تغيير زيت المكينة نيسان اكستريل ٢٠١٨

[@said85200]

هذا الشغل الطيب الاعتماد على النفس بدل جشع الوكلاء ومحلات التغيير.. عندي مثلها ٢٠١٥ من اول ماشريتها اشتري الزيت بالكرتون واغيره بنفسي والأمور الحمدالله تمام.. ننتظر ٢٠٢١

[@ali.su1994]

حياك الله معنا في قروب اكستريل على التيلقرام @Nissan_Xtrail

[@فايزالذبياني-ص4ظ]

اخوي فلتر الزيت ف المقطع طويل ونا اللي عندي صغير الحجم علماً اخذته م الوكيل

[@ali.su1994]

@@فايزالذبياني-ص4ظ صحيح من بلاده يجي الفلتر الصغير لكن انا ما تفرق معي اركب اي شي قدامي 😂

[@فايزالذبياني-ص4ظ]

@ هههههههه حفظك الله

[@azadsalihnader8092]

السلام عليكم عندي نفس السيارة في اربيل بكردستان العراق ..ماهي افضل درجة للزيت هل 0w 20 hام يفضل ارقام اخرى مثلا 10w 30

[@ali.su1994]

وعليكم السلام .. حياكم الله .. بالنسبة للزيت يوجد جدول في كتيب المالك موضح فيه درجة اللزوجة المناسبة لكل درجة حرارة مثال : درجة حرارة مدينتي في الصيف تصل الى ٤٠ درجة مئوية وفي الشتاء تصل الى ١٠ درجات .. انا استخدم لزوجة 10w30 في جميع الفصول والحمد لله مافيه مشاكل .. خلاصة القول اذا درجة الحرارة عندك منخفضة استخدم لزوجة قليلة عشان الزيت يمشي بسرعة بدون ما يجمد افضل لزوجة في الشتاء 10w30 وفي الصيف 15w40

[@said85200]

تمام عليك شغل ممتاز وأعتقد غيار الزيت بالضبط ٤.٣٠٠ لتر بالتوفيق

[@نايفشريف-ج9د]

اذا كانت المكينة 2,5 فكمية الزيت هي 4,8 ملي وهذا في حالة ان الزيت نزل كامل يعني ان طريقة تغير الزيت التقليدية ماينزل الزيت كامل لكن اذا بغيت الزيت ينزل كامل اتبع الأتي خل العامل يفك لك الصرة وغطاء زيت المكينة وانتظر ساعة والزيت ينقط وبعدها خل العامل يجيب مكينة شفط الزيت ويشفط لك الزيت من الصرة وشوف الزيت اللي بيطلع وبكذا بيطلع معاك ان شاءالله الزيت كامل وبعدها لازم تعبي زيت مو زي المرة الاولة بل لازم تعبي زيت على حسب الكمية المذكورة في كتيب دليل المالك لأنك نزلت الزيت كامل

[@2022sewar]

موتر كرفت الامريكي تخليقي بالكامل سعره 21 ريال افضل من الزيوت المحليه السيئه

[@ali.su1994]

يبغالي اجربه 👍🏼 وان شاء الله اني القى الصناعة الامريكية لان اغلب الي بالسوق صناعة اماراتيه

[@ahmadshalhoup8086]

شو افضل عيار زيت لنيسان صني 2011 شكل القديم

[@ali.su1994]

والله ما ادري .. الافضل تسأل ناس معهم الصني .. نصيحتي الماركة ما تفرق كثير افتح كتيب الصيانة وشوف اللزوجة المناسبة وحطها

[@kla976]

كاسترول جيتي أكس 10w30 وغير كل 5000 كيلو

[@lbrahimxx6065]

الله يعطيك العافيه عندي نفس السياره موديل ٢٠١٩ وش الزيت المفضل لها ؟

[@ali.su1994]

10w30 اذا تبي تغير كل ٥ الاف 5w30 اذا تبي تغير كل ١٠ الاف

[@MeTf12345]

@@ali.su1994 الله يجزاك خير انا عندي نفسها ٢٠٢٠ تتصحني بالصيانة الدورية في بترومين

[@abdallah.alsufyani]

@@MeTf12345 والله اذا تبغى نصيحتي ابعد عنهم صيانتهم غاليه روح اشتري الزيت الي مصوره الرجال فالمقطع من محل جمله مضمون واشتري الفلتر الاصلي من محل مضمون او الوكاله وغير عند بنشري

[@حسينعبده-ذ1غ]

@@abdallah.alsufyani ماوضحت صورة الزيت ياليت تفيدني اسم الزيت والسيفون كمان

[@abdallah.alsufyani]

@@حسينعبده-ذ1غ السيفون على حسب سيارتك وش دراني انا ، والزيت فوكس تيتان تخليقي بالكامل واختار اللزوجه الي تناسبك ورح محلات الجمله

[@ملكالاحساس-و3غ2ض]

اشوف عناء في تغيره السيفون

[@عبداللهالكعبي-ف4ن]

من افضل الزيوت اتكلم عن التخليقي مستخدمه على كامري جديده

[@ابواسعدالرياض]

يا خي ممتاز انت الى الامام استمر

[@faisal86ksa69]

كم صبيت علبة زيت في المكينه 4 ونص ولا 5 علب

[@ali.su1994]

على حسب العيار .. بعض الاحيان ٤ ونص وبعض الاحيان اربع و ٦٠٠ ملي

[@abujudyalzahrani8535]

ملاحظة لو تبين مع شرحك رقم السيفون تقبل مروري

[@ali.su1994]

فكرة جميلة راح اعتمدها في المقاطع الجاية

[@Fahad-kk7st]

شباب ايش افضل زيت محرك نيسان اكستريل ٢٠١٨

[@ali.su1994]

نفس الي بالمقطع

[@tajsiu]

@@ali.su1994حتى 2020?

[@عبداللهمحمد-م8ط3ق]

مشالله ربنا يعطيك الصحه والعافيه

[@al090]

ماشي ٣٠٠ الف ولا غيرت زيت الدفرنس وزيت الدبل ايش الحل اغيره ولا اخليه تاهو١٣

[@ali.su1994]

لا تغيره لكن فك صرة العيار وشوف اذا ناقص زوده .. اهم شي حط نفس الزيت الي مكتوب في كتيب المالك و لا تشتري الا الزيت الاصلي انتبه من التجاري لانه يتحول شحم ويصلب الدفرنس والدبل عليك

[@abdallah.alsufyani]

خله على حالته لاتغيره لو غيرته بيخبط عليك الدفرنس هو والدبل

[@Abdulrahman-my3tu]

انا عندي اكستريل واحط زيت بترومين A1 5w30 اقدر اغيره واحط مثل حقك ؟

[@ali.su1994]

عادي .. الماركة ماتفرق اهم شي اللزوجة نفسها

[@zainabmagdali1975]

ليش فوكس تيتان 5M30 ما حصل على علامت الجوده

[@ali.su1994]

والله مدري

[@zainabmagdali1975]

@@ali.su1994 وليش تغير الزيت وانت ما تدري

[@ali.su1994]

@@zainabmagdali1975 ماهي شغلتي اني اعلمك عن علامة الجودة .. رح للشركة وإسألهم 😂✋🏼

[@zainabmagdali1975]

@@ali.su1994 انا عندي كامري 2020 غيرت زيت فوكس تيتان 5M30 اشم ريحة ازيت في الشكمان هل طبيعي ام لا

[@الدوريالانجليزي-ع4و]

@@zainabmagdali1975 موجود عليه علامة الأيزو

[@isaud6526]

اخذت لي نفس الزيت من الجمله لكن API SP ؟ كيف كذا مو لازم يكون SN ؟

[@ali.su1994]

اخر تصنيف معتمد اعرفه SN لكن توي بحثت ولقيت ان احدث تصنيف من المعهد الامريكي للبترول SP عام ٢٠٢٠ .. معناته ان زيت فوكس ممتاز جدا .. بالنسبة للكرتون الي عندي تصنيفه SN

[@isaud6526]

اي لاني شفت اكاونتهم بالانستا قالوا هذا التصنيف المطور وانشاءالله بكره بغير الزيت واجربه على سيارتي

[@ali.su1994]

@@isaud6526 الله يبارك لك فيه 👍🏼

[@isaud6526]

@@ali.su1994 يبارك بأيامك والله حطيت الزيت اللي تصنيفه SP من فوكس تيتان وما ادري شوضعه زين لمكينتي ولا لا سيارتي كدنزا 2021

[@isaud6526]

جربت شل هلكس ولا لا ؟

[@Musab.Hamaydah]

كم كلفك الزيت يالغالي؟ وياليت لو تدلنا على مصدر شراء الزيت الأصلي الله يدلك على الخيى

[@ali.su1994]

العلبة على حسب المحل الموزع له مره اشتريته ب ٢٤ ريال ومره ب ٢١ ريال .. طبعا موزع معتمد ويعطيك فاتورة الكترونية

[@ALSHUBRMI]

انا قبل شوي شريته اليوم تاريخ 3 مايو 2020 ازمه كورونا شريت ب 19 ريال

[@said85200]

من موزعين الجمله كرتون ١٢علبه ٢٥٠ إلى ٢٨٠ تقريبا حسب الشركة يمشي عشرة الاف

[@alredafamily9039]

ولا من عند الكفر بس؟

[@7ssn90]

اولاً يعطيك العافيه ، ثانيا الزيت سمعنا وشفنا كلام كثير على ان الزيت مايصلح يمشي 10 الاف الافضل 5000 كيلو ، وانا رجال راعي سفر بشكل اسبوعي 400 رايح و400 راجع ابغى نصيحتك في عيار الزيت وممشاه لو تكرمت .

[@ali.su1994]

حياك الله .. بالنسبة لي اذا استخدمت الموتر استخدام شاق يعني محمل ناس واغراض وماسك خط سفر اغيره على خمس الاف اما اذا مسافر لحالي اخليه لين ١٠ الاف والحمد لله اموره طيبه

[@6666mode]

@@ali.su1994 الله يسعدك ويعطيك العافية ممكن نصيحه منك انا معي التيما ٢٠١٥ 6سلندر وش تنصحاني بالزيت للمكينه كويس جدا يعني فوكس نفس الي عندك مدحوه كيفه معك بصراحه ابغا تقلي من واقع خبره انا لزجه5W30 والي استخدمه حالياً شل هلكس دكسوس h8x 5W30 انا اشوفه ممتاز هل كويس ؟ شكرا لك ياغالي

[@ALSHUBRMI]

Ali.s زيت شل كويس لاكن معك التيما حط تيتان

[@noor9560]

انا اغير نفس الزيت تيتان وماشي الان ٢٥ الف واموره طيبه اهم شي شيك كل فتره وفتره مافيه نقص والزوجه تمام كمل يابطل مضحوك علينا قبل كل ٥ نغير اهم شي الزيت (اصلي)

[@faisal86ksa69]

إذا صبيت 5 علب عادي ولا فيه مشكله

[@ali.su1994]

٥ علب كثير .. زيادة الزيت راح تخرب عندك الصوف وتدخل في موال كبير فك القير و فك البكرة الامامية وشغلات مكلفة جدا .. لازم الزيت يكون تحت النقطة الي في العيار

[@عبداللهالكعبي-ف4ن]

5W40 ممتاز ولكنه يطلع السيارات الشعبية من الضمان مثل تويوتا وغيرها واصلا الزيت اهتمامك فيه احسن من الضمان وشروطه

[@ali.su1994]

ما ابغى ضمانهم الله لا يحيجني لهم .. ادفع لهم فوق ٩ الاف ريال على ٣ سنوات .. يعني كذا ولا كذا انت تدفع حق الشي الي بيخرب 😂 فاختصر على نفسك وصين السيارة بيدك وان شاء الله ماهو صاير شي لها

[@zainabmagdali1975]

@@ali.su1994 ليش فوكس تيتان 5M30 ما حصل على علامت الجوده

[@hawi2mm]

ممكن طريقة تغير زيت القير مع الفلتر

[@ali.su1994]

ان شاء الله بس يكمل العداد ٥٠ الف باغيره وباصور الطريقة ان شاء الله

[@hawi2mm]

@@ali.su1994 ممكن اتواصل معك

[@ahmat2212]

مشكور يا الغالي

[@zainabmagdali1975]

ليش فوكس تيتان 5M30 ما حصل على علامت الجوده

[@سلطانالحربي-ض3ش]

الدعس غلط مايمدي انتشر الزيت كامل

[@ali.su1994]

لا ماهو غلط الزيت اول ما تشغل السيارة يبدأ ينشفط ويروح لاعلى نقطة بالمحرك وانا مادعست لين راح صوت التكايات .. لازم ترفع عدد لفات المكينة عشان تشوف فيه تهريب او لا قبل تمشي

[@عبداللهالكعبي-ف4ن]

اانا معك الدعس اول ماتعبي لا ينصح بها لان السيارة ماتشبعت بالزيت ولكنه مر من الاعلى للاسفل

[@واحداثنين-ظ1ي]

السلام عليكم غيرت زيت الدفرنس؟

[@ali.su1994]

لا باقي .. على الخمسين الف ان شاء الله

[@واحداثنين-ظ1ي]

@@ali.su1994 فالك التوفيق يا الغالي ويليت لو تعرف اي شي عن زيت دفرنس نوعه او اي شي عنه تفيدني

[@4bdulaziz]

كم مشيت ع الزيت وكيف تشوف الزيت يوم نزلته نتيجه حلوه ولى لا

[@ali.su1994]

مشيت خمس الاف وغيرته لان كنت مسافر ومحمل على السيارة فحبيت اني اغيره بدري الا هو يمشي ١٠ الاف ما شاء الله

[@4bdulaziz]

Ali.s جزاك الله خير

[@hamood_.0690]

Ali.s لاتمشي10الاف نصيييحه مهما كان نوع الزيت وجودته عاليه اعلى حد5000لاتتعداها اذا تبي تحافض على مكينة موترك

[@أحبالسعوديه-ن2ر]

مستغرب من الي يقول غير على ٥٠٠٠ طيب ليه الخساير وتاخذ تخليقي خذ عايدي

[@alredafamily9039]

يمديك تغير السيفون من تحت صح؟

[@ali.su1994]

ايوه انا غيرته من اسفل لكن فكيت البطانة عشان ما تنكسر الكلبسات

[@lbrahimxx6065]

@@ali.su1994 انا عندي نفس السياره موديل ٢٠١٩ وش الزيت المفضل لها .

[@Mohammed.1990]

مو المفروض ٥ علب مع السيفون؟

[@ali.su1994]

اربع ونص مع السيفون .. واهم شي تابع العيار اذا فيه نقص زود شي بسيط لين قبل النقطة .. لان زيادة الزيت تفقع الصوف و الوجيه

[@عبداللهالكعبي-ف4ن]

الرقم الكبير حق سيارات احصنتها عاليه ودوراتها ماتنزل عن 4

[@netspeed16]

وش هو نوع الزيت كم درجته

[@ali.su1994]

فوكس تيتان 5w30

[@netspeed16]

Ali.s انا بغير كل 5000 هذا يعتبر ثقيل

[@ali.su1994]

كل خمس الاف حط لزوجة 10w30

[@شتاء2017]

@@ali.su1994 طيب على كم كيلو 5w30 اغيره ؟؟

[@ALSHUBRMI]

شتاء 2017 6000 - 7000

[@ابووجدال]

استاذن صاحب الفيدو والجميع.. نصيحه لكل من يستحقها استعمل الزيت الموضح ف الكاتلوج لسيارتك اي كان نوعها خاصه اللزوجه.. السيارات الجديه غير الزيت كل 5500klmالى 6000klm كل تغييرة زيت لابد من تغيير فلتر الزيت بنفس الوقت.. الاصلي فقط. لابد من ملء فلتر الزيت الجديد بالزيت قبل اعادة التركيب لتجنب الاضرار بالاجزاء العلويه للمحرك. كذلك احرص على تركيب مغناطيس على جانب فلتر الزيت من الخارج تجنب الزياده والنقصان عن القدر الموصى به من الزيت من الشركه الصانعه🇸🇦🌴🇸🇦

[@ali.su1994]

اذا كان الاستعمال شاق مثل الدوريات والتكاسي يتم التغيير كل ٧ الاف

[@محمدالجبوري-ت7خ9خ]

كم لتر تاخذ مع تغير الفلتر

[@ali.su1994]

تقريبا ٤ ونص ولكن لازم تعايره لان بعض الاحيان يحتاج تزود ١٠٠ او ٢٠٠ ملي

[@yahyaalhalali7334]

أنا معي داتسون غماره اغير دايم ٣علب ونص مع السيفون هل انا غلطان

[@ali.su1994]

اسحب العيار وشوف اذا هو قبل الفل تمام اذا ناقص زوده شوي اهم شي لا تتعدى علامة الفل ولا ينزل الزيت عن النص

[@ALSHUBRMI]

اي الددسن مع السيفون 3.5 والزيت تيتان 20w50 او بترمين

[@محمد-ش2ر8ق]

عطني حسابك

[@ali.su1994]

انستقرام ali.s_000

[@قرناس-ث1ط]

٤:١٠ يشد السره كأنها تبي تشردددد واااقلبي🤣🤣🤣🤣

[@ali.su1994]

😂💔

[@نايفشريف-ج9د]

السلام عليكم ورحمه الله وبركاته تبغى الزيت يطلع معاك كامل ؟ فك الصرة وغطاء الزيت وخل الزيت ينقط لمدة ٤٥ دقيقة وبعدها جيب مكينة شفط الزيت واشفطة من مكان الصرة وشوف الزيت اللي بيطلع اقل شي بيطلع نص علبة او ٣٠٠ ملي زيت اما الطريقة العادية فك الصرة وانتظر ١٠ دقايق او حتى نص ساعة الزيت مايطلع كامل ولازم تفك الصرة وتنتظر ساعة والزيت ينقط وبعدها تجيب مكينة الشفط واشفط الزيت من الصرة وشوف الزيت اللي بيطلع

[@ali.su1994]

وعليكم السلام .. صدقت انا غيرت في مركز محركي لصيانة السيارات وكان عندهم شفاط زيت ممتاز جدا 👍🏼

[@نايفشريف-ج9د]

@@ali.su1994 السلام عليكم ورحمة الله وبركاته كنت من اول انت عارف الطريقة ؟

[@نايفشريف-ج9د]

@@ali.su1994 بس اتبع الطريقة الكاملة وهي انك تخليهم يفكون الصرة وغطاء زيت المكينة وتنتظر ساعة والزيت ينقط وبعدها خل العامل يجيب مكينة شفط الزيت ويشفطة لك من الصرة وشوف الزيت اللي بيطلع اسووووود وبعدها لازم تعبي زيت على حسب الكمية المذكورة في كتيب دليل المالك لأنك بهذي الطريقة نزلت الزيت كامل ، شوف كمية الزيت المذكورة في كتيب دليل المالك ضروري

[@Herotiger]

ما انصح احد يشري هالسياره مليانه عيوب

[@ali.su1994]

وش العيوب الي خلتك تنصح الناس ما يشترونها ؟

[@Herotiger]

@@ali.su1994 القير بعد فتره ينتع ومشاكل السي في تي الللي ما تنتهي تخيل وقف علي في السفر بسبب ارتفاع حرارته في طريق الرين ثانيا /مشكلة في الدوده لدركسون فيها تهريب وعيب مصنعي ثالثا/ مشكلة في على الرغم من ثبات السيارة الجيد على الطريق إلا أن اشتكى الملاك من عفشة السيارة الناشفة , حيث أنها لا توفر الراحة الكافية للركاب وخاصة على السرعات البطيئة ويشعر الركاب داخل السيارة بالاهتزازات و المطبات والنقر الموجودة فى الطريق. رابعا / على الرغم من كبر حجم المحرك إلا أنه يعد من أبرز عيوب نيسان اكستريل 2019 , حيث انه لا يخرج القوة والعزم الكافي لإعطاء الاداء المثالي للسيارة وبالتالي يقل تسارع السيارة حيث تتسارع من السكون إلى سرعة 100 كم فى 13 ثانية وهذا الرقم كبير بالنسبة لحجم المحرك وتفتقر عدم وجود شاحن توربيني للهواء , بالإضافة إلى استهلاك المحرك الكبير للوقود.

[@عبدالعزيزالزهراني-ل4ع]

@@ali.su1994 تنصحني فيها اخوي ؟ اكس تريل 2021 اقل من الفل بدرجه