ثورة يناير

فى يوم من أيام شهر ابريل سنة 2010.. وصل المشير طنطاوى لمبنى المخابرات الحربية.. وكان واقف يستقبله اللواء أركان حرب عبد الفتاح السيسي مدير المخابرات الحربية وقتها.. بمجرد ما دخل المشير طنطاوى مكتب اللواء عبد الفتاح السيسي.. سأله سؤال واحد.. خير يا عبد الفتاح؟.. طالب تقابلنى ليه؟.. فاللواء عبد الفتاح السيسي سلمه ملف مكتوب عليه سرى للغاية.. وقاله يا فندم هتلاقى جوه الملف ده خطة المخابرات الحربية للتعامل مع الثورة اللى بنتوقع اندلاعها فى مصر شهر مايو 2011.. خد بالك شهر مايو.. والثورة حصلت 25 يناير.. يعنى سبقت توقعات المخابرات الحربية بـ 4 شهور.. وده له معنيين.. الأول.. ان تقدير المخابرات الحربية كان صح بان فى ثورة هتحصل.. أما المعنى التانى.. فهو ان الشعب المصرى كان أسرع من المخابرات الحربية ومن النظام الحاكم كله.. لأنه اتحرك قبل تقدير المخابرات الحربية بـ 4 شهور.. وقبل تقدير المخابرات العامة بسنة كاملة.. وهحكيلك تفصيلة المخابرات العامة واللواء عمر سليمان كمان شوية..
لكن حد من حضراتكم يسأل هنا سؤال مهم.. ليه المخابرات العامة والحربية توقعوا اندلاع ثورة فى مصر؟.. أقولك لسببين.. الأول وهو الفساد اللى كان ناتج عن زواج رأس المال بالسلطة.. يعنى ايه الجملة دى؟.. يعنى هات رجل أعمال وعينه وزير وارفع عنه الرقابة.. هيعمل ايه؟.. هيستغل نفوذه علشان يحقق مكاسب شخصية.. وده اللى زاد خلال الفترة الأخيرة من عهد الرئيس مبارك لما ابنه جمال مبارك بدأ يظهر على الساحة السياسية.. وتولى منصب أمين عام سياسات الحزب الوطنى.. وظهر من بعده أحمد عز وغيره من رجال الأعمال اللى بدأوا فى استغلال نفوذهم لاحتكار السوق لحسابهم..
أما السبب التانى فهو مشروع التوريث.. مشروع التوريث اللى كان رافضه الجيش زى ما الشعب رافضه بالظبط.. الفصيل السياسي الوحيد اللى كان موافق على مشروع التوريث هو جماعة الإخوان.. وده بالمناسبة كلام قيادات الإخوان نفسهم.. وتحديدا القيادى محمد حبيب واللى كان نائب المرشد العام لجماعة الإخوان.. لما كشف ان محمد بديع المرشد العام لجماعة الإخوان اتوافق عليه من النظام كمرشد للجماعة.. بعد ما هو نفسه وافق على مشروع توريث الحكم لجمال مبارك.. ومش بس تصريحات محمد حبيب اللى بتكشف ده.. تزايد أعداد النواب الإخوان فى البرلمان هى كمان كانت بتثبت ان فى صفقات سياسية متبادلة.. كانت بتثبت ان فى تعاون.. فمثلا عدد الإخوان فى مجلس الشعب سنة 2000 كان 14 واحد بس.. فى حين ان سنة 2005 زاد عدد أعضاء جماعة الإخوان فى مجلس الشعب من 14 لـ 88 نائب.. وبما ان النظام كان المسؤول الأول والأخير عن تزوير أى انتخابات.. فده معناه ان أعضاء جماعة الإخوان منجحوش بالصندوق.. معناه انهم نجحوا بموافقة النظام.. وإلا كان النظام زور نتايجهم وسقطهم.. ودى الحقيقة مفارقه عجيبه ان جماعة الإخوان اللى كان أهم مطالبها فى ثورة يناير هو إسقاط مبارك.. تكون هى الفصيل السياسي الوحيد اللى كان موافق على مشروع التوريث..
المهم نرجع للمشير طنطاوى واللواء عبد الفتاح السيسي.. فى نفس القعده دى.. اللواء عبد الفتاح السيسي قال للمشير طنطاوى إن الرئيس مبارك زهد الحكم من يوم وفاة حفيده فى شهر يونيو سنة 2009.. وعندنا معلومات انه قرر يعلن استقالته فى مايو 2011.. حضرتك تقولى طيب لما هو كان هيعلن استقالته من نفسه.. المخابرات الحربية توقعت اندلاع ثورة ليه؟.. هقولك.. سبنى بس أحكيلك ومتقاطعنيش.. زى ما المخابرات الحربية عرفت ان الرئيس مبارك ناوى يستقيل.. عرفت برده انه ناوى يرشح ابنه جمال من بعده.. وبما إنه عارف ان قيادات الجيش مش موافقه على موضوع التوريث ده.. فقرر انه يغير قيادات الجيش.. علشان يختار ناس يضمن موافقتهم على مشروع التوريث..
فرد عليه المشير طنطاوى وقاله طيب وبعدين؟.. فاللواء عبد الفتاح السيسي قاله المشكلة مش في قيادات الجيش.. لكن المشكلة الأكبر فى الشعب.. لأن قيادات الجيش هتعبر عن رفضها للتوريث بالكلام مع الرئيس مبارك بشكل مباشر.. لكن الشعب مفيش قدامه طريقه للتعبير عن رفضه غير النزول للشارع.. وده معناه ثورة شعبيه.. والثورة معناها ان النظام الحاكم هيستخدم الشرطة لفضها.. والشرطة مهما بلغت قوتها.. إلا إنها اتكونت لمواجهة الجريمة مش مواجهة الثورات.. خصوصا وان الثورات بتستمر لأيام طويله وفى أماكن واسعه.. وعدد أفراد الشرطة محدود.. وبالتالى فالثورات عمرها أطول من عمر قوات الشرطة.. فهتنهار الشرطة وهيكون سهل قدام أى قوى خارجية.. انها تعيد توجيه الثورة الشعبية لتنفيذ أجندات معادية للبلد.. وهنا مش بس النظام اللى هينهار.. لكن الدولة كلها هتنهار.. وفعلا تتحقق كل كلمه توقعها اللواء عبد الفتاح السيسي مدير المخابرات الحربية.. وتنهار الشرطة بعد 4 أيام بس من اندلاع ثورة 25 يناير.. وتبدأ قوى داخلية وخارجية فى استخدام الثورة.. فتكون النتيجة هى اقتحام السجون.. وهروب المساجين اللى على رأسهم قيادت جماعة الإخوان.. واستهداف الكماين وأقسام الشرطة.. وسرقة المتاحف.. وحرق وسرقة المنشآت زى المجمع العلمى اللى كان بيضم أكتر من 200 ألف كتاب نادر عن تاريخ مصر.. أغلبهم اتسرق قبل ما المبنى يتحرق علشان محدش يسأل عن الكتب اللى اتسرقت ويبان انها اتحرقت والموضوع خلص..
وكان أول واحد يأكد بدون ما يقصد.. بُعد نظر مدير المخابرات الحربية.. هو الدكتور محمد مرسى.. لما تم تهريبه هو وأكتر من 23 ألف سجين بعد اقتحام 11 سجن.. وأول حاجه عملها هو انه اتصل بقناة الجزيرة يعمل مداخلة تليفونية.. رغم ان النظام الحاكم فى مصر وقتها كان قاطع الاتصالات فى مصر.. علشان يتضح بعد كده انه كان بيتكلم من تليفون الثريا المتصل بالأقمار الصناعية.. ومش عارف الحقيقة مين البلطجى اللى هيقتحم سجن ومعاه تليفون متصل بالأقمار الصناعية ويديه لواحد من قيادات جماعة الإخوان علشان يعمل مداخله فى قناة إخبارية..
المصادر
كتاب سنوات الخماسين بين يناير الغضب ويونيو الخلاص
#المواطن_سعيد #التوريث #ثورة_يناير

[@abdelgalilnagib6821]

كنت احد افراد القوات المسلحه كامجند اقسم بالله بالرغم من كل الظروف الصعبه ال مرينا بيها بس فى احساس حب غريب للوطن والارض غير عادى من عند الله...احسنت استاذ احمد

[@emimo8805]

الله عليكم ربنا يحفظكم ويسلمكم ياخير الاجناد

[@carlocarlo5662]

الله عالهبد

[@4hhne]

​@@carlocarlo5662ياعم اقسم بالله الشعب المصري دة نسبه كبيره جدا منه بتحب التعريض والأخذ علي القفيان

[@rashedali7118]

ليش ما تسوي زراعة شعر تقلد تشرشل 😂

[@user-wj8lp5jc4r]

هذا الكلام لايعجب اي خروف من خرفان الإخوان

[@Mo-oy9nx]

الله يحفظ مصر من الفتن والارهاب ما ظهر منهم وما بطن .. اللهم لا تعيد المظاهرات واهدينا جميعا ووحد صفوفنا ياالله ❤

[@anahoka3556]

شاهد العملية الكاملة للقوات الشيشانية في اوكرانيا والتي استولت فيها الجيش الشيشاني علي مركبات اوكرانية وقدريوف يتباها لقد استولينا عليهم. kzbin.info/www/bejne/lWbdn6t7qp6Ap7c

[@princeofcairo7635]

مفيش حاجة اسمها فتن فهى أما ثورات او حروب اهلية

[@baahubalibaahubali5721]

من العراق لكم أطيب التحايا عاشت مصر وعاش الجيش وعاش الشعب

[@R.N.16.]

❤️🇪🇬🇮🇶❤️

[@user-fe3hu5lz2v]

عن جمله اللى واقف فى السلوم بيحمى بلده...أنا كنت عسكرى فى الفرقه 33 مشاه وليا الشرف بأداء خدمتى لبلدى ولأهلى ومنتهى الشرف بخدمتى للقوات المسلحه🇪🇬🦅

[@user-oj4yo1vs7m]

راجل ❤

[@yassinyasso1687]

عاش❤💪🇪🇬

[@marwanahmed2410]

ممكن حلقة عن حوار تحريك قوات المدرعات المنطقة ب و ج ، + تصدى اللواء مهاب مميش للقوات البحرية الأمريكية فى 2013 ؟ عشان يبقوا حلقتين ورا بعض يفهموا الناس ويلخصوا ٣ سنين فى ساعة لايكات يشباب عشان يشوف الكومنت

[@y.a7679]

مفيش اى مراجع لكده

[@user-mz4bt4gg3n]

ياريت

[@bahmedab]

و انت مصدق ان الهبل ده حصل؟

[@Rr-vp9sf]

ياريت والله يا استاذ احمد ❤️

[@abdallahayman4123]

ياريت والله

[@user-zg6jd1nk1s]

عسى ربي يدوم حفظ الامن على اخوانا في مصر 🇸🇦🇪🇬

[@omaramr3914]

دا.كداب مزور كل شي لو الكلب دا ملوش طمع في الحكم زي مابيقول ليه غير الدستور بالمخالفه للدستور اصلا حتي يسمح له بالبقاء في الحكم انزل مصر وشوف الناس الاشكال دي كدابه

[@user-dh8pf1xf8i]

أحلى كلام سمعته بخصوص الثورة ودا لأنى حسيت الصدق في كل حرف إتقال جزاك الله خيرا.😅

[@user-fz7kc3mz4q]

حفظ الله مصر من كل شر 🇸🇦❤️

[@mosrandy4175]

آمين.. اللهم احفظ المملكة العربية السعودية حكومة و شعبا.. 🇪🇬❤️🇸🇦

[@elazmi906]

والله يا مواطن انا بفتح اليوتيوب عشانك جزاك الله خير الجزاء حفظ الله مصر وشعبها

[@Mohammedabdelaziz99]

ناقشت الموضوع بشكل مختلف من منظور مختلف أبرزت فيه أموراً لم يتطرق لها أحد من قبل. مبدع💯"ياريت تعمل سلسة عن ثورات الربيع ومذكرات هلرى كلينتون مخططات التآمر المستمرة ف تلك الفترة".

[@moedorgham47]

انا اتولدت و عشت فمصر 30 سنه و هاجرت أستراليا فى 2012. أنا عشت الجزء ده من تاريخ مصر و شاركت فى اللجان الشعبيه! انا متفق تماما مع كل الحقايق الى بتقولها فى حلقاتك! مع انى اخدت الجنسيه الأستراليه, مقدرش انسا مصر بالى فيها و صحابي و أهلى وناسي. الجيش طول عمره من الشعب و لحمايه ااشعب فقط!! انا حقيقي مفتخر بمواقف الجيش و لحمايته لينا كلنا فى كل الفترات التاريخيه! مش ثوره يناير بس! ربنا يحميكوا فى مصر!

[@gearbox9370]

رحمة الله على من مااات ووفق مصر واهلها لكل خير ولله ان مصر بلد حبيب على قلب كل مسلم حتى رسول الله صلى الله عليه وسلم استوصى باهل مصر خير 🇸🇦❤️🇪🇬

[@user-hh7ee5gk4y]

تحيااا للجيش المصرى وسلاح مصر وشعبهااا

[@ibrahimalsayed873]

ربنا بعالي عرشو يحمي مصر العروبة والشعب المصري العظيم والجيش المصري البطل ...

[@amelrefat1789]

انا لما شفت الثوره كان عمري 11 سنه والحاجه الوحيده اللي فاهماها هي ان الدنيا كانت والعه بس حقيقي شكرا علي المعلومات المفيده والاسلوب البسيط بتاع حضرتك

[@Stories.of.Islam18]

الحمد لله كنت من المشاركين في ثورة يناير والامتداد الثورى في 2013 حفظ الله مصر وشعبها وجيشها العظيم

[@user-ft2kp8ts8f]

انا بحبك وبحب حلقاتك اول تعليق تحيا مصر ارضآ وشعب وقيادة 🇪🇬✌️🇵🇸

[@hossamhamdyabdallamohameda4976]

فعلا بالرغم انها كانت ايام صعبة ولكن قدر الشعب المصري يفرض جميع مطالبه بمساعدة الجيش المصري العظيم

[@alicule5577]

‏من أعظم مطالب الدنيا: "كفاية الهم" ومن أعظم مطالب اﻵخرة: "غفران الذنب" وهما مضمونتان بالصلاة على النبيﷺ❤

[@mahmoudmohamad7382]

ﷺﷺﷺﷺﷺﷺ

[@aliandaliaa7657]

كل الحب والتوفيق لك ولشعب مصر العظيم وجيشها الأعظم وربنا يحفظكم يارب ويحفظنا من كل الشرور متابعتك من السعودية .

[@ashrafashraf2926]

اللهم احفظ مصر 🇪🇬 وجيشها وشعبها العظيم تحيا مصر 🇪🇬 وتحيه طيبه لمجهودك في الحلقه اخويا الموطن سعيد 🥰

[@anahoka3556]

شاهد العملية الكاملة للقوات الشيشانية في اوكرانيا والتي استولت فيها الجيش الشيشاني علي مركبات اوكرانية وقدريوف يتباها لقد استولينا عليهم. kzbin.info/www/bejne/lWbdn6t7qp6Ap7c

[@3bdelhamed722]

ما بلاش تغيب عنا تانى❤️

[@ahmadalmuhairi2952]

انتو ابطل علي مر التاريخ ياشعب مصر العظيم ويشهد الله اننا نحبكم في الله نبقي اخوان علي مر الزمن ان شاءالله محبكم في الله من شعب الامارات 🇦🇪

[@mernaeltahawy760]

25يناير لم تكن ثورة بل كانت مؤامرة وكان هدفها صعود الإخوان للحكم لأنهم مجرد أداة لتنفيذ المؤامرة ولكن عناية الله أنقذت مصر وجعل الجيش والسيسي سببا لإنقاذ مصر من الدمار . الحمد لله

[@user-wh5ut4ri8b]

هو انقذنا لدرجه انه خربها

[@mamdouh_sabry6886]

اخيرا انا بكون قاعد مستني حلاقاتك - بالتوفيق يا افضل شخصيه يوتيوبر علي الاطلاق ♥️

[@user-jq7lx7yv5t]

لك أن تتخيل إني بتفرج علي حضرتك من باقه التليفون وده 🤣🤣وده اكبر دليل إني بحب حضرتك ياريت حلقات من دي وعن القوات في سيناء وقت الثوره وعن احداث الأمن المركزي أيام مبارك وعن احداث المحله

[@anahoka3556]

شاهد العملية الكاملة للقوات الشيشانية في اوكرانيا والتي استولت فيها الجيش الشيشاني علي مركبات اوكرانية وقدريوف يتباها لقد استولينا عليهم. kzbin.info/www/bejne/lWbdn6t7qp6Ap7c

[@user-ef8qg7ow2p]

هههههههههههه

[@user-nb2qs5uj6r]

😂😂😂😂

[@HossamAbbas1975]

كلنا هذا الرجل😅🤣

[@nasererhama8504]

حفظ الله مصر 🇪🇬 وشعبها العظيم وقواتها المسلحة .. من قلب الامارات 🇦🇪

[@user-zi8hb6yq3y]

مين يفزع للعروسة غير اهلها ههههههه انت راح تفهمني شوية شغل عقلك

[@mohamedelharouch1803]

يا فرحت المصريين با هدا أرجل يروي للشعب أي حاجة فبلدهم يا ريت لو في واحد مغربي زي ✌👍

[@ZakiZaki-gj4lf]

تكلم بالدارجة

[@amr.--]

يعم اقعد ده مؤيد للديكتاتور الحاكم و بيطبله و بيطبله بجهل و كدب كمان 😂

[@mohamadfisli]

لي يتكلم يجلس على القارورة😂😂😂

[@Ahmedhamada7778]

احلى اشعار كنت مستنيه من اخر فيديو نزلته حبيبي ❤

[@abdullahohamed6600]

حفظ الله جيش مصر العظيم 🇪🇬🇪🇬

[@namtooh]

1-المطالب اللى في الدقيقة 7 لو اتطلبت في الوقت الحالي فكرك هتبقي مطالب مشروعة ولا هتتواجه باتهامات 2- لماذا لا تتدخل المخابرات لانقاذ الشعب من الاجراءات والقوانين والقروض التي يتم اتخاذها من النظام الحالي وتسبب كوارث اقتصادية ؟ 3- لما ذا لم يتم عمل المجالس المحلية الي الأن منذ تولي الرئيس السيسي الحكم؟ 4- لماذا لا يتدخل الجيش المصري في انقاذ أصول الدولة التي يتم تخصيصها وبيعها في اخر سنتين ؟ 5- كيف يكون رصيد عائلة اللواء عمر سليمان رحمه الله بملايين الدولارات وقد كان ذو منصب حساس فى الدولة ؟ أتمني انك لا تتجاهل اسئلتي كما تفعل وتجاوبني حتي ولو برسالة

[@nasmohsen6432]

حفظ الله مصر واهلها 🇸🇦🇸🇦🇸🇦🇸🇦

[@mosrandy4175]

اللهم آمين ... و عاشت المملكة العربية السعودية.. اخواتنا اللي واقفين معانا دائماً و رحم الله الملك فيصل اللي وقف معانا و احنا بنحط عالصهاينة اليهود في معركة الكرامة ١٩٧٣ .. و رحم الله الملك عبد الله اللي وقف مع مصر و ربنا يحفظ الملك سلمان و ولي العهد محمد بن سلمان و كل الشعب السعودي.. 🇪🇬❤️🇸🇦

[@nasmohsen6432]

@@mosrandy4175 حبيبي يا باشا راندي الله يكرمك ويكرم الامة العربية والإسلامية بجنات النعيم

[@nasmohsen6432]

@@mosrandy4175 اللهم ارحم جميع المسلمين والمسلمات ... امين يا رب العالمين

[@g2spider143]

ت

[@user-ut4iy8kc6o]

حفظ الله مصر وشعبها وجيشها العظيم ..الجيش الذي لا ينحاز لا للشعب والبلاد ومصالح البلاد ...آه آه لو كان عندنا هنا في اليمن مؤسسه عسكريه ولائها للبلاد ما وصلنا الى ما وصلنا اليه من حروب ودمار وخراب .. حفظ الله مصر قلب العروبه النابض.❤

[@emimo8805]

ربنا يحفظك ويحفظ اهل اليمن وترجع افضل مما كانت يارب العالمين❤️

[@ryyanaaa4047]

السعوديه قلب العروبه لا تخلط الامور والافعال خير دليل

[@fouadalfike4500]

​@@ryyanaaa4047 ولا تزعل نفسك مش عاوزين نبقي عرب اصلا

[@GhGh-sj4wb]

@@fouadalfike4500وكأن الموضوع بإيد حضرتك اصلا لا مأحذه😂😂 انك تقرر تكون عربي او لا مفكر الموضوع بدي البساطة ولا كانو فيه DNA وجدك الاكبر هل اصله من اليمن ولا الحجاز ولا العراق لو كان الموضوع كده بذي البساطة لان قررت دلوقتي اصير هندي😂😂ومو عربي اصلا رغم انو اجدادنا عرب اولاد عرب لكن هيا قدعنة

[@ahmedibrahim367]

ياجدع انت عاملى عمل بستناك بفارغ الصبر بجد انت شخص مثقف ومقنع وعندك كريزما غير طبيعية سواء ف نبرة صوتك الثابتة وتعبيرات ايدك وجسمك تدل ع انك نمبر وان ف الميديا تحياتى لحضرتك أ.احمد ونفسي تعمل حلقة عن ٣٠ /٦

[@yathoyatho4049]

حفظ الله مصر و شعبها

[@user-gf1ut8ho7y]

حفظ الله مصر وشعبها وجشها من كل شر وسوء 🇪🇬 🇪🇬 🇪🇬 🇪🇬 🇪🇬 🇪🇬 🇪🇬

[@karimadel6385]

شاهد العملية الكاملة للقوات الشيشانية في اوكرانيا والتي استولت فيها الجيش الشيشاني علي مركبات اوكرانية وقدريوف يتباها لقد استولينا عليهم. kzbin.info/www/bejne/lWbdn6t7qp6Ap7c

[@AnaAna-lg1ut]

اوباما هو من اشعل الثورة او النكسة

[@user-kq4om9vj6u]

نكسة_______ 25 يناير وكسة_______ 25يناير مؤامرة ______25يناير

[@user-ly1ih5kf4n]

ثــورة 25 يناير انقذت مصر 🇪🇬 ❤✌🏻 ثورة شعبية ❤✌

[@ShahySingerOfficial]

الشعب المصري شعب اصيل بلدنا فوق راسنا يارب احفظ مصر 🇪🇬 ووسع رزقها

[@mohamedelarbyabokareem]

كل اللي قولته حقيقي في هذا الفيديوا وكذلك حلقة ثورة 30/6 حقيقي واشهد الله علي صدقه لمعايشتى كثيرمن هذه الاحداث عن قرب لشخصيات هامة تم ذكر بعض اسماؤهم في هذا العمل

[@omarahmadahmad4786]

تحياتي من ليبيا رسالتي لي المصريين حفظوا علي جيشكم

[@a.dewidar6811]

والله بجد تسلم ⁦♥️⁩⁦♥️⁩ وان شاء الله ترجع ليبيا زي الاول وافضل وجيش مصر معاكم بالخط الاحمر اللي رسمه الرئيس السيسي للاخوان في ليبيا لحمايه وحده اراضي ليبيا من التقسيم الي دوله شرق ليبيا ودوله غرب ليبيا

[@ahmedshaheen8558]

اللهم امين

[@user-yn7im7gj7t]

@@a.dewidar6811 😂😂😂😂😂🤣🤣🤣🤣🤣🤣🤣🤣🤣🤣🤣🤣🤣🤣🙂🤣🤣🤣🤣

[@fareswalid4330]

@@user-yn7im7gj7t 🐑🐑🐑🐑

[@user-yn7im7gj7t]

@@fareswalid4330 😂😂😊

[@saikoox]

حلقة في منتهى الجمال ربنا يوفقك .. وسيبك من الناس اللي الكلام مش على مزاجها

[@hebakamal6440]

من فتره للتانيه احب اسمع الفيديوهات القديمه اللى عشناها علشان أنشط ذاكرتى وافتكر كل اللى عشناه بتفاصيله علشان متطغاش الاحداث الجديده عليا وافتكر كل اللى مرينا بيه وقد ايه استحملنا وتعبنا علشان نوصل للحظة البناء اللى بتعيشها مصر النهارده وكمان علشان يزداد تأكدى من أن مصر مش هتتساب تعيش فى امان بسهوله كده وقد ايه كل العالم عارف قيمة مصر وبيتصارع للفوز بيها واللى لازم نعمله أننا نعلم ولادنا قد إيه بلدنا غاليه وترابها ده ممزوج بدم رجالتها اللى حافظوا بأرواحهم عليه . واننا لازم نستكمل المسيره ونستحمل الضغوط اللى بتمارس على مصر علشان تسلم فيقع الشرق كله بين أيادى الغرب اللى عاوزه تنهب ثروات أوطاننا مصر بإذن الله محفوظه وعزيزه بفضل الله وحده وبتسخيره لجنوده من جيشها اللى هو من قلب شعبها الحر تحيا مصر ويحيا جيش مصر ويحيا شعب مصر اللهم إحفظ مصر اللهم إحفظ مصر اللهم إحفظ مصر

[@osamareda7253]

الله بشكرك عيشتنا في ايام صعبة ذكريات لا يمكن ان ينساها العقل فخور جدا بمصر وبفخور بشاب مثلك رعاك الله

[@alielsayed4884]

يا اخي بعشق طريقة القائك و سرد الحكايات

[@user-tu8de1jq6m]

ايها الشعب المصري الذي احبه .. البعض منكم وهم قلة يقولون انكم في تاثر وتشتكون والله لئنكم في حفظ الله وفي حضن رجل وقائد عظيم .. احمدوا الله انكم لستم الصومال ولستم بحرب ولستم بمجاعة انتم في نعم قال تعالى ولئن شكرتم لأزيدنكم .. اللهم بردا وسلاما على مصر العشيقة بلدي الثاني التي لن يتخلى عنها السعوديين ولا الاماراتيين لاننا واحد واعلموا انكم اقرب الشعوب لارواحنا من اي دولة خليجية فلم يعاشر اكثرنا ولم يتعلم منا احد في المدارس الا معلمون من بلدكم من عهد اجدادنا.. ولم يزاملنا الا انتم مذ الطفولة ... مصر بلد عزيزة لن يذلها الله لانها توحده وتخلصه ... سيطهر الله الاعداء عاجلا وقد انتصرتم بفضله .... احبكم احبكم واثور بدمي لمن تطاول على صفكم..سوار

[@user-oj4yo1vs7m]

المصريين الحقيقين صابرين الاخوانجية فقط هم من يشتكون ولكن أن كان الريس منهم كانوا سيقولون فصبر جميل

[@nooreldean7046]

الله ينور بصيرتك زي ما نورتنا

[@user-nc3gq6fx9t]

برافوا عليك يا أستاذ أحمد ويقال ان نفس العرض تم عرضه على المشير أبو غزالة أثناء أحداث الامن المركزى للأنقلاب على مبارك ورفض ابو غزالة وكان بطريقه غير مباشره بعد ملاحظه الشعبية التى كان يحظى بها المشير بعد سيطرته على الشارع 💯👌❤️🌹😍✌️🇪🇬

[@khalidelgalali5065]

اكتر من رائع 🌹❤️🌹 حفظ الله الوطن .. ❤️ .. حفظ الله الجيش المصري و شعبنا العظيم حفظكم الله يا استاذ احمد ❤️ الف الف تحيه لحضرتك

[@AsNee-nn4rz]

تحيا جيش مصر وشرطه مصر❤❤❤❤

[@esamali6453]

هناك كثير اخرين لا نعلمهم ولكن كلنا ثقه فيهم لحفظ مصر وشعبها رحم الله شهداء الوطن واعان رئيسنا علينا لتكن مصر في المقدمه دائما تحيا مصر ومشكور استاذ سعيد

[@alsaidjaber8008]

حلقة سوبر كالعادة يا زعييييم 🔥 قليل ما ألاقي حد ينسجم و يتلاقى مع أفكارى زى حضرتك ❤

[@karimadel6385]

شاهد العملية الكاملة للقوات الشيشانية في اوكرانيا والتي استولت فيها الجيش الشيشاني علي مركبات اوكرانية وقدريوف يتباها لقد استولينا عليهم. kzbin.info/www/bejne/lWbdn6t7qp6Ap7c

[@bishoywilliam2085]

حلقة مهمة واعداد قوي .. بالتوفيق دايما

[@user-nt1sk5mx6v]

حفظ الله مصر 🇪🇬

[@zaater2006]

اعدت بهذه الحلقة ذكريات ايام الخوف والترقب. الحمدلله ان أعاد الله لنا مصر الامنة.

[@user-oj4yo1vs7m]

المصري الأصيل صاحب الدماء المصرية الأصيلة الملكية التي لا تشوبها شيء لديه حب غريزي لوطنه ❤

[@eslamtito1284]

عاش الجيش المصري على وطنيطه خير اجناد الارض

[@mohamedshalabi6202]

تحيا مصر و يحيا الجيش المصرى ليوم الدين فهم خير أجناد الأرض. مصرى و أفتخر

[@AyaAhmed-xy5pt]

كل التحيه و التقدير للمؤسسة العسكرية المصريه 👏🏻❤️

[@mohabjamel9647]

الله يفتح عليك فيديو هام جدا لتأريخ فترة هامة فكرتنا بأحلى ايام و احلام

[@user-oi8jb1se5k]

نشكرك على ادائك الممتاز وربنا يرحم المشير طنطاوى دافع عن البلد بكل المقاييس وربنا يدخله فسيح جناته والجيش أتعرض للاضهاد وظلم جامد لكن جيشنا العظيم وربنا ينصرة دافع عن البلد وحامى البلد من أعداء مصر فى الداخل والخارج وهو خير اجناد الارض وهو فوق رؤوسنا ونشكر القناة

[@abodahab6606]

حضرتها يوم يوم وساعه ساعه ربنا يحمينا ويحمي جيشنا ويهديك يا ابو حميد وتعمل حلقه كل يوم ويوم

[@ayamohamed9097]

ربنا يبارك لك انت صوت المخابرات المصريه ❤❤

[@khaledhassansheha6122]

كل الي أقدر أقوله لك تسلم على الموضوع الرائع النابع من القلب تحياتي لك وربنا يحفظ مصر وشعبها ورئيسها وجيشها الوطني وجميع الشعوب العربية والإسلامية

[@ghadaesmat9999]

ربنا يحفظ جيشنا ورجاله العظماء ويحفظ بلادنا من كل ذي شر

[@aehabsherif]

فعلا الجيش ملوش طمع في السلطة خالص حتى احنا عايشين في نعيم بسببه ايه الجمال ده يا حسين

[@fareswalid4330]

روح شوف الفرق بينا و بين سوريا و تبقي اتكلم

[@zahraanour2385]

على فكرة بيمسحو التعليقات اللي مش عجباهم لاني علقتلك امبارح ولناس تانيه وشالوها بالواحدة فيه ناس قاعدة مخصوص لكده

[@princeofcairo7635]

@fareswalid4330 لايجوز منطقيا مقارنة مصر بسوريا، سوريا إلى دمرها وقتل شعبها هو جيشها الفئوى، ومصر جيشها بأستثناء القيادات هو جيش وطنى وليس فئوى

[@peterwanees9047]

شكرا يااحمد فكرتني بايام اتعاشت صعبه واحداث شفناها بعيوننا وبقت بتتوثق دلوقتي .. كمل ربنا يحميك

[@mohamedzenhom5451]

افضل قناة بمعني الكلمة .شكراًليك على مجهودك

[@aymantawfik9605]

الفيديو ده توثيق للحقيقة اللي بيحاولوا يزيفوها للاجيال الجديدة زي تزييف ثورة 30 يونيو،، بجد الاعداد روعة و التقديم أروع

[@mahmoudsaleh8772]

توثيق بدون مايقول دليل ع حرف واحد كله قال وقالولي وقولنا وقالنا 😂

[@abuelnaga3009]

@@mahmoudsaleh8772 بيروي احداث عشناها يا نطع

[@ahmedfatah8204]

@@abuelnaga3009 هو المعلومات اللي بيقولها اللي معظمها سرية وتحتاج لتوثيق انت عشتها فين ؟! انا مصدق ان مبارك كان هيستقيل ؟ وان الجيش الخوف مش منه انما الخوف من الشعب ههههههه

[@ahmedfatah8204]

ههههههه

[@ahmedfatah8204]

هو اظهار للحقيقة المخفية على الناس بس الكدب ملوش رجلين يعني انت اعترفت بفساد نظام مبارك وتزوير الانتخابات وبتقول ان الجيش رفض استقالة مبارك !!! يعني الجيش والمخابرات راضيين بالفساد والتزوير ؟؟!! هو ده معنى كلام الباشا اللي بيوثق الحقيقة ههههههه

[@HazemAhmed-lk2em]

(احمد سعيد )افضل من مؤريخين كتير كتبو كتب ملهاش لازمه وبيدرسوها تلت تربعها غلط للاطفال فعلا حضرتك تستحق انك تكون من افضل الصحفين في الوطن العربي ١-شرح بالتفصيل ٢-حديث من شخص مصقف جدا ٣-شخصيه مفيده للاخرين فعلا احب اشكر حضرتك علي المجهود الكبير ده ❤

[@user-lv3cs3pl6d]

ربنا يحفظ مصر وشعبها العظيم

[@user-uy5dx3ch5l]

تحيا مصر تحيا مصر تحيا ربنا يحفظ مصر وجيشها وشعبها💚👍💯

[@ihssanfadel5416]

عاش الجيش المصري اسد العرب وحامي الامة العربسة حفظه الله مصر والجيش المصري

[@ahmedreda754]

حفظ الله مصر ❤

[@user-du4lb2ls7o]

انا حقيقي فخوره بجيش بلدي تحيا مصر

[@hadeerfikry9434]

عاشت مصر عظيمه وجيشها العظيم وشعبها البطل❤

[@ahmedelfeky9151]

الحمدلله على نعمة الوطن 🇪🇬✊🇪🇬✊🌹تحياتي من إيطاليا ميلانو تحيا مصر 🇪🇬💞

[@user-jp9es5nt3b]

ارجع شوف العذاب اللي احنا فيه

[@ahmedzaater9170]

@@user-jp9es5nt3b ‏إحنا الجيل البطل إللي تحمل "علقة الإصلاح الإقتصادي" علشان أولادنا و أحفادنا ولنا الفخر . ومهما قالوا علينا هنفضل الجيل اللي حافظ علي مصر واخد بإيدها ولم يكشف ضهرها امام العدو في اسوأ فترة مرت علي مصر في هذا القرن إحنا الجيل اللي أحبطوه وشتموه عشان وافقنا عالإصلاحات ووقفنا مع رئيسنا وهو بيبني بلدنا ، إحنا الجيل اللي إستخدم موبايله كخط دفاع عن مصر وعملنا دعايه لمشروعاتنا وواجهنا الإشاعات ونشرنا الحقايق ✋. -علموا أولادكم حب الوطن والجيش -علموهم أن من يستقوى بالخارج خائن -علموهم ان الوقوف ضد ارادة الوطن خيانه -علموهم اننا كلنا مواطنون وان المطالب القبليه خيانه✋ -علموهم ان الدم يهون في سبيل الوطن -علموهم معني العزة والكرامة و التضحيه، فسياتى على احدهم يوما ما يقرر مصير الامه✋ -علموهم ان كل غربان التهييج صبيان لرجال اعمال تقاطعت مصالحهم مع مصالح الدوله -علموا اولادكم حب الوطن و أن هناك أرواح عشقت الموت لكى تهب اوطانها الحياة، ضحت بأغلى ما تملك من أجل ان تظل شمس الوطن مشرقه✋ -علموهم أن الجيش هو درع الوطن وسيفه -علموهم ان الحياد وقت الحرب خيانه -علموهم اذا كان زمن المعجزات قد انتهى فإن الشعب المصري هو المعجزة الخالدة، والذي بسواعده وسواعد أبنائه ورجاله، يتحقق دائما العهد الإلهي بحفظ مصر -علموهم ان مصر ستبقى عمق الحضارة البشرية كأول دولة مركزية فى تاريخها عبر سبعة آلاف عام بموروثها الحضارى.. وستصبح عمّا قريب هى السياسة والاقتصاد والاجتماع والتاريخ والجغرافيا والمكان والإنسان✋ -علموهم ان مصر مثل طائر العنقاء الأسطوري الذي يُبعث من تحت الرماد ، ويعود من خلف الغيوم ليسطع اسمها من جديد ويزلزل الأرض تحت أقدام العبيد ... .مصر خُلقت للخلود -علموهم اننا" هنفرض ارادتنا" . "وان شروط بقائنا" بقيت بأيدنا مش بايد واشنطن ولا لندن ولا اى قوى اخره✋ -عرفوهم ان القياده الوطنيه المصريه المخلصه تصيغ بحكمة وثبات معادلات الامن القومي.المصرى . وسط جحيم من الجدل ولهيب من التعقيد والتربص -عرفوهم ان مصر ستظل الدولة الاكثر وعيا وفهما لحقيقة اللعبة التى راقبتها من بعيد ولم تستدرج إليها بل والتى لم تدفع للاشتراك فى اى من المحاور الكاذبة التى صنعت جميعها لبناء عقبة كبيرة لها..✋ -علموهم ان مصر ستظل الدولة الاكثر تأثيرا بالمنطقة ويتأكد دورها من جديد✋ تحيا مصر باولادها الطيبين رغم انف المغيبين وتجار الوطنيه و الدين👌لانهامصر ‏‎حفــظ الله مصـــــــــر🇪🇬❤️ 🇪🇬 ✌️ ❤️ 🦅🦅🦅

[@ahmedzaater9170]

نحمد الله الذي وهبنا نعمة الأمن و الأمان . نحمد الله الذي أنعم علينا بزعيم نعم زعيم و ليس مجرد رئيس فقط . نحمد الله أنه أنعم علينا بالقائد المناسب في وقت لم تكن مصر لتعبر منه بدون الزعيم عبد الفتاح السيسي . في ظل النيران التي نعيش بينها ليس في الشرق الأوسط بل العالم كله . نحن نعيش في وقت قليل ما شاهده و مر به العالم سواء من حروب معلنه و حروب بارده . صعب على أي دوله أن تنموا إقتصاديا مع توازن في العلاقات الخارجيه مع دول العالم جميعا . من الصعب أن تكون انت محور العالم دون أن تنحاز لدوله على حساب الأخرى . من الصعب القضاء على الإرهاب و الفساد في وسط ذلك كله من أزمات إقتصاديه يمر بها العالم أجمع . من الصعب أن تلزم العالم بإحترام مكانتك و عدم محاولة مواجهه صريحه معك . كل هذا يحتاج إلى رجل قوي مصري خالص محب لوطنه أرضا و شعبا يعرف قيمة بلده. جميع دول العالم تمر بأزمات تجعل مجرد البقاء نعمه . نحن كل يوم نجد مشاريع و نجد إستثمارات و نجد أيضا زيارات خارجيه لجميع دول العالم للتعاون الإقتصادي و الأمني. يحدث ذلك لان زعيمك كان قائد المخابرات الحربيه المصريه و ما أدراك. يحدث ذلك عندما تحسن من يكون حولك يعمل معك و أكيد أحسن الزعيم الإختيار . يحدث هذا عندما تجد جيشا يتطور من حيث التسليح مع العقيده الثابته النصر أو الشهاده. يحدث ذلك عندما يراعي قائدك الله في رعيته فيبارك له الله في أعماله. تحيا مصر تحيا مصر تحيا مصر

[@user-yv5wx2yl3u]

@@ahmedzaater9170 ههههههههههه هو انت ما تعرفش أن مصر عرت كتفها وكشفت ظهرها

[@aelagize9683]

@@user-yv5wx2yl3u ليه مفكرها ذي الي جابتك

[@rashedmoh3015]

حفظ الله مصر وأهلها وحفظ أوطاننا العربيه من كل سوء

[@anahoka3556]

شاهد العملية الكاملة للقوات الشيشانية في اوكرانيا والتي استولت فيها الجيش الشيشاني علي مركبات اوكرانية وقدريوف يتباها لقد استولينا عليهم. kzbin.info/www/bejne/lWbdn6t7qp6Ap7c

[@ahmedkamal468]

بقالنا كتييير مش بنسمع غير الكلام اللي يضايق عن ثورة يناير المجيدة اللي كانت سبب في التغيير الإيجابي اللي احنا عايشينه دلوقتي وليس ثورة 30 يونيو اللي جت تباعا انما التغيير الحقيقي بذرته كانت ثورة يناير مش زي ما الاعلام المصري المضلل بيحاول يلغي من عقول الناس حاجة اسمها ثورة يناير وبيهاجمها دايما والدولة سبب في التضليل ده بدل ما تحتفل بثورة يناير مع عيد الشرطة انما بيلغوا حاجة اسمها ثورة يناير من عقول الناس بكل الطرق شكرا جزيلا للمواطن سعيد

[@user-ct5cy2ck9c]

@@ahmedkamal468 اسمها نكسة 🌹

[@user-kq4om9vj6u]

نكسة_______ 25 يناير وكسة_______ 25يناير مؤامرة ______25يناير

[@aidamoussa3171]

ما اروعك...لم اكن فى مصر وقتها واكنى فهمت منك كل شئ..انت شخص رائع جدا تحيا مصر بجيشها الباسل وحفظ الله مصر بلادنا الجميله من كل شر..شكرا لحضرتك..

[@sayedhussein6986]

أسود يوم في تاريخ مصر على الاطلاق الله يرحم البطل محمد حسني مبارك

[@MoatazYacoubian1]

مع انى متابع حضرتك من سنين إلا أن ده من اجمل فيديوهاتك على الإطلاق عاش جيش مصر. لك كل التحية و الاحترام. من المواطن معتز إلى المواطن الجميل سعيد

[@Ahmed_Said]

تشرفت بمتابعتك 🌷❤️

[@bahaaeldsoke4268]

حفظ الله مصر . شكرا استاذ احمد لأنك فعلا قدمت محتوى للتاريخ حفظك الله ورعاك

[@mohamadezz9788]

موقف الجيش المصري طبيعي و منطقي لان جيش مصر هو جيش المصرين لانه يتكون من كل بيت في مصر يوجد به اثنان من الذكور عشت يا جيش بلادي

[@user-gm9vd1le6f]

ماشاء الله عليك شرح وافى كافى أعطى لكل ذى حق خقه

[@khaliltag]

ونعم الكلام...ربنا ينصر مصر ويوفق القادة لما فيه صلاح الوطن

[@emanmohamed5911]

يارب احمي مصر و الجيش المصري

[@faisalkhalaf1083]

مصر العظيمه مصر القويه مصر العريقه مصر وطني وبلدي مصر دمي عاشت بلادي ويحيا جيش بلادي

[@beshoyrefaat8011]

مبدع . عاشت مصر عاش جيش مصر عاش شعب مصر العظيم

[@moslaspahi4354]

اجمل جيش واجمل شعب لكم من اليمن الف تحية

[@user-wk9qe6xc4x]

اول مره مقتنغش باللي بيتقال في الحلقة انا غشت في البلد ديه وقت الثزرة

[@the_lord2275]

طبعا موقف محترم من الجيش وهو اصلا واجب على الجيش الوقوف بجانب الشعب في اي وقت واي زمان وموقف محترم برضوا من الرئيس الراحل انه اتخلى عن الحكم قبل ما الدنيا تبوظ اكتر

[@mohammad7370]

ايوة واجب عليه ولكن مش مجبور عليه ، كان يقدر يعمل نفس جيش بشار الأسد و يقتل شعبه كان ممكن يستولي على السلطة كان يقدر يعمل حاجات كثيرة ، الله يرحم المشير طنطاوي

[@ahmedmustafa8451]

لا باظت لما استمر في الحكم واهو الواقع اكتر حاجه واضحة لكن كان لازم يمشي لان معتش فيه حل غير عزله

[@sanaeldwesny6705]

كان قدام المشير طنطاوى اكثر من فرصة ليكون رءيس مصر لكن ربنا سبحانة وتعالى كان مرتب لمصر حاجة تانية

[@mohamedamer618]

فعلاً الجيش حرك كتيبتين مشاة ميكانيكية للمنطقة ب و ج بسبب إختراق اسرائيل لمعاهدة السلام و قوات بحرية أمريكية و بريطانية حاولت دخول المياة الإقليمية وحدث إطلاق نار من البحرية المصرية و الطائرات الحربية كانت بتحلق فوق ميدان التحرير لإثبات للعالم أن الجيش رفع الحالة القصوى ودى معناة أنة جاهز للحرب فعلاً الشعب المصري ربنا انعم عليه بجيش وطني

[@nourhanosama1097]

الحلقة جميلة و رائعة جدا كالعادة + الأداء الهادئ و البسيط ❤️🥀

[@Ghazalovm]

مع قليل من التزوير اللذيذ

[@user-zr9zf3vz5x]

ياسعيد بالله عليك ما تتاخر علينا وكلعاده برنس

[@SidaliBenmoussa]

من الجزائر اتمنى لكم التوفيق والنجاح في البلاد 🇵🇸🫀🇩🇿

[@user-hi6qw8ve4n]

‏لو كان الحكم انتقل إلى جمال مبارك كان والعلم عند الله حال مصر أفضل من ما هو الآن ولكن قدر الله وما شاء فعل ‏لأن الدول العربية لا يمكن تعيش على الديمقراطية تركيبه العربي تختلف عن الغربي لذلك لا يوجد دولة عربية نجحت فيها الديمقراطية أفضل حل للدول العربية هو نظام التوريث يضمن استقرار اكثر حتى لو كانت المعيشة صعبه لكن فيه استقرار اكثر ‏ومن حاكم إلى حاكم قد تتغير الأحوال وتكون الرفاهية

[@abdomagdy1179]

جمال الا ايده معكوكة بالدم روح يا عم ربنا يهديك واحد مدلع طول عمره يجى يحكم مصر

[@rashad-sami]

‌‎لا يوجد حاكم مسلم يمنع شعبه من صلاة الفجر لكن معظم الشعب لا يصليها⁦‼️⁩ هل عرفتم من أين يبدأ الإصلاح ⁉️⁩

[@zahraanour2385]

@Mohamed Barawy يعنى اشتمك قولت خليكو رجاله وبلاش تعريص العظمة لله

[@emanghallab716]

اللهم احفظ مصر بحفظك..تحيا مصر

[@monaahmed-rv1cc]

والله عيني دمعت من عظمة الجيش وافتكرت لحظات الثورة ...

[@user-qz6zh2sj2b]

الله عليك أخر كلامك فى الڤيديو رسالة لكل واحد فينا عنده ولو قدر بسيط من تاريخ بلدنا وأبطالها إنه يعرفه وينقله لأولاده وأحفاده وكل حد صغير السن ولم يعيش فى هذه الأزمنة المختلفة عاشت مصر تحيا مصر. وشكرآ لك على محتويات قناتك الرائعة ومعلوماتك الصادقة القيمة وأسلوبك المهنى الواصل لكل الفئات الفكرية والعقلية . الله يحفظك ويذيدك خير. تحيا مصر

[@abdulgamal8753]

اخيراااا❤️❤️❤️❤️❤️