شيلة المنشد فهد ابن جري : حفل ال سحمي - كلمات : نهار بن ناصر

من هواجيسي وفكري واقتناعي
كل ما انجز بيت ../ ياتيني تبيعه
محترص من قولة المقرود ضاعي
ما نخالف ../ للسلوم وللشريعه
مرحبا ترحيب ../ مصفوطن يذاعي
من صغير السن ../ للشايب يذيعه
مرحبا باللي لفى ../ من كل قاعي
من ضياق القاع ../ لصدورن وسيعه
من لفا مدعي ومن جى دون داعي
المحبه ف الصدور ../ اكبر وديعه
الله يبارك لنا ../ كل المساعي
في حفل ../من فزعته دايم سريعه
عند من طاريه عند الناس شاعي
والكرم والطيب في نهجه طبيعه
انت يا حمدان يالقرم الشجاعي
سيفن ايجمل ويعجبنا صنيعه
ياولد من سهم طيبه بارتفاعي
فالح الي منزله راس الرفيعه
كل ما كبرت وطى روس الأفاعي
عقب ربي كل صعبن يستطيعه
خف نفس وقو فكر وطول باعي
ومرتفع من خوة الناس الوضيعه
يال سحمي تاج راسي يا ذراعي
الزمان المُر ما والله نطيعه
كم ليلٍ عوّد .. المكبور راعي
لا عتزينا زاد في الخصم الفجيعه
من عقب ذل العدو موتٍ جماعي
كل خمس ارجال في قبرٍ جميعه
خيل الحرشاء ليا زاد الصراعي
ما خلق فينا جبان ولا هزيعه
زايدين ف الهجوم وف الدفاعي
دون ربعه ما تتقى ب الذريعه
الدخيل ان جى خصيمه ما يطاعي
والجهام ابوسمهم يهنى ربيعه
ال زايد لرتخت عين الرعاعي
تودع الاخصام في حاله شنيعه
نهار بن ناصر

[@user-mb2hj1sf4v]

الله نافس السم ابوي❤❤❤❤🇸🇦🇸🇦💋💋

[@user-id4jw1wg8p]

والله ومليار نعم يربعي

[@user-us5hs1jg6q]

حي في ذمتي

[@user-qr9zb5dx3w]

كفو البرفيسور ❤️

[@user-xj4xm9hp7y]

ووووووونعم ، والله الي يستاهلون ، وصح صصوتك يبو ججري ♥️💫💫 .

[@user-qr9zb5dx3w]

وصح لسانك يبو ناصر ❤️

[@marzouqalhajeri906]

ابدعت