ТОРТ ПАНЧО🎂 таҥнары хомуллар торт😋👍🏻

Бисквит:
• сымыыт - 6 уст.;
• саахар - 170 гр;
• бурдук - 200 гр;
• какао - 2 ост.нь.;
• разрыхлитель - 1 ч.нь.
Крем:
• 25-30%-наах сүөгэй - 700-800 гр;
• сахарнай пудра - 100-150 гр.
Киэргэлэ уонна начыыҥката:
• банан - 2 уст.;
• хараҥа сакалаат - 50 гр;
• үүт - 25 мл.
Сымыыты саахары кытта үллүөр диэри миксеринэн эрийтэрэбит. Бурдугу, какаоны, разрыхлитель туспа атын иһиккэ кутан булкуйабыт. Эрийтэриллибит сымыыкка аа-дьуо бурдукпутун кутабыт, хас сырыы аайы сэрэнэн булкуйабыт. Тиэстэ түһэн хаалыа суохтаах (не должно осесть). Тиэстэбит бэлэм. Бисквиппитин духуопка лииһигэр буһарабыт. Түгэҕэр пергамент тэлгиибит уонна тиэстэбитин кутабыт. Формабыт арыынан эҥин сотуллара наадата суох.
180 кыраадыска диэри сылытыллыбыт духуопкаҕа, үөһэ-аллара режимҥэ 20 мүнүүтэ буһар. Буста да духуопкаттан хостуубут, остуолга туран сойор, ол кэннэ биирдэ форматыттан хостуубут.
Сүөгэйдээх саахарбытын холбуубут уонна үллүөр диэри эрийтэрэбит. Крем бэлэм.
Торт хомуйуутун бу кинигэҕэ баар QR кодунан көрүөххэ сөп. Ол эрэн, тылбынан өйдөнөр гына суруйа сатыам.
Хомуйар иһити кэпсээтэххэ, хороччу иһит буолуохтаах, хайаан да таас буолбакка, пластик эмиэ буолуон сөп. Иһиппит ис өттүн салаппаанныыбыт, ол эбэтэр торпутун таҥнары тутан хостуурбутугар үчүгэйдик хоҥнон кэллин диэн.
Дьэ, торпутун хомуйан саҕалыахха. Бисквиппитин иһиппит диаметрынан быһабыт. Ол аата торт түгэҕин оҥоробут. Онтон ордугун квадрат гына бысталыыбыт. Банаммытын эмиэ умнубаппыт, төгүрүктүү быһан бэлэмниибит.
Хомуйабыт. Бастаан крем биһэбит онтон квадраттарбытын араҥалыы (слой-слой) уурталыыбыт уонна хас сырыы аайы кремниибит. Ол быыһыгар банаммытын кыбытабыт. Онно быраабыла диэн суох. Саамай бүтэһик төкүнүк улахан бисквит ууруллар, кини торт түгэҕэ буолар. Эмиэ үрдүнэн салаппаанныыбыт уонна 2-3 чаас курдукка холодильникка уурабыт.
Арба, хайаан да кыратык крем ордорооруҥ, ол торпут үрдэ буолуоҕа.
Торпутун 2-3 чаас таҥнары тутаммыт хостуубут. Ордубут креминэн кичэйэн сотобут уонна үрдүнэн теркаламмыт сакалаатынан киэргэтэбит.
Минньигэстик аһааҥ!

[@ДианаНиколаева-х8э]

Кинигэгэр уут,уу кутуллар диэн дии🤔

[@user-do6ii9ef3hnd]

бутэьигэр ессе дегустациялаага буолла😍

[@popovtar]

Дии оннук эбиэххэ наада😍

[@mitrosh94]

😍👍😋

[@ДарияТорохова]

Суогэй оннугар сливки бассар да?

[@popovtar]

Дьиэтээҕи сүөгэй барсыбат😉 арай 25% магазинтан ылыллыбыт сүөгэй буолуон син

[@ЕвдокияИванова-п5ц]

🤗 Бутэьигэр окончательнай этии тиийбэт эбит дии санаатым ди

[@popovtar]

Примерно туох диэн ол?

[@kiraburnasheva-gr1to]

​ И тош

[@kiraburnasheva-gr1to]

Ы

[@ВикторияСоловьева-в9о]

Сиэхпин багардым🥲🥲🥲😍😍😍 хайдах эрэ астык баайы школага инник курдук тортары невский коржтан игин онорор этим, йогуртовый игин диэн😄😄😄