تجربة نيسان باترول 2020 Nissan Patrol

[@deabmohd49]

للأمانه كنت من ملاك التويوتا حتى سنه ٢٠١٧ اخذت نيسان ٦ سلندر واخذت ٢٠١٩ ٦سلندر والحين عندي الحمد لله ٢٠٢٠ بعد ٦سلندر se والله مريح واقتصادي ومكيف بارد وعمري ما رفعت الحراره عندي حتى والله العظيم اني احيان اتعمد اشغل المكيفين والثلاجة واتركه شغال اذا عندي شغل انزل ساعه في عز الصيف واذا رجعت ماشاءالله تبارك الله يكون بارد والحرارة عاديه ماترتفع بس مشكله بعض الناس متبرمج على التويوتا واذا شاف احد يعيب له سياره قام يعيب بدون خبره او بدون مايجرب السياره وانا مجرب السياره من ٢٠١٧ الى حد الان ومستمر إن شاءالله واقول للي في خاطره نيسان يتوكل على الله بدون تردد من ناحيه الحراره او ااصرفيه لايشيل هم ابد

[@riyanak3738]

الله يبارك لك ويعطيك خيره ويكفيك شره، طيب ٦ سلندر كيف عزمه في البر وخطوط السفر؟

[@deabmohd49]

@@riyanak3738 جزاك الله خيرا حلوه يخدمك واقتصادية وواسع اذا رجال عاقل رايح تدعي لكن إذا شباب وتحب تسابق والسرعه العاليه اكيد ٨ سلندر افضل لك لكن بالنسبه لي مرتاح على السته سلندر ويقضي حاجتك وزياده على الخط يطربك وفي البر نزل من الهواء ويمشي من أحسن مايكون اتمنى اني قدمت معلومه مفيده وان شاءالله كلام طالع من القلب

[@asjn807]

كلام حقيقي من مجرب

[@jabernasser8631]

انا ناوي اخذ platinum city ال6 سلندر ولين احين النيه موجوده بس عقب ما قلت ان السياره اوك فالخط ارتحت نفسيا.

[@deabmohd49]

@@jabernasser8631 توكل على الله السياره حلوه وانا افضلها على التويوتا في الاستخدام واوسع من التويوتا اللي عندي se مخمل ٣ شاشات وكيمرتين ومخمل اريح من الجلد خاصه الحر في الخليج مش طبيعي والبلاتينيوم كمواصفات افضل بكثير بس انا اشوف سواقه ال se امتع بسبب رنقات ١٨ وكل شخص وذوقه بالتوفيق مقدما

[@عآرف-ذ3ص]

*فعلاً عن واقع تجربة كان معي 2015 يعاني حراره في الصيف او في البر واذا كان واقف لكن من موديل 2016 الدفعة الثانية الشركة نزلت مروحة اضافية ولنحلت المشكلة وانا رهمت لموتري مروحه ثانية والحمد لله كل شيء تمام👌*

[@user-jw2gt2dr5g]

انا عندي نيسان باترول 2019 6V وعندي لاندكروزر الصراحه المواد في الباترول افضل بكثير من اللاند واعتمادي اكثر على الباترول وكارفه كرف ومرتاح فيه ولا قد شكيت منه

[@abdulazizalmanna5050]

انا من عشاق نيسان عندي فتك ٢٠٠٩ ماشي زين فل الفل ولا فيه عيوب ولا حراره بس صرفيه الوقود مرتفعه شوي ولكن في سبيل راحه القياده وتحمل المشاق تهون الصرفيه

[@ahmedalemadi5763]

عندي باترول ٤٠٠ حصان موديل ٢٠١٢ وأستخدمه لين اليوم وعمري ما اشتكيت من الحرارة والحمد لله.

[@saeee.77]

ما عندي نيسان باترول . زميل معاه نيسان 2015ويكرفه كرف ولا عمره رفع حراره . العنصريه اخي حسن . ولا الباترول ماشاء الله

[@saeee.77]

غبت غيبه اخي حسن الظفيري .. منور الله ينور عليك دنيا واخره

[@vette5007]

عندي نيسان باترول ولله الحمد ما اشتكي من الحرارة. لكن سعره على ياباني غالي الصراحة. تسلم الشيخ على التقديم الرائع.

[@totgeme6218]

الي م يحبون النيسان او يحكون عليه من ايام التسعينات م يفقهون شي ، الباترول م يرفع حراره الا اذا كان في تسريب بهوزات الراديتر او عطل بالراديتر ومايوصل النص او الH شيك ع جميع الهوزات والراديتر وامورك طيبه

[@alrayssi3776]

حشه لا يرفع حراره ولا شي كان عدنا نيسان بترول 2015 بعناه في 2017 لا اشتكينا من شي ولا شي نيسان حبيبي عيييش

[@راميالنجمي-خ8ز]

خمس دقايق عشر دقايق لما يكون المكان قريب أما على الخطوط الطويله فرق كبير ومن ناحية حراره أنا عندي 2010 ماقد شفت منه حراره الا لما كان الرديتر يحتاج تسيخ غير كذا ماشفت ومازال يمشي مافيه مشاكل ولله الحمد

[@AS-is3nz]

السلام عليكم ناوي اخذ باترول ٢٠١٠ او اكسبيديشن ٢٠١٥ ايهم انعم بالمطبات والتبريد منو الابرد شكرااا

[@asjn807]

A S من واقع التجربة الباترول

[@jabernasser8631]

A S الباترول وايد ناعم وهادي ومريح

[@osamamohamed-lk1zw]

أخوي حسن الظفيري .. السلام عليكم .. مرحبا الساع .. ممكن فديو على سيارة كادلك اسكاليد النسخة الطويلة النسخة الأخيره 2020 وشو التغيرات الي حصلت فيها والإضافات الي حصلت فيها .. وشكراً

[@ahmedraji1145]

اني عندي نيسان بترول ٢٠١٢ والحمد الله مااشتكي من حراره وطبعا بدون مراوح اضافيه سياره وكاله

[@oBraveHeart]

يااااالله ٨٠٠ كيلو، والله نعمة. النيسان اللي عندي ٢٠١٦ ٨ سلندر المكينة الصغيرة اللي توقف تصنيعها. ٥٥٠ كيلو بالعافية الله وكيلك، وما شاء الله يشرب برتول بشكل جنوني هذا من غير سعر البترول.

[@برهومالعماني]

اي موجود معنا بلاتينيوم 2017 وانكرفه كرفه في البداير و مافي ارتفاع حتراره ملحوظ

[@fahadalbufalah2310]

مرحبا اخ حسن .. انا من ملاك النيسان المكينة الكبيره ٢٠١٢ الحمدالله الموتر زين ... ومشكلة الحرار بعد مش ذاك الزود يرفع حراره بس بالمعدل الطبيعي وقت الزحمه بس علي الخط ما عنده مشكله ... ياريتك متكلم زياده بخصوص العزل اقولون ان المديل الجديد عزله ممتاز سواء صوت المحرك او هواء السياره .

[@mr.winner6187]

أخوي حسن أشوفك تطلع في الفيديوهات الفترات الاخيرة و شكلك مهموم أو حزين عسى ما شر يا غالي. أتمنى أشوفك دائما مبتسم و سعيد اخوك من السعودية

[@iswarm]

انا حزين

[@hithamsaid1766]

والله انت شخص جدا جدا ذكي وتنطي تفاصيل دقيقه اسأل الله ورسوله يحفظك ياطيب

[@TT-ux4gl]

اسال الله تعالى فقط الله يجزاك خير

[@حسينالخزرجي-ر1ز]

اللهم ارزقني نيسان باترول بلاتينيوم وكل من قال آمين

[@talalksa9009]

اخوي حسن ذكرت صرفيه الوقود في السفر والخط واضيف انه سرعة 120 الى 130 تحافظ على المحرك وعمر الزيت وتحافظ على حرارة القير وانظمة التبريد

[@tops_20]

اخوي حسن كل عام وانت بخير يعجبني للامانه صراحتك في التقارير وهذا الشي يدل على خلقك العالي ربي يحفضك

[@haithamsaleh2952]

احلى هدية شوفتك يا بو علي .. منور الغالي ، ربي يحفظك ويطول في عمرك

[@osgabriel20]

كل غام و أنت بخير نحبك و محب تقديم الجميل كل التقدير و الاحترام و المحبة من الأردن الله يوفقك و يحفظك خوي حسن

[@humaidalqassim5911]

بالنسبة للحرارة انا استعملت من ٢٠١٢ لغاية ٢٠٢٠ ابدا ما ارتفعت حرارة وشريت الان لاندكروزر ٢٠٢٠وتحسفت واتمنى ارجع اشتري نيسان

[@مشاريالديحاني-ص2ف]

ليه تحسفت أخوي ؟

[@abuyousef2377]

شرح مميز وصريح ومختصر مشكور اخوي

[@df44saud]

10 سنوات من 2010 الى 2020 ما عمري اشتكيت من الحرارة اتوقع مديلات 2015 او 16 طلع فيها مشكلة الحرارة وتم حلها

[@MD-zf8oc]

ما يرفع حراره ابدا معي انفنتي ٢٠١٦ كيو اكس ٨٠ وعندي باترول ٢٠١٧ ما واجهت مشاكل بالحراره ابدا

[@raydkx3265]

معروف ان النيسان مصمم لأجواء الخليج زيه زي اللاندكروزر فما ادري هل هو افتراء من متعصبين تويوتا؟

[@jabernasser8631]

Rayd kx افتراء مثل ما قلت لان لين احين ما شفت حد ع ارض الواقع عنده نيسان ويشتكي من هالمشكله

[@tahaplh1]

حطوا خشب رخيص نفس كفرات السكان بو لعشرين درهم

[@raydkx3265]

مسكة الدركسون تبهت مع الوقت و الاستخدام في اغلب السيارات مو بس نيسان باترول خصوصا اذا جلد و الوان فاتحه يبان فيه الأوساخ

[@hks111]

خلاص المفروض يتغير جذرياً

[@osgabriel20]

صحيح

[@hamood_.0690]

2022راح ينزل الشكل الجديد كلياً كموديل ل2023

[@FM-fd8ov]

hamood_.0 6 صصدقق أو متأكد من المعلومة ؟

[@hamood_.0690]

مـلل FM ايه 2023الشكل الجديد راح ينزل واذا تأخر بالكثير راح ينزل 2024بس 80% راح ينزل 2023

[@mohamedalkhemeiri1005]

عندي نيسان باترول 2017 كان يرفع حرارة بسبت كلج المروحة كان خرابان واول مرة رفعت حرارة والسيارة ماعدت 10 الاف كيلو وصلحوها وردت اختربت مرة ثانية بعد كم ألف كيلو وصلحوها على الضمان والحين الحمد الله اوكيه ماترفع حرارة

[@majedabduaziz9975]

كل عام وانت بخير استاذ حسن الظفيري واتمنى ترجع سلسلة موجز السيارات 😬.

[@محمدمحمد-ك7ب4ف]

نيسان معروف مافيه حراره ومكيف بارد منذ زمن بس يعوب النسيان الهربده

[@glassnext9376]

السلام عليكم ورحمة الله عندي سؤال عن النيسان باترول كيف في طلوع الجبال الشاهقة التي تصل ٤٠ كم والنزول منها هل أموره طيبة أم يعاني من مشاكل وبارك الله فيكم

[@عبدالاله-ك1غ]

ايه وفيها انظمه تساعدك والموتر مخصص لطرق الوعره

[@jabernasser8631]

اموره طيبه واصلا بصعود الجبال تستانس ع الموتر (جربتها في جبل جيس وجبل حفيت كذا مره).

[@glassnext9376]

ما شاء الله أحسنتم إخواني على الإفادة أفكر أشتري واحدة

[@jabernasser8631]

Glass Next زين ما اخترت الله يبارك لك

[@glassnext9376]

آمين وإياكم

[@Khalifa_Alblooshi]

عندي نيسان بلاتينوم 2014 يرفع حرارة للحين معني بدلت كل شي يخص التبريد في الوكالة 🙁

[@alielaj1523]

ركبله مروحه اضافيه ..

[@user-je5py3hv8x]

400 افضل جيب ماشاءالله

[@4800VTCTurbo]

الموتر ما يرفع حرارة، المشكلة الي تتكلم عنها موجودة فاي موتر مع الاستخدام الثجيل. كان عندي نيسان ٩٢ و تم وياية ١٢ سنة و ما شكيت من حرارتة و خذت نيسان ٢٠٠٩ و تم وياية ٧ سنين بدون ما اشتكي من حرارته و حالياً عندي نيسان ٢٠١٦ و ما اشتكي من حرارته. للعلم انا راعي بر و اعرف امشي فالبر بدون ما اسرع و اخرب الموتر و الحمدالله ما صادفني انه الموتر رفع حرارة عليه فالبر ، دبل خفيف افصل تركشن و امشي قير ١،٢،٣ بالهداوه و موترك بيعيش وياك دون اعطال.

[@abosaad4538]

وش افضل مكيف اللاند كروزر او الباترول في الوقوف للي مجرب السيارتين بكل امانه ؟

[@asjn807]

انا عندي الموترين ٢٠١٧ نفس التكييف كنك بسيارة وحدة لكن ما ادري عن ٢٠١٦ وتحت لإنهم ركبوا المروحة من ٢٠١٧

[@idjw3270]

ولله معاك حق الناس رجوله ثقيله على الدعسه اول ما تفتح الاشاره طارو 😂😂😂😂

[@TheZooool]

مشكلة السخانة تظهر في الزحمة مع ارتفاع درجة الحرارة . اذا الشوارع كبيرة و السرعة عالية ماتظهر المشكلة لكن في بعض الدول توجد فيها اختناقات مرورية يعني ممكن توقف في الزحمة و تتحرك ببطء بالساعات هنا تظهر مشكلة الحرارة و المكيف يبدا يسخن وهذي المشكلة في كل الموديلات من 1999 لغاية 2019 . في الموديل القديم عالجناها بتركيب مروحة تانية قدام في الرديتر مع المروحة الاساسية . اما في موديلات 2010 وفوق . فاماعرف كيف ممكن يعالجوها

[@aljameelmotors1719]

اللي يسوق لندكروزر ولكزس ويستعمل بعدها نيسان يحس بالفرق تجربتي الخاصه اللاند مريحه اكثر ومشاكلها اقل تحياتي للجميع

[@muaathalshekaili2281]

النيسان باترول إنته و حظك الكثير يشكيوا من الحراره و البعض يمدح فيها

[@jjzuae]

لا ياغالي شكلك تتكلم عن الفتك

[@mkmk8878]

تجربة رائعة استاذ حسن. كل عام وانتم وجميع الامة الاسلامية بخير.

[@ha97x]

السلام عليكم قبل كم يوم رحت الوكاله كنت مقرر اخذ 2020 وجاني واحد من العاملين في المبيعات قال السنه الجايه بيتغير شكله والتغير مع اللاند وخلاني اتردد اذا في احد عنده معلومه يفيدني .. وشكراً

[@i3001k]

والله من زمان استاذ حسسسسن اشتقنا وكل عام وانتم بخير

[@الحصرياتللسيارات]

وعليكم السلام ورحمة الله وبركاته كل عام وانت بخير يا غالي عسى ينعاد عليك بالصحة والعافية يارب

[@solidsnake5614]

ما شاء الله عزلها جميل

[@الشاهين-ن6ج]

الغالي انا استعمل نيسان من 81لايوجد ملاحضات ابدن

[@aesa3628]

السلام عليكم جميعاً وشكراً أخ حسن الظفيري على التجربة المميزة والشرح الكافي للسيارة وأنا لا أمتلك الباترول ولكن أحد الأصدقاء يمتلك النيسان موديل 2015 ويعاني من إرتفاع الحرارة وعدم كفائة المكيف وخاصة أثناء التوقف لأكثر من ربع ساعة مع العلم انه متابع الصيانة أول بأول وحتى الوكيل ما حل المشكلة.

[@IP3094]

طبيعي موتره مافيه مروحه للمكيف لازم يركب لان موديل اللي بعده نر لمروحه وخذها قاعده اي سياره مروحه مكاينكيه على المكينه لازم يكون فيه مروحه للمكيف لكن نيسان بخلاء خله يركب ثنتين كبار داخل الشبك يعني بين الشبك والرديتر وينسسسى الحراره

[@aesa3628]

@@IP3094 👍

[@abofahad525]

بالنسبة لتجربتك ٦ سنوات اظافة لمعارفك لاتتجاهلها وتسمعع لإمعة يكرر ما يسمع اولً عداد النيسان دقيق لو تزود الحرارة شوي تحرك يعني لو مأشر الحرارة تقريبً ٧٦،٥ وزادت لل٧٨ يتحرك شوي بعكس بعض السيارات يزود من ٧٦ ألى ال٨٢ ولا يتحرك وعذرهم انه في السيفتي ولا يحبون يربكون السايق على كلام بعض الشركات بينما لو حصل عنده عطل وهو بخط ماراح ينتبه لين يتحرك الانبير واكيد مايتحرك الى بعد مايتعدا السيفتي ويفاجاه وبعض السيارات ترتفع الحرارة والعداد ثابت ويمكنكم شفتو مقاطع للتايوتا يهرب ما من تحت الثلاجة ومأشر الحرارة ثابت اما عن التغير مايعتبر فيسلفت دام التغير بعدة نقاط فصحيح كلامهم انه تغير كامل بس ماهب طراز جديد وهو لازال واي٦٢ اما صرفية البنزين فلو قارنته بالمنافسين ماراح يكون اسوء منهم بالعكس راح يتفوق على بعضهم وحتا بعض السيارات الصغيرة تصرف لكن بحكم ان الناس ماتعارفت على انها تصرف او تامنكيها صغير انا عندي تجربة على ثلاث سناتات ٢٠٠٦ و٢٠١١ و٢٠١٤ اللتر يمشي بالخط معدل ١١ كيلو تقريبً بالسرععة القانونية والباترول يمشي اللتر على سرعة ١٢٠ ٨،٥ وداخل البلد ٥،٥ وعلى سرعة عالية اللتر يمشي ٥ كيلو وعندي طلب لو تجربه لنا بحيث تعبيه فل وتصفر عداده وتمشيلك مسافة ١٠٠ كيلو على سرعة ثابتة ثم ترجع تعبي فل وتقسم الكيلوات على عدد اللترات لان تجربتك يتخللها تدعيس وديرة لكن لو جربتها بهالطريقة اوعدك راح تجيب افضل من رقم الوكالة لان نيسان تعتمد المتوسط فيسهل تجاوزه اما الشركات اللي تعتمد افضل الضروف فيصعب تحقيق رقمهم الى بنفس الضروف وبانتظار تجربتك

[@قناةمنوعاتوذكر]

النيسان سياره حلوه وجميله وماعليها كلام لاكن انا مستغرب من حاجتين عيب فالنيسان و الوكاله ترفض تصلحهم اولا المكيف وثانيا صرفية البترول يعني حاليا الجمس الدينالي او السوبر بأن 2021 غير عشر سرعات و8سلندر والصرفيه 7،6لتر وفيها نظام فصل بين 4سلندر و٨سلندر لتخفيف صرفية الوقود حسب استخدامك أما النيسان ٦ سلندر والصرقيه 8،6 وأقل قوه وحجم من اليوكون او السوبر بأن

[@mahmoodalkindi8787]

عندي ٢٠١٦ يرفع حراراة ويتفكك والتكييف تعبان حتى لوفيه مروحة اضافية اشري لاند ابرك وتكييف بارد جدا ولايتفكك ف البر وموتر يكرف كرف

[@niss4800]

والله انك ماقلت الصدق ووالله العظيم اني مجربه لي 3 سنين ولا شفت ولا شي من اللي انت تقوله ولله الحمد وافلح من ذكر ربه مــاشــاءالله تــبـارك الله

[@asjn807]

niss_4800 حتى انا اسغربت من كلامه لعلمك صنف اقوى جيب اعتمادي لعام ٢٠٢٠ بأمريكا

[@raydkx3265]

صدقناك بس! مهما كان موتر صناعه يابانيه ٪

[@jabernasser8631]

انت شكلك مب مجرب الباترول ولا تعرف عنه شي. 🤷🏻‍♂️

[@hmoood9218]

واضح إنك صادق

[@osgabriel20]

الغرفة لازم تتغير و المحرك لازم يغيروه يكون صرفه أفضل و نفس القوة و العزم

[@SA-tq2bx]

((((( بريك النيسان بترول ))))))) اللي يعاني من مشكلة في البريك والسفايف وصوت البريك . يروح محل وكراج (((. فريم )))) مقابل السوق الصيني في عجمان ( الامارات). متخصصيين في حل مشاكل البريك وصوت البريك. متخصصين جدا في مشاكل البترول. واسعار ممتازة جدا جدا . بتحصل موقعهم على خرائط الغوغل .

[@adelnader9094]

جرب فحمات سيارة تويوتا / سكويا

[@SA-tq2bx]

@@adelnader9094 الكراج الذي ما يعرف يركب فحمات الوكالة . يركب فحمات السكويا صدقت . لكن هذا المحل اللهم بارك يعرف يضبط التركيب .

[@BlackPearl-bp]

انا غير معارض لهذا الفيس لفت يا اخ حسن انا مأخذي انه فقط شكلي ليس ميكانيكي القير ٧ سرعات ليش؟ الماكينه ال V8 ليش ما تستقبل وقود عادي او بريميوم؟ انا اتكلم هذا الكلام لسبب ان مع الباترول الجديد هذا على قولتهم في أمريكا تحدث التايتنز او سيارة النيسان الحوض الكبيرة مكينته ٤٠٠ حصان مع وقود بريميوم او يكون أضعف بوقود العادي + قير الاوتوماتيك حديث ب ٩ سرعات هذا لو موجود في الباترول بيساعد كثيييير في العزم والراحه وصرفيه الوقود. نيسان معروفه بسبقها بالمكائن والقيور ذات النفس الرياضي السنوات الاخيره لا مكائن ولا قيور تتطور مقارنة بمنافسية

[@blockremove]

السلام عليكم ورحمة الله وبركاته انا عندي بلاتينيوم ٢٠١٤ مكينة ٣١٧ حصان ٥ غيار وفاكه على ايدي وللأمانه الموتر يحتر اذا في عز الصيف وكثير الوقوف بسبب الزحمة ومشغل التكييف والثلاجة وتبريد المقاعد مما يؤدي الى فصل الكمبرسر وبالتالي خروج هواء عادي ومع حرارة الجو يصبح ساخن وحتى مع اضافة مروحة للكوندنسر لازالت المشكلة موجوده وانا من الكويت التي تعتبر أحر دولة بالعالم فدرجات الحرارة عندنا تتعدى ال54 سيليزيه وتصميم المكينة رياضي ولايناسب كلتش المروحة لذلك غالباً مايتعطل ويسبب أعطال للمكينة بسبب الحرارة العالية والموتر الى الآن استخدمه 6 سنوات ولله الحمد وأهم ميزاته قلة اعطاله بإستثناء كلتش المروحة و ثباته والراحة وحجمه وقطع غيار رخيصة من الوكيل نفسه ونصيحة للجميع اللي بخاطره باترول واستخدامه داخل المدينه ياخذ ٦ واذا راعي خطوط او الطقس عنده في الصيف مايتعدى ال٤٥ ياخذه ٨ سلندر وعلى فكرة في جو الكويت حتى اللاند ترتفع حرارته وترد طبيعية ويرطب تكييفه وكل ٨ سلندر دفع رباعي لكن الباترول أكثر وأسأل الله التوفيق للجميع

[@alimjr1997]

👃🏻💋كل عام وانت بخير

[@hussaintouq3859]

لو كل يوم تسوي حلقة عنه الموتر الفاشل بعد حلوة نطالعها .. أنا عندي كروزر ابي اغير للباترول لكن .. انتظر فتحة سقف أكبر .. ومرايات جانبية عاكسة اكبر .. وانتظر سكلة سقف .. وشاشة خوارط ١٠ انش .. ومصابيح فل ديم ال اي دي .. وقير ٩ سرعات ناعم مثل ال vxs . وصرفية اقل والشكل الجوانب لازم يتغير ..

[@mq9600]

الاخ نايم ولاصاحي تكلم مين ترى ماحد درى عنك

[@الزعيم2700]

اول شي vxs ٨ غيار وثاني شي هذا اقوى من الاند كرورز وثالث شي المرايا اكبر من الاند والاناره فل ليد بس شي واحد صدقت فيه الفتحه

[@turki1065]

لا يالغالي مرايا اللاند اكبر واللاند نعم ابطىء عن الباترول ك تسارع لكن عزمه يشيل وزنه اتكلم عن ال٥.٧ اما الباقي تعبان اللاند انوار ال اي دي كامل من قدام ومن خلف بس الفرق ف ليتات الريوس تجي عادية وبالنسبة لقوة الانوار لحد اللحين النيسان ما تتفوق بقوة الانوار مقارنة باللاند فلليل عن تجربة للاند في اكس اس الي يجي فيه شعاع آلي بعيد المدى مع باترول ٢٠٢٠ ٤٠٠ فل كامل

[@الزعيم2700]

@@turki1065 عن نفسي الموترين الافضل في الفئه

[@مشعلالظفيري-ع4ج]

الله يعطيك العافيه

[@مثقفخارجصندوق]

الاختبار الحقيقي القوة سياره لاتزيد ريس عن ٣الالف

[@مصطفىاحمد-ب1ف7م]

ربي ارزقني واحد لا اله الا انت

[@nasseralsulaiti2958]

ممكن مقارنة مع VXR

[@محمدالحربي-غ8ط2ه]

ي حسن ابي رقم تلفون وكالة تويوتا عندكم تكفى ابي افالون ٢٠٢٠ فل كامل

[@alialali2411]

شكد سعرها بلدولار

[@alhalem444]

الصراحة انا من ملاك 2013 400 و لين الحين وياي الموتر يرفع حرارة ااذا كنت في رملة لعبت بالموتر فالاحوال الطبيعية الموتر امورة طيبة لاكن الزفت فية الدرامات و السفايف للبريك كولتي 0 0 0 0 ايام كنت فالوكالة ابدل لين انتهى الضمان لازم عقب يومين ارد الموتر لهم و السفايف تسود الرنقات قطع الغيار النيسان 0

[@براهيممحمدالرحبي]

السلام عليكم ورحمة الله وبركاته منور اخي حسن الظفيري معك إبراهيم الرحبي من مسقط أحد ملاك نيسان باترول بطل الدروب عندي موتر موديل ٢٠١٢ بخصوص النيسان يرفع حرارة ولا لا ؛ بالفعل هو يرفع حرارة بس ما كل وقت ؛وكذلك يقل تبريد التكيف أثناء الوقوف التام وأثناء القيادة في زحمة الشارع ؛وذلك بسبب عدم وجود مراوح تبريد أمام الارديتر وهذه المشكلة في التصنيع من موديل ٢٠١٠الى ٢٠١٥ نيسان باترول بطل الدروب ! * أما من موديل ٢٠١٦ إلى ٢٠٢٠ تم أضافة مروحة واحدة أمام الرديتروصارت أموره الموتر ممتازة يبرد أكثر وقل ارتفاع درجة الحرارة !

[@الكعبي-ب6ك]

بطل الدروب

[@الزعيم2700]

اخيرا

[@mohamedh4282]

يرفع حرارة يوم تقطع في فلبر يوم تضغط عل مكينة.لا كن في الشارع لا

[@IP3094]

اي سيارة بالعالم تنزل بر لازم ترفع حراره يعني بأي منطق تكون حراره السياره بالشارع نفس البر مستحيل الفرق سياره عداد القراءه فيها غير دقيق ومايحسب الارتفاع بدقه ويكون السواق متطمن لكن ركب ساعه خارجيه لاي سياره يقال عنها ماترفع حراره بالبر وراح تشوف

[@العتيبي-ت6ع]

كم يفصل عليه ال٦ سلندر ؟

[@uww.v]

عندي سلندر ٢٠١٧ ما عندي اي مشكله مع موتري يرفع حرارة

[@الزعيم2700]

احلى عيديه

[@mohammedalharbi7700]

جرب gv80 جنسيس

[@kuwai000kuwaite6]

حسن نصيحه صور الشارع وانت تسوق الفدييو اغلبه الكامره عليك

[@toyotasubaru7314]

شكرا لصاحب القناة الفاضل ... بالنسبة للمحركات فئة 8 سلندر راح تتوقف عما قريب للابد نظرا للقوانين الدولية الصارمة ضد انبعاثات المحركات وهذا القرار راح يتم تطبيقه خلال السنتين القادمتين وساعتها ماراح يكون في السوق غير محركات السته سلندر والمحركات الكهربائية ... وداعا محركاتV8

[@ahmedkhalifah2077]

ولله فعلا حتا أنا سمعت انو الاندكروزر حيوقف في الv8😭😭

[@toyotasubaru7314]

@@ahmedkhalifah2077 بالفعل اخي الفاضل .. حتى اللاندكروزر وأي سيارة من فئة 8 سلندر .... نصيحة لأي شخص حاب أنه يشتري هذي الفئة يراجع نفسه لانه راح يخسر فيها وماراح تجيب له نص السعر لو حب يبيعها ناهيك عن السعر العالي باستهلاك البترول .....

[@abohatem9947]

يازينه مع العافيه غير ما حصلت قيمته اشتريه

[@hamood_.0690]

من ناحية حراره انسى مافيه حراره هذي سواليف فاضيه ومن ناحيه جودة كواد داخليه ترا سيارات نيسان الجديده جودتها جداً ممتازه ولاكن فترة. كارلوس غصن كانت الجوده شوي ظعيفه لاكن الان جداً ممتازه

[@xXxKHALIDxXx]

موفق صديقي

[@sulm333]

نبغى تجربة شانجان cs95 2021 رويال فضلا ﻻ أمرا

[@omaralbusaidi4970]

نص الشعب يودونه صناعيه شارجه تحويل لموديل 2020 😂😂😂😂

[@mbs8667]

😂😂😂 بس راح تنزل قيمت الموتر إذا حولته

[@omaralbusaidi4970]

@@mbs8667 اذا قطع اصليه ما راح تنزل قيمتها 🌚

[@mbs8667]

@@omaralbusaidi4970 لاتنزل ولاحظ فالسوق واصلا حاليا من وين تجيب قطع اصليه ضمانها على ضمان السياره مافيه

[@omaralbusaidi4970]

@@mbs8667 عيل انا يوم اشوف حسابات للبيع القى السعر اغلى يوم سياره محوله بذات قطع اصليه او مثلا كت AMG

[@mbs8667]

@@omaralbusaidi4970 بالعكس انا اشوفها فانخفاض عن السعر المفروض

[@مطلقالناجي]

السلام عليكم ورحمه. الله وبركاته. الحقيقه. انا مستخدم نيسان على طول ولا صادفت حراره مره وارتفاعها. بالعكس حرارته عاديه عيبه انه يتفكك ويهربد بوديه بسرعه

[@bnbnbnbn5633]

كم موديله الي معك

[@اسدالعراق-ض4ع]

خذ لاندكروزر وريح بالك قال باترول قال 😂😂😂😂😂

[@Justme_77077]

حساس ويخرب وحرارته ومواده الداخلية ضعيفة.

[@Alptar1]

عيب النيسان الصرفيه والصيانه وقطع الغيار وجودة المواد ضعيفه و في المناطق الوعرة غير عملي وبسرعه يتفكك عكس تويوتا وبصراحه شكله وتصميمه الخارجي والداخلي فاشل ولكن يتفوق في الرمال عزمه اقوى من تويوتا ولكن تويوتا مميز بنظام الزحف

[@jabernasser8631]

الصرفيه تراها زينه ع السواقه الهاديه وبالنسبه للصيانه ترا الصيانه فنانه فالرستماني وقطع غياره متوفره واسعار قطع الغيار رخيصه وفالمناطق الوعره عملي بامتياز بعد وبالنسبه للتصميم اشوفه افخم وارقى من اللاند. وع فكره الموتر فيه دفلوك وانا اشوف الدفلوك افضل من ناحية السرعه والعملانية.

[@خالدعبدالله-ل5ع9س]

ارحب

[@IP3094]

اللي يقول حراره ياخونا حسن بعضهم يردد وبعضهم عانى من غباء نيسان منزلين موتر للخليج بدون مروحه للمكيف يعني حتى الحمار اذكى او انهم يبغون يوفرون مبالغ المروحه ههههه شركه منتهيه اما كمحرك مايعاني من حراره الا اذا فيه مشكلة نقص ماء او ضعف كلتش المروحه اما سليم استحااااله فيه نوع ثاني مادري كيف اوصفه يعني موضوعهم يبغى له دراسه يقول لك يرفع حراره اذا دخلت البر بالصيف عطني موتر مايرفع حراره بالصيف بالبر 😂 يبغى حرارة المكينه بالبر نفس يوم يمشي بالشارع وهذا طبيعي ياناس بالاجواء هذي وبعضهم يتحجج بالمنافسين ياحبيبي بعض المنافسين عداد قراءة الحراره غير دقيق استحاله تكون حرارة السياره بالشارع نفس البر لاي سياره بالعالم استحااااله استحااااله لكن ركب ساعه حراره خارجيه بتشوووف الارتفاع بدون ماتركب لو تفتح غطا المحرك وانت بالبر بتحس بحراره قويه فرق عن يوم يكون بالشارع بس ناس تتفلسف اما اذا الموتر غرز وطاح على بطنه انتهى موضوعه وشفنا لاند ولكزس رفعت حراره ولاهو عيب لان مافيه هواء والمروحه استحاله تلحق تبريد على المكينه والموتر كله نازل بالرمل

[@Ihm02]

سعره رخييييييص

[@مثقفخارجصندوق]

شو فايده تجرب ماتغير فيها شي ههههه

[@hussaintouq3859]

موتر نفس درب الزلق ماينمل منه ..

[@الشيخعماااني]

٥ لايك