حقيقة بطلان عقود البيع الابتدائيه للثمن البخس والثمن الصورى | دعوى تكملة الثمن وفسخ العقود للثمن

[@مستشاركالقانونىأحمدرزقعطامحام]

المكتب الرئيسي الاسكندريه ٣٢ ش المفتش ابراج تبارك باب شرق الاسكندريه من ٦م ل ١٠م عدا الجمعه والسبت للتواصل وتحديد موعد واتس اب 01028686826. مقر القاهرة ش ابو داوود الظاهرى متفرع من شارع مكرم عبيد يوم السبت من كل اسبوع من الساعه ٢ م ل ٥ م للتواصل لتحديد موعد واتس اب 01028686826

[@mohamedalawa9307]

جزاك الله خيرا

[@مستشاركالقانونىأحمدرزقعطامحام]

ويزيدك ❤

[@مستشاركالقانونىأحمدرزقعطامحام]

وجزاك خيرا

[@samirhamdy6003]

زكاة علم اثابك الله عليها بالعقد الحصه ع المشاع بعد مااخذ اخر قسط لم يوقع مخالصه بحصوله علي كامل التمن التوكيل لم يحدد به حصة الشقه بارض العقار وبافاده من مصلحة الشهر العقاري افاد بان التوكيل لايبيح نقل الملكيه ولنقل الملكيه يجب تحرير وكاله اخري جهاز مدينة القاهره لايتعامل مع حامل توكيل غير محدد حصة الارض بالسهم والقيراط ونسبه مئويه يظل البائع المستغل لحسن النيه وعدم الدرايه صاحب الصفه امام الجهاز والجهات دون الملاك الذين لايملكون لعدم التسجيل ،،، البائع علي الرغم انه دفع كل الاقساط للجهاز لم يذهب لادارة العقود بالجهاز متعمد عدم استلام العقد الابتدائي من الجهاز ثم النهائي لقفل طريق نقل الملكيه علي المشترين ليظل العقار امام الجهاز بقرار تخصيص لم يتنازل فيه البائع عن حصص كل الشقق المبيعه ،،، باع كل الشقق الوارده بالرخصه من٢٠٠٧ عدا غرف الخدمات وهذه الغرف في الاشتراطات الوارده بكراسة الشروط لايجوز ضمها واستخدامها وحده سكنيه مستقله ولكنه فعل وانقذه قانون التصالح المؤقت مماخالف مع كل المشترين لكامل الوحدات بالرخصه ،،، يستغل انه باع شقه لكل علي حده بانهم لن يجتمعوا باتحاد شاغلين او هل ممكن اتحاذ ملاك وكيف يكون هذا الاتحاد قانونا ،،، راحت كل الفرص علي اصحاب الوحدات في التقديم بالجهاز علي مايطرحه وآخرها ارض مقابر لعدم الصفه بضرورة وجود حصه ف التوكيل او حكم محكمه بالصحه والنفاذ لقرار التخصيص اولا وثانيا لعقد البيع مع تحديد الحصه سلفا بخبير او حاليا من المساحه بالجهاز بخطاب من الشهر العقار بالتسعين لجهاز المدينه ليرد الجهاز خلال ١٥يوم ،،،لم يتفق البائع مع كل المشترين ولم يحرر بند علي انه في حالة الجهاز صرح بدور زياده يكون من حقه وحده بالطبع كان سعر الشرا سيختلف لان التسعير علي مواصفات الرخصه وماكان احد اشتري لتغيير الشكل وزياده عدد الملاك وانتقاص الحصه ،،، مالذي ممكن فعله مع البائع المتهرب من نقل الملكيه لكل مشتري كل وحدات العقار وبعد الاتصال به طلب من كل مشتري ٢٠٠الف جنيه لتغيير التوكيل بالحصه التي يراها محتفظا للسطح ومايعلوه بحصص اخري لعل ياتي زياده بالرخصه للتعليه خارج ماجاء بالعقود والتعير ف ٢٠٠٧ عند البيع ،،، جبروت ومكر المطورين بسوء نيه استغلالا لحسن النيه ،،، مسكلة التجمع الخامس ومن فصل تنبهت محكمة الاستئناف وحكم بصحة ونفاذ قرار التخصيص وعقد البيع والحصه الوارده بالمشهر حاه لاول مره ،،، كل جروبات التجمع بانتظار سعادتك لرفع دعاوي الصحه والنفاذ والتسجيل بالشهر العقاري وبعدها الجهاز وبذلك اصبح البائع لايملك سوي غرف الخدمات ولح حصه حسب مساحة الغرف منسوبه للرخصه واي تعليه من حق الكل بالرفض او القبول ،،، هل ممكم الرجوع عليه بالتعويض بسبب سداد ضويبة التصرفات التي هي عليه بالاساس غير اتعاب المحاماه وفوات الفرصه ،،، حلق الكل في شغف وعارفين بنثقل علي سعادتك ولكنها حلقه ثريه ترفع ظلم المطورين وخدعة ع المشاع

[@مستشاركالقانونىأحمدرزقعطامحام]

انت تكلمني افضل يوم الاحد

[@fatenhafha146]

جزاك الله كل خير وبركة ومتعكم بالصحة والعافية

[@Ahmedramzy83]

ماشاء الله افضل محامي شوفتو

[@امنور-س9ز9ل]

ارجو ان يكون الشرح وافي حول البيع المستتر بهبه وكيف ممكن الرجوع فيه

[@moudy33ful]

ربنا يباركلك يا سياده المستشار

[@مستشاركالقانونىأحمدرزقعطامحام]

تسلم

[@shgratyba8570]

ربنا يجزيك عنا كل خير

[@مستشاركالقانونىأحمدرزقعطامحام]

🌹🌹

[@beboelkhateb4554]

ربنا يكرمك يارب وينور بصيرتك❤️🧿🧿🧿💯

[@مستشاركالقانونىأحمدرزقعطامحام]

🌹🌹

[@مصطفيمحمد-ف2ت5ج]

الله يفتح عليك يا مستشار

[@عبدالقادرشهاب-م7ظ]

سيدي الفاضل في واحد راح مضي باسم انا اومي بعد حصه علي المشاع انا بعت ليه واخدت فلوسي رفع جلسه صحه توقيع

[@بطلللنهاية]

اللهم صل وسلم وبارك على سيدنا محمد وعلى آله وصحبه أجمعين

[@شمسوقمر-ص6ح]

بالتوفيق دايما

[@مستشاركالقانونىأحمدرزقعطامحام]

تسلم

[@محمدالمصرى-ز2د]

احمد بيك رزق ياريت السند القانونى لوجوب تسجيل عقد الهبة المستتر فى عقد بيع الذى اقر فيه البائع بأنه تنازل فى مجلس العقد بالثمن للمشترى

[@thepoker1083zero]

لو سمحت استاذ ممكن عقد سوري ابتدائي يتفسخ مفيش فيه شرط جزائي والسعر سوري ٣٠٠الف والعقار ب٣, مليون

[@mohamed-f-elmorsi]

نفس السؤال

[@امجدفارس-ح8د]

سؤال هل يجوز البيع قطعه ارض فضاء بتوكيل رسمى عام ولا لازم توكيل خاص محدد

[@نحناحبابرسولالله]

لو سمحت يا استاذ فيه محامى طلع وأتكلم على إن فيه خبر من الوزارة على إصدار تراخيص البناء فى القرى ياريت حضرتك لو فيه جديد تقولنا فى أقرب وقت وشكرا

[@مستشاركالقانونىأحمدرزقعطامحام]

حاضر

[@muhamedelemam5302]

@@مستشاركالقانونىأحمدرزقعطامحام جزاك الله كل خير..اشتريت شقة بعقدابتدائى وعليها ٥ اقساط دفعت ٣ وحجزت الباقى لعدم التزام المالك ببند التشطيب وقمت ببيعها واقام المالك قضايا فسخ عقد اكتر من مرة والمحكمة رفضتها وقمت ببيع ااشقة والبائع رفع دعوى صورية العقد فهل هذا حقه رغم انى رافع عليه دعوى تكملة اعمال لتخصم من باقى الأقساط.....فهل تنطبق الصورية على حالتى

[@محمدشادىشادى-ذ4ن]

السلام عليكم سيادة المستشار ايهم اقوى كوثيقه ضد الصوريه عقد الهبه للزوجه ام عقد البيع مع العلم ان الزوجه لا تملك الدخل الذى تشترى منى قيمة العقار

[@halahasan709]

ياستاذ احمد احنا بنروح ننفذ المحضرين بيلغو بالمعياد وبيهرب هووالولاد وتنفذ عليه حكم٦شهور بيقول هفضل هارب اعمل ايه حاضرتك

[@مستشاركالقانونىأحمدرزقعطامحام]

تحاولى تحددي مكانه ومحدش يعرف ميعاد التنفيذ

[@abeerismail2659]

لو انا شارية شقة من حد شاري من مقاول المقاول بيسجلى بسعر البيع القديم اقل من اللخمس حاليا هل في خطورة او ان احد شركاه يعمل حق شفعة

[@halahasan709]

انا عملت ضم حضانه المحضرين بيبلاغه وبيهرب بالعيال ومش راضي يسلمهملي بيقول هفضل هربان

[@مستشاركالقانونىأحمدرزقعطامحام]

تنفذى عليه يافندم بالحكم

[@ferialgsm8867]

شحال هايل🥺❤️

[@مستشاركالقانونىأحمدرزقعطامحام]

نعم

[@halahasan709]

حاضرتك مردتش على سؤالي يااستاذ احمد ارجوك رد عليا أسوالي جوزي رافض يسلمني الصغار َبيهرب هو والاود

[@مستشاركالقانونىأحمدرزقعطامحام]

اعملى طلب للنيابة الاسرة بضم الاولاد

[@العنقاءشمسالمغرب]

المواطن ينزل من ثمن العقار في بيع و شراء يخاف من ارتفاع عليه الضرائب

[@mariamebrahim3971]

هو حضرتك مش بتدي كورسات شرح للطلبه لييي ؟!

[@manalewais2823]

جى باع لى شقة بعقد ومضى عليه عمتى و عمى و اخد التمن و كنا هنسجله و لكن بعد كده طمع و قطع الأصل و انا معايا صورة ايه موقعى اعمل ايه

[@وردةالبنفسج-ه2س7ث]

أنا عندي قطعه أرض 90متر الواجهة 6.5متر أعمل ايه وهل كدة ضاعت مني مش هتتبنى ولا نعمل ايه

[@مستشاركالقانونىأحمدرزقعطامحام]

ضاعت ليه

[@ashrafmaher5408]

لو سمحت. هل القانون بيسمح للمالك بغلق مناور الخدمات بالدور الارضى ؟ علما باننا اشترينا الشقق تمليك ولنا حصة بالارض. والمالك حاليا لا يملك غير الدور الارضى

[@مستشاركالقانونىأحمدرزقعطامحام]

لاقانون بغلق المناور

[@ashrafmaher5408]

@@مستشاركالقانونىأحمدرزقعطامحام الف شكر

[@hassanbadr5203]

ا الفاضل أمتلك قطعه ارض بسيدي كرير بعقد غير مسجل ٢٥٠ م سنه ٢٠٠١ ماذا أفعل للبنا، دور واحد افادني وشكرا

[@mohamedmansour7130]

لو تكرمت عليا ليا سؤال ..هو ينفع حد من الناس يطالب بحقه في ورث له في منزل من الجد الرابع ..شكرا مع العلم المنزل ده مالوش ورق إثبات ملكيه غير اسم الجد الرابع في العوايد

[@ayaaelghandour934]

طيب بعد اذن حضرتك امتى اعرف ابنى انا فى قريه محتاجه جدا ابنى ممكن تفدينى حضرتك وشكرا جدا لاهتمامكم

[@مستشاركالقانونىأحمدرزقعطامحام]

انتظر قريبا ان شاء الله

[@saydheseen1822]

عندي بيت مبنى من حوالي ١٩٥٠ بنيتو جديد دور واحد من ١١ سنه وللعلم الشارع ٣ متر وعاوز ابنيه دور كمان والشارع كله مبنى أعمل إيه للتعليه وشكراً للاهتمام للعلم فيه كهرباء ومياه

[@مستشاركالقانونىأحمدرزقعطامحام]

اعمل تصالح على الموجود الان

[@مصطفيمحمد-ف2ت5ج]

بالنسبة لدعوي الغين دلوقتي لازم تتغير الوصاية ولا نفس الشخص اللي اتعاقد مع المشتري يرفع باسمة دعوي الغبن عشان هو الوصي لصالح الطفل المالك وهل لو اخد حكم ممكن يترفع علية قضية نصب

[@ابوعبدالعزيز-ذ5ت]

السلام عليكم ورحمة الله وبركاته اخبارك يا سيادة المستشار لو سمحت انا معايا مشكله انا اتعملي عقد مزور لأرض زراعيه في كفر الشيخ وانا مش صاحب الأرض ورفعت قضيه تزوير المحكمه الذمت المزورين باصل العقد لو مجبوش العقد يبقى كده انا كسبت القضيه وبعدها اعمل ايه

[@lailabh8700]

استاذ احمد ياريت ترد عليه انا كتبت عقد وكل بنوده صحيحه غير انه رقم بطاقة البائع خطأ اللي كتب العقد سهوا كتب رقم بطاقة البائع الاول ففيه مشكله

[@ayaaelghandour934]

لوسمحت بعد اذن حضرتك هو فى الاشتراطات الجديده هتنطبق على القرى وهل هيبقى فى اشتراطات فى القرى ارجو الرد وشكرا

[@مستشاركالقانونىأحمدرزقعطامحام]

لا

[@زينبالامير-ف2ث]

تب لو كان يا استاز احمد لو كان بيت بيساوى مليون ونص باعه البائع ب ١٠٠٠٠٠ ألف جنيه يبقى هبه مستتره فى بيع

[@heshamabas7773]

سلام عليكم ورحمه الله وبركاته لو سمحت يا فندم حضرتك انا من مصر اساسا عايز اطلع صوره من حقه البيت من الشهر العقاري البدء في السكن في الشهر العقاري انا عايز اطلع صوره نشر عقار تفهمني اطلعها ازاي

[@nadiamesiha3769]

نعمل اية العقد بتاع اختي صوري لان الثمن ٤٩٠٠ جنية

[@مستشاركالقانونىأحمدرزقعطامحام]

ليه صورى

[@mohamedhelal8121]

السلام علىكم ىا استاذ احمد انا ورثت قطعه ارض عن عمى على المشاع تبع جهاز تعمير مدىنه دمىاط الجدىده ولى فىها 80 متر عرفت أن باقى الورثه باعوا نصىبهم لواحد وعملوا له توكىل علشان ىبنى الأرض اعمل اىه علشان احفظ حقى لانه هىبنى على ارضى ارجو الرد

[@مستشاركالقانونىأحمدرزقعطامحام]

تعترض طبعا على البيع وفى حلقه عن التصرف على المال الشائع اسمعها

[@miroo7amada474]

السلام عليكم احنا مجموعه شقق فى برج قدمنا على التصالح معا بكراسه شروط واحده وملف واحد ودفعنا الجديه بس فى الأقساط ناس عايز تقسط وناس عايزه تدفع كاش هل ينفع كل واحد لوحده للعلم احنا اسكندريه حى شرق

[@مستشاركالقانونىأحمدرزقعطامحام]

للاسف دى مشكلة التجمع ولكن ممكن يتم دفع من يرغب فى الكاش والباقى يقسط المتبقي

[@neveenwahab1127]

السلام عليكم هل دعوي الغبن مضمونه ولا نسبة نجاحها ضعيفه لان على ما اعتقد ان في خبير بينزل ويعاين المكان ومدتها اد ايه من فضلك

[@mohamedmekkawy4763]

ممكن اكلم حضرتك استفسر عن شيء مهم بعد اذنك!!

[@lailabh8700]

العفد الشقه ٥٠٠ الف هل فيه مشكله اكتب عقد جديد بمبلغ ١٠٠ الف مع البائع والبائع موافق في نظير مبلغ

[@IbrahimTaha-f9p]

السلام عليكم معالى المستشار هل لو عقد بيع شقه مكتوب فيه الحدود الغربيه والشرقيه والقبليه والبحريه ولم يكتب في تلك الحدود ومكانها خالى هل هذا العقد يكون باطلا ؟ ولكم الشكر

[@monahussein90]

هل ممكن بيع الاب لبناته القصر شقه والثمن يكون تبرع منه ليهم

[@AhmedAli-sb5hu]

انا معايا عقد ابتدائي وعليه صحة توقيع وانا حاليا بالخارج هل فيه مشكلة عليا في موضوع اني اتأخر شوية في التسجيل في الشهر العقاري لحين عودتي

[@مستشاركالقانونىأحمدرزقعطامحام]

عادى جدا حين تسمح لك الظروف لاتقلق

[@ashrafelmalky5883]

تحيه لحضرتك أنا عندى فى العقد النهائى " خالص الثمن " أنا إيه موقفى يا استاذ احمد

[@مستشاركالقانونىأحمدرزقعطامحام]

لاتقلق بس حاول تسعى فى تسجيله باقرب وقت

[@tarekelekhtyar9690]

السلام عليكم ورحمه الله وبركاته استاذنا الفاضل مستأجر عمل عقد بيع للمكان اللى مستأجرة وعمل للعقد صحة توقيع وذلك ليأخذ قرض بنكى فماذا يفعل المالك لكى يحفظ حقة

[@AlaAlsk-z4n]

السلام عليكم ورحمة الله وبركاته الموقف القانوني لمن باع عقار مرتين والمشتري الأول سجل والثاني لم يسجل ٠٠٠فما موقف البائع والمشتري الذى لم يسجل

[@waledrashed3211]

شهد اخوتي البنات علي عقد بيع صوري بين ابي وأخي. لحرماني من الميراث

[@fawazmohammed5732]

اثبت الورثه بأن عقد البيع بين المورث لزوجته كان عقد صوري كهبه مستتره بعقد بيع ولكن كان العقد المحرر تم تسجيله في السجل العقاري ؟؟ فهل البيع (الهبه ) صحيحه ام يكون العقد باطل ؟؟

[@مستشاركالقانونىأحمدرزقعطامحام]

لو ثبت ان صورى هل صوريه مطلقه ام نسبيه

[@fawazmohammed5732]

نسبيه عدم دفع الثمن ولكن تم ستر الهبه بعقد بيع مكتمل الاركان ومسجل

[@fawazmohammed5732]

منتظر ردك حضرة محامينا الموقر

[@abdozahran911]

ماذا لو مر خمس سنوات على العقد البيع هل يجوز بطلان العقد بسبب أنه لم يتم دفع الملبغ ال بداخل العقد ام لا

[@مستشاركالقانونىأحمدرزقعطامحام]

الثمن لايسقط بالتقادم

[@saeidaamohamed4027]

انا بعت شقه بعقد بيع نهائي كامل التمن ولكن كان متبقي ثلث الثمن كتبت بإقرار خارجي مكتوب فيه أنه إذا لم يدفع هذا المبلغ في خلال شهر يكون العقد باطلا ولاغيا ويفسخ من تلقاء نفسه بدون تنبيه أو إنذار قضائي ويدفع شرط جزائي ولكن لم يدفع باقي السعر حتي الآن

[@amrtaha4842]

استاذ احمد لو سمحت.. أمامي قطعه ارض فضاء غير مسوره صاحبها لم يقم ببناءها منذ عشرون سنه أصبحت مقلب قمامه كبير وموطن للاوبئه كلمنا صاحب الأرض عشان ينضفها وهو رافض ايه الحل هل هناك رادع لهذا الشخص ليقوم بالتنظيف بصفه دوريه؟

[@مستشاركالقانونىأحمدرزقعطامحام]

بلاغ بالبيئه والحى

[@بابا-ع2ق]

حضرتك مشكور على الموضوع الرائع بس عندي سؤال لو سمحت ترض عليا انا ابويا عملي عقد بيع وشراء الأرض والشقه والمحامي هيعمل صحه توقيع كده انا لقدر الله ابويا توفه كده اخواتي الكبار يغدوها مني ولا كده بقت بتاعتي ياريت تفهمني

[@مستشاركالقانونىأحمدرزقعطامحام]

ممكن تسجلى افضل

[@منىامام-ب3خ]

شكرا استاذ/ احمد على معلوماتك الجميله وبسال حضرتك اشتريت بعقد ابتدائى ارض مقننه وعاملين رخصة ب ٣ ادوار كيف اسجلها ومن اين ابد منجهة التقنييين او الشهر العقارى

[@مستشاركالقانونىأحمدرزقعطامحام]

تسجلى من الجهه التى قننت للمالك السابق

[@nahedelghamry175]

السلام عليكم استاذ احمد عندى ٣بنات كتبت لهم ٣شقق كانو ملكى يعنى دا مالى وانا حرا اتصرف فية كيفما اشاء هل هذا حرام وكيف الغى اى دعوى ترفع لصورية العقود وجزاك اللة عنا كل خير

[@منىامام-ب3خ]

شكرا استاذ / اخمد على شرحك بسال حضرتك لو شاريه شقتى من وكيل عن البائع لما اختصم عشان صحة ونفاذ اختصم الوكيل او الموكل الاصلى للشقه قبل بيعها وشكرا لحضرتك

[@مستشاركالقانونىأحمدرزقعطامحام]

الاتنين

[@fatmakhairy5969]

هو حضرتك انا ماشية محاكم مع جوزي فجاءة طلاقني غيابي ف خايفة. يرجعني ف خلال التلات شهور المفروض نعمل اي عشان ميردنيش

[@مستشاركالقانونىأحمدرزقعطامحام]

تم الرد بالبث المباشر

[@nofairantwny9938]

انا ما فهمتش حاجة

[@مستشاركالقانونىأحمدرزقعطامحام]

معلش العيب منى هحاول ابسط المرة القادمه 🙏

[@khaledkassem1081]

بعد السلام والتحية - خالص التقدير لشخصكم المحترم أستاذ أحمد - يعني الشقة لو ب مليون جنية وتم تحرير عقد بمبلغ ١٠٠,٠٠٠ جنية يمكن للبائع الرجوع على المشتري بدعوى غبن لتكملة باقي الثمن - السؤال هنا ماقيمة الباقي المراد تكملته في دعوى الغبن هل هو تكملة الخمس أو تكملة المليون ؟ الشكر الجزيل لحضرتك ...

[@مستشاركالقانونىأحمدرزقعطامحام]

تكملة الخمس لل خمس انما خلى بالك دعوى الغبن ليها شروط ان يكون البائع غير كامل الاهليه انما لو كامل الاهليه عادى انه يتكتب ب ١٠٠٠٠ بس حاول تسجله وعلى فكرة السؤال ده فرحنى لان حسسنى انى قدرت اوصل المعلومه

[@khaledkassem1081]

@@مستشاركالقانونىأحمدرزقعطامحام ربنا يحفظك يا أستاذ يامحترم - حضرتك شرحت ووفيت بس مش شرط يكون كل اللي شاف فهم - دي حاجات هبة من الله في العقول البشرية

[@مستشاركالقانونىأحمدرزقعطامحام]

🌹🌹🌹🌹🌹🌹🌹🌹

[@nadiamesiha3769]

لينا عقار باسم والدي ووالدتي واخويا مثالثة بينهم وتوفي اخويا ونصيبة والدي ووالدتي ورثوة وفي عام ٨١ ماما اشترت نصيب بابا بصفتها قابلة للشراء لبناتها القاصرات ووالدي اشتري من والدتي نصيبها بصفتة ولي طبيعي علي اولادة الثلاثة وصدر حكم عام ٨٣ وفي عام ٩٦ قام والدي ببيع العقار كلة لشقيقتي الكبيرة بصفتها قابلة لاولادها المساحة بتاعتة وبتاعت ماما باع لاختي من العقد المسجل الاول وتغاضا عن صحة ونفاذ عقد البيع وصدر حكم فية وهيأ اللي هيا اختي ممثلة معانا في احكام صحة ونفاذ والعقد اللي مع شقيقتي ثمنة ٤٩٠٠ جنية والعقار مساحتة ٢٥٦ متر وسجلتة لاولادها وحاليا زوج اختي اللى بيتعامل علي العقار واحنا ثلاث بنات اختنا الكبيرة وزوجها استولوا علي البيت ورفعت انا واختي دعوة بعدم الاعتداد بالعقد المسجل ومحوة وشطبة ومايترتب علي هذا العقد من اثار قبل الغير وتثبيت ملكيتنا وشهرنا العريضة شهرعقاري المنصورة ومكتوب في العريضة ملاحظات بعد بحث الملكية يتلاحظ وجود دعوي صحة ونفاذ من والدي لوالدتي وايضا يوجد دعوي صحة ونفاذ من والدتي لوالدي باعت نصيبهالة وهو باع نصيبه لوالدتي

[@اشرفالشرقاوى-خ2ح]

أستاذنا الفاضل عندي مشكلة مع جراني حصل تعدى على سكة زراعية خاصة وسط اطيان عائلة تعدى متكرر وبينهم فاصل زمني المدة المسقطة لدعوة التعرض تحتسب من أول فعل ام من أخر تعدي نرجو الإفادة وشكرآ

[@عاطفجمعه-ن9ت]

عمي اتوفي وكتب البيت لزوجته والعقد صحة توقيع ينفع والدي يطعن عليه بالصورية المطلقة

[@برنسمصرعليبرنس]

الله يعطيك العافيه والصحه والقوة والمال والنجاح الدائم سؤالي هو انا اشتريت وحدة غرفة في قرية فندقيه بسعر 100 الف دفعت عربون 1000 وجاء موعد قسط شهري في شهر 12 /2021 ومكتوب في العقد الابتدائي تسلسل الشهور اقساط شهريه على 5 سنوات في شرط في عقد الابتدائي اذا فسخت ادفع 50 ٪ من ثمن التعاقد ايه الحل النهائيه بعد اذنك وشكرا

[@شمسوقمر-ص6ح]

منور

[@مستشاركالقانونىأحمدرزقعطامحام]

ده نورك ❤

[@fatmakhairy5969]

مش المفروض انك بث مباشرا دلوقت

[@مستشاركالقانونىأحمدرزقعطامحام]

للاسف لظروف لن نتمكن وتم الاعتذار على المنتدى

[@salwadabbousdabbos4777]

طيب الشركات العقارية بتغير العقد بمقابل مادي وبتكتب نفس القيمة المادية للمالك الاول ده صح؟

[@مستشاركالقانونىأحمدرزقعطامحام]

عادى

[@القانونوالحياة-ك2ل]

للمعلومات القانونية والعامة شرفونى بقناتى وتحياتى للجميع

[@مستشاركالقانونىأحمدرزقعطامحام]

تحياتى وبالتوفيق لحضرتك

[@وردةالربيعأسوزانسعيد]

لا حول ولا قوة الا بالله يعني الاخ اللي خلى أبوه يكتب له عقارات واراضي بتمن بخس عشان يحرم اخواته البنات مش هيقدروا بثبتوا صورة العقد وبطلانه للثمن ؟؟

[@مستشاركالقانونىأحمدرزقعطامحام]

يقدروا يافندم لايضيع حق

[@waledrashed3211]

باع ابي البيت اربع أدوار من سنتين بميه وخمسين ألف بغرض حرماني من الميراث انا واولادي

[@nohanona1218]

تم شراء شقة من اربع سنوات وتم كتابة عقدين عقد بمبلغ 20الف جنية وعقد 100الف جنية واخذنا صحة توقيع علي عقد 20الف لكي ندفع ضرائب اقل دلوقتي البائع بعد اربع سنوات عايز يرجع في البيع وقدم دعوة باستراد الشقة لانها ثمنها مش مناسب ماذا نفعل هل يتم رفض دعوتوو ولا يحق لة اخذ الشقة

[@_Ojaa7]

الشقه كام متر

[@sakrphone3642]

أستاذا احمد احنا اربع اولاد وثلاث بنات وابوي كاتب عقد بيع لاخوتي الاولاد ومكتوب فيه سعر رمزي وخالص الثمن مع العلم اني ابوي لم يأخذ شئ وتسجل شهر عقاري هل ممكن نعمل قضيه بطلان العقد بصورته وأنه هبه وابوي عايش وموفق

[@مستشاركالقانونىأحمدرزقعطامحام]

ممكن

[@eslamabdelaziz5432]

ممكن رقم حضرتك يااستاذ احمد

[@مستشاركالقانونىأحمدرزقعطامحام]

واتس 01028686826

[@omaralibodyahmed5237]

استاذ احمد احنا بعنا ارض والمشتري غير السعر وذاد مبلغ كبير جدا عن المبلغ اللي اخدناه وذهب للمحكمة لعمل صحة توقيع واحنا قولنا ان المبلغ غلط وعاوزين نرجع في البيع هل يجوز الرجوع في البيع لتغير المشتري لثمن الارض

[@مستشاركالقانونىأحمدرزقعطامحام]

وما الاثبات على تغير الثمن

[@moahmedatef3245]

شكرا جزيلا لتعبك ياسيادة المستشار شكرا ع الشرح الكامل لو سمحت لو انا اشتريت بيت من زمان وصحبه وصحبه رفض يسجله بعد ما عملي توكيل واخدت صحة ونفذ علي العقد بعد فتره وجه هو من سنة باع لشخص تاني تبعه وساكن ف نفس عنونه وكتب عقد بيع بثمن بخس يعني لو عقار ف الوقت دا بملين هو كاتب 30 الف وسجله ورفع عليا وع سكان قواضي طرد للمالك الجديد وانا عملت دعوة محو وشطب وزكرت ثمن البيع ف الدعوة هل ستحكملي المحكمة واسف ع الاطالة

[@مستشاركالقانونىأحمدرزقعطامحام]

بنسبة كبيره

[@moahmedatef3245]

@@مستشاركالقانونىأحمدرزقعطامحام شكرا لحضرتك

[@Mo-farag-coach]

جزاك الله خير.. بستئذن حضرتك لو ممكن تفيدني انا شاري شقة من مالك العمارة نفسه وهو الللي بانيها على ارض، وهو شاري الارض وواخد صحة ونفاذ على الارض،، العقد بيني وبينه فقط خالص الثمن بالسعر المدفوع من 2012 بدون اي توثيق عدا الشهود ، وفي التصالح حاليا انا اللي قائم بالتصالح ومتقدم بيه، وتم استبدال عدادي القديم ولم يكن باسمي بعداد كارت واتسجل باسمي في الحي. يا ترى ايه الموقف القانوني كدا، وايه افضل حل لاسجل الشقة شهر عقاري، علما ان صاحب العمارة موجود؟

[@مستشاركالقانونىأحمدرزقعطامحام]

لو تقدر تسجل رضائى يكون افضل وان لم يسمح التسجيل الرضائى خليك صحه ونفاذ

[@scorefirst8729]

لو سمحت ايه هي الاوراق اللي المفروض اطلبها من البايع لشقة تمليك علشان اقدر اسجلها لاني طلبت منه صورة من الترخيص والرسم الهندسي للشقة وتسلسل ملكية ولكنه رفض وبيقول الاوراق دي مش مطلوبة في التسجيل كمان هو كاتب ان مساحة الشقة ١٦٠ متر ولكن لما تم قياس مساحتها اتفاجنا انها ١٤٥ متر يا تري ايه الحل الرجاء الرد

[@مستشاركالقانونىأحمدرزقعطامحام]

طبعا كل المستندات المذكورة من حضرتك مطلوبه وصمم عليها

[@ahmed-gv6gp]

ممكن استشاره بعد اذنك لاني واقع ف ورطه انا اشتريت سياره بعقد ابتدائي و دفعت مبلغ و تبقي جزء هدفعه عند التسجيل ف الشهر العقاري، البايع قالي ان العربيه مفيهاش غير العيب ده، و توكلت علي الله و كان معايا واحد بص عليها و قالي تمام روحت و بعد يومين مارتحتش للعربيه ، اخدتها مركز متخصص ف الكشف قالي علي عيوب ف العربيه البايع مقليش عليها و من ضمن العيوب دي عيب كبير جدا (خبطه في الشاسيه) و دا بيأثر علي العربيه ، كلمت صاحب العربيه و قولتله علي اللي حصل ، كان رده انه باع و انا اشتريت ، روحت فحصت ف مركز تاني اتاكد قالي نفس الكلام ممكن حضرتك تقولي اتصرف ازاي لو عاوز ارجع العربيه ، لان بعض النظر ان العيب ده ينزل سعر العربيه جامد، انا مش عاوز اخد عربيه فيها العيب ده و العيوب التانيه اللي صاحبها مقليش عليها و شكرا

[@user_nor369]

لو البائع باع تحت تأثير مخدرات وكان الثمن اللى قبضه قليل جدا وباع عن اخواته بتوكيل رسمى عام وفى واحدة من الورثة لم تمضى بالبيع فى العقد تم البيع من غيرها ماذا افعل محامية زميلة القضية لسه معروضة عليا

[@sayedsanosy2184]

ما رأي معاليك فى عقد بيع محرر بين شخص بائع بشخصه ومشترى بصفته ولي شرعى لقصر نجله وكتب فى بند الثمن مبلغ 500الف استلمهم الطرف الأول البائع من الطرف الثاني المشترى ال هو نفس الشخص بس بصفته المبلغ وكتبت فيه استلم المبلغ وأصبح الثمن خالص وأثناء جلسة العقد تبرع الطرف الأول بالثمن إلى قصر نجله ال هما الطرف الثاني المشترى هل هناك صوريه بالعقد

[@hananabdalgawwad]

ممكن استشارة من فضلك عندنا بيت عبارة عن شقتين و دور ارضي فيه محل و غرفة و صالة خلفية تم طرد الساكن من شقة و جاء اخ لي و سكن فيها بدون اي حق كنا نخاف منه و توفي الاخ ..و ظهرت زوجته بعقد بيع منه لها بالشقة و نحن لم نقسم الشيوع اصلا و عندها اطفال قصر.. و قامت بعمل صحة توقيع للعقد..و رفض المجلس الحسبي التدخل الا بدعوي بطلان ..و قمن برفع دعوي البطلان منذ اسبوع ..سؤالي كم تستغرق الدعوي بالمحكمة و هل ..يتدخل المجلس الحسبي بوقفها لحين الفصل فالدعوي لانها عاوزة تبيع الشقة و هي قفلتها فعلا و تزةجت عرفيا بمنطقة اخري بعد شهور من وفاة اخي و هل يتم الحكم فيها لنا لان لنا حق و للقصر الملك علي الشيوع الي الان هي تحارب من اجل نفسها فقط و نحن لن نوافق حفاظا علي حق الاولاد و حقنا ايضا

[@eng.ashrafhaddad3580]

الله ينور عليك يا استاذ ، سؤال من فضلك ، انا واخواتي عملنا عقد قسمه رضائيه لقطعة أرض مباني مع خالي اللي واضع يده علي الميراث وتم تخصيص قطعة ارض ليا انا واخواتي مع بعض كطرف ثاني في عقد القسمه عن والدتنا المتوفيه في حياة جدتي( المورث) اللي هوا واصيه واجبه ، و القسمه دي فيها غبن اكثر من الخمس ولم يمر عليها سنه وأخواتي رفعو قضية بطلان القسمة الرضائية للغبن ، وانا بعت نصيبي علي المشاع لخالي وعقد البيع ده مكتوب فيه اني بعت لخالي ما يخصني في الميراث وقدرة ١٠٠ متر علي المشاع من قطعة الأرض المخصصه لي انا وأخواتي وذلك بناء علي عقد القسمه الرضائية الذي تم رفع قضيه ببطلانه للغبن ، فهل إذا تم الحكم ببطلان عقد القسمه الرضائية للغبن و تم الفرز و التجنيب القضائي فهيكون نصيبي العادل بعد الفرز والتجنيب القضائي هوا ١٥٠ متر ، فالسؤال بقي كده ال ٥٠ متر الذياده دول مصبرهم ايه هل هاخدهم انا ولا خالي اللي هياخدهم ، او ايه اللي هيتم بالضبط؟

[@hassanhamed5838]

ليا خالتي اتوفت ومش عندها اولاد بعد الوفاة عرفنا إن جوزها مكتبها عقود بيع لممتلاكاتها شقة وعربية من زمان وفيها شرط أنها تتنقل ملكيتهم ليه بعد الوفاة وعامل عقد بيع ابتدائي وعامل عقد اتفاق بيشرح فيه نفس الكلام وعامل صحة توقيع ودلوقتي بعد الوفاة أصبحت ممتلكاتها ورث والورثة الشرعيين هما جوزها واختها اللي هي والدتي وهل العقود دي باطلة ولا لاء كيف ناخد حقنا ف ممتلكاتها وشكرا جزيلا ؟؟

[@مستشاركالقانونىأحمدرزقعطامحام]

لو مكتوبه قبل وفاته وهو كامل الوعى سليمه

[@anwarahmad9811]

السلام عليكم سياده المستشار توفى اخى وترك ثلاث بنات وكتب عقود بيع ابتدائيه لبناته بسعر ٤٠ الف للشقه رغم سعر المكان واحد ونص مليون للشقه الواحده مع العلم تارك ثلاث شقق ومحلين هل يعتبر عقد صورى لمنع الورثه وبناته قصر ارجو تعريف هذا العقد واثبات صوريته ولسيادتكم كامل الاحترام والتقدير

[@mariehyounan9372]

مساء الخير لو سمحت ممكن رقم تليفون حضرتك الف شكر

[@slahcayroabood]

بيعت قطعة أرض 126م على ناصية يعنى خارج منها 45م والمفروض المبنى يكون على 81م ولكن المشترى بنى على 102م مستغلا عد م أقامتى وتربطنى معة نسب فهل يحق لى أن أتنازع معة على الواجهة المشتركة معى علما بأن فية شرط ف العقد أن الشارع 4م يترك منها 1.5م يعنة ليس النصف وهى 15م -الموضوع دة تقادم ولكنة لم يحمل جميل ويعمل أشغال للشارع وهو مدخل خصوصى لى لااحد مشترك معى غيرة -وهو يعتبر باغتصابة داخل المبنى يلغى أحقيتة ف المدخل الى هو 4م -هل القانون يساعدنى ف ذلك لانة مساحتة المشتراة تعتبر داخل المبنى والواجة الثانية وهو 102+25.5=126 المشتراة ف العقد - ياريت تفيدنى يا استاذ---

[@MohamedSaid-we9vd]

السلام عليكم ورحمة الله وبركاته بارك الله فيك يا استاذ هل لو اخدت حكم صحة توقيع بعقد مكتوب فيه المبلغ الحقيقي للبيع. هل استطيع بالاتفاق مع البائع تحرير عقد جديد بقيمة اقل لتفادي رسوم التسجيل الكبيرة وهل هذا العقد المحكوم له بصحة التوقيع استطيع التسجيل فيه بالشهر العقاري لاني قريت في الموضوع ده انه بيكون هناك رقم تسجيل مؤقت لمدة شهر ثم يكون التسجيل نهائي وعفوا على الإطالة وشكرا لكن

[@doaa2059]

عفوا انا مثلا بعت شقة لشخص وعملت عقدين عقد بالمبلغ الجدي لضمان حقه وعقد آخر بمبلغ أقل من ثمن الشقة ليقوم بعمل صحة توقيع وحتى لا أدفع ضرايب كتيرة. فيه مشكلة عشان أنا تهت وشكرا

[@مستشاركالقانونىأحمدرزقعطامحام]

😊 مفيش مشكله

[@doaa2059]

@@مستشاركالقانونىأحمدرزقعطامحام شكرا لحضرتك