Pahulaan - ARMAS TK

Bilang paggunita sa Pagaaklas ng EDSA ngayong Pebrero 25, naalala ko ang kantang ito na ang mga karakter ay ang mga rebisyunistang taksil na ninais ang kinalburong tagumpay.
Mula sa album na Dakilang Hamon ng ARMAS TK, inilalahad sa kantang ito ang mga rebisyunista at oportunistang taksil sa rebolusyong Pilipino na ang mga pagkakamali ay iwinasto ng Partido noong Ikalawang Dakilang Kilusang Pagwawasto.
(May maikling background sa mga personalidad na ito sa comment section.)
LYRICS:
"Ang hindi lumingon sa pinanggalingan
Ay hindi makararating sa paroroonan"
Ito'y isang kasabihan o isang paalala
Ng mga matatanda sa una
Naniniwala ba kayo sa kasabihang ito?
Sasali ba kayo sa aming pagkukwento?
Gagawin namin itong isang pahulaan
Ang makahula'y papalakpakan
Kami'y mayroong nakilala nag-aastang Leninista
Kung saan-saan pumupulot ng teorya
Gangster ng Kalookan
Hari ng Kamaynilaan
At pasimuno ng holdapan
Nanunog ng bus
Nang-ambus nang nang-ambus
At nagpabugso ng hindi bumugso
(Sagot: Filemon "Popoy" Lagman)
Ay, ay, ay, ay, ay nabisto!
Ay, ay, ay, ay, ay nabuko!
Sila-sila na lang pala ang nagplano
Ay, ay, ay, ay, ay nabisto!
Ay, ay, ay, ay, ay nabuko!
Si Ramos na pala ang amo
Kami'y may nakilala rin teorista raw siya
Kakuntsaba pala ni Joel Rocamora
Binago ang AB, binago ang PNP
Habang nagpapanggap na kagawad ng KT
Utak ng mga kawkus ng mga insurektos
Sektarista at paksyunalista
(Sagot: Jose "Paco" Reyes)
Ay, ay, ay, ay, ay nabisto!
Ay, ay, ay, ay, ay nabuko!
Sila-sila na lang pala ang nagplano
Ay, ay, ay, ay, ay nabisto!
Ay, ay, ay, ay, ay nabuko!
Si Ramos na pala ang amo
Kumander-in-tsip daw nitong BHB
At tumatayong pinuno ng GC
Insureksyon kanyang inilusyon
Regularisasyon ang layon
Pwersa'y ginasgas, sa Partido'y dumugas
Tatlumpung milyon itinakas
(Sagot: Romulo Kintanar)
Ay, ay, ay, ay, ay nabisto!
Ay, ay, ay, ay, ay nabuko!
Sila-sila na lang pala ang nagplano
Ay, ay, ay, ay, ay nabisto!
Ay, ay, ay, ay, ay nabuko!
Si Ramos na pala ang amo
Kilala niyo ba ang naging pinuno ng VisCom
Na sugapa at matakaw mag-inom
Maamong tupa sa harap ng pulong
Manghuhudas lang pala sa plenum
Kaya naman pala sa Ermita naglilimayon
At nagtakas din ito ng milyon-milyon.
(Sagot: Arturo Tabara)
Ay, ay, ay, ay, ay nabisto!
Ay, ay, ay, ay, ay nabuko!
Sila-sila na lang pala ang nagplano
Ay, ay, ay, ay, ay nabisto!
Ay, ay, ay, ay, ay nabuko!
Si Ramos na pala ang amo

[@dareb5850]

BACKGROUND **Filemon "Popoy" Lagman** - Founder ng Bukluran ng Manggagawang Pilipino o BMP at isa aa mga nagtatag ng Partido ng Manggagawang Pilipino o PMP na binuo ng mga insurektos at mga pinatalsik na lider ng Manila-Rizal Regional Committee. Sa kanyang pamumuno sa Manila-Rizal Regional Committee ng Partido namutawi ang mga impluwensya ng eksentrismo, partikular sa mga estratehiya at taktika kung paano makakamit ang tagumpay, at nilayon ang "pinabilis" na paraan - ang insureksyon. Pinakatampok sa mga ito ay ang pagpapatawag ng mga welgang bayan, gangsterismo, holdapan sa mga establisyimento, at panununog ng bus na pawang nabanggit sa kanta. Winaksi rin ni Lagman ang mga batayang prinsipyo ng Partido tulad ng pagiging malakolonyal at malapyudal ng Pilipinas at isinulong ang pagiging "backwards capitalist" ng bansa, gayundin ang Matagalang Digmang Bayan na di umano'y "bulgarisasyon" ng rebolusyon ni Mao. Tinawag din niyang "Stalinista" ang Partido, linyang popular sa hanay ng mga rebisyunista at Trotskyista. **Jose "Paco" Reyes** - Puspos ng mga ideyang "sosyal-demokrasya", popular democracy", at iba pang burges na at petiburges na pagkakamali, na pawang mga modernong rebisyunismo, siya at ang kanyang mga alipores ay ninais na lumpuhin ang pamumuno ng uring manggagawa sa pambansang nagkakaisang prente. Sa isang pekeng "kongreso" na inorganisa nina Reyes, tinangka nilang alisin ang pamumuno ng abanteng destakamento ng uring manggagawa sa nagkakaisang prente at binalangkas ang NDF bilang isang "pederasyon" na kung saan ang mga organisasyong kabilang ay tinuturing na "pantay". Ngunit ang hindi maitatangging katotohanan ay ang pagpaling sa ganitong balangkas-na ang Uring Manggagawa ay katumbas lamang ng isang boto na kayang talunin ng boto ng mga organisasyon na mula sa burgesya at panggitnang uri-ay pagpaling palayo sa tunay na esensya ng nagkakaisang prente-ang pagbuklurin ang mamamayan, sa pamumuno ng Uring Manggagawa, tungo sa paglaya ng bayan tungong sosyalismo. Ang mga pagtitipon ding ito nina Reyes at ng mga kasapakat niya, ay tila mga "kawkus ng mga insurektos" bilang isa sila sa mga promotor ng "pagpapabilis" ng rebolusyon, isang "Kaliwang" pagkakamali, habang sumasayaw sa saliw ng mga petiburges na Kanang pagkakamali. Ibinida ring lalo ni Reyes ang kanyang pagiging oportunista sa pagbabago ng mga terminong ginagamit sa Ang Bayan, ang opisyal na pahayagan ng Partido Komunista ng Pilipinas, na nagbigay puwang sa maling mga interpretasyon ng linya at suri ng Partido at ng programa nito para lamang hindi "masagasaan" ang mga "alyado" na pawang galing sa mga panggitnang uri. Si Reyes ay isa sa mga pasimuno ng pagbubuo ng mga kontrarebolusyonaryong grupong sosyal-demokrata tulad ng SIGLAYA, BISIG at PANDAYAN na nagsama upang maging ngayo'y Akbayan. **Romulo Kintanar** - Tumayong pinuno ng General Command ng Bagong Hukbong Bayan noon. Siya ang isa sa mga utak ng "pagpapabilis" ng rebolusyon. Isa sa mga partikular na ideyang nakadikit sa kanyang pangalan, at sa iba pang Kaliwang oportunista, ay ang stratehiyang "strategic counter-offensive", o mas kilala bilang SCO, na kung saan ito ay bumabali sa prinsipyo ng Matagalang Digmang Bayan at ang tatlong estratehikong yugto nito - estratehikong depensa, pagkapatas, at opensa. Inilalako ang estratehiyang ito bilang paglaktaw sa estratehikong pagkapatas at opensa dahil sa estratehikong depensa pa lamang ay maaari nang lumikha ng malalaking bigwas ang BHB sa kaaway at masasagawa ito sa pamamagitan ng pagpwesto ng mga yunit ng BHB malapit sa mga sentrong bayan at lunsod, kaakibat ng pagkokonsentra ng mga platun sa mga kompanya upang kumikha ng mas maraming kompanya kumpara sa isang pwersang gerilya na maliliit at kalat upang maggawaing masa-ang mukha ng regularisasyon. Isinawalambahala ng SCO ang katotohanang sadyang maliit pa at relatibong mahina ang BHB kumpara sa lakas ng reaksyunaryong hukbo. Ito ay nagresulta sa mga malalaking pagkatalo, hulihan, aresto, pagkakulong o di naman ay pagkamatay ng mga kasama. Humantong ito sa demoralisasyon at paghina ng loob na nagresulta sa pagliban ng ilang mga kasama sa armadong pakikibaka o di naman kaya'y paranoia na ang dahilan ng mga malalaking pagkatalo at pag-aresto ay dahil sa mga "deep penetration agent" o DPA na inilagay ng estado sa loob ng kilusan. Ang paranoiang ito ang nagbunsod ng Kampanyang Ahos sa Mindanaw at Oplan Missing Link sa Timog Katagalugan na kung saan daang mga kasama ang pinagbintangan, tinortyur o di naman ay pinatay dahil lamang sa mga walang basehang akusasyon ng pagiging DPA. Bukod sa mga malalaking kamaliang ito sa larangang militar at politika, isa ring mahusay na salamangkero si Kintanar. Sa kanyang pagkaalis sa Partido buhat ng Ikalawang Dakilang Kilusang Pagwawasto, kasama niyang nawala ang malaking halaga ng pondo ng Partido na nagkakahalaga ng 30 milyon na napagalamang kanyang kinulimbat. Ngunit hindi natatapos sa pangungulimbat ang kanyang raket dahil pagkatapos ng lahat ng sira na kanyang iniwan sa Partido ay nagawa niyang pumaling sa buhong na AFP na dati niyang kaaway at di naglao'y naging kanyang amo bilang isang informer at mukha sa mga itim na propagandang kanilang ipinalalabas sa midya laban sa Partido at Hukbing Bayan. **Arturo Tabara** - Dating pinuno ng dating Visayas Commission ng Partido at founder ng Rebolusyonaryong Partido ng Manggagawa (RPM) at Revolutionary Proletarian Army-Alex Boncayao Brigade (RPA-ABB). Gaya ng mga nauna, isa rin si Tabara sa mga naglalayong ikalburo ang tagumpay. Pinamunuan niya ang mga malakihang konsentrasyon ng mga iskwad at platun ng Bagong Hukbong Bayan sa mga kompanya sa Kabisayaan. Sa kanya ring pamumuno nagkaroon ng malawakang paglipat ng mga susing pamunuan ng Partido at Hukbong Bayan mula sa mga larangang gerilya tungo sa mga sentrong bayan na siyang naging resulta ng mga malawakang pag-aresto. Sa ganito ay unti-unting humina ang rebolusyonaryong kilusan sa Bisayas Pinaghinalaan din na mula 1988 na siya ay nakikipagugnayan sa mga opisyal at alagad ng pasistang AFP. At tila pinatunayan ng kasaysayan ang mga paratang sa kanya dahil tulad ni Kintanar siya'y naging kontrarebolusyonary. Ang bagong grupo na kanyang binuo na RPM at ang armadong pwersa nito na RPA, na kung saan sumanib ang ABB na dating hawak ni Lagman, ay mga naging bayarang mersenaryo ng malalaking panginoong may-lupa sa Bisaya, partikular sa Negros at Panay. Sila rin ay asong sunud-sunuran sa dikta ng AFP at gamit sa kontrarebolusyonaryong digma nito laban sa Bagong Hukbong Bayan.

[@groundzerorpb2469]

Naalala ko ang mga kasama na umawit nito nakasama ko pa sa kanayunan, kumusta na kayo mga kumrad.. mabuhay ang rebolusyon..

[@EdnelUlagan]

Mabuhay ang PMP. Isulong ang SOSYALISMO!

Isulong ang nasusunog na gasolina sa BUS!