Рет қаралды 4,261
البارحه في تالي الثلث الاخير
شديت في ريمه و جيت اقودها
هاض الضمير وهاضت ابيات الضمير
وادرى عليها من عـتب منقودهـا
يا مرحبا في محفل الجمع الغفيـر
ترحيـبة يدرج و يذعـر عوودهــا
عند ال ميع اللي تلوذ المستجير
افهودها لا قـيل وين فهـودهــا
ذولا ال هادي مايصير الا يصير
يا نوم عيني لا قبس بارودهـا
متيـهت الادباش فـي حد الشطير
ما تكسع الذيدان من مقصودها
ترثـة معيض اللي ليا صاح النذير
توقـف العـــيّـال عند حدودهـا
اهل الكرم في ماضي الوقت العسير
و اهل الجموع اللي تسوق حشودها
في حفل عبدالله نوينا بالمسـير
فرايدي شامت و هو مقـصودها
يا ذخر عود ذكره يشعشع ب خير
حمد حمد هو قدها و قدودهـا
يفرح به اللي من عنا وقته ضرير
لا خالفت سود الليـال وعودها
يمنـاه تبذل للكبـير و للـصغير
ولا يحسب نقصها من زودهــا
ذا الليل غير و باقي الايـام غـير
وسميـة قامت تحـن رعـودهــا
جعله مبارك و الله يتـمه بخـير
و جعل البيوت مشيده ب آعمودها
تمت وصل الله على الهادي البشير
اعداد ما هبت وذعذع نـودهـا