Рет қаралды 5,606
MMA-ს მოყვარულებმა თბილისში შერეული ორთაბრძოლების მორიგი შოუ იხილეს - საიუბილეო GFC ცხრა ბრძოლით დაბრუნდა.
29 აპრილს, აღმოსავლეთ ევროპის უნივერსიტეტში GFC 20-ის საღამო გაიმართა. ტურნირზე 18-მა სპორტსმენმა იასპარეზა, მათგან 9 ქართველი მებრძოლი იყო. ქართველების გარდა, ოქტაგონზე ლიბანელი, ირანელი, სომეხი, შვედი და აზერბაიჯანელი სპორტსმენები გავიდნენ. მაყურებლებმა წინასწარ ქარდზე 4 ჩხუბი, ხოლო მეინ ქარდზე 5 ბრძოლა იხილეს. საღამოს დასრულების შემდეგ GFC-ის პრეზიდენტმა გიორგი კაბულაშვილმა განაცხადა, რომ ბათუმში გასამართ საღამოზე ქამრისთვის ორი ადგილობრივი სპორტსმენი - გოჩა შაინიძე და რუსლან ბოლქვაძე იჩხუბებენ.