香港汽車會都唔見好得去邊。嚟緊十月有個FIA Motorsport Games aka 賽車界嘅奧運會,而電競賽車既比賽要選拔一個人去鬥。但係個問題係香港汽車會委派咗自己委員其下嘅一個商業性質嘅組織去進行選拔,而呢一個人對電競賽車同埋今次比賽嘅規則差唔多乜都唔知,就無啦啦淨係搞咗個新界北區嘅學界電競比賽,仲要比最快嗰兩個學生直接入選拔賽八強。先唔講呢個學界電競比賽嘅規則同水平有幾唔合理,但係到而家關於選拔賽嘅消息一啲都唔知。所以我非常質疑佢哋能夠做好選拔賽真正揀到一個能夠代表香港出賽嘅電競車手。