Narayaneeyam 64 Govinda Pattabhishekam

Daśakam: 64 -- Crowning as Govinda
ālOkya śailOddharaṇādi rūpaṁ prabhāvamuchchaistava gOpalOkāḥ
viśveśvaraṁ tvāmabhimatya viśve nandaṁ bhavajjātakamanvapṛichChan || 64-1 ||
gargOditO nirgaditO nijāya vargāya tātena tava prabhāvaḥ
pūrvādhikastvayyanurāga eṣāmaidhiṣṭa tāvadvahumāna bhāraḥ || 64-2 ||
tatO(a)vamānOdita tattvabOdhaḥ surādhirājaḥ saha divyagavyā
upetya tuṣṭāva sa naṣṭagarvaḥ spṛiṣṭvā padābjaṁ maṇi maulinā te || 64-3 ||
snehasnutaistvāṁ surabhiḥ payObhiḥ gOvinda nāmānkitamabhyaṣi~nchat
airāvatOpāhṛita divya gangā pāthObhirindrO(a)pi cha jātaharṣaḥ || 64-4 ||
jagattrayeśe tvayi gOkuleśe tathā(a)bhiṣikte sati gOpavāṭaḥ
nāke(a)pi vaikuṇṭha pade(a)pyalabhyāṁ śriyaṁ prapede bhavataḥ
prabhāvāt || 64-5 ||
kadāchidantaryamunaṁ prabhāte snāyan pitā vāruṇapūruṣeṇa
nitastamānetu magāḥ purintvaṁ tāṁ vāruṇiṁ kāraṇa martyarūpaḥ || 64-6 ||
sasambhramaṁ tena jalādhipena prapūjitastvaṁ pratigṛihya tātam
upāgatastatkṣaṇamātmagehaṁ pitā(a)vadattachcharitaṁ nijebhyaḥ || 64-7 ||
hariṁ viniśchitya bhavantametān bhavatpadālOkana baddhatṛiṣṇān
nirikṣya viṣṇO paramaṁ padaṁ tad durāpamanyaistvamadidṛiśastān || 64-8 ||
sphuratparānanda rasapravāha prapūrṇa kaivalya mahāpayOdhau
chiraṁ nimagnāḥ khalu gOpasanghāḥ tvayaiva bhūman punaruddhṛitāste || 64-9 ||
karabadaravadevaṁ deva kutrāvatāre
nijapadamanavāpyaṁ darśitaṁ bhaktibhājām
tadiha paśuparūpi tvaṁ hi sākṣāt parātmā
pavana puranivāsin pāhi māmāmayebhyaḥ || 64-10 ||