Сабақ 1."Қазақстандық қамту" дегеніміз не және "CT-KZ" сертификатын қалай алу керек?

Tengrinews.kz Қазақстанның жетекші мұнай өндіруші компаниясы - "Теңізшевройлмен" (ТШО) бірлесе отырып, "Бизнес-мектеп: Ірі мұнай-газ саласына қамтушы болудың жолы қандай?" атты арнаулы жоба аясында қазақстандық қамту және "CT-KZ" сертификатын қалай алуға болатыны туралы әңгімелемек
Қазақстандық қамту - бұл "Қазақстанда жасалған" жұмыстар, тауарлар немесе қызметтер. Бұл - импортты алмастыру, яғни инвесторлар жобамен жұмыс істегенде отандық шикізат, жабдықтармен мамандардың үлесі жоғары қазақстандық компанияларды жұмысқа шақырады.
"Теңізшевройл" үшін жергілікті бизнеспен берік іскерлік қатынастарды дамыту және қолдау өте маңызды. Соңғы жылдары компаниядағы қазақстандық қамту тұрақты өсуде. ТШО-ның 1993 жылдан 2022 жылдың ІІ тоқсанына дейін қазақстандық қызметкерлерге, отандық өндірушілердің тауарлары мен қызметтеріне және қамтушыларға төлеген төлемдері мен мемлекеттік бюджетке аударған салықтарын қоса алғанда, Қазақстан Республикасына тікелей төлемдері 169 миллиард АҚШ долларынан асты. ТШО қазақстандық қамтудың жоғары үлесіне қол жеткізу үшін өз жобаларына жергілікті өндірушілерді тартуды жалғастыруда.
Отандық тауар өндіруші болу үшін компанияның "СТ-KZ" формасы бойынша куәлігі болуы тиіс. Бұл құжат тауардың шығарылған елі Қазақстан Республикасы екенін куәландырады.
"CT-KZ" формасындағы тауардың шығу тегі туралы сертификат 2009 жылы енгізілді. Оны Қазақстандағы импорттық мәмілелер үшін қолданады. Сертификаттарды өңірлік кәсіпкерлер палаталарында 14 облыста, сондай-ақ республикалық маңызы бар қалаларда ресімдейді.
Мұнай-газ саласының сарапшысы Асылбек Жакиевтің айтуынша, сертификат алу үшін ішкі айналымға тауардың шығу тегі туралы сараптамадан өту қажет. Сараптама шарттық негізде жүргізіледі. Бұл ретте өтініш беруші сараптама ұйымын өз бетінше таңдай алады. Сарапшы-аудиторлардың реестрі Қазақстан Республикасы Сауда және интеграция министрлігі Техникалық реттеу комитетінің интернет-ресурсында орналастырылған. Сараптама жүргізу және актіні беру мерзімі өтінім тіркелген кезден бастап бес жұмыс күні ішінде жүргізіледі.