Nüsrət Həsən - öncə və sonra

Öncə və sonra
Səndən öncə dünyanın yolları dümdüz idi.
Güllərin ətri yoxdu, hər şey sıradan idi.
Gecələr gecə idi, gündüzlər gündüz idi.
Bu həyatda qorxduğum təkcə Yaradan idi.
Öncə göy qurşağının eyni idi rəngləri
Öncə ağ-qara idi gördüyüm yuxular da.
Sən gələndən dəyişdi dünyanın ahəngləri
Sən gələndən çoxaldı canımda qorxular da.
Səni itirmək oldu ən qorxulu kabusum,
Qorxduğumu başıma niyə gətirdin, niyə?
Səhvlər etdirdi mənə bu itirmək qorxusu.
İndi dönə bilmirəm heç səndən də öncəyə.
Sən getdin sel gətirdin, fırtınalar qopardın.
Səadət yollarıma daş-qayalar devirdin.
Sən getdin ağlımı da öz yanında apardın
İşıqlı həyatımı xarabaya çevirdin.
Səni sevməkdən özgə, bir günahım yox idi.
Mənki şeytan deyildim, niyə daş atdın, gülüm?
Mənim səndən öncə də şeirlərim çox idi
Bütün şeirlərimi mənə yaşatdın, gülüm.
müəllif: Nüsrət Həsən
14.07.2023
musiqi: Cəlal Əhmədov (asla vaz geçemem)

[@rvan7379]

Uğurlar👍

[@sadiqeliyev615]

Çox gözəl şerdir təşəkkürlər şair

[@nusrethesen]

Çox sağ ol, qardaşım

[@uzaqlarnqadn-1719]

_Uğurlar deyerli insan_

[@Rus_Aze]

Şair canlı açmirsan?gorsenmirsen, Şeir əla Maqa065

[@nusrethesen]

Çox sağ ol. Tiktoku silmişəm