تحضيرات رمضان/نقسي عليك وقفة رمضان ووفري مصروف/كنت عاملة ولا ماكتة بالبيت ماتفوتيش الفيديو😍الجزء 1

[@لمسةأمياسين]

الشمس تطلع والنجوم تغيب والصغير يكبر والكبير يشيب والدنيا تفرق والفراق صعيب والعزيز عزيز لوكان بعيد..وطول العشرة تعرفك الذهب من القشرة...جام وأبوني ربي يحفظكم 🤲🏻🤲🏻🤲🏻

[@mohameddjab5725]

اجمل حكمة فاتت عليا اليوم .الله يسلم الفم لي قالها و اليد لي كتبتها.ام زكريا

[@amanioum1800]

😭😭😭

[@amanioum1800]

القلب راه معمر منهم

[@ninananou7126]

والله غير طلتي على القلب. راه معمر

[@lylydor8102]

انا وليت كي نشوف اي اشهار نزرب الفديو متشوف العين ميوجع القلب منقدرولهمش

[@هديلرحماني-ل9ع]

يعطيك الصحة اختي ونصيحة مني كتديري صلصة البيتزا مديريش الزيت ملقبل كتطحنيها باه ديري الزيت وتشوفي الفرق كتديري زيت ملقبل وتطحنيها تولي اوغونج الصلصة وكديري الزيت بعد متمكسيها تقعد حمرا الصلصة أن شاء الله تجربيها نتيا والمشاهدين

[@abirabir2032]

معلومه جيدة مشكورة و هل قصدك تخلط الزيت مع الصلصه او تديرو من فوق برك ؟

[@soumayalmi5600]

صح انا ايضا نديرلها الزيت بعد الطحن

[@ismaisma1401]

شكرا❤️

[@omyoucef4324]

مام انا شفتها مرة في ليوتوب وجربتها صح فرق كبييييير

[@fatibouamra8070]

لا لا المشكل ماشى فالزيت المشكل برا مكسور ولا حبيتى حمرة ارحيها فالرحيوة تاع اليد

[@elferdaws2139]

الحار نقدرو نقليوه ونقشروه وتحطيه في بلارة زجاجية وتحطي فوق منو الزيت وتحتفظي بيه في الثلاجة عادي و تجبدي كل ما تستحقي ما يصيرلو والو بلا مجمد هذي فكرة حبيت نشركم بها .

[@merhamsain]

شحال يشد

[@elferdaws2139]

@@merhamsain يشد وقت طويل يفوت شهر اصلا الواحد يدير قيس ما يستهلك

[@merhamsain]

@@elferdaws2139 شكرا ختي حنا نستهلكو بزاف الحار خاصة في رمضان مالفة ندير شكشوكة حار وطماطم قيس 3 ايام بصح نجرب طريقتك إن شاء الله نولي نجبد نزيدلو غير الطوماطيش

[@evanova9277]

بارك الله فيك

[@elferdaws2139]

@@fatimaconstantine530 شكرا اختي

[@fatimachenini3730]

سلام اختي نوال الله يعطيك الصحة الرزانة و التربية وشخصية قوية انت الوحيدة لي انتظرها يوميا فريدة من نوعها الله يعونك ويقدرك فاطمة من تلمسان تحييك

[@cuisinebentcasbah]

ربي يعطيك حق فالجنة يالغالية شكرا 🌹

[@يومياتاممنال]

اللهم إني أستودعك اولادي واهلي واحبتي ومالي وبلدي وجميع المسلمين

[@sinyoura2654]

اللهم اميييييين.

[@OmMohamad-b1m]

اللَّهُمَّ بَلِّغْنا رَمَضَانَ لا فَاقدين ولا مَفقَودين وَأَعِنَّا عَلَى صِيَامِهِ اللهمَّ بَلِّغْنَا رَمَضَانَ وَنَحْنُ فِي أَفْضَلِ حَالٍ اللهم بلغنا رمضان وأهله علينا بالأمن والإيمان

[@amaldahim4583]

اختي بالنسبة للجلبانة ديريها تغلي في قدرة تع الماء لمدة 5دقايق و نحيلها هذيك الرغوة و ممبعد صفيها و ارمي عليها الماء البارد و خليها تقطر و تبرد وخبيها في المجمد رايحا تحافظلك على لونها و بنتها لمدة طويلة و شكرا ❤️❤️❤️❤️

[@cuisinebentcasbah]

جزاك الله خير

[@CuisinesabrinaDz]

هذا وين كنت نتفرج على وحدة مصرية ، وفعلا حفظت الجلبانة بهاذي الطريقة ⁦👍🏻⁩

[@jawalatmomtea]

لا تجعل هما واحداً ينسيك ألفاً من النعم 🌹🌹🌹

[@nabilabenlarbi9774]

اللهم بلغنا رمضان لا فاقدين ولا مفقودين يعطيك الصحة اختي

[@brmag3431]

شكرا أختي لأفكارك تساعد كثيرا المرأة العاملة و تسهل عليها كثيرا من الأمور و حتى المشكلة في البيت فالعمل كثير و الوقت ضيق خاصة في رمضان اللهم بلغنا رمضان لا فاقدين ولا مفقودين🤲

[@oumloula6108]

ما شاء الله عليك على التدبيرات الرمضانية اللهم بلغنا رمضان لا فاقدين و لا مفقودين 🤲 يعطيك الصحة اختي تبارك الله عليك و شكرا استفدت منك بزاف الله يجعلها في ميزان حسناتك 🤲❤️🌹🇩🇿

[@saritta889]

يعطيك الصحة أن شاء الله في ميزان حسناتك نوال زيدي مديلنا افكار من فضلك لرمضان و برنامج الاكل رمضان ربي يبلغنا رمضان لا فاقدين ولا مفقودين ربي يفتح و يرزق الجميع و يحط الرحمة ف بلادنا و تتسقم أحوالنا ويهدينا

[@mohamedzino5707]

يعطيك الصحة أختي نوال روتين محفز جدا اللهم بلغنا رمضان لا فقدين ولا مفقودين

[@Chbika-nn1sy]

بتوفيق للجميع

[@cours4118hikma]

شرفني باشتراك الله يعطيك ما تتمنى

[@zozozohra6876]

0ñ0

[@sonialouail5476]

مساء الخير فيما يخص الجلبانة اختي نوال ومن اجل الحفاظ على الون ضعيها اولا في اناء به ماء مغلي لمدة ثواني قليلة ثم ضعيها في ماء بارد به glaconsثم ضعيها الكمية في ملفات وضعيها في أكياس التجميد.ستحافظ على لون جميل.ثلج

[@امعبدالله-ض3خ4ل]

يايما لعزيزة قتلوني هاذوك الطناجر والطاجين ياربي ارزقني ياربي ونشريهم قبل رمضان ياربي ويرزق كل محروم وبصحتك اختي نوال

[@cuisinebentcasbah]

ان شاء الله ربي يرزقك من واسع فضله العظيم

[@امعبدالله-ض3خ4ل]

@@cuisinebentcasbah ان شاء الله يارب وربي يعطيك صحيحتك

[@naniyasou7576]

غير اشري ومتخميش عندي 4سنوات وهما عندي هايلين واذا شريتي بصحة وهنا

[@sosonono5818]

القلب يتمنى ولكن اليد قصيرة والعين بصيرة ولكن لا نفقد الامل في الله عز وجل

[@Chbika-nn1sy]

ربي يرزقك

[@mayainspiration5548]

سبحان الله مغير الاحوال و العادات زمان رمضان كان شهر الصلاة و ختم القرآن و الان اصبح الوقت مربي نجري نجري و ما نلحقوش ربي يتقبل منا و منكم صالح الاعمال اللهم بلغنا رمضان .

[@amalnegadi5997]

البركة فالوقت تجي بالذكر.🥰

[@abdelhakkendouci698]

الله يبارك عليك تحضيرات رائعة وعجبتني العجينة دوك نعتمدها جات روعة يعطيك الف الصحة حبيبتي اللهم بلغنا رمضان لا فاقدين ولا مفقودين امين يارب العالمين

[@cuisinebentcasbah]

اللهم آمين يارب العالمين

[@taibifaridaj6839]

@@cuisinebentcasbah نوال بنتي تعيشي قوليلي اسم المجمد (الفريقو) اللي مليح حابة نشري واحد

[@abdelrahim8883]

يعطيك الصحة يانوال والله عندك الحق راكي توجدي في تحضيرات رمضان غمضي عين او فتحي عين يلحق رمضان نطلب منك طلب اختي اعمليلنا لابات فايتي هكذا باش نوجدوها الشهر العضيم

[@cuisinebentcasbah]

بادن الله اختي

[@nadianadou6931]

جربي كيما كي رحيتيه ديريلو صوص فينيقرات بالثوم و الملح و الفلفل الاسود و الزيت و الخل و ديريه في الفريجيدار و ذوقيه و رديلي بالخبر

[@samiasami4267]

يعطيك الصحة اختي نوال ،روتين هايل جا في وقتو ،وعجبتني الوصفة نتاع العجين ،وان شاء الله نعتمدها في رمضان ،اللهم بلغنا رمضان لافاقدين ولامفقودين ،ونصوموه بالصحة ولهنا ،امين بارب العالمين 🌺🌹❣️

[@Fatima-Zohra-djazayria]

يعطيك الصحة انا درتلكم حريرة الغرب ومطلوع مفشش وداك الزيتون واش نحكي مع البوراك هيا اضربو طلة عندي

[@boukratemkadia2965]

راني جاية

[@Fatima-Zohra-djazayria]

@@boukratemkadia2965 الف مرحبا حبيبتى

[@sirinsilia6583]

كي

[@fatinannag1215]

المخبوزات جاو روعة وساهلين بنسبا الوقت راه مربي ودار غولة حنا نسا دايما الخدمة معناش راحة لاعيد ولا عواشير الله يقدرنا وصاي

[@لينالينا-ج5ي5ق]

انا من ناس لتبعوك وبزاف و لله يعجز لسان عن تعبير قمه في تربيه و اخلاق ربي يخليك ويحفظك وشكرا عل وصفات

[@om.mortada5437]

مقادير العجينة : الفرينة ملعقة كبيرة سكر ملعقة كبيرة ونصف خميرة الخبز ثلاثة ملاعق كبار حليب غبرة ملعقة كبيرة ملح خمس معالق زيت كيس خميرة الحلوة الله يوفقكم يارب

[@ikramminoucha2109]

الله الله عليك يعطيك الف عافيه 🌹 ومشكورة على كل هذا الوصفات وتدبيرات بارك الله فيك وجزاك الله خيرا 🌹

[@اوبي-ق6ز]

كرومة فرحت كي شفتك واش احوالك ❤♥🌹🌹🌹🌹🌹

[@ikramminoucha2109]

@@اوبي-ق6ز ياعمري على عسولة نحولة كيف حوالك ختيتو ودراري بخير 😘 أنا لباس حمد لله سوال عليكم توحشتك يالغالية بوسيلي ندوشة 😘😘😘😘😘

[@CuisineOumlina]

يعطيك الصحة بعد هذا الفيديو نرحب بكم حضرت خبز بازيتون خاصة للعاملات راح توجديه 10د قبل الاذان🌙

[@yasminegg4167]

افكار رائعة يعطيك الصحة أنوال ديرنا وصفات سهلة واقتصادية ماتديش بزاف الوقت لشهر رمضان إنشاء الله دومتي متألقة

[@lilia1129]

يعطيك الصحة نحب هذي تحضيرات الا سلطة مشوية نحبها جديدة كل نهار بنهارو وياريت دريلنا حشوات ربي يحفظك

[@hayatikolohalillah5739]

اختي نوال لعجانة نتاعك بشحال شريتيها والماركة نتاعها واش هيا وهذاك ليسخن الماء بشحال شريتيه والماركة نتاعو وجزاك الله خيرا

[@ahlemlafleur6142]

ربي يقدرنا على رمضان لا فاقدين ولا مفقودين يعطيك صحه،ربي يعاونك ويقدرك

[@Chbika-nn1sy]

بتوفيق للجميع

[@houariakherroubi6197]

نشكرك بزاااف على مراميط الحمرين ، راني شريتهم وخرجولي روووعة . ربي يحفظك اختي

[@cuisinebentcasbah]

بالصحة والهنا يارب

[@معتزمهملي-س7ت]

الله يبارك يعطيك الصحة على كل حاجة دريها عجبتني الفكرة ادعولي لخويا ربي يطلق سراحو ويخفف عنو

[@cuisinebentcasbah]

ربي يريح بالكم ويفرج عليه

[@cuisinebentcasbah]

ربي يريح بالكم ويفرج عليه

[@معتزمهملي-س7ت]

@@cuisinebentcasbah شكرا حبيبتي نشالله ياربي ونتي ربي يعطيك واش راه في قلبك

[@HamidHamid-fb4uq]

شكرا على مجهوداتك 💕💕💕💓💓💓💕🌹🌹🌹🌹🌹وهاذي الصلصه نقدر نزيدها لحوايج اخرى مثلا. شوربه فريك ولا تصلح للبيتزا فقط

[@khayrakhayra3782]

بصحتك نوال كل واحد وطاقتو لله غالب معيشة راهي غالية ما يحس بلغليل غيرغليل الحمدلله خبز وحليب باركات رابي فرج

[@asmahadi5467]

الله يبارك حبيبتي دائما متالقة معليش نسقسيك اختي نوال عجبني المثل اللي قلتيه مع الاول معليش تشرحيلي وينتى نقولوه

[@lebongout74]

طاجين و القدرة و الكسكاس و حتى المقالي شابين بزاااف ما شاء الله ✔️

[@abassedikra7509]

بالتوفيق اختي نوال و ربي تخليك صحيحتك من فضلك قوليلنا على الفرينة لي خدمتي بيها ادا امكن انا مانقدرش نكونجلي يطلقلي الريحة و يدير ليڨلاص الثلاجة عندها 16 سنة ربي يرزقني و نبدلها

[@akkouchiwassila9370]

اللهم بلغنا رمضان وبلغه لنا وتسلمه منا متقبلا يا رب العالمين

[@Miryamcook]

مرحبا بيك في قناتي عندي نفس محتوى الاخت نوال قصدي الطبخ تفضلي ممكن راح تعجبك قناتي ان شاء الله وشكرا مسبقا

[@aboumossab09]

أهلا حبيبتي نوال فيديو رائع كالعاده شكراً على الأفكار الرمضانيه بآرك الله فيك .. اللهم بلغنا رمضان ان شاء الله..🤲🤲وان شاء الله كل العاىلات يكونو في لمة ورحبة وفي صحة جيدة 🤲🤲🌹👨‍👩‍👦👨‍👨‍👧‍👦👨‍👨‍👧👩‍👦👨‍👧‍👦👩‍👧‍👧💑

[@nacimabdrd9749]

يعطيك الصحة افكار هايلة إن شاء الله يدخل علينا رمضان بالصحة والهنا

[@الكلمةالطيبةصدقة-ض6م]

نوال ربي يحفظك انت والعائلة الكريمة تعيشي قولينا طريقتك في ختم القران بالتفصيل في ميزان حسناتك انشاء الله ،العجينة ناجحة ما شاء الله ،الحميس هايل شريت اشوار ومتولهتش صحيتي كلش توب اروع فيديو لتحضيرات رمضان 2022 ربي يخليك لينا

[@amellimane1758]

يا اختي نوال طماطم راهي 10الاف للكلغ ان شاء الله تنقص في سعر ونخدمو منها صلصة ربي يحفظك ويفرحك يا الغالية

[@cuisinebentcasbah]

اللهم آمين يارب العالمين ربي يفرج

[@sousouben3761]

انا شريتها 6 الالف قولي لراجلك يروح بالخميس لعشية كامل تلقاهم يليكيديو فيها يخافو تخسرلهم يولو يبيعوها بنص السومة

[@amellimane1758]

عندنا في المارشي تع باش جراح لبارح ب 10الاف و9الاف

[@محمد-ع7ل8ص]

يعطيك الصحة ربي يفرحك والله فكرة هايلة تاع لكوبلي غير لبارح قررت نشري بزاف بايط صغار باش ندير تحضيرات مسبقة على العلم انا كل يوم نطيب ونوقف بزاف فلكوزينة ربي يفرحك

[@melimelissa530]

بارك الله فيك يابنت العز والشان ويعطيك الصحة على هد الوصفات

[@cours4118hikma]

الله يعطيك الصحة و الرزق شرفني باشتراك الله يعطيك ما تتمني

[@nanonano3960]

اختي نوال حبيت ناطيك فكرة على الطوماطيش باش ماجيش قارسة دري نواة التمر خير من السكر باركة الله فيك يا سكرة

[@Naima-bc4ec]

الله يبارك فيك اختي نوال ماشاء الله تبارك الله فيك خدمة متقونة عجبتني العجينة سلاكة الحاصلين هايلة ربي يقدرنا ان شاء الله كاملين

[@cuisinebentcasbah]

ربي يحفظك ويسعدك

[@يومياتامميمو]

نوال ميهديكش ربي وتقولي ختي صغيرة نبعتلها شوية ماعن هههه راني غير نقصر زعمة درت شحيحة قلت نطم ربي مكتبش خاليت عين مفتوحة تاع كوزينة ومكنتش فدار كوزينتي كامل راحت ربي يفتح

[@iyori-yt9916]

الله الله تبارك الله ربي لايم كامل الوصفات الراقية وحطهم فيك ياعمري نقاوة ورزانة وشطارة ربي يزرب عليك بالصحة والستر وطولة العمر يالغالية يالزين ديالي. وربي يجازيك على الاشهارات راكي تعاوني في منتوج بلادك .يالحبيبة .😘😘😘😘😘💪💪💪💪

[@cuisinebentcasbah]

ربي يعطيك حتى وين يرضيك ربي يحفظك ويسعدك ويوفقك يارب شكرا 🌹

[@ak___ila310]

سلام الأخت نوال يا عمري على طريقة الكلام تاعك روعة هذوك الطناجر وشكرا بزاف على أفكارك لرمضان بعد انا عندي 7 ولادي وصغار والله تنقصي علينا شوية بأفكارك ربي يعطيك ما تتمناي

[@صدقةجارية-ب5ت]

نشاله يلحق رمضان عليناوحنا لا فاقدين ولا مفقودين حتى انا درتلكم مخلل الخضر مع كل الأسرار

[@imeneboumous1087]

سلام نوال اختي نصيحة ليزيبيس ما تكونجليهمش يعولو مسمومين طيبي بلا بيهم نهر تجبدي تستعملي ضيفيهم ان شاء تاخذي مرحبا النصيحه بعين الاعتبار

[@cuisinebentcasbah]

حبيبتي الغالية ربي يحفظك ويسعدك ♥شكرا 🌹

[@dikadika8436]

مشاءالله تبارك الرحمن ربي يسعدك ويحفظك ووفقك وعاونك يارب افكار في القمة حبيبتي وتعاون المرأة ان كانت عاملة اوليست عاملة شكرآ يعطيك العافيه والصحة يارب 👍👍❤❤❤🥰🥰🥰

[@taibifaridaj6839]

حابة نعرف واش من نوع مجمد (فريقو) اللي مليح بليز جاوبيني نوال

[@lasitebatna4897]

باسم الله ماشاء الله تسلم الايادي دائما متميزة و متألقة و روتيناتك محفزة ووصفاتك هايلة يعطيك الصحة

[@Miryamcook]

مرحبا بيك في قناتي عندي نفس محتوى الاخت نوال قصدي الطبخ تفضلي ممكن راح تعجبك قناتي ان شاء الله وشكرا مسبقا

[@metarfeffarid9119]

مساء الخير اللهم بلغنا رمضان لا فاقدين ولا مفقودين يعطيك الصحة ربي يوفقك إن شاء الله 👍👍👍

[@omarusma4661]

اللهم بلغنا رمضان لافاقدين ولا مفقودين 👐😍

[@cours4118hikma]

الله يعطيك الصحة شرفني بالدعم

[@ameliaperla]

سلام نوال طريقتك في جميد الحار باش كايلصقوش انا تاني نديرها للجاج. كل مرة نحط des morceaux يشدوا روحهم في المجمد و من بعد نحطهم في كيس . كي نحب نطيب نجبد العدد نتاع morceaux الي نحتاج و يكونوا ماشي لاصقين في بعضهم.

[@razanrouza5358]

سلام ختيتو نوال يعطيك الصحة على الوصفات إنشاء الله يلقنا بالصحة والهنا يارب العالمين

[@cuisinebentcasbah]

اللهم آمين يارب

[@kiwaskiwas9027]

ربي يحفظك افكار هايلة . انا من الناس لي نحب التحضيرات المسبقة والكونجيلاتور لواه اختارعوه غير باش الواحد يعاون روحو بيه .

[@AhmedAhmed-sc4wc]

يعطيك ألف صحة وعافية مشاء الله اعليك بصحتك لاسيغيري يهبل👍👍👍 ربي يحفظك ويحفظ وليداتك يارب واللهم بلغنا رمضان يارب ❤️😘❤️😘 أم فردوس 🤗🤗👍👍👍

[@cuisinebentcasbah]

اللهم آمين يارب العالمين اجمعين

[@rabehmadrid7291]

نوال نتبعك في كلش انا ممتنة لك تعلمت منك بزاف حوايج ربي يفرحك مي....هذي تاع تكونجلي الخبز...الحميس...الفطاير...لالا صحتك سبق ديري واش قدرتي فاليوم وكل نهار وباراكتو ....اذاقدرتي ديرينا لابات افيلو قبل رمضان وموفقة انشاء الله.

[@cuisinebentcasbah]

ربي يحفظك ويسعدك يارب

[@ferielfero1490]

درت بيها بيتزا جات تهبل خفيفة و منفوخة 😍😍 نزيد ندير بيها خبيزات سندويتش يعطيك الصحة

[@cuisinebentcasbah]

بالصحة والهنا يارب

[@mahdismail6476]

ختي جاتك مليحة ؟

[@امعائشة-خ7ج]

ماشاء الله عليك وصفة رائعة تستحق التجربة مزيد من التألق و نجاح 💕🇩🇿🇩🇿💕 ياريت عندي سوارد ونشريهم الحمد لله على نعمة الله

[@mamlaktibayticirohayati]

حطيتلكم الجلبانة بلقرنون وشربة مرمز الله الله طلو عندي🌹🥰😘🇩🇿

[@kokosafrita3354]

يعطيك العافيه حبيبتي

[@cuisinebentcasbah]

اختي الغالية

[@norabelhout9846]

Merci bp, c'est vraiment de très bonnes idées qu'on aura besoin pendant le mois de Ramadhan, mème pour les autres jours quand la femme sera occupée ,elle pourra s'en servir, Rabbi ykhalik toujours l'exemple de la femme El fahla qui est toujours motivée tbarek Allah fik.

[@cuisinebentcasbah]

ربي يباركلي فيك وفصحتك يارب شكرا 🌹

[@tresordor1267]

يعطيك الصحة ختي نوال ولي يهدر على تحضيرات رمضان ربي يخليلو صحتو قادرين على التعب .حليل الواحد لي صحتو قليلة والوقت المربي ربي يعطينا من خيرو

[@cuisinebentcasbah]

اللهم آمين يارب العالمين

[@amelamira7380]

يعطيك الصحة والعافية إن شاء الله اخت نوال زيدي ديرينا المخللات 🥰🥰🥰🥰🥰🥰🥰🥰🥰

[@nedjarisofiane7795]

الله يعطيك ويمنيك ويرزقك الصحة و والعافية ويباركلك في اهلك يارب فيديو جا في وقته اللهم بلغنا رمضان لافاقدين ولا مفقودين تصومو بالصحة والهنا والرزق الواسع الحلال يارب

[@houtzino5243]

شحال شابين يهبلو عجبوني راني هاك حاب اذا حب ربي لواحد تشهي ونستناوا يفرج ربي بصحتك حبيبتي 😊😊😊😊

[@Miryamcook]

مرحبا بيك في قناتي عندي نفس محتوى الاخت نوال قصدي الطبخ تفضلي ممكن راح تعجبك قناتي ان شاء الله وشكرا مسبقا

[@koozarana5962]

صحيتي بارك الله فيك والله لنبغيك عجبتني تحضيرات راني نتفرج فيديو روطار بسباب الخدمة الله يقدرنا زيدينا تحضيرات ندو افكار ماشاء الله على النظافة والنظام تاعك برافووووو 👍👍👍👍👍👍👍👍👍👍👍👍👍👍👍👍❤

[@fifififi-po3po]

أروع طناجر راهم في قلبي ان شاء الله نكسبهم يا ربي

[@cuisinebentcasbah]

اللهم آمين يارب العالمين

[@chibanirahim8958]

ملاح هدوما الطناجر

[@chibanirahim8958]

شكون راه كاسبهم يعطيلنا رايو

[@dalilaenssp6742]

أنا جامي ندير تحضيرات تع عجائن ندير غير جلبانة و فلفل حمراء و طماطم باقي ولله كل شيء نديرو في نفس يوم ربي يقدر كل واحد في هدا الدنيا إن شاء الله يارب اللهم ما بلغنا رمضان لا فاقدين ولا مفقودين

[@اسحاقليث-ش7س]

يعطيك الصحة حريرة ومطلوع رووعة ❤️❤️❤️ متتبعة من عند ام ريهام❤️❤️❤️

[@sylainformatique5978]

انا راني شريت الطنيجرات كيما تاعك وراني فرحانة بيهم نجبدهم في رمضان المبارك نشالله ولو كان يفسدو نجي ليك لدار امي قريبة ليك ههه

[@abderrahimmohamed3345]

Salam khti ya3tik essaha pour le partage ça peut nous aider beaucoup pour le Ramadan oui c'est des idées très utiles qui nous rends un grand service merci beaucoup chère soeur Houria. Bonne continuation.

[@cuisinebentcasbah]

ربي يحفظك ويسعدك اختي العزيزة

[@يومياتعشرينية-ز7ر]

نموت عليك ملقري منعرفكش نرتاح كي نسمع صوتك يعطيك صحة على الوصفات والروتينات كلش تاعك توب

[@koudiatnzo3742]

شكرا على كل ماقدمته من اعماق قلبك يعطيك ااالف ثحة وراااحة مشكورة ام بنات جزاءيرية

[@العاصيمية-ظ2ض]

مليح النظام باش ديري العبادة صحيحة ويكفيك الوقت للقرآن والصلاة ولات لازم علينا نديرو هاد التحضيرات

[@cuisinebentcasbah]

جزاك الله خير يارب

[@linabella82]

يعطيك الصحة من فضلك العجينة تخمر و لا لا و ندلوكوها و لا لا

[@bibaloucif432]

ماشاء الله ربي يحفظك التخت نوال وربي يسعدك ويسعد عايلتك واليوم ندعيلك من خاطري في ليلة الاسراء والمعراج

[@zouzol3807]

نصيحة ولا حبيتو تخبو لفلفل سوا حار ولا حلو مقلي ولا مشوي عمرك لا تنحيلو لقشرة كي تشويه ولا تقليه خليه بلقشرة وخبيه يبقى على حالو

[@chinwiyachinwiya9073]

ادعولي 40دعوة غريب مستجابة 🥺❤ ادعولي ربي يرزقني زوج صالح يخاف ربي وإن شاءلله ياربيي ييفرج على كل مومن وييرحم موتنا ويشافي مرضانا فيي هذو لعواشر اللهم آمين يارب قولو امين ❤🥰😘

[@sourire841]

اختي نوال انا من متتبعاتك واليوم حبيت نخليلك تعليق.يعطيك الصحه وربي يباركلك

[@أمأسومة-س8د]

يعطيك الصحة أنا وحدة من الناس لي نحتاج هذو الأفكار عندي بناتي صغار ومانقدرش نهار كامل وأنا واقفة كل يوم كفاش 😫😫 دائما متألقة 👌👌👌💝💝💝💝

[@chochochocho3290]

العجينة: 🍔🍔🌭🌭 كيلو فرينة + 3 ملاعق لحضة+ملعقة كبيرة سكر+ ملعقة و نصف خميرة الخبز + ملعقة صغيرة ملح +كيس خميرة كيميائية + 5 ملاعق زيت و نلمها بالماء و نخليها تخمر

[@liloroze6704]

يعطيك الصحة على الوصفات مي برك نصيحة كلش كونجلي راو مرض ربي يقوينا نكلو كل يوم حاجة جديدة خير وربي يعاونك

[@adourwassim8193]

بارك الله فيك افكار هايلة زيدينا من هاذو فيديوهات و ماذا بيك تشاركي معانا تنظيف عميق لرمضان مشكورة حبيبتي

[@cuisinemeriemnour6319]

الله يبارك على الشطارة يعطيك الصحة والعافية حبيبتي روتين متميز ومحفز

[@cuisinebentcasbah]

يبارك فيك حبيبتي الغالية

[@LindaLinda-jm4zh]

شكرا يعطيك الف عافيه

[@zhourfer1638]

الله يحفظك على هدا المثل نتبعك بزاف وتعجبني هدرتك وروتيناتك قمة جام نموت عليك حبيبتي

[@amelchch7586]

كل عام نجي عندك لهاد التحضيرات لي نشوفها الأحسن و الابسط ❤

[@cuisinebentcasbah]

مرحبا بيك أختي الغالية

[@iezragbessghir4655]

الله يبارك ماشاء الله

[@ikramkako5781]

كيلو فرينة و 3 ملاعق كبيرة حليب بودرة و ملعقة كبيرة سكر و ملعقة كبيرة و نص خميرة الخبز و كيس خميرة الكيميائية و ملعقة صغيرة ملح و 5 ملاعق كبيرة زيت و نلم بالماء الدافئ

[@mariafleur2067]

ملاحظة فقط: لي ڨوبلي من الأحسن يكونو تاع الكاغط صحيين خير مالبلاستيك... وشكرا سيدتي للأفكار، ورمضان مبارك لكل الأمة الإسلامية

[@نرجسيةالهوى-ظ1ع]

مساء الورد وعواشيرك طيبة ياالقريبة من القلب

[@meriemlarbi1870]

بصحتك اختي نوال ..اختي نوال المقالي هاذوك فيهم غير اللون الاحمر ...جاوبيني يعيشك

[@papillonrose530]

يعطيك الصحة فيديواتك دايما نتمنى ما يخلاصوش هدرتك و اسلوبك يدخلو للقلب يعطيك الصحة يا الفحلة

[@djamiladjodjo1070]

يعطيك الصحة انتي امرأة بمعنى الكلمة كلشى بتدقيق مع العلم أنا من متتبعين قناة ديالك تعجبيني بزاف بزاف ربي يوفقك و يبعد العين إن شاء الله

[@cuisinebentcasbah]

اللهم آمين يارب العالمين ربي يفرحك