شيلة المنشد فهد ابن جري : حفل سليمان بن دريهان - كلمات : عايض بن عتروم

بين الهجوس الكبير وبين بدع القصيد
علاقتن اكبر من الكيف والمسبحه
يشعاني الهاجس اللي مايقيده قيد
وان غاب عنّي وعوّد قمت لجل انطحه
وانا هجوسي ليا من ناش ملعون جيد
مثل البعير ان تهبّد فيه ولا ارمحه
وان مرني لازمن ماجوبه امن النشيد
اشيّد القاف لعيون الكفو واطرحه
والشعر مثل البحر للي يبي منه صيد
واغوص في غبة البحر القوي واسبحه
والمعرفه يبوناصر للنشاما رصيد
وانا سرا ليلي اكتب لي شطر وامسحه
ماقصدي اسمّع العربان شيّ جديد
لا والله الاعزيزن بذكره وامدحه
راس اصوك يطّبخ الين عرق الوريد
ماهوب يبرد لون طرق الهوا يلفحه
من كثر ما ربّي معليّه بين العبيد
مايغبط الطير لامنّه فرد الاجنحه
يابن دريهان قسمك كل فعلن مجيد
واشداد شيخن ماهوب يشيّخه مشلحه
ممثل معاويه في كل راين سديد
اما قعود انحره ولا طلي واذبحه
لا ياسليمان ورثك كل ماضي تليد
لوكان لك حاظرن متوشح الاوشحه
في حفلك انكان مااعسف الجزيل العنيد
ماعاد لي فالشعر قسمن ولا مصلحه
سلم الخوي عندنا ياجعل عمره مديد
ويخايل سنين عمره قدم متبجحّه
هواجرن في كنفنا الطيب باسه شديد
وامجادنا اشهر من البارود والاسلحه

[@mohoddf7084]

الف مبروك يبو ناصر وتستاهل شيخ ولد شيخ

[@amer9322]

يستاهل ابو ناصر الله يوفقه 💙

[@naifalnaif9375]

صح لسانك يالهاجري واعتلا شانك وصح صوت المنشد ماقلت الا الصحيح وبو ناصر ورا الهقوة ماهوب دونها ويستاهل كحيلان الشيخ ابن الشيوخ

[@user-sx5sw3dc1i]

ونعم وسبعة انعام فيك يابو ناصر وتستاهل الطيب

[@trke3223]

يستاهل بوناصر 👍🏻

[@Almuawi99]

وسبعة أنعام في بو ناصر واشهد انه يمثلنا يا معاوية خير تمثيل جعل اللي مثله واجد