عقد الايجار وخطورة تحديد مدته ( مشاهره ، مشهره ، دائمه ، الي مالا نهايه ).

أنا بقدم معلومات قانونية بطريقة بسيطة جداً ، الهدف منها هو نشر الثقافة القانونية في المجتمع ، لو عاوز توصلك كل الفديوهات الجديدة أشترك في القناة وفعل زر الجرس
ولو عندك اي استفسار أو أي سؤال تقدر تكتب سؤالك أو استفسارك في كومنت لو سؤالك يتعلق بأمور شخصية فيها خصوصية تقدر تتواصل معايا عن طريق الرسائل علي صفحة الفيس بوك أو الهاتف
Mobile : [phone]
Whatsapp : wa.me/message/...
Facebook : / m.hosnylawyer
Instagram : / m.hosny.lawyer
KZbin : / @m.hosnylawyer
Gmail : [e-mail]

[@magdamohamed1476]

فعلا من المفيد جدا أن نتعرف على الاثر القانوني جزاك الله خيرا

[@elpopbebo91]

شكراً يافندم.. بارك الله فيك وجزاك الله خير الجزاء.. مليوون شكر اخي المحترم الخلوق 👌👌👌👍👍🌹🌹🌹🌹🌹🌹

[@hamhariygood]

طيب انا لدي اقتراح وهو ان يكون هناك قانون ايجار وسط بين القديم والجديد وقانون اخر فوق الجديد وقانون اخر تحت القديم وقانون اخر بمبة كشر وسلامي الكبير للقوانين المحنتة في مصر فقط

[@maher.miladmilad439]

بمناسبة مشروع تعديل الايجارات القديمة. ابسط اقتراح واعتقد انه جوهر المشكلة. هو زيادة القيمة الايجارية.أما التحجج بدفع خلوات أو تكلفة التشطيبات فقد إستنفذها الساكن خلال ما يقرب من ثلاثين سنة. ولكن ماقيمة الزيادة المناسبة والعادلة للاجرة. الاجابة فى غاية السهولة. ماهى الخدمات والسلع المرتبطة واللصيقة الصلة بالسكن؟ .هى (المياه والكهرباء والغاز والتليفونات والمواصلات أيضا). إرتفعت اسعار هذه الخدمات الحكومية زيادات متوالية. وارتضى ذلك الساكن وتوافق معها. إذا من المنطق والإنصاف ان تزيد أجرة السكن الاصلية زيادة موازية لزيادة سعر الخدمات.أو (60-75%) منها. وهذه الزيادة المنسوبة الى قيمة الإيجار الاصلى تحتوى ضمنا مزايا العين المؤجرة من حيث المنطقة والمساحة وغيرها .ويسهل صياغة هذه الزيادة فى جدول مرتبط بتاريخ التعاقد ويقابله نسبة زيادة سعر الخدمات.. ولكن وبالطيع ستكون هذه الزيادة قفزه كبيرة فى القيمه الإيجارية هنا ياتى دور المشرع للموائمة. قد نبدا الزيادة بمضاعقة الاجرة عند صدور القانون ( خمس اضعاف ر للتجارى وعشرين ضعفا للسكنى على الأقل، حيث ان إيجارالتجارى كان يزيد سنويا بنسبه مئوية ضئيلة لمدة سنوات). ثم يلى ذلك زيادة سنوية (15- 20 %) حتى تتحقق الزياده الواردة فى الجدول (وفى جميع الاحوال ينتهى التعاقد بعد خمس سنوات على الاكثر). ومن المؤكد ان الساكن الذى يحتكر شقة مغلقة سيعيد النظر فى الإحتكار حيث أنه سيضطر لإخلائها لاحقا بعد الخمس سنوات. كما ستصبح فكرة التوريث بلا معنى لتحقق زياة القيمة الايجارية وتحديد موعد لإنتهاء التعاقد. وبالتالى ستتحرر العلاقة تلقائيا ربما دون الحاجة الى تشريع.. أتمنى ان يصل هذا الاقترااح الى الكافة، وخصوصا صناع القرار. الساكت على الظلم شيطانا اخرس

[@user-eb5mc2mw1w]

جزاك الله خيرا معلومات قيمه وغايه في الاهميه احسن الله اليك

[@kookyali413]

بارك الله فيك استاذ محمد شرحت ووفيت الله يعطيك العافية .

[@zainazaina5688]

حضرتك راجل محترم ومعلوماتك قيمه

[@M.Hosnylawyer]

شكراً لرأيك

[@user-ep3gw3th8g]

شكرا لذوق حضرتك علي هذه المعلومات.. هل هذه الحالة تنطبق على المحلات التجارية.. وسمعت أن في دراسة القانون القديم بالنسبة للمحلات في مجلس النواب أرجو الأفادة ومع الشكر لحضرتك

[@M.Hosnylawyer]

تطبق علي أي عقد محرر في عام ١٩٩٦ وما بعدة و بالنسبة لاي تعديلات كلها مجرد مقترحات لسه مفيش تعديل تم اصداره.

[@emanzeinomera6151]

بارك الله فيك على المعلومات القيمه دى

[@hussenhussen7794]

السلام عليكم جازاك الله خيرا على هذه المعلومات القيمه. المفيده جدا

[@totitoti311]

جزاك الله خير احسن محامي استفدت من حضرتك كتير

[@emadmasry6529]

لوسمحت حكم القانون فى عقد محل تجارى مكتوب فى سنه ٢٠٠٥ لمدة خمس سنوات بند اضافى ان العقد يجدد بمدد مماثلة بزيادة ٢٠٪ دون الرجوع للمالك

[@M.Hosnylawyer]

اذا انتهي العقد واستمر المستأجر في المحل فالعقد يعتبر اتجدد لمده سداد الايجار ويقدر المؤجر يخرج المستأجر في اي وقت.

[@Fikry-Elfassakh]

شكرا يا فندم على معلوماتك القيمة .

[@halayoussef4974]

شرحك واضح ومفصل بايجاز .بصراحه استفادنا

[@M.Hosnylawyer]

حضرتك تابعي الفيديوهات القادمة هيكون فيها شرح قانوني بسيط ربنا يقدرني أقدر أوصل المعلومة بطريقه بسيطة.

[@user-tw5ke2ci9h]

سبحان الله والحمد لله ولا اله الا الله والله أكبر ولا حول ولا قوة الا بالله عدد خلقه ورضا نفسه وزنة عرشه ومداد كلماته وأستغفر الله العظيم الذي لا إله إلا هو الحي القيوم وأتوب إليه

[@211cesar211]

شكرا لحضرتك بارك الله فيك وجزاك الله خير

[@user-uq5sc6nz7b]

بارك الله فيك وضحت جزاك الله خيرا

[@abdelrahmanelsawah2486]

ربنا يبارك فيك أفادت الناس ونورتهم

[@user-ww5wi9vb5k]

ربنا يكرمك ويوسع رزقك و يزيدك من فضله ونعيمه

[@M.Hosnylawyer]

شكرا يا فندم.

[@aminasaad5987]

الله يفتح عليك

[@user-vr5yr1oj9q]

جزاك الله كل خير وضحت ووفيت حاجة مهمة

[@aminasaad5987]

جزاك الله خيرا

[@amah5977]

شكرا جزيلا لك على التوضيح وجزاك الله خير هل ممكن ان نرى منك نموذج صحيح لعقد الايجار الجديد كما يجب ان يكون

[@M.Hosnylawyer]

ان شاء الله قريب يا فندم

[@hamdyaziz1683]

شكرا للتوضيحكلاممختصر ومفيد،احست

[@user-gl5uz4tv1r]

جزاك الله خيرا علي المعلومات المهمة هذه

[@user-pf4tz8wi6b]

جزاك الله خير معالى المستشار

[@thegreat7268]

والسؤال هو ليه الأنظمة والقوانين شغلانتها مش بتحمي حقوق المواطن؟ يعني شغل القوانين هو حماية الذئاب؟!

[@kamaldawoud5884]

جزاك الله خيرا لقد أفدتنا كثيرا

[@ahmedelharby7110]

جزاك الله خير استاذ محمد

[@user-ki1qt6gc3t]

لو عقد محدد البدايه والنهايه بعد 1996 ولمدة 61 سنه والمالك توفي والورثه عاوزين يخرجوا المستأجر... المستأجر يعمل إيه

[@M.Hosnylawyer]

حضرتك طالما المستأجر بيدفع القيمة الإيجاريه محدش يقدر يخرجة ولو امتنع الورثه عن استلام الإيجار المستأجر يعمل إنذار علي يد محضر بقيمة الإيجار في المحكمة.

[@mostafasoliman151]

العقد مبرم 1/1/97مكتوب مستمره المالك يعمل ايه محل تجاري يعمل انذار بعدم الرغبه في استمرار العقد وبعد كده يعمل دعوي ايه فسخ ولا بطلان عقد ايجار

[@eglalsaleh2397]

الى الاخت ست الحبايب وكل من يسال عن عنوان المحامى او مكانه ارقام تليفونه والواتساب مكتوب فى صندق الوصف اسفل الفيديو كلفو نفسكم بالبحث

[@lameyattalah2043]

اشرينا بيت ويوجد به عقد ايجار مدة 59 سنة ومكتوب بالعقد فقرة ويجدد مرة أخرى بدون موافقة المالك سيادة المستشار الرأي القانوني في ذلك علي العقد ولك الشكر والتقدير والاحترام

[@M.Hosnylawyer]

لو عقد الإيجار محرر بعد 31/1/1996 وانتهت مدة ال 59 سنه يعتبر العقد تجدد لمدة سداد الإيجار ويحق للمالك إنهاء العقد بعد إنتهاء مدته المحدده

[@user-nu9wx6po7o]

مدة عقد الايجار فى القانون الاستثنائي اقصاها٦٠ سنة من بداية التعاقد حكم نقض٣فى يناير ٢٠٢٢ لماذا لم تذكر ذلك

[@M.Hosnylawyer]

القانون لم يحدد مده معينه لعقد الايجار ولكن حدد مده عقد الحكر انه لا يزيد عن ٦٠ عام وبيتم قياس مده عقد الإيجار علي عقد الحكر يا فندم

[@user-hz3lx9vo8h]

السلام عليكم عندي شقه في مدينه الاسكندريه أجرتها عقد محدد وخلص ومش راضي يطلع من الشقه القضيق المستعجله تفيدني لإخراجه نرجو الافاده وشكرا

[@M.Hosnylawyer]

طبعا وانتظر ان شاء الله اليوم فيديو عن مشاكل عقود الايجار هيكون موضح فيه كل التفاصيل الخاصه بمشكلتك.

[@omhaitham8019]

عندي ساكن من تلاتين سنة قفل الشقة واشتري شقة تمليك في بلد تاني بيحضر كل شهر يشغل الغاز والكهربا عشان يثبت انة متواجد في الشقة ماذا افعل هل يحق لي استرداد الشقة ام لا ارجو الرد لو سمحت

[@user-rr9lw8qg1m]

العقد بتاعي كتبت فيه 59 سنه ويوجد دون الرجوع للمالك هل ده صحيح وفعلا يتم تجديده دون الرجوع للمالك العقد تم تحريره سنه 2007 وبتوقيع اثنين من الشهود امام المالك

[@M.Hosnylawyer]

لو المالك لم يكن لديه رغبه في تجديد العقد لازم ينذر حضرتك بإنذار علي يد محضر بعدم رغبته في التجديد قبل انتهاء مدة عقد الإيجار وقتها إذا إنذرك يقدر يسترد الشقة ولا يجدد العقد.

[@user-ch7cv2ld4z]

جزاك الله كل خير

[@user-fs1mb8xs8q]

تاريخ العقد 1/12/1996 من تاريخ مكتوب مدد مستمرة لغاية مكتوب مالا نهاية والاب والام ماتوا وفي بنتين 14 و 13 سنة ووصل للايجار بيطلع باسم الاب المتوفي هل كده في ضرر للبنتين

[@naderabdelmalek8723]

السلام عليكم انا عامل عقد ايجار سنه١٩٩٩وكاتب بالعقد مده خمس سنوات وكاتب تاريخ البدايه والنهايه وكاتب يجدد تلقاءي لمدد أخري مماثلة وانا بقالي عشرين سنة وصاحب البيت ا ارسل لي انذار بعدم التجديد فهل هذا حقه وما هو الحل ارجو الاافاده

[@M.Hosnylawyer]

المؤجر ( المالك ) في حاله ارسال إنذار للمستأجر بعدم رغبته في التجديد يحق له استرداد الوحده السكنيه ولو امتنع المستأجر هيقيم عليه دعوي أمام المحكمة و يقدر يحصل علي حكم ويسترد الشقه من المستأجر بموجب حكم قضائي.

[@sakrkrishmakoni1577]

كل قوانين الايجار في مصر مخالفة للشريعة الاسلامية اللهم قد بلغت

[@khaledali4027]

لماذا وما الدليل المستند حضرتك عليه من القرآن

[@sakrkrishmakoni1577]

@@khaledali4027 في الفقه الاسلامي قاعدة تقول ان الجهالة تبطل العقد والجهالة هنا هي جهالة مدة العقد وجهالة القيمة الايجارية والعقد الشرعي لابد ان يتضمن مدة الايجار وقيمة الاجرة حتي يستطيع القاضي الفصل في النزاع بين المؤجر والمستاجر والسلام

[@user-uc7iq8wd6r]

جزاك الله خير...لوحابة اشترى شقة فى القاهرة تقدر تساعدنى حتى يتم الشراء واين عنوان مكتبك وانا من السعودية

[@M.Hosnylawyer]

حضرتك تقدري تتواصلي معي علي الهاتف التالي 01027749001

[@ggguuuuhott5294]

هل حضرتك اشتريت شقه لان انا سمسار عندي شقق ف كايرو والاسكنريه

[@user-fb3vx6sf7i]

مشكور الله ينور عليك

[@user-ez3ps6jy7h]

جزاك الله خيرا انت راجل محترم

[@fatmaomran8843]

طيب م تكتب عنوان الفديو كويس ليه بق عنوان عقد جديد مشاعر وتحديد المده هتوجع بطنبنا ليه

[@user-sm4bz5ks7p]

الله لا يسامح الي حط القانون الجديد الي كسر لنا العفش من سكن لسكن غير غلاء الايجور والله حرام

[@abonoor1136]

قناة بسمه عذاب فعلا محتاجين من الحكومة بدل للهلاك الي بيحصل للعفش

[@oblysk007]

افادك الله وكثرمن امثالك

[@khaledmahomoud552]

بارك الله فيك ولكم

[@user-mb8uc6mt9g]

وأذا ألمالك لم يعطيني عقد أيجار وسكني في العقار وشهريا ندفع الإيجار مالماده القانونيه التي تنطبق على حالتنا

[@M.Hosnylawyer]

حضرتك تقدر تتواصل معنا عن طريق الاتصال على الرقم التالي 01027749001 لمعرفه كافة التفاصيل يمكنك الاتصال بنا علي مدار الاسبوع يومياً من الساعة 9 صباحاً حتي 10 مساء بتوقيت القاهره

[@user-sx9jh9bf4u]

برافو يا متر

[@safwatkhalil1133]

ما هي اقصي مده في عقد الايجار الجديد طبقا للقانون

[@M.Hosnylawyer]

القانون لم يحدد مده عقد الايجار وهنا يكون بالتراضي والاتفاق بين الطرفين علي تحديد المدة

[@safwatkhalil1133]

@@M.Hosnylawyer شكرا جزيلا

[@zozgaming6456]

بارك اللة فيك ياريت الصيغة العقد الايجار محدود المدة الايجار الجديد وما هو عقد الاستضافة وماهى مدتة

[@M.Hosnylawyer]

حضرتك في فيديو علي القناه وضحت فيه بعض النقاط في عقد الايجار موضح فيه كل شيء عن عقد الايجار الجديد اما بالنسبة للسؤال الاخر ياريت توضح تفاصيل اكتر عن الموضوع.

[@mohamedbaker1248]

اذا كان المستاجر كاتب في العقد البداية والنهايه عبارة عن لا يتم خروج المستاجر مت العين الا بعد هدم البيت فيحق للمالق خروج المستاجر

[@M.Hosnylawyer]

تاريت توضح تفاصيل اكتر ( تاريخ تحرير العقد ).

[@user-vz6eh7yf4b]

السلام عليكم مستأجر قديم توفاه الله اليوم . وكان تارك الشقة فارغة من خمس سنوات ، لكنه يدفع الايجار كل ستة شهور حتى وفاته . ما الأجراء القانونى لأسترداد الشقة من الورثة ؟

[@M.Hosnylawyer]

حضرتك تواصل معي تليفونيا علي الرقم التالي 01027749001

[@edwarshaker5065]

اذا كان تاريخ تحرير التعاقد فى ٢٣/١٠/١٩٩٣ ومكتوب على ورقة مطبوع عليها : عقد ايجار خاضع للقانون رقم ٤ لسنة ١٩٩٦ ، وهو محدد المدة ب ٥٩ سنة ، ومحدد القيمة الايجارية : فهل هذا العقد يعتبر خاضع للقانون القديم او خاضع للقانون المدنى الجديد ؟ ٢) وهل بعد وفاة المستأجر الاصلى يمتد عقد الايجار الى نهاية المدة للورثة الوارين فى إعلام الوراثة دون شرط الإقامة ؟ وشكرا جزيلا لسعادتك . ٣) هل ممكن لسعادتك ترك لنا أى وسيلة أتصال: موبايل أو، واتساب . أو تليفون أرضى ؟ وشكرا جزيلا مرة أخرى لسعادتك.

[@MidoMido-rv5fu]

ممكن شرح وافى عن بيع وشراء السيارات ويعنى أية بيع بتوكيل؟

[@M.Hosnylawyer]

ان شاء الله

[@osamahlmy9684]

المطول هو نموذج لعقد إيجار جديد نموزج لعقد إيجار قديم وألف شكر

[@mohamedfouad9710]

عقد شقة قانون قديم من سنة ١٩٩١ ممكن المالك يقول اطلع بره

[@user-bz5vu9qz2r]

السلام عليكم ورحمة الله لوسمحت احنا اشترينا عمارة وصاحب العمارة كتب شقة إيجار لابنة ٥٩سنة وايجار ٦٠جنية بتاريخ ٢٠٠١ يعني بتاريخ قديم ممكن ارفع قضية أن العقد مزور وامشية

[@M.Hosnylawyer]

حضرتك العقد مزور ازاي انت لازم تلتزم بالتزامات مالك العقار السابق فطالما ان المالك السابق موقع عقد ايجار لازم تلتزم بالعقد.

[@user-bz5vu9qz2r]

توضيح هو ينفع حد يكتب عقد النهاردة بتاريخ عشرين سنة فاتت يعني اكتب العقد في ٢٠١٩ ويبقى بتاريخ ٢٠٠١

[@M.Hosnylawyer]

لا يا فندم ياريت توضح تفاصيل اكتر او تتواصل معي علي الرقم التالي 01027749001

[@fadiayehia9601]

ما هو موقف عقد ايجار من مارس ١٩٩٣ ال ٠٠٠٠ وغير محدد تاريخ ارجو الافادة

[@M.Hosnylawyer]

حضرتك تقدري تبعتي صورة رقم الواتساب 01027749001 للرد علي استفسارك

[@user-gm2ov3gl8o]

حتى لو العقد بقاله ٢٥ سنه والايجار بيزيد عشره ف الميه كل خمس سنين والعقد مكتوب ف مشاهره مده الحياه لا ينتهى ال برغبة الساكن

[@M.Hosnylawyer]

تقدر تتواصل معانا عن طريق الاتصال علي الرقم التالي 01027749001 مواعيد الاتصال يومياً من الساعه 9 صباحاً وحتي الساعه ١٢ مساءً بتوقيت القاهرة

[@elpatalelpatal6409]

أخو زوجي استأجر المحل من والده سنه 95 وتوفاهم الله ومكتوب مشهره وانا اشتريت المنزل من الورثه ماعدا نصيب أرملة أخو زوجى هل ممكن آخد المحل

[@M.Hosnylawyer]

استأذنك تبعت صورة عقد الإيجار علي صفحة الفيس بوك علشان يكون الرد وافي.

[@ninaroshdie1069]

هو القانون أطبق امتى لو سمحت ممكن تقولى تاريخ العمل به من امتى يعنى إلى مضى ع العقد ده بتاريخ 2021 ده يعمل بيه لان ف السنة دى مكنتش المعلومات دى لسه واضحة

[@M.Hosnylawyer]

القانون تم تطبيقه علي عقود الإيجار المحرره من تاريخ 1/2/1996 وما بعده حتي الاَن

[@user-ku6hg5lj6l]

الف شكرا يا محترم

[@hanyelmalh6747]

١.ينفع ااجر محل من احد الورثه بدون مايعملوا تقسيم واعلان وراثه ٢.ينفع احد الورثه يطرد مستاجر من محل بدون مايعملوا تقسيم واعلام وراثه

[@M.Hosnylawyer]

لازم يكون في علي الاقل اعلام وراثه علشان تضمن ان اللي هيأجرلك من ضمن الورثه اما ان واحد بس من الورثه يأجرلك مفيش مشكله باقي الورثه يقدروا يطالبوه هوه بنصيبهم في الايجار . السؤال الثاني لازم يكون في اعلام وراثه وممكن أي حد من الورثه يرفع الدعوي طالما هو من ضمن الورثه.

[@mohamedwahba4062]

الشقق أسعارها غالية جدا المسألة ليست مؤجر ز مستأجر فلا يجب أن يذبح المؤجر المستأجر هناك عقل ليس ذبح

[@user-eq3pz1wt3t]

لوسمحت العقد بتاعى محدد السنين اولا لو حبيت ابيع المالك ياخد ايه تانى حاجه مكتوب بعد الانتهاء يحدد ببن الطرفين التجديد طيب افرض انا عاوز والمالك رفض ايه الحل

[@M.Hosnylawyer]

حضرتك تبيع بموجب ايه انت مجرد مستأجر لازم علشان يكون ليك حق التصرف تكون مالك مش مستأجر ولو العقد غير محدد المدة المؤجر ( المالك ) يقدر يخرجكك من الشقة في اي وفت ولو محدد المدة وانتهت لو المالك مش عاوز يجدد العقد يقدر يخرجكك.

[@user-cf5dr3tl6s]

لو سمحت عندنا ساكن من سنه 1983 وتوفي سنه 2009 زوجته وابنه كانو عايشين معه،، إبنه تزوج بره البيت وبعد حوالي سته أشهر زوجه المستأجر الأصلي سافرت وجاء ابنها هو ومراته اقامو في الشقة،،، سووووأل هل من حق الإبن الإقامه في الشقة،، شكراً

[@M.Hosnylawyer]

الامتداد شرطه ان يكون الممتد له العقد مقيم مع المستأجر الأصلي حال حياته وبعد وفاته.

[@magdymikhail8863]

لو الشقة ملك الزوج. ممكن الزوجة تقوم بتأجير الشقة حتي لو ليس معاها توكيل

[@M.Hosnylawyer]

والزوج تركها حررت عقد إيجار بدون صفه وترك المستأجر من الانتفاع بالعين ( الشقة ) الزوج في تلك الحاله يرجع علي الزوجة بقيمة مبلغ الايجار طالما كان عنده علم ان زوجته ليس لها صفه و فضل ساكت و مكن المستأجر من الانتفاع بالشقه.

[@goudabotros4542]

من فضلك اذا كان المستأجر بيدفع القيمة الإيجارية للمالك فى المحكمة سواء كان العقد قبل عام ١٩٩٦ او بعده. هل فى الحالتين يستطيع المالك طرد المستأجر استنادا لنص المادة ٥٦٣ من القانون المدني فى حالة الايجار الجديد باعتبار نهاية الشهر الأخير الذى استلمه من المستأجر قبل اللجوء. للإيداع بالمحكمة ؟ وما هو الحكم لو نفس الحالة مع العقد القديم ؟

[@M.Hosnylawyer]

يقدر يا فندم لو بيدفع الإيجار قي المحكمة ده بالنسبة لعقود الإيجار الخاضعه للقانون المدني أما عقود الإيجار الخاضعه للقوانين الاستثنائية ( قوانين الإيجار القديم ) حتي لو المده غير محدده لا ينتهي العقد القانون نفسه نص علي كده و الإخلاء بيكون للأسباب الآتيه ( وفاه المستأجر الأصلي ومفيش حد يستحق الامتداد - التأجير من الباطن - عدم سداد القيمة الإيجارية -...).

[@user-pf4tz8wi6b]

اشكر حضرتك على اهتمامك بس للاسف هما كانو ٤ سنين منهم مدة انتهت عقدها سنتين فيها كام شهر مدفعهمش ومدة فى عقد جديد بسنتين

[@M.Hosnylawyer]

يا فندم أنا اقصد كمثال إذا رفعت دعوي في ٢٠١٩ أخر مدة إيجار تقدر تطالب بيها لا تزيد عن خمس سنوات يعني حضرتك تطالب بداية من ٢٠١٤

[@user-fv7mr1vu6b]

شكرا. طب لو كلمة مالانهاية مكتوبة في عقد ايجار قديم قبل ٩٦ ينطبق عليها نفس الحكم

[@M.Hosnylawyer]

لا يافندم عقد الإيجار المحرر قبل 1996 يطبق عليه قوانين الإيجار الاستئنائية ولا يطبق عليه قانون 4 لسنة 1996

[@mohamedmadkour7480]

طيب لو عندي شقه وكنت عامل عقد تقريبا من ١٩٩٥كان ب٥سنين وخلصم و المستأجر لحد دلوقت قاعد بدون عقد هل لو حبيت أطلعه فيه اي موانع قانونيه ممكن يستخدمها عليا

[@M.Hosnylawyer]

حضرتك ياريت تبعت صورة العقد علي الواتساب او الفيس بوك

[@OmarAliAbdElMaqsoud]

ربنا يخليك ياارب 🤩

[@Saeedahmed-bq8jq]

بالنسبه لعقد 94 مكتوب فيه من النهائي ايه المطلوب فيه

[@user-op6zv6oh3n]

سلام عليكم انا عندي شقه والدي ماجرها سنه 74 1/10 74 وكاتب في العام من من واحد ل 10 لاخره هل يجوز عليه الطرد ممكن تفيدني ابعث لي رقم تليفونك الخاص للاستشاره شكرا

[@user-xl7ik7hl2c]

كلام مفيد جدا

[@khairiyagha7721]

طيب إذًا اخي كتب لي نصف الشقه بس عقد بيني وبينه مضي لي اخر العقد وخلاص ده يكون عقد معترف بيه ام لاذم صحه توقيع

[@M.Hosnylawyer]

طالما موقع عليه العقد صحيح اما موضوع صحه التوقيع تقدر تعملها مفيش مشكله تجنبا انه مستقبلا يطعن علي توقيعه في العقد ، صحة التوقيع تثبت ان توقيعه علي عقد البيع صحيح فقط.

[@khairiyagha7721]

قناه مفيده شكرا ليك

[@hessinelmogy]

عقد ايجار قديم لمؤسسة السلع الاستهلاكية محرر مدة الايجار(شهر) هل يمكن الاخلاء وماهى المدة التى يتم فيها الاخلاء تماما علما بان العقد مؤجرمخزن وتم تغييرالعين لتصبح فرع بيع رغم نص العقد مخزن

[@M.Hosnylawyer]

استأذن حضرتك تعبت صورة العقد علي صفحه الفيس بوك.

[@ahmedfawzy3791]

استاذنا وارث من ابويا منزل به ١٢شقه بيلم ايجار ٩٥٠جنيه في عقود مكتوب فيها مشهره وفي عقود مكتوب فيها تحدد تلقائيا عايز امشبهم او ازود الايحار اعمل اي

[@M.Hosnylawyer]

حضرتك لو تاريخ العقود بدايه من 31/1/1996 وما بعدها فتقدر تخرجهم أما لو قبل ذلك فهي تخضع لقانون الإيجار القديم وبالتالي لا ينتهي العقد إلا لوفاه المستأجر وعدم وجود امتداد أو التأجير من الباطن أو عدم سداد القيمة الإيجارية ياريت توضح التفاصيل.

[@ahmedfawzy3791]

يا أستاذ الساكن دا ربنا ربنا كارمه ومعه منزل في نفس المحافظه تقريباً اربع ادوار وساكن في منزل والدي وبيدفع ٢٠جنيه إيجار وهو مسكن في منزله ثلاثة أدوار مده الشقه الرابعه مجوز إبنه في عايز اغوره في داهيه

[@M.Hosnylawyer]

لو عقد الإيجار عقد محرر قبل 1996 يعني خاضع لقانون الإيجار القديم وفي حالة قيام المستأجر ببناء منزل مكون من ثلاث وحدات أو أكثر تقدر تخيير المستأجر بأنه يوفرليك وحده سكنية في منزله أو يترك الوحده السكنية التي يستأجرها منك.

[@ahmedfawzy3791]

@@M.Hosnylawyer القانون بيقول كدا أقدر امشيه

[@M.Hosnylawyer]

تقدر مع ذلك يحق للمستأجر انه يرفع دعوي تفسير لعقد الإيجار ويطالب المحكمة بتحديد نية المتعاقدين عن مدة العقد اثناء التعاقد.

[@samiramohammed193]

السلام عليكم زوجي مؤجر محل لمده غير معروفه وكاتب الصيغه تجدد تلقائي هل هناك خوفا من المستأجر على ان يبقى الى الابد ولايستطيع المؤجر اخراجه من المحل اذا احتاجه يوما

[@M.Hosnylawyer]

المالك يقدر ينهي عقد الايجار في اي وقت طالما العقد غير محدد المدة.

[@gamelamahmoud980]

انا مئجره شقه العقد من العقود الجديده لكن وقت التاجير ضللوني وقالوا لو اتعرف انك اختي خلو هيبقى مشكله لكن مكتوب في العقد مشاهره وعرفت ان الساكن بدل الشبابيك والبلاك نات فهل ممكن ان اطرده بالرغم ان الشقه ممتازه وايجارها خمسه وعشرون جنيه ولم يزود القيمه الايجاريه

[@M.Hosnylawyer]

لو العقد غير محدد مدته يقدر المالك ينهي عقد الإيجار.

[@kamalhabib9554]

اللة ينور عليك لو سمحت كيف نعمل اتحاد ملاك

[@M.Hosnylawyer]

حضرتك تقدر تروح الحي التابع للعقار وتسأل هناك هيعرفوك كل الاجراءات

[@hemanour4440]

لو سمحت كلمنا عن عقود المقاولات وخاصة التشطيب

[@M.Hosnylawyer]

ان شاء الله يا فندم قريبا

[@user-yc1bp2rm7c]

السلام عليكم ورحمة الله وبركاته انا مافيش عقد ايجا ر أصل هل يحق طردي

[@M.Hosnylawyer]

متعرفش المالك ان اصل العقد ضاع و استمر في سداد الايجار في المعياد اللي بتدفعه فيه

[@user-cs1yq6eh4w]

بارك الله فيك يا استاذ محمد انا رفعه قضيه وتحولت من بلد لبلد وانا عاوزه اخليه في بلدي ممكن ولي القضيه تتوقف لما بتتحول من مكان لي مكان بارك الله فيك

[@M.Hosnylawyer]

حضرتك تقدري توضحي التفاصيل او تتواصلي معي علي الرقم التالي لمعرفه التفاصيل والرد عليها 01027749001

[@user-wi3kd6ij7q]

ممكن لو سمحت تفيدنى انافى مستأجر بعقد بدية1993والنهاية لايوجد اى حاجه ولا اى كلمة فى النهاية

[@M.Hosnylawyer]

حضرتك ياريت توضح تفاصيل اكتر عن استفسارك او تتواصل معي تليفونيا علي الرقم التالي 01027749001

[@ahmedfawzy3791]

مكتوب في العقد ويحدد تلقائيا هذا العقد١٩٨٣اي الوضع الحالي

[@M.Hosnylawyer]

العقد خاضع لقانون الايجار القديم ولا ينتهي الا للاسباب الاتيه وفاه المستأجر ولا يوجد لورثته امتداد او التأجير من الباطن او عدم سداد القيمة الايجارية.

[@saadmahran4007]

اتاذى شقة مؤجرة بعد ٩٦ والمدة ٥٩ سنة..هل يمكن ان يطرد الؤجر المستأجر لأى سبب

[@M.Hosnylawyer]

في حالة التأجير من الباطن او التنازل عن عقد الايجار دون موافقه المالك او عدم سداد القيمة الايجارية.

[@sherifelsoudani2207]

من فضلك هذا الكلام ينطبق على المحلات التجارية ؟ وياريت حلقة عن المحلات التجارية

[@M.Hosnylawyer]

ان شاء الله هعمل حلقه عن المحلات التجارية في اقرب وقت.

[@sherifelsoudani2207]

@@M.Hosnylawyer فى انظار حضرتك شكرا

[@tato46666]

ما هي انسب طريقة لطرد المستأجر من العين في ظل احكام الإيجار الجديد

[@M.Hosnylawyer]

ياريت حضرتك توضح كافة التفاصيل الخاصة بالمستأجر الذي تريد طرده من العين.

[@laliacherif7540]

اجرنا مكتب مفروش لشركه ولم يدفعو الإيجار منذ ٧ شهور .مذكوره بالعقد انه يعتبر لاغى دون الرجوع للقضاء ماذا نفعل لاسترداد الشقه

[@M.Hosnylawyer]

حضرتك لازم تعملوا انذار للمستأجر وبعدين ترفعوا دعوي أمام المحكمة وبعد كده تقدروا تستردوا الشقه.

[@ikhlashamadneh2744]

ياريت في محامي أردني يفهمنا الإيجارات بالدستور الأردني كل الشكر والتقدير

[@M.Hosnylawyer]

موضوع شرح قوانين الدول الأخري ان شاء الله بفكر تنفيذها في الفتره القادمة ولكن يجب أن تكون المعلومه دقيقه لنسبة ١٠٠% فأنتظر القادم - شكرا لردك الكريم.

[@anwaromar9757]

يااستاذ محمد جزاك الله كل خير ارجو توضيح بالنسبه لعقد اليجار سنة ١٩٧٩ فى حاله وفاة المؤجر هل يمتدد لاحد الأبناء وشكرا

[@M.Hosnylawyer]

حضرتك تقدر تتواصل معي تليفونياً أو عن طريق الواتساب علي الرقم التالي 01027749001 لمعرفة كافة التفاصيل والرد علي استفسارك

[@sosonona2508]

بارك الله فيك

[@ahmedfawzy3791]

طب لو ساكن من ٤٠سنه وبيدفع ٢٠جنيه وبني منزل اربع ادوار اعمل اي

[@M.Hosnylawyer]

حضرتك ياريت توضح التفاصيل الخاصه بالعقد تاريخ وياريت توضح هل في ورق يثبت ان المستأجر لديه عقار اخر أم لا.

[@khaledmahomoud552]

ممتاز بس حاول يكون مختصر ومركز علشان فيه ناس عندها باقة محددة للنت

[@M.Hosnylawyer]

ان شاء الله بس انا بحاول أختصر بقدر الأمكان

[@becool2444]

انا عندي شقه واجرتها واخدت منه مبلغ كبير ومكتوب في العقد مستديمه بس مكتوب يجدد له ولا أسرته دون الرجوع للمالك كده ممكن استرد الشقه

[@M.Hosnylawyer]

برجاء ارسال صورة عقد الايجار علي الواتساب على الرقم التالي 01027749001

[@houriasaaed3353]

السلام عليكم لو مكتوب العقد لمدة عشر سنين ومكتوب من سنة وليس مكتوب الي سنة علما دة محل وليست شقة

[@M.Hosnylawyer]

طالما محدد المده ب عشر سنوات نهايه العقد حتي اذا لم تذكر نهايته مع نهاية ال ١٠ سنوات مفيش مشكلة حضرتك.

[@houriasaaed3353]

@@M.Hosnylawyer شكرا جزيلا