跟石哥一起經營下去，成為了第三代的「叁去壹」。新血加入，老店也帶來了少許改變，以往年中無休的老店，現在一個月店休四天。「他們那個年代不用休息的，除了大時大節。根本是工作到盲目了，完全不知道方向，賺多少錢也沒用。」阿新這樣說也不無道理，因為聽聞他負責的蒸爐位是全店最地獄位置，兩個蒸爐由開店蒸到關店，三部抽氣扇也不夠抽走所有蒸氣。「夏天來到就慘了，本來冷氣就不夠涼快，加上要蒸點心，好像焗桑拿一樣。我18歲就出來工作到現在，未試過有一份工作這麼辛苦。但很坦白，如果他不是我爸爸，我已經不幹了。」
█ 為點心店捨棄生活 典型父子式相處
這對父子全日的對話只有兩三句，在店裡同框出現的鏡頭也只有兩至三個。大師兄說阿新在家裡也不多說話，問他一句才講一句，現在一起工作，說的也是工作的話題。或許這因也為大師兄多年來都忙於點心店的工作，太少時間與子女相處。「失去了跟子女溝通的時間，所以他們長大了跟你也沒有甚麼話題。」凌晨兩點半起床、下午四點下班、六點吃晚飯、晚上八點就要上床睡覺。大師兄過了幾十年的生活，對三十九歲的阿新來說就好像坐監一樣，以前的興趣及娛樂都因為這份工作而沒有了。為了這間店，他們失去的不只有生活，還有兩父子的感情。阿新說來店裡工作之前是不會跟大師兄吵架的，可是在店裡之後，已經吵了兩至三次。「我發現原來兩父子是不可以一起工作的，本來已經沒甚麼溝通，現在更不用說了，不過他始終是我爸爸。」
█ 子承父業有分歧 傳承老店不易
其實大師兄一直想阿新上閣樓學造點心，繼續經營點心店。覺得如果阿新能學到一門手藝，日後生活也會好點。不過阿新就明言沒甚麼興趣學造點心，他認為大師兄跟石哥也六七十歲了，不能太辛苦幹活。而且他不想只為傳承，為一間點心店而捨棄自己的人生。「不能說甚麼傳不傳承。假設我能做到六十歲好了，如果我沒有小朋友怎麼辦？或者我小朋友不願繼承又可以怎樣？始終有些事是要放手的。」而大師兄也認為自己是時候要退下來了：「沒理由做到自己不能走才退休呀。」來年三月就是這間店的續約期，大師兄及阿新也表示未有決定是否要做下去，暫時見步行步。
█ Chucky採訪後記
有時候我們作為食客，叫一些老店或小店繼續堅持下去，是很容易講一句說話就可以了。但真正要去做的人，可能要捨棄很多東西。但為了一間店而捨棄自己的人生又是否值得呢？大師兄大半身投放時間在點心店，失去了跟子女相處的時間，阿新又是否要走相同的路？或許有時候傳承或留住老店是外界給予的枷鎖。在這個新時代下，小店或老店越來越少時，或許我們也不要一廂情願地要留住它們，而是趁它們還在時，食得一次得一次，好好珍惜它們就好了。
策劃：陳靜雅 Chucky
攝影：簡加希 張志孟
剪接：簡加希
監製：王秋婷
#西環 #西環點心 #西環美食 #西環好去處
#點心 #手造點心 #蝦餃 #燒賣 #手造燒賣
#父子檔 #MillMilk
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜（付費內容）

[@chuckyching6862]

#MM 後後記： 其實叄去壹呢間老店入面，每一個人都好可愛。爸爸大師兄看似沉默寡言但其實好溫柔、石哥外形有點氣場但原來好可愛好喜歡講笑、阿新口講好忙好忙其實又好enjoy同茶客或者同我地傾計、阿恆呢我本來以為佢係大師兄個仔，因為好似樣呀！ 能做到一間深受街坊愛戴，每朝打躉的老店，係有原因的！ 由凌晨3點到達西環店開始，每個人都一直做到下午3點，整整12個小時都冇停過，我地攝影團隊3個人拍到朝早6點已經開始斷電了，所以真係非常respect佢地既毅力同體力。 最後其實做呢隻故仔，我感受到大師兄同阿新互相都好關心對方，只係佢地既相處上唔會好坦蕩蕩地表露出來，呢種亦都係典型港式父子關係，希望呢個故仔可以比佢地都各自感受到對方對自己既愛。 最最後，呢間點心店以後會唔會做落去、做到幾時都未有答案。大家都唔好比太大壓力佢地，佢地仲做的話做食得一次得一次，有一日唔做了，好好祝福就好了。

[@YvonneT1027]

父親咁辛苦仍堅持落去，目的只為個仔將來打算，而個仔肯喺度工作，又係為咗老豆先做，佢哋倆個真係好缺乏溝通，有條橋樑講說話都好啲吖！可惜唔覺有，呢間鋪唯有捱到完約，倆父子先唔駛單方面咁辛苦咁為對方

[@runningmouse5687]

你訪問老店主好有心機呀Chucky

[@dark_period]

男人通常都愛在心裡口唔開！

[@mm.millmilk]

好窩心嘅故事～

[@manbin]

當年睇飲食男女嗰啲情節一一浮現出嚟, 隻舖頭貓投靠左隔離鋪:(

[@jacobfu2369]

呢集高汁,大師兄有匠人精神,兩父子雖然無咩兩句,但最後主持分別都問對方感受,睇得出阿新肯為老豆守著間鋪,老豆知道阿新著緊自己,講完自己都會心微笑.令人窩心既一集!!!!

[@mm.millmilk]

我自己都睇到好感動！

[@chuckyching6862]

大師兄笑果下真係好窩心！

[@Philiptalkshare]

Super Efficient Deep Sleep Raining Sound 5 Minutes To Fall In Deep Sleep 大自然雨声听5分钟帮助您进入深度睡眠 kzbin.info/www/bejne/nqS6fopse8adZ5o

[@keithwong2316]

人情味🥺😭

[@terencx9264]

個仔好孝順啦 冇興趣都返黎幫老豆 愛在心裡口難開

[@el1384]

睇完覺得好感動。訪問好真實，可以感受到爸爸同仔嗰種好典型有啲冷淡嘅相處模式裏面其實又有複雜深厚嘅感情。最後嘅總結做得好好。人哋簡單輕率嘅期望可能會變做沉穩認真嘅人嘅枷鎖。有時不必勉強，好好珍惜所有，尊重別人。多謝#MM

[@mm.millmilk]

認真，我睇到最尾都眼濕濕 Q_Q

[@chuckyching6862]

多謝你睇晒😢

[@pengwong2349]

呢D中國人的父與子的傳统內歛精神！

[@黃少華-y4q]

這對父子真正是中國人的父子相處，訪問做得好真實,👍👍👏

[@pattpat6154]

隱藏的愛確是低調但對方難感受到, 有點遺憾可惜! 直接表達釋放感受對雙方都好但需要習慣。

[@kristymong90]

你地每一條片都好有温度，唔係一個就咁帶大家周圍食好西嘅影片。而係數萬個店舖中揾每一個行業嘅匠人記錄佢地花一人生去守護自己熱愛嘅事。可能去到某一個年紀已經講唔上熱愛，而係變成咗一種執著同堅持。大師兄每日都食翻自己點心食咗60年為咗品質保證嚟一個出發點我諗冇咩餐廳可以做到。好佩服

[@mm.millmilk]

大師兄份堅持真係好勁！

[@whirlyho]

這是一間有溫度的店，採訪去到某個位置，我覺得好感動，有啲想哭，爸爸總是希望兒子生活比他那代好，過得幸福，而兒子也希望爸爸健康快樂。再次覺得MM的節目非常高質。

[@貓奴吉諾比利]

這次去香港終於吃到他們家的點心了，雖然說點心不能說是最棒的，但坐在有故事的小店體驗當地的飲茶文化真的很棒很有氛圍，老闆跟大姐都對我很好很可愛，真的很有榮幸品嚐到他們的點心真是幸福❤

[@sinyisinyi4024]

華人社會中父子關係都係疏離d，但好感受到呀新勁關心爸爸，為爸爸放棄左自己生活真係好難取捨。我爸爸係做麵包既，同大師兄一樣都係一年只有新年有假放，5點幾出去返工，返屋企食完飯就攰到即刻訓著，睇完呢條片真係好感動，多謝mill milk拍到咁好既片🙏🏽

[@温文权]

致䜘每一個为生活努力搵食的人🫡

[@amandaa1wong]

非常認同記者說話，與其口講撐住，不如把握機會行動支持這些小店，比起臨執笠先去幫襯更為實際。

[@yannischung0625]

+1

[@brianlai168]

阿新內心好錫大師兄。 呢集好好睇。食點心感受味道之餘，也可感受大師兄同阿新兩父子的親情，好感動

[@mm.millmilk]

睇完有陣暖意入心

[@KCMok71]

有質素嘅影片，怪不得可以用極短時間，超越十萬訂閱。

[@mm.millmilk]

多謝支持！

[@RM-yu5ph]

高質素製作, 用不同角度去探討. 希望阿新能體諒爸爸, 爸爸奉獻了一生守著小店， 無非都是為家庭過得好點。 舊式的家長常常把對子女的愛和關心藏在心裏， 不說出口， 佢哋唔講，就又後生的來講吧。

[@chuckyching6862]

希望佢哋睇完條片會明多啲對方內心～

[@puilumwei1637]

手做點心已經很少人做，最難得係佢地一直堅持，一直尊重自己工作，值得尊敬。謝謝訪問，支持。

[@lihenry2392]

感謝製作團隊🙏❤👍 這間老店充分反映了 香港人的勤勞 及人與人之間的愛❤❤❤ 多謝... 我們的香港❤❤❤

[@likayee6247]

好真實、不做作的父子

[@king-onchan7607]

ending 的幾句, 好真實, 好感動......要珍借現在, 不管將來.....

[@mm.millmilk]

要好好珍惜呀！

[@kkyou4588]

Chunky最後果段說話好感人呀😭 講點心之外、仲包含埋果種傳統式父子關係、其實兩個都錫對方、不過男人之間唔識表達。 好鐘意#MM 今次條片👍🏻

[@mm.millmilk]

我真心睇到眼濕濕

[@chuckyching6862]

都係我嘅真情感言😢 可能好多好多人都係咁

[@thomasyklai5673]

食物有水準，店舖有人情味，價錢又合理。我看不到有什麼原因不去幫襯。如果你去一般酒樓點心全是工廠水準，那有好食呢,請繼續支持小店。

[@lepetitchat123]

Have you read the Google Maps reviews lol

[@wongsamuel7195]

多年前月入四五萬，的確係勁，但係人生只係一間點心鋪，唔係開工就係瞓覺，又值唔值？大師兄呢d係日本已是國寶受保護，香港呢？食匠人壽司兩三千大把人覺得值，其實有時食到好既本地野，真係要感恩。

[@xuanxuange]

大師兄真係去過日本做嘢

[@mmm-zv3wg]

幾十年師傅買少見少

[@josephinelur9204]

😂更好的餐廳也有摺埋的一天. 西營盤三個壹😂😂😂😂

[@cindyl0k]

呢條片同一段的食店介紹好唔同啊 多咗一份人情味喺裡面 睇得出大師兄同阿新雖然好少溝通 但係佢地兩個都有放對方入心裡面 最後個part講得好好 要好好珍惜現在 由人出發去講間舖 人重要過所有野 真係好touching 加油啊 好鍾意睇你地既心機野！！

[@mm.millmilk]

算唔算男人之間嘅浪漫？

[@chuckyching6862]

多謝你睇到尾同支持😢

[@corachow6968]

很感受到那點情，這一集很窩心，父子兩人很有爱，謝謝你。

[@sintin9419]

呢集最好睇係呀仔同老豆相處既關係。兩人無論係工作定屋企都相談甚少，呀仔成日對份工口講嫌三嫌四，唔滿意老豆乜乜乜。但最後都係講左句：「好坦白講一樣野，如果果個唔係我老豆，我諗我走左啦。」老豆答關於呀仔既野就笑一聲停幾廿秒先答：「有時都幾關心我既」。你就知一個就口不對心，一個就柔情寡言，可能男人之間既感情就係咁。

[@chuckyching6862]

其實好愛對方！

[@polarbear9404]

你呢個comment感動左我

[@clementchan7666]

很喜歡這位採訪的女士，沒有人云亦云，有腦袋，有心意。感謝您的角度。实在很怕那些現職記者，唔用腦，人講佢講。

[@timfung918]

結尾的一番話，好真心，好有同理心，多謝！主持人加油！👍😁

[@chuckyching6862]

多謝你睇到尾！

[@Aryin0305]

@@chuckyching6862 講得岩

[@watergolden9575]

講得好好，不要一直叫人堅持堅持，好好珍惜人地繼續做的時候~👍

[@katyhui0103]

睇到眼濕濕，都幾感動！雖然父子冇乜兩句，但阿新一直幫爸爸一齊打理舖頭！ 其實個仔都錫爸爸嘅，唔想佢咁辛苦，先會幫手！

[@goodtime1303]

好似睇緊一部温情電影

[@Kcl2899]

佢做嗰個位 真係好惡頂 對正蒸籠位 重要冇得避 我做過廚房 D廚房大佬對住咁多年 都係想死嘅樣

[@dindon5263]

appreciated, thank you, 用心 有心❤❤

[@fafafa_127]

太好睇🥲係有溫度既片🥲26度最舒服嘅片

[@holicli7993]

omg臨尾chucky講既野實在係我心聲！好怕d人咩都盲目嗌堅持堅持堅持，請唔到人係咪你做？唔夠錢交租係咪你比？來貨加價係咪你補貼？生活有壓力係咪你幫佢解決？cherish before vanish好過啦！

[@mm.millmilk]

單純盲目叫人堅持，或多或少都有啲自私

[@halo8283]

阿新真係好♥佢老豆，唔係真係唔會咁陪老豆一齊挨，只係呢種説話好難講得出口😚 好欣賞佢哋嘅付出，希望佢哋可以享受多啲生活🏓🏸🏇🤺🤾 記者都講得好好，與其盲目講啲正能量嘅説話叫佢哋撑落去，不如珍惜多啲眼前事物，一切順其自然😊

[@TimothyYNWA]

原來個仔同老友幫手繼續做，之前話退休幾驚真係唔再做，多謝你地已盡力保留傳統同經典💪🏻尊重與尊敬

[@nooB-di5so]

真材實料手工點心! 店裡面好有人情味! 香港真係一個好可愛嘅地方 :) 兩仔爺, 有時盡在不言中la! 祝福大師兄阿新🙏

[@mayyyliu4237]

見到大師兄點心工場焗熱、連水都冇、真係好心up！健康和親情都重要，唔好再咁操勞，贊成放假休息吓。

[@BigSixHero]

多謝MM！好有意思嘅香港人故事

[@NKP802]

學生年代lunch 經常去食乾炒牛河，超好味，到現在人到中年，喺記憶入面，仍然係我食過嘅牛河之中最最最好味，沒有之一😋

[@queenstrong3149]

他們就是獅子山下的真香港人！Respect !

[@utube4fei]

感謝MM❤十幾分鐘滿滿嘅溫馨感動眼濕濕加見到點心又流晒口水🙏🙏真係好正嘅短片❤❤ 支持阿新講嘅要識放手，不要得個做字，一味辛苦，應該要過自己想過嘅人生，不過也建議阿新可以的話，也學學大師兄嘅手藝(或者拍定點心教學片段畀自己留底)，學咗，將來繼唔繼續做，將來先算，但唔學，如果將來突然一日想做大師兄嘅手藝，可能就後悔莫及。 祝福你哋❤❤

[@mm.millmilk]

不論選擇都祝福佢哋，學Chucky話齋要多啲珍惜

[@waiwaiwai5383]

每個成年人需要ｄ咩做咩決定都只需要向自己一個交代， 後唔後悔都唔關其他人事啦！

[@MingSiuMan]

多謝 三去一 老師父，多謝 青年師父後代加入，多謝 MM！

[@sardonna1215]

最尾真係講得好好，叫人堅持真係好容易，但係代入人哋就知道真係好難 有朋友做老店，屋企都叫搞到有聲有色，但係佢真係好想放棄，一嚟傳統工藝真係好辛苦，二嚟租金成本真係太貴，有時真係會做到覺得唔知為乜咁樣 雖然手藝失傳好可惜，但有時見到佢就覺得辛苦，都心痛佢ಥ_ಥ

[@cathlai3563]

感受到大師兄真係好熱愛手工點心，咁多年嘅就堅持真係難能可貴！當擁有時，好好珍惜足矣！

[@manchan8397]

最後，個仔對老豆既愛講唔出口，老豆亦甜再心中。加油老香港！

[@AppleDailyFriends]

繼續堅持落去、繼續做，我哋隨口講一句真係好容易，但佢哋落手做係要付出好多嘢，亦都要捨棄好多嘢😥 堅唔堅持落去，係我哋外來人畀佢哋嘅一啲枷鎖，我哋唔好一窩蜂叫佢哋堅持、努力、撐落去 可能我哋係佢哋仲係度嘅時候，睇得一次得一次，好好珍惜佢哋就夠🙏 #MM

[@Wind308]

咁高質嘅記錄片，我以為香港以經再出唔到。好高興仲有你哋咁堅持。

[@hong223]

我係西環街坊，呢間真係食懷舊，點心出品係好一般，反而啲炒河有時幾好食，斑球炒河 好欣賞佢哋堅持咁多年 兩個老拍檔都退咗落嚟，原本以為大師兄都會退，條片睇到亞仔其實始終對呢行都冇乜熱誠，冇熱誠好難會捱得好長，所以嚟緊應該都會變成歷史 聽日去支持下

[@mm.millmilk]

嗰份堅持都真係唔易㗎！

[@xiaoqiaolin1397]

請問地址邊度？

[@hong223]

@@xiaoqiaolin1397 西營盤薄扶林道11號11號

[@xiaoqiaolin1397]

@@hong223 唔該

[@ming4603]

之前有時間，都會特地過來吃。大師兄對客人非常好，點心亦好味，但更愛吃石哥的炒飯，好夠鑊氣（椒鹽豬扒炒底)！👍👍！謝謝你們！

[@mm.millmilk]

要多多支持呀！！

[@ming4603]

@@mm.millmilk 一定😃😃！謝謝妳們🙏🙏！

[@eusni]

早排朋友講起佢學整點心，步驟十級麻煩，真係明白到點解老師傅會話好難吸引人入行。然後佢講起西環既點心鋪好好味。今日睇完條片，趁仲有機會，我決定要過海去食一轉手工做既點心🤤

[@mm.millmilk]

趁早呀真係！

[@Fanny-ts7bj]

有機會都想去食，手工做點心好快失傳，現時有D酒樓直接由點心工埸入貨。

[@judywu1303]

老一輩嘅好多人都有一門手藝，個種堅持同毅力，好直得人尊敬同尊重。中國係就算愛都未必掛係咀邊，但從片中感受到父子之間嘅愛。有D傷感，好真實。

[@AndyDark]

多謝你哋繼續發掘嘅香港食物背後嘅人物故事

[@LSKeith6412]

呢度由原本賣蛇變賣點心細細個就去 不過唔好意思都要講 王師傅同伙記哋早已退休 接手嘅後生仔希望唔好淨靠食懷舊 因為出品真係一般 同而家四圍開嗰啲點心舖差唔多 作為舊街坊真係好希望你哋舖頭越做越好 努力呀！

[@chauyingmak419]

尼輯真的好正….好真實既情感…我住元朗都要去幫襯一下先

[@dark_period]

一個好故事👍🏾

[@mm.millmilk]

多謝支持！會有更多！

[@WishesMaker]

多謝高汁production

[@ringoman5173]

臨尾大合照好感人

[@mm.millmilk]

真係！睇多次都覺感動

[@edge8912020]

大師兄好可愛，佢地兩父子都緊張對方但又唔會口講出黎！大師兄為左街坊有茶飲日日咁辛勞，仲要連飯都係食點心風雨不改，真係不易！ 身處外地的我見到糯米雞、燒賣、蝦餃、盅飯真係流晒口水😭希望係我返到香港前叄去壹仍然存在或找到接班人啦！🙇🏻‍♀️😘🥰

[@mm.millmilk]

應該現實有唔少父子咁係咁 😭

[@仔黑-q9o]

＃MM結尾講得好好!人哋簡單輕率嘅期望可能會變做沉穩認真嘅人的枷鎖。簡直身同感受!小弟又喺係西環開粵菜小菜館【尖沙咀巷仔大排檔】但因踏正疫情開業加上地理位置不當眼!就係喺香港大學站B2出口後面!話雖如此街方評價係西環高質素隱世小菜館。當同啲熟客講我唔想做喇!啲客就會好似#MM……加油吖！頂住吖!唔好放氣吖！你啲嘢係得咖！唔好唔做啦！你煮啲嘢好好食！聽到依啲鼓勵說話的確係好窩心🥰但依一行真係青黃不接，人手係一個問題，人才係一個問題，人嘅質素係一個問題，令到我自己都好迷失？倒底應否繼續承傳粵菜的精髓，還是要跟住依個社會轉變……去做兩餸飯、冰室、火鍋店？香港有質素的點心店、雲吞牛什麵店、小菜館真係買少見少！香港人真係要好好珍惜！

[@cairis_tyan]

希望唔好到又關門大家先識珍惜啦~ 其實個仔好乖放棄哂幫個老豆手重想點~

[@rushqnkiqh9344]

不是為了一間點心舖，捨棄自己的人生。 而是點心就是他的人生。

[@carmenli805]

而且是大師兄和食客的一種心連心的關係，幾十年已不只是食客，已成了朋友，雖然辛苦，但互相欣賞，夫復何求！

[@xva]

雖然呢個故事已經聽過幾次，但呢條片造得最好回味，製作者們，加油，愛你哋💛

[@MoMay-fq8wn]

我由中學已開始食叄去壹了廿年, 但只食外賣, 好足料, ,見到我成日見到的兩父子好開心

[@waiminglew2283]

好有feel ，好有似曾相識既感覺🍎

[@sng4268]

個仔係孝順既，本身都無乜兩句但都願意番嚟幫老豆，個老豆為家庭辛苦工作，只係大家唔講出口。

[@silaslai5913]

有深度& camera angle 唔錯

[@chongamira8439]

#MM，你哋做得好好呀～好似幫阿新同大師兄互相交流咗咁。我相信無論大師兄或阿新見到呢條片，雖然唔多溝通，但會盡在不言中。

[@chuckyching6862]

希望做到呢個效果！

[@mr.tangtony6236]

多謝！

[@patrickkan1661]

呢間以前成日食！兩仔爺都係口硬心軟嘅。#MM 加油。

[@JJC0101]

可愛嘅兩父子睇返呢條片先感到原來大家都好愛對方，多謝#MM🥰

[@jubihwan]

好有心的故事💕 多謝拍攝團隊及參去壹所有人的努力和分享！ 希望很快有機會親身嘗嘗你們的手藝😊 多謝大家😊🙏🏻🙏🏻🙏🏻🙏🏻 看了這集故事，覺得我也要和下一代分享一下自己的生活日常😊

[@cytcheung]

好高質素的訪問, 從多角度去分析探討, 介紹得好深入. 現在的小店真是買少見少.

[@PS-gr4wz]

很好的時代記錄, 感謝!!

[@jackkwong2008]

特別講父子關係果到好有共鳴，好鍾意呢集

[@tungeric2893]

聽到上下班時間就知辛苦！其實每星期可以休息一日充下電！主持講嘢幾好！

[@mm.millmilk]

Chucky段總結發人深省！#MM

[@chuckyching6862]

多謝你！

[@ckone0924]

每星期放一日假,再放埋公眾假期充下電,人生或工作先可以走更長的路,兒子阿新可能會改變諗法肯接手

[@josephlam9161]

最尾記者講個句最中肯，好有深道。

[@yannischung0625]

好鍾意你地拍既故事☺️☺️ 大師兄既匠人精神好令人敬佩，新哥對爸爸既愛都好令人感動 無論結果決定如何，希望佢地都忠於自己、開心便好 #MM

[@laplee]

好好睇呀！！！ 想法亦好有意思。＝） 能夠令兩個麻甩佬講到咁多嘢，主持能力都好強。 正！

[@alfredyam2729]

大師兄，石哥你地係建設香港嘅真英雄。

[@vinolee7631]

剪到好好 拍得好好

[@kangc6808]

The father and son relationship is so sweet 🥰🥰🥰

[@amberlittlemy6219]

好欣賞老一輩既果種堅持，值得專敬！高汁的影片

[@anson0612]

父子情，今集好Warm！ 加油！ #MM

[@AC-pk5qo]

好感人，成條片表達嘅嘢多過蝦餃燒賣，仲有父子情，眼濕濕

[@andralee2416]

很有實在感. 年輕人應該看看. 這才叫領悟人生.

[@kappapp12321]

其實個仔有心，都可以好多出路，自己生意可以變動架，起碼你肯跟你老豆學野先， 可以去裝修間鋪或者另找大啲嘅地方，收入足夠你都可以請多啲人幫你手。一聽落就覺得個仔困身，但係你如果嘗試，情況就唔同晒。老一輩思想、同下一代既思想好唔同。有自己個套都可以同你老竇商量，你爸爸老了多點溝通同陪伴佢吧⋯你爸爸都想你出人頭地，大師兄就可以光榮退休，還有其實自己生意先反而唔困身老實講。衷心希望香港可以有更多自己嘅味道保留💪加油呀

[@mm.millmilk]

各位早晨！有無人想飲茶食點心呀！

[@chingwong1461]

好耐無睇過咁高質素既片 多謝你地

[@nina54168]

看到他們對於這家店做的點心，那份堅持！ 熱情的態度。 真的好感動😹 更希望你們健康快樂喔！

[@XnicolasX]

好記得幾年前睇過一編叄去壹既報導, 就特登晨早過去一次食點心, 一坐低可能我生面口, 成枱熟客個個都叫早晨早晨, 感覺好正, 好有人情味, 老闆好好人

[@jojo12317804]

好有人情味，好貼地，好高質，ps 蘋果舊員工channel來講暫時得MM同米紙做得掂，加油

[@rainbowgalaxy1668]

好羨慕 凌晨4點有早餐食 😍

[@leylandjaw]

仲有flatout 都唔錯

[@lenechen5616]

我是马来西亚人，很喜欢吃香港点心 下次去一定会去支持。

[@ngaiwanto531]

真係好好睇，坐車成日經過 今次終於聽到佢哋嘅故事😍🙏🏻

[@pattpat6154]

the unspoken love between father n son….ie. via action not mere words warms the heart!

[@kenchan1125222]

你講得啱呀, 真係呢D工作好辛苦, 搵到錢都無掟洗, 以前D人死捱死捱, 叫佢休息都唔休, 成日掛住班食客, 大佬, 一日半日唔通佢無野食咩, 真係做到唔郁得先停

[@jaychu9157]

好孝順，個人好真👍

[@kchan1322]

高質到不得了, MM團隊即日現場拍攝都可以顯露到佢哋父子情, 犀利

[@CAMERONYIP]

阿新好一句因為係自己老豆所以就咬實牙筋都要幫手就已經非常難得！一定會有出人頭地發達嘅一日👍

[@singchan4472]

點解d片可以咁高質👍

[@ZOMBIE1030]

總結講得好好，呢d堅持係由店家犧牲好多換成，自己嘅健康家庭生活。年代唔同，犧牲咁多為咩？下一代繼唔繼承，真係唔好強求。

[@Vq3z-8VOmvD7g]

岩岩出黎做第一份長工番通宵 個時天未光就係黎依間食 老闆要計畫多D休息時間 長做長有

[@JP-ms6nz]

好感動，希望他們健康安康

[@MingSiuMan]

睇完條片，令我回想 飲食男女 其中的一集。 多謝壹傳媒，多謝黎生。 黎生加油，好人一定一生平安！

[@luijeremy3636]

相信要有小朋友之後，做左人老豆，才會明白眼前父親的心情同無條件的愛❤❤

[@h.2242]

好鍾意睇呢類型既片