Рет қаралды 357,752
يا عويد البان يالخفرى .. يالظنا يمقطع أوتاري
ألف لم نشرح لك الصدري .. والحشا أو غيرك سكن خاري
وش تبابي ناجل وزري .. يالغزال اليافل الفاري
اشتكي عوقي قرى الظهري .. في المفاصل لاحج أوساري
سيدي يا صاحب الذكري .. يا غناتي راجب الباري
انت عسري وانته اليسري .. وانت ليلي وانته انهاري
عنك اسال الداج لي يسري .. والقمر والكوكب الساري
انت نوري وانته الفجري .. والظنين اللي بك آماري
انت شفعي وانته الوتري .. والنعيم اوجنتي اوناري
والليالي لي هن العشري .. والنجم لي في السما صاري
باحلف ابقسم الذي حجري .. جان تقبل مني اعذاري
لن حبك في الجسم يجري .. في عروقي واللحم ساري
وانت ما تعلم ولا تدري .. لن ودك في القلب واري
روف بي يا طلعة البدري .. يالظنا لا تحكم اجباري
يوم وصلك ليلة القدري .. يوم عيد اونورك اجماري
بنتلاقى واللقى يبري .. لا عجي وايخفف أوزاري
اسأل الله ابسورة النصري .. يحفظه عن شر لاشراري
ألف صلوا ما سجع قمري .. في طلاع الدار من خاري