Рет қаралды 30,556
شيله مهداه الى :
ناصر فرحان آل صمعه آل غراب الحباب
بمناسبه زواجه
كلمات :
محمد الحبابي
اداء :
جفران بن هضبان
تصميم :
خنجرالحباب
بديت بسم المعتلي خالق الكون
سبحانه المعبود رب الجلاله
اللي لوجهه كل خلقه يصلون
مرسل نبيه بالهدي والرسالة
لاتهون يالهاجس عن الجزل لاتهون
هات الشوارد في بيوت الجزاله
نوادرٍ في نظمها در مكنون
جنبتها درب الزلل والبطاله
واعرف ترى مافالدهر شي مضمون
دنياك هذي ظل ما اسرع زواله
وجحاده المعروف اللي يحسدون
قلوبهم فيها الجهل والظلاله
والمرجله يحوزها كل دندون
كلمة نعم تزهاه من طيب فاله
ويامرحبا باعداد ماتمطر امزون
بأهل الوفاء والجود في كل طاله
في حفل ناصر والنعم فيه مليون
الله يبارك له صبي الشكاله
حرٍ على كسب النواميس مشطون
امعربٍ مابين عمه وخاله
وشلون ابا اوفي راعي الطيب وشلون
الهيلع اللي نادراتن خصاله
من ال صمعه فالمواقف يعدون
أهل الفعول الكايدة و الجماله
هم مقرعٍ للحق بالكيل يوفون
من الجنوب اليا سواحل صلاله
وفي سيرة آل غراب سلمٍ وقانون
اضفى على كل الجزيرة ظلاله
يزبن ذراهم كل جاني ومغبون
سلم الجدود أهل الشرف والبسالة
يبقى بجيرتهم معزز ومصيون
عنه الطلب يقطع ويرتاح باله
وحنا الحباب معقلة كل مجنون
شيالة الحمل الثقيل بسهاله
تاريخهم بالمجد والعز مقرون
حتى الولد منهم يكفي قباله
وحنا الحباب اللي على الطيب يرهون
مثل السحاب اللي ترازم خياله
وحنا الحباب العزوة اللي يقدون
نتعب على كسب الوفا ونعناله
مثل الجبال اللي على الارض يرسون
وعندي على قولي ثبوت ودلاله
وصلاه ربي عد منهم يصلون
على الرسول المصطفى بالرساله