اسهل واضمن طريقة لعمل السمن والدهان الحر المسوس في المنزل مع طريقة عجن الزبدة وتصفيتها

[@wakasswakass3698]

سبحان الله انا نخمم في اني نبدا نذوب الزبدة للحلويات و انت قلتيها الله يبارك ثقافة وثقة في النفس يعطيك الصحة حنونة

[@ايادايادد-س4ب]

يعطيك الصحة و الله مرا و نص رب يبارك فيك

[@براهيميبراهيمي-و7ذ]

جزاك الله خيرا شفت شحال من الفيديو شرحك قيم ورائع احسن فيديو

[@ALina-zk2vw]

شرحك مفهوم ومفصل كلمة شكرا قليلة فيك ربنا يخليلك اهلك وعلتك

[@mirasoul9674]

شكرا طاطا تشرحي علكيف

[@roumaissazaouia6160]

مدرسة باتم معني الكلمة مزيدا من التالق واصلي

[@gateauxdelice]

شكرا حبيبتي

[@اسيلمرام-ت7ع]

احلا لايك ختي لعزيزة على النصاىح القيمة مشكورة

[@mohamedbachirtouatitliba2274]

يعطيك الصحة و نزيدك معلومة حنا لمة يطيب على النار نزيدلو قليل من الكليل و قليل من البصل يجي بنين

[@gateauxdelice]

الله يسلمك حتى احنا نديروه حنا نعيطولو الزعتر بصح هذاك نستعملوه غير للكسكسي والبركوكس العجائن التقليدية انا نخدمو هكذا بدون اضافات لاني نخدم كمية كبيرة نستعملها للطبخ اليومي وساعات في الحلويات شكرا عزيززتي

[@mokranirabiha543]

يعطيك الصحة ،بارك الله فيك

[@mohamedbenyahia1704]

يعطيك الصحة ويعطيك ما تتمناي أختي ممكن نستعمل نفس طريقتك في زبدة البقر الي أتباع بلكيلو

[@gateauxdelice]

لله يسلمك ختي لعزيزة بالنسبة للزبدة الي تتباع بالكيلو وتجيبيها من عند اللبان يعني مش انتي الي مستخرجتها في الدار اتبعي نفس الطريقة تعطيك نفس التيجة لان اللبان يستخرجها بنفس الطريقة تاعي مع فرق طبعا الالة الي يخدم بيها عملاقة اما الي تتباع معلبة كما الاوراسية هذيك فيها مواد صناعية حافظة مضافة ليها باش ما تفسدش بالطريقة الباردة تصلح معاك دهان نورمال بصح باش تحوليها لسمن بالطريقة الساخنة منضمنش المواد المضافة ليها كي تغلي بزاف على النار صحيا نورمال والا لالا نتمنى نكون مفهومة

[@mohamedbenyahia1704]

@@gateauxdelice مفهوم زينة ربي يوفقك واه دك.نشري من عند لبان زبدة البقر

[@gateauxdelice]

@@mohamedbenyahia1704 صباح الانواربصحتكم مقدما ان شاء الله تجربيها و تكتبيلي على النتيجة

[@mohamedbenyahia1704]

ان شاء الله ☺☺☺😍😍😍

[@faridfarido8419]

يعطيك ماتتمناي.االكسكس يجي بنين بيه شكرا

[@aboferiel]

يعطيك الصحة بنتي

[@malikato537]

بارك الله فيك تستاهلى توصلى لى المليون متابع واكثر متنسايش تعمليلنا فيديو لى الكسكسي الابيض باللفاح لعملتيه

[@gateauxdelice]

ربي يخليك حبيبتي والا وصلت للمليون راح يكون بدعمكم وتشجيعكم الكسكسي الابيض الا ربي عطانا الصحة والعمر راح يكون فيديو راس العام الهجري 31 اوت

[@ArbiabdliAbdali]

Bravo excellente recette💕💕💕💕

[@nassimailhem54]

يعطك الصحة على هذه النصاءح القيمة شكرا

[@gateauxdelice]

الله يسلمك شكرا عزيزتي

[@zinebbkhr7502]

يعطيك الصحة اتا نصفي شاوي و نموت على العادات الشاوية لا استغني عنها

[@gateauxdelice]

خيار الناس سيدتي

[@Amel-oj3lo]

موفقة انشاء الله

[@attimad1615]

العمل الثاني نتاع البلارا نتاع الزجاج هو سمن ولا دهان

[@thuglife5904]

تحية لكل الجزاءريات الفحلات كل اصبع بصنعة

[@gateauxdelice]

بارك الله فيك شكرا

[@saralaroussi2828]

@@gateauxdelice ههههه كل اصبع بسرقة الوصفات المغربية

[@saralaroussi2828]

كل اصبع بسرقة الوصفات المغربية

[@مسلمةجزاىرية-ز4ط]

اختي نسالك. عادي مانديروش الملح ؟! بارك الله فيك

[@LAYADIB369]

يعطيك الف الف صحة.شكرا بزاااف على المشاركة.راني نستناك وانا نتوحشاتك.احبك في الله

[@gateauxdelice]

احبك الذي احببتني فيه

[@asmaassami9935]

شكرا جزييييلا ... شرح واضح

[@mariamari4838]

*احنا نزيدولو الملح باش ما يفسدس وشكرا اختي*

[@gateauxdelice]

طريقة الملح الطريقة الي يخدموا بيه الدهان على البارد بالاك كاش نهار نشاركها معاكم هذا تاع ماكلة ودواء يتخبى في الثلاجة على ضمانتي عامين ما يروح ما يجي الدهان المالح ميصلحش للدواء شكرا على المتابعة

[@samamo4108]

تسلم الايادي ختي اول مرة نلقى وحة تخدم تلحوايج التقيدة كيما نخدمها انا وكي تهدري على بعض الاطباق لي ميعرفوهمش الاكثرية نلقاروحي نعرفهم

[@gateauxdelice]

الله يسلمك ناس بكري قالوا الجديد حبو والقديم لا تفرط فيه انا ولادي يحيروا فيهم الناس الحمد لله ييحبوا الاكل الحديث تاع شباب هذي الايام الي يلقاوه في المطاعم والكفيهات وايضا يموتوا على الاقل التقليدي وليدي الكبير درتلوا امبارح ام الرزايم للغداء شحال وهو يطلب فيها ملقيتش الكابويا غير بالسيف واتعشينا تاكوس هو الي داروا بصح للامانة شرا الخبز تاعو والوسطاني اتوحم اليوم على الباطوط انا درتلوا الكسرة وهو كمل الباقي واتغداو بيه عائلة هايلة هههه

[@mhcvbdufcb2926]

من فضلك الملح مانديرولوش

[@عبدةالله-ب6ظ]

مشتركة جديدة و الله علمتيني بارك الله فيك

[@gateauxdelice]

مرحبا بيك معانا والله هذا شرف ليا

[@hibaserrai3300]

حابة تديريلنا كاش نوع نتاع قاطو يطيب فالطابونة للي ماعندهاش فور

[@tarekyo4732]

يعطيك الصحة استفدت منك بزاف شرحك راءع ومفصل ربي يحفظك

[@gateauxdelice]

الله يسلمك شكرا ومرحبا بيك دائما

[@maisaamimi5466]

سلام حبيبتي .كل عام وانت باااالف خير وصحة ودايما متألقة 😍😍نوال

[@zahra-be2bs]

شكرا استفدت منك كثيرا

[@fatimacha8404]

يعطيك الصحة من ليوم نتبعك وراني شريت زبدة باه نخدمو لماما😊إن شاء الله ينجح معايا 😘😘بغيت نسقسيك ويناه لي يستعمل دواء لمالح ولا لمسوس

[@gateauxdelice]

الله يسلمك عزيزتي الي يستعمل للدواء الدهان المسوس كما هذا الي يتخدم بالطريقة الساخنة لأن الي يتخدم بالطريقة الباردة لازملو الملح اما السمن فطبعا يستعمل للطبخ والحلويات فقط مش للدواء

[@saay6271]

بوركت يا حرة

[@gateauxdelice]

ولك بالمثل حبوبة شكرا

[@nadjouabenchaker3838]

كيفاه. نديرها. باه. نخدم. بيها. الحلويات. نغليها

[@gateauxdelice]

اولا على حسب الوصفة تاعك واش تحتاج زبدة والا سمن الا زبدة مثلا الصابلي استعملي الزبدة كما راهي بدون غلي بوماد بنفس كيل المارغارين والا الوصفة تحتاج سمن كما البقلاوة والا المقروط لازم تغلي الزبدة حتان تتحصلي على سمن وديري الاختبار تاعه باش تضمني بلي عندك سمن طبيعي طبق الاصل الصناعي المدينة والا المرجان

[@ninahinda2941]

يااختي ماتحطيش فيه الملح الف شكر على المعلومات حبيت نخدمو لو سمحتي جاوبيني

[@gateauxdelice]

هنا عزيزتي خدمت السمن من الزبدة وكما شفتي درنا اختبار النجاح ان الورقة شعلت يعني مادة دهنية صافية تماما ما فيها ما يفسد كما قلتلكم الاحتفاظ بيها يكون في الثلاجة اما الدهان فهذي طريقة صنعه بالحرارة يكون ايضا مسوس لان كذلك دهن صافي يجب بعد ما يوجد برك تحتفظي بيه في الثلاجة باش ما يقواش طعمه ومتقدريش تاكليه وكاين طريقة اخرى هي بصنعه على البارد هذيك لازملها الملح لانه يبقى فيه شوية من السوائل بلا ملح يفسد وان شاء الله الايام القادمة نشوفوا مع بعض الطريقة كيفاش

[@لويزةاللويزة]

كم انت رائعة سيدتي فقط قبل اذابة الزبدة تاع الدهان هل يتم غسلها بالماء بنفس الطريقة الاولى

[@gateauxdelice]

شكرا حبيبتي على تشجيعك الدائم الزبدة تاع السمن متغسلياش سبب غسل الزبدة انو لو كان تخبيها بلا متغسليها من اللبن راح يجيك ذوق القروصية تاع اللبن كي تاكليها بصح كي تذوب راح تغلي ويتبخر كلش بالماء بالحليب

[@kenzabouchagour9308]

Wech lfar9 binou w binou dhan lmalah ?

[@gateauxdelice]

الدهان المسوس كما شفتي لازم يتخدم على النار باش نحيولو اي قطرة ماء باش يقعد قد ما يقعدش ما يفسدش او يصوف ويستعمل في الاكل وايضا بعض انواع العالاجات كما قلت للسعلة وخاصة لبعض انواع امراض الجلد والحروق يعني لازم يكون مسوس اما الدهان المالح يتخدم على البارد بعجن الزبدة بالملح يعني مادة حافظة ما يخليش الدهان يصوف بصح المالح يستعمل للاكل فقط لا يستعمل للعلاج وهذا رابط فيديو الدهان المالح kzbin.info/www/bejne/nae2hoGOaaqNetE

[@kenzabouchagour9308]

Allah ybarek 3lik sah mra fahla nti man hadartek tbani mra w nos w horat lahrayar tu sais les compliments hadou pour la première fois nosafhom lwahda tellement nti sah li tastahlihom, rabi yhafdak nchallah w ymadlek matatmany

[@wakasswakass3698]

يعطيك الصحة احببتك مرحبا بي عندك

[@zita717]

سيدتي كيفاش يداويو بيه الأمراض التنفسية؟

[@gateauxdelice]

الدهان القديم الي يكون فات عليه عام كانت جدتي ربي يرحمها تديروا للي يكون صدرهم مقفول كما تقول يعني للي عندو سعال جاف ميقدرش يطرد حشاك البلغم كل يوم الصباح على الريق تحط ملعقة صغيرة على فنجان القهوة تاع الصباح والله الغدوة من ذاك يبدا هذاك الشخص السعلة تاعه ترطاب ويبدا يخرج حشاك البلغم نورمال

[@zita717]

@@gateauxdelice عندي دهان عندو خمسة سنوات محتفظة بيه فالثلاجة لونو مزال شباب و ريحتو مليحة نقدر نستعملو؟

[@gateauxdelice]

@@zita717 هذاك هو المطلوب كل ما يقعد الدهان فايدتو تزيد احنا تاعك نسموه الدهان الحار الا تقدريلو والله احسن حاجة صراحة انا محال انا الدهان تاع البربوشة وكي يبدا فيه شوية برك ريحة ومنحملوش وينك يا نشربو مع قهوة سخونة الله غالب

[@zita717]

@@gateauxdelice شكرا جزيلا ختي ربي يزيدك من المعرفة إن شاءالله

[@gateauxdelice]

@@zita717 العفو عزيزتي شكرا ليك

[@khadoudjahammou6974]

كاين طريقة تستعملها الوالدة كي تحضر السمن....كي يكون يغلي تزيد شوية تشيشة الشعير هو الي يمتص الماء و الخليب .....و كي يمتصه كله يبقي السمن صافي

[@gateauxdelice]

فكرة هائلة ربي يحفظلك الوالدة ان شاء الله عندي كمية من الزبدة نجمع فيها باش نديرها سمن نجرب العفسة هذي ونردلك بالخبر

[@fatioul2658]

صح احنا في جيجل نحطو شوية سميد كيمتص الماء و اللبن يبقى السمن و هذاك السميد نسميوه اركاد

[@khatirifella6836]

مام حنا نخدموها هكذاك

[@linajimikook3792]

يعطيك يك الصحة

[@gateauxdelice]

الله يسلمك

[@ياربفرجعلينا]

الله يبارك في عمرك تعيشي قوليلي نقدر ندير بيه لبراج والطمينة نتاع الغرس الله يسترك جاوبيني

[@gateauxdelice]

ربي يحفظك حبيبتي تقدري تديري بيه اي حاجة كما سمن المدينة والمرجان البراج المقروط الطمينة تاع الغرس معرفتهاش بالضبط احنا عندنا الرفيس التونسي بصح نخدموه بالمارغارين

[@ياربفرجعلينا]

@@gateauxdelice شكرا يا بنت الاصول موفقة

[@ramziyakoub8596]

نيستي الملح مدام خاصة فطعام

[@gateauxdelice]

لالا عزيزتي منسيتش الملح كاين طريقتين لصنع السمن والدهان الطريقة الباردة هو الي ندير فيه الملح وهذي الطريقة الساخنة الي نخدم بيها السمن والدهان المسوس دون ملح وهذا السمن نطيب بيه نصنع بيه الحلويات نديرو في الطعام في كلش ما يفسد ما يصرالو والو لانه عبارة عن دهن صافي كما الزيت يقعد واش يقعد ميفسدش مرحبا بيك

[@ramziyakoub8596]

@@gateauxdelice الله يبارك شاف نقدرو نديرولو الملح باش ندهنو بيه الطعام...... بارك الله فيك

[@gateauxdelice]

@@ramziyakoub8596 فيك بركة انا شخصيا منديرلوش الملح الطعام تاعي كي نحب نشمخو نديرلوا الملح تاعو مضبوط والسمن الدهان مسوس كشغل راح تديري مارغارين والا زبدة تاع البكيات يكون الطعام مالح والزبدة مسوسة

[@ramziyakoub8596]

@@gateauxdelice بارك الله فيك شاف

[@oumskander6126]

مشاء الله حبيبتي يعطيك الصحة اختي تعيشي رانا ندخلو بيتك وتعلمينا حوايج جامي شفناهم اختي ندلل عليك ونطلب منك طلب راكي عارفة الحالة المعيشية للجزايري مع رمضان العيد والعيد الاضحى والتصياف الدخول المدرسي الضربة القاضية لجيب الجزاءري هههه والله اليوم رحت نشري حوايج لولادي صادفت امهات الله المستعان ن طلب منك اعطنا نصاءح للاقتصاد افكار ذكية تعاوننا في المطبخ واعطنا طاقة ايجابية ترمع المعنويات شوية وصدقني بزاف نساء يحوسو على هذي الفديوات والف شكر خيتو 😘😘😘😘😘😘😘😘

[@gateauxdelice]

اهلا حبيبتي وليت كل فيديو نهبطوا لازم نحوس عليك في التعليقات ان شاء الله حبيبتي راني نخمم في مثل هذي التعليقات

[@oumskander6126]

@@gateauxdelice صدقني اول مانفتح يوتيوب كي تكوني مهبطة فديو وانت نشيطة مشاء الله لازم نشوفو الالول بارك الله فيك متتبعة وفيه احبك في الله ام ماريا البسكرية

[@rahmanour3426]

حنا نديرو فالدهان تاع البربرشة الملح كي نذوبو الزبدة

[@gateauxdelice]

كاين طريقتين الي درتهالكم نخدموا الدهان على النار يتبخر الماء والحليب الي فيه والطريقة الثانية على البارد نعجنوا الزبدة بالملح الي يخليها تطرد ماءها وتبقاي تشللي فيها وتعاودي حتان تخرجي الحليب وتزيدي الملح وتخليها تقطر مليح انا نديرهم في زوج ولكن الطريقة الي على البارد صعيبة للمبتدئات لو كان متتقنهاش يصوفلها

[@khatirsaci42]

جزاك الله خيرا ..خدمت دهان نتاعي وخليتو على برى اسبوعين وكي جيت نحطو في فريجيدار لقيت فيه شومبينيو شويا برك افيديني واش نديرلو حبيبتي

[@gateauxdelice]

اسمحيلي كان عندي مشكل في الانترنت علبيها مشفتش تعليقك دار شومبينو معنتها مزال فيه الماء خلال عملية الطهي الا كنتي خدمتيه بالطريقة الساخنة او كمية الملح قليلة الا كنتي خدمتيه بالطريقة الباردة مكفاتش ضرك ما دام وجد ودار ريحة الدهان نحيلو الشومبينو وحطيه في المجمد احسن اذا كنت خدمتي كمية كبيرة لانه مادام دار الشومبينو كما قلتلك كاين خطأ ما في الثلاجة يطول بصح يعاود يدير الشومبينو اما الا خدمتي كمية صغيرة معليش حطيه في الثلاجة ما يطولش وتستهلكوه قبل لا يعاود يدير الشومبينيو

[@nourhadji9627]

بعطيك الصحة نورتنا الله يسترك.

[@gateauxdelice]

الله يسلمك

[@nadouislem5667]

لواش يصلح من فضلك؟؟؟ واش نقدر ناكل بيه جاوبيني تعيشي

[@gateauxdelice]

اسمحيلي كان عندي مشكل في الانترنت علبيها مشفتش تعليقك بالنسبة للسمن تقدري تخدمي بيه كلش كما السمن الصناعي المدينة او المرجان كل انواع الحلويات خصوصا التقليدية كما البقلاوة والمقروط مشكلته الوحيدة الزبدة الي تخدمي بيها السمن غالية الكيلو ضرك راهو 75 الف وتزيد تغلي تنقص يعني تستقاملك غالية بالنسبة للحلويات خصوصا الكميات الكبيرة وانا شخصيا نخدمو للطبخ اليومي رجعت منستعملش الزيت النباتي ابدا اما بالنسبة للدهان يستعمل في الاطباق التقليدية مع الاخير في بلاصة ما تحطي المارغارين للكسكسي تديري منه نصف ملعقة تكفي لان ريحته قاوية ونفس الشيء في البركوكس وباقي الاكلات اما الدهان المسوس بالاضافة للاكل يستعمل في اتداوي من الحروق ونزلات البرد خصوصا المصحوبة بالبلغم حشاك والسعلة

[@nadouislem5667]

@@gateauxdelice شكرا اختي

[@fouz99yay35]

عاشت الآيادي

[@gateauxdelice]

بارك الله فيك شكرا

[@didoumouna3203]

قولولي برك وين نصيبوا يتباع هكداك واجد ، انا من العاصمة

[@gateauxdelice]

السمن معلباليش بصح شفت الدهان يتباع عند واحد في ساحة الشهداء الزنقة الي كما جامع كتشاوة يبيع كل انواع التمور كان حاط بلارات تاع دهان غنمي وماعز وطبعا بقري هذي الهدرة العام الي فات ضرك منعرف الا مزال كاين عموما حوسي وين يبيعوا التوابل والعقاقير التقليدية بلاك تلقاي عندهم لانه احنا كامل تاع الاعشاب يبيعوه

[@rahmanour3426]

معلومات مفيدة بوركت لكن الصفاية تاع البلاستيك ارق من تاع الالمنيوم وتفرج

[@gateauxdelice]

عزيزتي فكرتيني في صغري زيت البطاطا قلات بيه ماما وقاتلي صفيه وخبيه في قرعة كما موالفين نقليو بيه الساردين مزروبة نكمل الكوزينة وهو سخون صفيتو بصفاية بلاستيك لقيتها قدامي ههههههه رجعت كتلة وحدة ذابت قريب لا قتلتني ماما جامي ننساها هكاك تصرالك لو كان السمن يغلي وانتي تصفيه بصفاية بلاستيك

[@مينامينا-ب2س]

يا أختي والله بارك الله فيك كل الأسئلة اللي كانت في بالي جاوبتيني عليها حضرت فيديوات بزاف وبعثت أسئلة بزاف بصح انت لي بردتيلي على قلبي كنت ديما نقول كيفاه نخدم المقروض بالسمن الطبيعي بلا ما تجي فيه الطعمة القاسحة هاذيك ولغريبية وو... حوايج بزاف نحب نديرهم بالسمن الطبيعي وحتى الزبدة للصابلي درك وين عرفت كيفاه نتخلص من الماء باه ما يجينيش يابس بارك الله فيك كثريلنا مالوصفات التقليدية الصحية ♥️

[@gateauxdelice]

ان شاء الله عزيزتي الصابلي كاين في القناة فيديو من جزئين علىه من الالف للياء بالمارغارين يجي يذوب في الفم والله شهر يقعد كما راهو بلا ما تتعبي وتنحي الماء للزبدة الزبدة تذوبيها وتخليها تجمد تنحي نصها ماء وحليب انا كلش نخدموا بالسمن بصح تاع البيع اللهم حلويات العيد لانه تكون عندي طوال رمضان كمية كبيرة من الزبدة لاني نخدم اللبن يومي ونحي الزبدة لازم يكون على طاولة السحور المسفوف باللبن والا المعلم مايتسحرش ههه صافي نخدمها سمن كما الفيديو بالنسبة لسمن تاع البيع نستعمل المدينة في كلش البقلاوة المقروط الغريبية العجينة السحرية...الخ لشخصي والا ليكوموند وماشاء الله الي تخدم عندي كوموند ترجعلي وتجيب صحاباتها وعائلتها

[@مينامينا-ب2س]

@@gateauxdelice بارك الله فيك وشكرا على الرد واش من ولاية انت من فظلك

[@gateauxdelice]

انا نسكن في باتنة

[@مينامينا-ب2س]

@@gateauxdelice خيار الناس ♥️

[@asmasoum529]

كيفاش ندهنو بيه الكسكس و هو مفيهش الملح يجي سامط لالا؟؟

[@gateauxdelice]

الكسكسي يكون ملحه مضبوط اما الدهان يكون قطعة صغيرة جدا للرائحة فقط ميهمش يكون مسوس او مالح

[@zita717]

سيدتي يتسمى ننجم ندير الحلوة بهذيك الزبدة لي غسلتيها من الأول؟

[@gateauxdelice]

الزبدة الي غسلتها المرة الاولى تستعمل للصابلي تجي تحفة بصح راكي لازم تغسليها من الحليب تاعها والسمن الي خدمتو منها تديري بيه كلش مقروط بقلاوة غريبية نعطيك مبدئي في الخدمة بلا حكاية الزبدة الطبيعية نهدروا على المارغارين لابل مثلا والسمن المدينة المارغارين كما الزبدة فيها بزااف الماء تصلح للصابلي والحوايج الطريين اما السمن دهن صافي نخدم بيه البقلاوة والله بامانة 15 يوم تقول خدمتها امبارح تقعد مقرمشة كما راهي بالمارغارين ممبا سمانة تطرا من كمية الماء الي فيها المقروط ثاني اسبوعين في الصيف يدير الريحة من المارغارين امالا انا نخدم غير بالسمن تحبي تخدمي بالمارغارين ذوبيها خليها تجمد نحيلها الماء الي فيها واخدمي بيها اسمحيلي طولت عليك

[@zita717]

@@gateauxdelice شكرا جزيلا ختي ماطولتي ما والو شكرا على الجواب

[@zita717]

@@gateauxdelice كل ما نخدم الدهان ندعيلك ربي يعطيك الخير و الصحة

[@miminebn3063]

Svp faites nous recette chakchoukha dfer

[@gateauxdelice]

شخشوخة الظفر ختي كاينة في القناة بصح تاع البيع وان شاء الله توالي ونخدملكم تاع الدار

[@zinebbkhr7502]

و كيفاش ما تملحيهش باش يبقى معاك اطول فترة ممكنة؟

[@gateauxdelice]

الملح عزيزتي يندار في الدهان بالطريقة الباردة تديري الملح باش يخرج ماء الزبدة وتعجنيها هذي الطريقة الساخنة نحينالها كامل الماء بقى عندنا دهن صافي تماما والاختبار بقطعة القماش دليل انها دهن صافي كما الزيت العادي تخليه على برا يقعد هو هو

[@انمعالعسریسرا-ع8ش]

نقدرو نطيبو بيه في بلاصة الزيت سونڨو ارجو الرد شحال المدة تاعو باش يكون واجد ونقدرو نطيبو بيه

[@gateauxdelice]

السمن هو الي تقدري تطيبي بيه انا شخصيا نطيب غير بيه قليل وين نطيب بالزيت اما الدهان لالا هذاك نديروا منه غير للريحة برك في الاكلات التقليدية الا كان عندك وقت زيدي شوفي الفيديو هذا kzbin.info/www/bejne/nae2hoGOaaqNetE&lc=Ugx-l5LhTnkNHGMCyol4AaABAg

[@انمعالعسریسرا-ع8ش]

@@gateauxdelice ربي يحفظك اختي

[@croissantdelune6821]

Bravo

[@انمعالعسریسرا-ع8ش]

اختي وين تحصلتي على الزبدة تاع البقرة

[@gateauxdelice]

في الصيف نمخض بزااف اللبن عندي الالة تاعه وبالتالي تخرحلي بزاف الزبدة منه في الشتاء نشريها من اللبان او الحلاب منعرف واش تعيطولو يبيع الحليب البقري الطازج مباشرة من المزرعة للمحل واللبن والزبدة

[@saralaroussi2828]

السمن مغربي يا السرااااااقين

[@oumaimahadia1991]

merci pour le partage.

[@oumsara6526]

عطيك الصحة أختي حبيت نعرف هدي الزبدة متاع البقرة ولا زبدة عادية

[@gateauxdelice]

الله يسلمك لالا زبدة طبيعية تاع البقر وكريقة استخراجها من اللبن كاينة في فيديو وحدو

[@oumsara6526]

@@gateauxdelice شكرا اختي على الرد وهل نقدر تخدمها بالزبدة لي تباع خاطر انا منيش عائشة في البلاد

[@gateauxdelice]

@@oumsara6526 ممكن تخدميها بزبدة الي تتباع ولكن فائدتها لا تقارن بالطبيعية عندي معلومة ممكن تفيدك سلفي كان عايش في فرنسا قال كاين اسواق اسبوعية عندهم في كل مدينة خصيصا للفلاحين كان يشري من عندهم الزبدة والبيض والجبن سقسي وين راكي نورمالمو تلقاي مرحبا بيك

[@kheiradahdou6676]

كيفاش تخرج الزبدة من الحليب. عندي حليب ماعز ماعرفتش. نبدأ

[@gateauxdelice]

الحليب الطازج خليه يروب بدون اي اضافات كي يرجع رايب لازم تمخضيه بمشينة كما تاعي او اسهل طريقة الا ما عندك والو تحطيه في بيدون وتبقاي تحركي البيدون حتان يتمخض يرجع لبن والزبدة تلقايها خرجت وحدها شوفي في اليوتيوب كاين الي يخرج الزبدة بالطاس تاع العصير في الروبو ولكن الا عندك كمية كبيرة مننصحكش لازم طولي شوية نخاف يتحرقلك

[@kheiradahdou6676]

@@gateauxdelice شكرا جزيلا

[@miminebn3063]

Merci

[@soumiasondos4513]

اختي انا شريت دهان حر واجد مي معرفتش اذا حر ولا مغشوش خاتش جاي سائل بزاف ويدير طبقة زيت من الفوق وكي تبغي تخدمي بيه تخلطي هل كاين هاذ النوع للعلم انا شريت كيما نتي وخدمتها مي جامي خرجلي كيما لي راني نشريه؟؟