شيلة المنشد فهد ابن جري + فهد ابن فصلا : ابو لهيمد - كلمات : فالح بن مهل

لا طغى سحر المواقف على سحر البيان
استحى وجه القصايد .. وشدّ الامتعه
بس من باب التفاخر وباب الامتنان
نمدح محمد ونِمدَح ونستطرب معه
اسم ابو لهيمد ما يحتاج شرح وترجمان
الكفيف يشوف فعله ، والاصقه يسمعه
من هجوسٍ ما تجي غير فالبِكر الثِمان
ياسلام الله على المجد .. راسه واذرعه
راس من روس الهواجر ومن روس قحطان
وقفته تنشاف في ضيق ولا في سعه
ابلجٍ بين السياده وبين العنفوان
وقفته من فوق عرش الفخر متربعه
خيّل العشوا ليا صاح صيّاح الزمان
ينسف كبار البلاوي تحت رهن اصبعه
مايحصر امجاده الواجده وقت ومكان
فالكويت / وفالسعوديه / وفالخرسعه
ذاك ابو شانٍ مقدّر وقاضي كل شان
من عرفته مجلسه للضيوف مشرّعه
لا نصاه المدح ماعوّد وعشره وثمان
ولا نصاه الطيب من طيب راسه ذعذعه
يلوي كبار الصعايب مداحم وامتحان
مايضرّيها على " كان ما طاعك طعه "
ترثة عيال الاكابر .. ملاعبة العنان
لابةٍ عاد الليالي مجاعه .. " مشبعه "

[@ra3i_alawlh]

فالح بن مهل من شعراء القبيله الشباب اللي يستحقون الاشاده والدعم ، شاعر مبدع لكنه مُقل في النشر صح لسانك يا ابومهل وصح صوت الفهدين :) ويستاهل المدح ابولهيمد

[@user-me6fe3yr2v]

سبحان الله وبحمده سبحان الله العظيم اللهم صل وسلم على نبينا محمد

[@Az1mn]

احلى دويتو دايما. 🤍

[@Tebasheer_alsaad]

👏🏻👏🏻👏🏻👏🏻👏🏻👏🏻👏🏻 گفووو ✋🏻 بگم گلگم ✋🏻 يـ خزنة الظفر 👏🏻👏🏻👏🏻👏🏻👏🏻👏🏻👏🏻✋🏻

[@user-oy9kf3jb4e]

توها نازله😂🙃😂 ابو لهيمد✌✌✌✌

[@adel05987]

عز يامال العز

[@user-oy9kf3jb4e]

عزز هواجر و قحطان