ركبت مراوح سبال اقوى للنيسان وخربت كهرباء السيارة وركبت دينامو 220 أمبير للفتك

ركبت مراوح سبال اقوى للنيسان وخربت كهرباء السيارة وركبت دينامو 220 أمبير للفتك
رابط شراء OBDII
المتوافق مع معيار النيسان باترول
للشحن داخل الامارات
amzn.to/3v0MOA6
للشحن الدولي خارج الامارات
amzn.to/3OndAJQ
الحرارة
المكيف ما يبرد
حرارة النيسان
صيانة الفتك
مراوح سبال
كلتشات
الترس الخامس
نيسان
نيسان باترول
تبديل ظفيرة
تنظيف ثروتل
تبديل بلاكات شمعات بوجيات
بواجي
تبديل زيت القير
تبديل زيت الدفرنس
تبديل زيت البريك
تركيب لوكات
لوكات الفتك
تشحيم
تبديل زيوت السيارة
الصيانة الدورية
صبغ بطن السيارة
رش قار
نيسان باترول

[@kingbleek1709]

سبحان الله وبحمده .. سبحان الله العظيم .. لا إله إلا الله .. الله اكبر .. الحمدلله .. ما شاء الله .. الله يعطيكم من خيرها يارب .. شغل ممتاز .. استمتعت بالفيديو .. إلى الأمام وفقك الله ..

[@Mohsteps]

الله يبارك لك في صحتك ورزقك وعملك وتسلم على الكلام الطيب

[@Aduool7]

اخوي الي ركبت عنده مايفهم بالتركيب مراوح سبال مممتازات ايطالي لكن تاكد انه حاط واتر بروف الوايرات والتمديد معزول حرارة و ماء وفي فيوزات وامورك طيبة اكثر ورش الامارات مايعرفون سباكين

[@blimyed]

وفقك الله استفدنا يالذيب 👍🏻🇸🇦🌴

[@Mohsteps]

واجبنا يا سيد الناس

[@attomreshd6221]

ياخي الله يوفقك فعلا ناس ماتحسب حساب سحبيت الكهرب الزائد وانه اغلب السيارات دينموها على قدها لكن هل المراوح تطفى اثناء المشي فوق سرعة ٦٠

[@shamanstation6821]

بارك الله فيك اخوي على الفيديو النافع. سؤال ليس احتجت تركب مراوح من الأصل ؟ هل مراوح الوكالة ما تأدي الغرض ؟

[@si3675]

خذ فولت اعلىكمثال اذ بطاريتك 80امبير خذ 90 عشان توزن الزياده مع المرواح

[@asd-sm7iz]

البطاريه لتشغيل فقط ليس لها دخل في كهرب السياره وكسسورات

[@MrPooov]

الله يستر انا توي مركبها وتوي اشوف المقطع بس مركبها على فيوزات وقواطع واسلاك وكتاوت ايطاليه وضمان سنه

[@Mohsteps]

اذا ما عندك اكسسوارات كهربائية اضافية باذن الله ما يصير عندك اشكالية ... ولو صارت اشكالية .. قوي عندك الايرثات وباذن الله ما تحتاج تبدل الى دينامو اكبر

[@abdulhassan1107]

شغل بنقالية، وش تتوقع؟ الأمبير الزائد خطر على السيارة وممكن تحرق الوايرات أو الكمبيوتر حتى مع وجود منظم جهد فولط، خاصة لما يكون حجم البكرة غير محسوب..

[@7NIZWA]

بيض الله ﷻ وجهك، ممكن رابط قطعة OBD لطفا

[@Mohsteps]

amzn.to/3v0MOA6

[@7NIZWA]

@@Mohsteps الله ﷻ يسعدك ويوفقك

[@swaji8638]

نصيحتي لي معه فتك لا يشغله الا بالشتاء😁

[@eyadallhateeb1699]

اخي لو بدلت البطارية بامبير اعلى اقصد 100 امبير لا تحتاج تبديل الدينمو وملاحظة هامة بعد تبديل الدينمو رح تخترب عليك البطارية وكلاتش المكيف وتحترق عندك المبات كل فترة

[@8lbienta]

انا مركب سبال من ٣ سنوات تقريبا وامورها ممتازه جدا جداً ما كان عندي مشكله بس مروحة الكلتش كانت ترفع حراره في البر للنص .. وغيرتها سبال وما شاء الله انت مآخذ مراوح مقاس غلط المفروض تاخذ اللي تجي ٩ ريش اتوقع

[@Mohsteps]

ممتاز ولكني شخصيا ولاعتبارات الامان والاستمرارية في القيادة في حال تعطل المروحة في البر أفضل مروحة الكلتش

[@ioakkwt8487]

انا كنت مركبها صوتها عالي و تبريدها موقوي الافضل تخلي الوكاله و تضيف 2 سبال تحتهم

[@KSA-op6eq]

وش اللي ركبتها ؟ الصينيه اللي اسمها بوكا ؟

[@user-up1nl3il4u]

تقدر تخلي مراوح الوكالة وتبرمجها تشتغل على السرعة العاليه مع المكيف

[@Mohsteps]

نعم كلامك صحيح واصلا كانت عندي مشبوكة دايركت هلى السرعة العالية ولكن محتاج ادتء اقوى تغطي استخدام البر والار بي ام العالي المستمر في البر

[@WM-ik6nn]

هل اقدر ابرمج مكسيما ٩٩ على سرعه عاليه؟

[@yob2006vip]

اذا ركبت دينمو ٢٢٠ لازم تنتبه للأسلاك الموصله بينه وبين البطارية وبينه وبين تغذية السيارة ،،، هذي مشكلة المراوح تدخلك في متاهات كثيرة

[@Mohsteps]

شكرا على التنبيه .. سوينا تقوية للارضي وعززناها وحسبنا حساب هذا الشي

[@mubarak.2018]

‏أفضل دينامو حق باجيرو

[@R1243K]

تركب على الفتك؟ و مديل كم

[@obaidalkaabi4978]

إذا ما في حراره ما يحتاج اتغير مراوح مال الوكاله سيفتي اكثر

[@Mohsteps]

اتوفق معاك

[@aliabuyousef3426]

كم انج حجمها الي تركب على الفتك والله يجزاك خير

[@Mohsteps]

14 انج

[@MohamedHassan-qi4lk]

هل جهاز الاو بي دي يتشغل على البيك اب المسماه ددسن؟ لان اشتريت جهاز ثاني وما اشتغل معي

[@االرفاعي]

اي سياره فيها كمبيوتر يشتغل عليها الددسن حقكك بخاخات ولا كالبريتر اذا بخاخات يشتغل

[@mazinmsq]

طيب لو ركبت مروحه سبال وحده وكنسلت حق الوكاله سيارتي ارمادا هل يعتبر فيه حمل على السياره اذا بس مروحه وحده

[@Mohsteps]

كم مروحة تيجي من الوكالة للارمادا ؟؟

[@asd-sm7iz]

سؤال انا عندي سوناتا ابي اركب مراوح سبال16انش وشايل هم الكهرب عشان ماتلعب عندي ابي اشبكها بفصال بس الظهر اشغلها هل يضر الدينمو طبعن السياره مافيها اكسسورات واجد وهل تسبب ظغط على الدينمو

[@Mohsteps]

ممكن تسبب اشكالية عندك لذلك لا تشبكها عبى ظفيرة الوكالة وسوي لها ظفيرة منفصلة

[@alsalam595]

شغل بنغالي ماليه أمان، تركيب السلك في البطارية يشوه الشغل.

[@Mohsteps]

بصراحة ما عجبني شغل محل المراوح لهذا السبب ما شاركت معلوماته وتلفونه

[@ab0_d265]

المراوح لازم تاخذ كهربا كيف يشبكها لك بلوتوث ؟ 😂

[@eyadallhateeb1699]

اخي الكريم انا كهربائي وركبت مراوح كثير وحولت من كلاتش إلى كهرباء اهم شي في التركيب سماكة الأسلاك الرئيسية والكتوتات ضروري تكون فوق 80 امبير في هذة الحالة لا يوجد اي حمل او ضغط على اسلاك السيارة الأصلية وملاحظة هامة الأسلاك لازم تكون شعيرات ناعمة

[@user-zt4vh4jc9e]

السلام عليكم اخوي كيف شعيرات ناعمه ؟ وهل تغيير الدينمو ضروري اذا غيرت المراوح ؟

[@eyadallhateeb1699]

@@user-zt4vh4jc9e وعليكم السلام ورحمة الله وبركاته أخي الكريم اقصد شعيرات ناعمة لا تكون سميكة من الداخل عددشعيرات السلك السميك تقريبا 15 شعيرة اما الشعيرات الناعمة تكون فوق 80 شعيرة واكثر في هذة الحاله لا يحصل حمل او حرارة على الأسلاك او الكتوتات لا تحتاج تغير دينمو ولكن غير البطارية إلى 100 امبير وأنصح في البطارية صناعة هندية لونها أخضر اسمها اميرون

[@Riyan-es6bw]

انا مركبها على نيسان بلاتينيوم 2015 وخربت علي كهرباء السياره ولا احد عرف يصلحها لدرجة انه المكيف وعدادات الطبلون كلها تفصل عندي وش الحل؟

[@Mohsteps]

الحل انك تقوي الايرثات في موترك واذا ما ظبطت تركب دينامو اقوى او ترد لمراوح لوكالة

[@user-ro7eu5rt9y]

انا متاكد انك مركبها عند سباك تحت مسمى كهربائي ..ركبنا سبال على بلاتينوم وفتك وباثفيندر واكستيرا وسيارات عد واغلط ماصارت المشاكل هذي ..اغلب اللي يشتغلون يشتغلونا شغل بدائي ومايعرفون يشغلون المراوح نفس نظام الوكاله واطيه وعاليه ومكيف ..والكتاوات ضعيفه والاسلاك ضعيفه ..الخلاصه ركب مراوح صح وضفيرة صح واوامر وكاله ودينمو اقوى بالامبيرات اذا مايتحمل وامورك طيبه .. صاحب القناة شغله ممتاز وواضح انه فاهم بالشغل وشغله مرتب

[@ahmedbinjarn1706]

الغالي شو نوع obd2 اللي تستخدمها،،،عندي نفس البرنامج بس كل انواع obd2 اللي استخدمتها ما تتواصل مع البرنامج

[@moh4800]

اتوقع موديل سيارته ١٧ وفوق تشتغل معه الobd تحت الموديل مايشتغل معاه

[@Mohsteps]

انا اشبك على الموبايل للاسف الاو بس دي ما يشبك على شاشة السيارة .. ولكنه عملي في الموبايل اشبكه عن طريق البلوتوث ويعطيني امكانية القراءة ومسح الاخطاء .. خلال هالاسبوع بصور شو عن هذا الموضوع وشو هو الاو بي دي الي ممكن تستخدمه

[@Mohsteps]

@@moh4800 الفتك الي عندي موديل ٢٠٠٧ ويشبك ايضا في الموديلات الحديثة ٢٠١٧ وفوق

[@moh4800]

@@Mohsteps طيب اخوي ايش نوعه لاني جربت كذا نوع ولا يشتغل معي سألت اكثر من شخص يقولو انه غير متوافق انا طبعا اتكلم عن اللي يكون بياناته على الجوال

[@Mohsteps]

amzn.to/3P84SjY خذ هذا obd يشتغل على الفتك وغيره من السيارات ويشبك واير ليس وبلوتوث يعني يشتغل عندك 24 ساعة باذن الله وبسوي عنه فيديو قريبا

[@االرفاعي]

مروحه وحده كافيه ماله داعي ثنتين

[@user-od9qd2jw8w]

ركب المراوح علي البطاريه دايركت وكل مروحه لها فيوز وكت اوت وسويتش مستقل بدون التدخل بظفيره الوكاله وخل مراوح الوكاله موجوده وخلاص وكبر حجم البطاريه حط ١٠٠ امبير تروح تركب دينمو وحوسه مالها داعي

[@Mohsteps]

الفتك عندي مشبوك عليه ونش وثلاجة ٦٠ لتر وفريزر و٧ كشافات اضافية و اضاءات وبطاريتين ومحول كهرباء يحول من ١٢ فولت الى ٢٢٠ فولت وعندي حوسة كبيرة وفيه تجهيزات اضافية في الطريق .. تركيب المراوح سرع قرار الدينمو

[@Mohsteps]

بالمنسابة المراوح مشبوكة على البطارية بظفيرة منفصلة هي بس تاخذ اشارة الحرارة والمكيف من كمبيوتر السيارة حتى تشتغل على نظام الوكالة ، والمراوح مشبوكة بإثنين كتاوت والبطارية الي عندي ماركة أمرون قياس 100 أمبير .. وتم تقوية الايرث في بدي السيارة ولكن الي صار ان الكهرباء تاثرت بعد تركيب المراوح وصارة قراءة كل عدادات السيارة خطأ واول ما تشتغل المراوح يرتفع عداد الحرارة لاعلى درجة ويرد ينزل اول ما تفصل المراوح .. وهذا الشي صار لكثير شباب وهنا الحل بتركيب دينامو

[@user-od9qd2jw8w]

@@Mohsteps ماشاءالله انا فكرت بس مركب مراوح 🤭

[@aburakan9819]

​@@Mohsteps ركب دنمو نيسان 400

[@sami34223]

@@aburakan9819 لو بركب مروحة وحدة اخليها على رديتر المكيف فقط واخلي مروحة الكلتش الاصلية هل ياثر ع دينمو السيارة ؟ والسيارة باترول 96

[@yousufalbulosih9639]

بكم خذيت مرواح الايطاليه لو عندك خلفيه بالموضوع حق الكامري بكم المراوح الايطاليه

[@Mohsteps]

ممكن تاخذها من امازون او تروح على توب سبيد له فروع في كل الامارات ويعتبر وكيل .. اهم شي قبل لا تختار المروحة تعرف اذا كنت تحتاجها تكون بنظام سحب او دفع الهواء وتعرف القياس المطلوب .. لما تروح توب سبيد امسك كرتون اي مروحة سبال وبتشوف كل القياسات للمراوح وقوة كل مروحة مكتوبة ايضا

[@yousufalbulosih9639]

تسلم الغالي ع التوضيح

[@D.7.M.]

@@Mohsteps لا هنت شو القطع حق او بي دي لو تكرمت انا عندي فتك 2009 ادور قطعه تضبط معه محصلت وشكرا

[@Mohsteps]

@@D.7.M. هالاسبوع بصور موضوع كامل عنه

[@D.7.M.]

@@Mohsteps ماقصر ❤

[@mohnadalakiel9325]

يشبه يزيد الراجحي

[@watr3od]

طيب مروحة المرسيدس؟ هل هي جيدة

[@Mohsteps]

مروحة المرسيدس ممتازة ولكن قبل تركيبها اعرف كم قوة دفع او سحب الهواء الخاص فيها اذا كانت فوق ١٧٠٠ امورك سليمة

[@Aduool7]

مروحة السبال مو غاليه تكلف 240 درهم

[@Mohsteps]

ا سبال ١٤ انش الامريكي او الايطالي يكلف فوق ٧٥٠ درهم للمروحة الواحدة سبال الهندي رخيص نفس ما تفضلت ... التصنيع الهندي ضعيف وسرعة دورانه اقل

[@Aduool7]

@@Mohsteps اخذت سبال مقاس 10 انش + 9 انش مع كتاوت بوش 2 و فيوز 2 و وايرات اصلي مع عزل وايرات بسبب مساحة الجيب اف جي + مكتوب على المروحة maed in Italy الحمدلله ممتازات فرق معي

[@alshehri.yousef]

عيب النيسان الكهرباء فقط ولا السيارة ماعليها كلام

[@user-xv4zk9hp1g]

يا اخي مو صحيح تراها إشاعة كهربته كلها هيتاشي افضل شركة يابانيه في العالم

[@user-ro7eu5rt9y]

العيب بالسباكين اللي يشتغلون فيه واحيانا بعض الناس يطلق اشاعات وتنتشر ..من 25 سنه وسيارتي اغلبها نيسان وماشفت منها مشاكل بالكهرب الا اذا تعبثت فيها ووديتها لسباكين تحت مسمى كهربائيين

[@user-zl7us8yw9l]

السبال مش امريكي ايطالي!!

[@Mohsteps]

الشركة ايطالية فعلا ولكن المراوح الي اخذتها تصنيع امريكي وهنالك تصنيع هندي في السوق ايضا

[@saeedalkhaili4542]

انا ركبت عنده ولاحظت انها تسحب كهربه اعلا وحتى امبير البطاريه ينزل كل ما شغلت المروحه معا ان البطاريه جديده ونفس امبير الوكاله و دنمو الشحن مافيه شي بس ما ظبطت عندي فا اطريه ازيلهم وركبت مراوح تيوانيه ١٤ انش ماتسحب كهربه ولا تعب الدينو الشحن عيب المراوح الي عندهم الي ان شفراتها ماتحمل تنكسر بسرعه

[@hs.k]

ركبت مراوح سبال عند محل حرارة؟

[@Mohsteps]

اذا صارت هذه الحركة وحسيت بضعف الكهرباء لازم تقوي الايرثات واحتمال تظبط عند الكهرباء وتستقر

[@user-go5he2qz7d]

دينمو وليس دينما

[@yUOSEF-615]

على شحم

[@yUOSEF-615]

😊