Рет қаралды 90
Daśakam: 63 -- ḥolding up Govardhana
dadṛiśire kila tatkṣaṇamakṣata
stanita jṛimbhita kampita diktaṭāḥ
suṣamayā bhavadangatulāṁ gatā
vrajapadOpari vāridharāstvayā || 63-1 ||
vipulakarakamiśraistOya dhārā nipātaiḥ
diśi diśi paśupānāṁ maṇḍale daṇḍyamāne
kupita hari kṛitānnaḥ pāhi pāhiti teṣāṁ
vachanamajita śṛiṇvan mā bibhitetyabhāṇiḥ || 63-2 ||
kula iha khalu gOtrO daivataṁ gOtraśatrOḥ
vihatimiha sa rundhyāt kO nu vaḥ samśayO(a)smin
iti sahasita vādi deva gOvardhanādriṁ
tvaritamudamumūlO mūlatO bāladOrbhyām || 63-3 ||
tadanu girivarasya prOddhṛitasyāsya tāvat
sikatilamṛidudeśe dūratO vāritāpe
parikara parimiśrān dhenugOpānadhastāt
upanidadhadadhatthā hastapadmena śailam || 63-4 ||
bhavati vidhṛitaśaile bālikābhirvayasyaiḥ
api vihita vilāsaṁ keli lāpādi lOle
savidha milita dhenūrekahastena kaṇḍū -
yati sati paśupālāstOṣamaiṣanta sarve || 63-5 ||
ati mahān girireṣa tu vāmake karasarOruhi taṁ dharatechiram
kimidamadbhuta madribalaṁ nviti tvadavalOkibhirākathi gOpakaiḥ || 63-6 ||
ahaha dhārṣṭyamamuṣya vaṭOrgiriṁ vyathita bāhurasāvavarOpayet
iti haristvayi baddhavigarhaṇO divasasaptakamugramavarṣayat || 63-7 ||
achalati tvayi deva padātpadaṁ galita sarvajale cha ghanOtkare
apahṛite marutā marutāṁ patistvadabhiśankitadhiḥ samupādravat || 63-8 ||
śamamupeyuṣi varṣabhare tadā paśupadhenukule cha vinirgate
bhuvi vibhO samupāhita bhūdharaḥ pramuditaiḥ paśupaiḥ parirebhiṣe || 63-9 ||
dharaṇimeva purā dhṛitavānasi kṣitidharOddharaṇe tava kaḥ śramaḥ
iti nutasitradaśaiḥ kamalāpate gurupurālaya pālaya māṁ gadāt || 63-10 ||