Рет қаралды 837
تـفـوز يـا فـواز يـا منقع الـطـيـب
من عادتك تاخذ من اسمك دلايل
يـا حـر لا والله مـابـك عـذاريـب
نومستنا يا شوق ضاف الجدايل
يالنادر الي حمت فوق المراقيب
اهـلـك قـبـلك كاسبيـن الجمـايل
يا جعل نورك يا ابيض الوجه ميغيب
فـواز يـا وافـي جـمـيـع الـخـصـايل
فـواز اسـمـك شـع شرقن و تغريب
تـطـول لامـنـه عـجـز كـل طـايـل
مـن دربـه معيوف مـا والله يخيب
يـبـيـن لامـن صـار يـوم الـهـوايـل
معيوف راع الطيب راع المواجيب
يـزمـي لـيـا مـنـه زمـا كـل عـايـل
مثـل البحر لا هاج كدر مشـاريب
و اليا رضى تنصاه روس الحمايل
يا سبيع لامنه عوى الذيب للذيب
انتم هل الوقفات و اهل الصمايل
يوم الضيوف تجوع تبغي معازيب
انـتـم لـهـا يـا متـعـبيـن الاصـايـل
حـقـايـقن ماهي هروج و تكاذيب
لافـعـالـكـم تشـهد جميع القبايل
الشاعر الكبير : سعود الفهد