Toplasan bir "Mən" olmaz - Nüsrət Həsən

İnanıb yalanlara , məndən düşmən düzəltdin.
Qorxmadınmı, bu sellər özünü də aparar?
Qorxmadınmı, fəryadım fırtınılar qoparar?
Aylar, illər ötüşər
Zaman adlı bu məhfum
Məni haqlı çıxarar.
Nə hisslər keçirirəm içimdə, kimsə bilmir.
Səni inandırmağa əlimdən heç nə gəlmir.
Sən ki həqiqətlərə kor olmusan, kor ,
Niyə?
Niyə belə oldu ki, bircə dəfə sor, niyə?
Sən nəyə satdın məni?
Ucuz yalanlaramı?
Xain planlaramı?
İndi nəyə yanım mən?
O nakam məhəbbətdən geri qalanlaramı?
Bütün olanlaramı?
Söylə , necə bacardın , kürəyimdən vurmağı?
Onsuz da xəstə olan ürəyimdən vurmağı.
Məhəbbətin yoxsa da,
mərhəmətin hardadı?
Ədalətin hardadı?
Mənim yıxılmaqlarım, mənim əzilməklərim niyə sənə xoş gəlir?
Nə istəyirsən düşün, artıq hər şey boş gəlir.
Bir səhvlə aydınlandı, bütün zülmət gecələr.
Bəlkə də, o şəfəqlər sənə biraz gec gələr.
Ancaq mütləq oturar o daşlar öz yerinə.
Yalan yalan yerinə, düzlər də düz yerinə.
Hıçqırıb ağlayarsan, mən nə etdim, İlahi?
Sevgisi gözlərini kor etmiş bir bəndəni
Çox incitdim, İlahi.
O zaman harayına gəlib yetişən olmaz.
Yadına düşən olmaz.
Bəlkə də ,yanılıram gələn çox olar, amma,
Toplasan , bir "Mən" olmaz.
müəllif: Nüsrət Həsən
29.08.2023

[@xuramanisayev5173]

GÖZƏL ŞEİR GÖZƏL PAYLAŞIM VAR OLUN NÜSRƏT BƏY ✍️✍️✍️👏👏👏👏👏👍👍👍👍👍

[@nusrethesen]

Təşəkkür edirəm 🙏

[@sadiqeliyev615]

Salam aleykum şair həmişə olduğu kimi bu gözəl şer üçün təşəkkürlər sizə.

[@nusrethesen]

Salam qardaş, çox sağ olun

[@nrgizumudova9085]

Salam axşamınız xeyir dəyərli insan. Çox gözəl şeir və ifa. Çox sağ olun bu cür paylaşm üçün sizə təşəkkür edirəm. Uğurlu baxımlı olsun inşəAllah.

[@ibrahimhuseyn7313]

Gözəl qardaş Allah səni var eləsin çox gözəl şeyirdi.

[@nusrethesen]

Çox sağ olun🙏

[@merziyyebaxseliyeva2086]

Var olun, Şair

[@nusrethesen]

Çox sağ olun