Ramiz Rövşən - Qocalıq [ YENİ ŞEİR ]

Şeirin Adı: "Qocalıq"
Şeirin Müəllifi: Ramiz Rövşən
Şeiri Səsləndirən: Ramiz Rövşən
Covered By: Tural Hüseynov ( ‪@turalhuseyn0v‬ )
Yayım: Poeziya Klubu ( ‪@poeziyaklubu‬ )
Əlaqə:
E-mail: [e-mail]
WhatsApp: [phone] (Tural Hüseynov)
İnstagram @poeziyaklubu
TikTok: @poeziyaklubu
Teleqram: @poeziyaklubuofficial
Şeirin Sözləri:
Tənhalıq başlayır burdan o yana,
Keçdikcə keçilməz, atam balası.
Ayları, illəri tutsan boyuna,
Çayları, çölləri tutsan boyuna,
Ölçdükcə ölçülməz, atam balası.
Daha çoxlarıyla aram sərinlər,
Çoxları boyuma sevinməz daha.
23 yaşımda məni sevənlər
33 yaşımda sevəmməz daha.
Mən axı nə Çöləm, nə Yol, nə Küçə,
Mən axı hamının ola bilmərəm.
Məni sevənlərdən ötrü-ölüncə
23 yaşımda qala bilmərəm.
Nə qədər sözlər var sözümdən cavan,
Daha çığırmağa nəfəsim gəlmir.
Daha bu dünyada özümdən cavan
Şeirlər yazmağa həvəsim gəlmir.
Kiriyir, yumşalır şeirlərim də,
Qocalır misralar, sözlər mənimlə.
Dostlar cavan qalır şeirlərimdən,
qocalmaq istəmir dostlar mənimlə.
İlahi, qocalıq buymuş deməli,
Dostlardan səssizcə qırılır adam.
Ömür bir bulanıq suymuş deməli,
Ömür azaldıqca durulur adam.
İçimin-çölümün yuyulur pası,
Sətirlər göyərir bu ağ varaqda.
Nə çoxmuş ürəklə əlin arası,
Nə yaxşı, ölmədim bu aralıqda.
Sözlər ürəyimdən əlimə yetdi,
Bir azca soluxdu-soldu, nə olar.
Bir azca şaxlığı-şuxluğu itdi,
Heç kəs qınamasın, yoldu, nə olar
Daha balta kəsməz ağlım kəsəni,
Dünyanın dadını bilirəm daha.
Bu qoca dünyada hər nəfəsimi
ağacdan meyvətək dərirəm daha.
Son nəfəs dünyada hər şeydən şirin,
Şair də qocalır, ölür, bilirəm.
Sözündən qan iyi gələn şairin
ağzından süd iyi gəlir, bilirəm.
Bu dünya bir qaynar qazanmış demə,
Söndürməz odunu nə qar, nə yağış.
Dünyayla dalaşmaq asanmış demə,
Çətini dünyayla barışmaq imiş.
#RamizRövşən #Şeir #Poeziya #Ədəbiyyat #Edebiyyat #RamizRovsen

[@aydinahmadov7472]

Zəmanəmizin ən böyük şairi!

[@zakirhsnov7842]

Hardan oldu yeni.Hörmətli şairimizin ən yaddaqalan şeirlərindən biridir.Allah can sağlığı versin🎉❤

[@abdulsametkayahan3781]

Ne güzel 😊🇹🇷

[@hidayetqurbanov9908]

Ramiz,rovsan,menim,ucun,eşli,şair,ve,öz,yaradicliginda,mohtasamdir

[@solmazagayeva3122]

MÖHTƏŞƏM.İNSANI DÜŞÜNDÜRƏN MİSRA LAR. ÖLMƏZ ŞAİRİMİZ SİZ ŞEİRLƏRİNİZLƏ HƏMİŞƏ ÜRƏKLƏDƏSİ NİZ.VAR OLUN RÖVŞƏN BAXIŞ. YENİ İLİNİZİ TƏBRİK EDİRƏM.❤❤❤

[@denizden_bir_damla.7203]

🤲🏻👍

[@ferahimorucov8655]

Kaşki geri gedib uzaqlaşan mən. Kaşki geri gedib uşaq olardım. Demirəm Anamın Bətinə, ya Atam belinə. Dahada geriyə lap lap qayıdıb. Keçmişdə keçmişi ötüb keçərdi. Olaydım o fikirdə ,düşünür Tanrım. Qaçıb xəyalından ,mən yox olardım. Doğru bir Allahı xəyal edib mən. Doğulub Allahın oğlu olardım.

[@SenseiClopedia]

Fon musiqisini bu qədər çox etməyə ehtiyac yoxdur, şeir eşidilmir.