سوالف عن اعطال السوناتا ( كوري بوري ) 😂

[@Unknown-2015]

والله السوناتا تعيش بس تبي اللي يدراها معي٢٠١٣ اخوي مطلعها على ايامها واستلمتها بعده ،خبطت مره بحين ماشراها بسبب اهمال زيت المكينه ومن ذيك اللحظه صلحناها ماتشكي من شي لهاذي اللحظه ماشاء الله ماشيه ٢٥٩الف الزيت اغيره قبل موعد ب ٥٠٠كيلو اشيك على الماء واشوف فيه قطع استهلاكية تحتاج تغير والخ،،والله حق الشي الوحيد اللي يخرب معي المكيف والباقي تمام الحمد لله ،واعرف واحد معه ٢٠١١ ماشيه ٨٩٩الف ويحلف مانبي نحط بذمتنا شي انه قير ومكينه وكاله.

[@dhoomal6481]

صدقت

[@x2rr9]

خلصت؟ كوري بوري طاط طاط🤣

[@i92L7i]

انا ما اطبل للموتر وغيره السوناتا من ١٨ وطالع والله انها طيبه وحلوه وموديل ٢٠ الي جت به المشكله بس الدفعه الأولى الباقي معدله من الشركه الأم يعني ما عليها الكلام وبعدين ترا الكامري وغيرها كلهم تجيهم عيوب مصنعيه والوضع عادي جداً وتراه موتر طيب والله ويعطيك حقه وزياده وضمانها ممتد لك ذا افضل شي ❤️

[@ot-mv]

لاهنت ابي سنابك با اكلمك معي سوناتا ٢٠ واخايف منها وا ابي استشير منك

[@MohammedAli-us8dq]

الكوري زي الصيني صح انه افضل من الصيني لكنه يخرب بسرعه يعني التويوتا مثلا تقدر تمشي فيه عشرة سنوات وكل الي عليك تغير القطع الاستهلاكيه ويمشي معاك ووالله عن تجربه لانهم يهتمون في الجودة لكن يمكن بعض الناس يعيبون على التويوتا مثلا لقله المواصفات لكن ترى السيارات الصينيه والكورية يزيدون لك مواصفات عشان يغطون على ان سياراتهم ما راح تعيش معك ثلاث سنوات حتى الا وانت مغير المكينه والقير وبال يلا السيارة تمشي 😂

[@fwaz511n]

مسألة انهم يحطون مواصفات عشان يغطون العيوب صحيحة لكن ترا جوده السيارت الكوره في ارتفاع ملحوظ خصوصا الموديلات الجديدة

[@MohammedAli-us8dq]

@@fwaz511n اتفق ان الجودة تحسنت لكن تبقى تتعبك مو زي مثلا الياباني ولا الامريكي

[@fwaz511n]

@@MohammedAli-us8dq صدقت عن تجربة مافي زي الياباني.

[@MohammedAli-us8dq]

@@fwaz511n تفهم والله

[@livrpool_reds]

لو كان زي الصيني محد شراه معي انترا من ٩ سنوات وحرام بالله بس قطع استهلاكية واصلا واضح انك بزر ماتجرب السيارات وتسولف

[@sn5iiabdulrahman983]

مثقف ماشاء الله الولد استمر

[@fwaz511n]

اعجبك 😎

[@badermohamed7839]

بارك الله فيك.

[@user-sv3vr1ro8b]

الكوري مافيه الا الالنترا والاكسنت والاوبتما ٢.٠ هي اللي جباره وتتحمل وتستاهل كل ريال بس السوناتا من يوم يومها معروفه باعطالها وخراباتها الكثيره وتخبيط محركها

[@Zhqk]

والسيراتو

[@rajeh_f]

@@Zhqk السيراتو والريو نفس الالنترا والاكسنت من ناحية المكينه والقير

[@T77O]

طيب و السوناتا 2.0

[@user-sv3vr1ro8b]

@@T77O الله اعلم بحكم انها غير متتشره وكل اللي بالشارع ٩٠٪؜ مكاين كبيره ٢.٤ او ٢.٥ ف ماتقدر تحكم ولكن اذا نفس مكينه الالنترا وقيرها لاتشيل هم من ناحيه محركات

[@ysali5257]

سوناتا فقط فيها مشاكل اغلب اسطول كيا وهيونداي مضبوط + مشكلة الكمبرسر يضرب بعد سنتين الى ٣ وعاجبهم الوضع الكوريين لان السيارات تنباع والكمبرسرات تنباع😜. السوناتا من المحرك الجديد الان مضبوط واعتمادي المحرك القديم كان موجود من ٢٠١٥ الى ٢٠٢٠ كان فيه مشاكل التخبيط. والكوري المصنوع بامريكا ابعد عنه مشاكله كثييير بحثت عن اعتمادية الكوري عند الامريكيين وكانت سيئة جداً واعطال غريبه لان كلها مصنعه بالاباما ومشاكل كهربائيه كثيره عكس التصنيع الكوري. الكوري حالياً ممتاز خصوصا الالنترا الجديده ١.٦ قير CVT وبتجي ٢.٠ CVT اقتصاديه وعزم زي الحلاوة

[@Alowifi]

ياخي الكوري زمان كان ممتاز على سعره كان في فرق كبير في الاسعار بين الياباني ( تويوتا ) والكوري ( هيونداي ) اما الآن معد فيه فرق بينهم صح الكوري يعطيك المواصفات ويغيرك لكن باقي يحتاج اهتمام من المستخدم وفوق ذا سعره نفس الياباني

[@Fllm]

دقرة القير علة هيونداي مهما تطور

[@ابوفيصل-س2غ]

غريبه معنا سوناتا 17 مكيفها ماشاء الله تبارك الله والله افضل من الكورلا وانا معي كورلا

[@AAa-xh2yl]

ول قاعد تفرفر الساعه 4:30 هههههههه

[@شمبارتي]

انا معي كيا اوبتيما بالنسبه لي العيوب هي المروحه تخترب لازم تفحصها كل ٦ اشهر . بلف او ربلة راس المكينه يتغير كل سنتين . ارباج الدريكسون كل سنه او سنتين تبدله . ربله الدريكسون نفس الحاله كل سنتين . المحرك انته وشطارتك في الزيت بالنسبه لي هذيلا المشاكل تتكرر معي في الكوري بوري

[@m.1rg]

👌🌹

[@rip300]

عام ٢٠١٦ اشتريت هونداي اكسنت طقطقوا علي العالم واولهم اخوي معاه يارس ٢٠١٥ قالوا خرابات ومكيف حار وما تتحمل وتتفكك وما توصل ولا ١٥٠ الف كيلو الا خلاص لازم مكينة جديدة الحين ماشية ١٧٠ الف كيلو وفيها ١٢ حادث ٢ منهم حوادث شنيعة مرة الموتر ثابت وممتاز الشي الوحيد اللي خرب فيها من ٢٠١٦ علمًا انها ٢٠١٥ هو المكيف صار مروحة بس وما صلحته لانه دخل الشتاء وللامانة استخدامي كان له شين اوقف ساعة ونص يوميًا واشغله وهي واقفه وكان ثللللللج لمدة ٦ سنوات وميزة الكوري صيانته ارخص من الياباني بفرق كبير مرة

[@telealotstm3188]

لايغرك السب يسبونه ويشترونه و يمدحون المنافسين ولايشترونها

[@Shoog-Almsafer.]

السلام عليكم ورحمةالله وبركاته بغيت استفسر عن متابعة الصيانة في الوكالة أحس السعر مبالغ فيه يعني صيانة ٥٠٠٠ك ب٥٠٠ وكلها زيت لاكن بعدها ١٠٠٠٠ك و٢٠ و٣٠ك أسعارها من ١١٠٠ريال وانت طالع ماأدري هل فيه فايده منها على قدر المبالغ هذه أو فيه حل ثاني السؤال لأصحاب التجربة ممكن يفيدونا والشكر للجميع

[@fwaz511n]

انا انصحك من تجربه لا تسوي صيانه فالوكاله، سوها في مراكز معتمده (يعني عندهم فواتير إلكترونية) وهم كثيييير، انت شف الاسعار و خذ الانسب لك، و طبق الصيانه اللي مكتوبة في الدفتر بس في المراكز المعتمدة، و على فكرة ما تطلع من الضمان.

[@77PPL]

يافواز انت تتكلم وانت شايل المنطق من راسك يعني تقول حتى لكزس تجي فيها اعطال، ومن قال ان مافيها ولا عطل وسيارة مستحيل تخرب مهي نازلة من الجنه هي، لكن اذا فكرت بمنطقيه فهي ممكن ان السيارة تخرب شي طبيعي لكن كلمني عن عدد الاعطال وحجم الخرابات يعني مب معقول لكزس يخرب فيها شي مره من المرات وشي واحد بعد وحله بسيط وسيارة كورية كلها خرابات وخراباتها ميكانيكية وتي تقولي كلها تخرب كلها نفس الشي🤯 ، حدث العاقل بما يعقل، واما سالفة ان الوكيل متجاوب وانه يصلح الخرابات صح انه متجاوب لكن على كل حال شغل الوكيل مب مثل شغل المصنع وغير ان سعر الموتر ينقص لأن شغل الوكلي مهما كان مايجي نفس المصنع

[@fwaz511n]

انفق معك، لكن لو تدخل حساب وزارة التجاره تلقى ان اغلب السيارات سواء يابيني ولا كوري ولا غيره، كل موديل ينزل فيه مشكلة، والناس الحين يحسبون الكوري بس هو الخرابات، ما يدرون ان كل السيارات فيها خرابات.

[@عزامالقربان]

@@fwaz511n ياخي خرابات عن خرابات تفرق يعني معقوله اشتري موتر جديددد وبالنهايه مايكمل معي سنه اروح اوضبه ؟؟ حرام قسم بالله

[@fwaz511n]

@@عزامالقربان اما عاد راد بعد سنه 😂😂 والله صامل

[@fwaz511n]

@@عزامالقربان ياخي هذا عيب مصنعي وتصلح والموتر معي الحمد لله حول 3 سنين ويالله لك الحمد ممتاز من احسن ما يكون، مسألة التخبيط هو ما خبط الله يرحم لي والدينك هو اول ما طلع كان ينقص زيت اخذوه وغيروا الشنابر ورجع نفس ما كان يعني ما خبط فيه فرق انك تفك المكينه شمبر و انك توضب توضيب كامل، الشمبر عادي تشمبر المكينه بدون ما تخبط لكن التوضيب الكامل في حال التخبيط، بعدين اذا برجع نتذكر افضل موتر بالنسبه للشعب هو الكامري من ناحية الاعتمادية، لكن شف تاريخ الكامري كله مشاكل مصنعية والوكيل معطيهم اشكل، اذا ما كنت تدري ترا الكامري مكينه 2.4 فيها مشكلة مصنعية نقص زيت في كل الموديلات واغب المكاين وانا شخصياً واجهتها كانت تنقص علبه كل 2000 كيلو، وغيرها مشكلة الكامري تخبيط القير من موديل 2012 الى 2017 اغلب اللي معهم كامري واجهوها، فلا تقول ياباني وكوري، انا اعترف ان الياباني وخصوصاً تويوتا و نيسان اغلب سياراتهم اعتماديه لكن ماهو الكل.

[@عزامالقربان]

@@fwaz511n ماجبنا سيرة الياباني ولا احد طراه اما عن مشكلة انك توضب سياره توها جديده موديل السنه هذي ماتلقاها الا بالسوناتات صراحة كلمة حق ابدا ماتتقارن مع الكامري صحيح ان كلها واجهت عيوب مصنعيه لكن عيب عن عيب يفرق والكوامري تعدلت عيوبها المصنعيه بالكامل اما مشكلة قير الكامري اول مره اسمع عن ذا الشي وحتى اني بحثت عنه وطلع نادر جدا مو مثل السوناتا بالزمن ذا الي معه سوناتا ممشاها فوق ٢٠٠ الف وماوضب مكينة يعتبر انجاز 😂😂 وللمعلوميه تراني مالك لي جنسس 2014 ماني من ملاك الكامري عشان لاتحسب اني اطبل لها عشانها سيارتي لا والله لكن هذي الحقيقه ولاتزعل ونرجع ونقول ان انت ماشاءالله ماواجهت اي عيب ولا اي مشكله الحمدلله لكن غيرك كثيرين واجهو وانا اصلن لي تاريخ مزري مع سوناتا موديل 16 ووحده ثانيه موديل 19 قصة طويله ماودي اقولها 😂😂

[@d7meotibe900]

الكورد 19 ولا 18 اخر كلام😂😂

[@telealotstm3188]

كلامه صحيح ابحث ويطلع لك من 2018 و طالع الكمبروسر يتعطل

[@ابونايف-ش6ز6ن]

خراب الكمبريسور زي خراب المكينه؟

[@fwaz511n]

لا ما له دخل، خراب الكمبريسور يعني المكيف ما يصير بارد بس، اما باقي السيارة شغال وتقدر تستخدمها بدون اي مشكلة لكن خراب المكينه غير ما تقدر تستخدم السيارة.

[@ابونايف-ش6ز6ن]

الكوري نفس الصيني الفرق توفر قطع الغيار و اماكن الصيانة

[@عزامالقربان]

@@ابونايف-ش6ز6ن تقدر تقول 😂

[@Lvro]

عشان كذا دايم نقول لا تاخذ اول دفعه و خلك على الياباني و الامريكي.

[@عزامالقربان]

صادق قسم بالله

[@Tik-TV]

اعفن سياره استخدمتها كلها خرابات

[@mohammedalrashed1132]

كوري بعده فاشل