تتصرفي ازاي مع الناس اللي بتقف ضدك مع النرجسي سواء اهلك او اهله .... كوثر سند

تتصرفي ازاي مع الناس اللي بتقف ضدك مع النرجسي سواء اهلك او اهله
نظرة المجتمع لزوجة النرجسي
كتير جدا من زوجات النرجسي بتقول ان أهلها وقريباتها وصاحباتها واهل النرجسي وخصوصا الخفي بيقولوا لها دا ملاك انتي اللي مفترية ، وطبعا دول لهم عذرهم لانهم مخدوعين فيه ، الأسوأ من كدة بقى ان النرجسي يكون ظاهر بس مش بيضرب ولا بيشتم ويلعن وبيصرف على أولاده كويس بس شغال معاها تحقير وإساءة ادب ادام الأولاد زي مثلا ماما حتتعاقب او متعاقبيش انتي الأولاد ، او يبين للأولاد عدم احترامه لها ويحقرها ادامهم ، في الحالة دي بيتقال لها ايه يعني لما يقول لك كذا ، شوفي فلانة بتنضرب وعايشة شوفي فلانة بتتسب كل يوم وعايشة احمدي ربنا انه بيصرف على أولاده وبيأكلكم ويشربكم عايزة ايه تاني؟
شوفي انا بقول للحالات ايه وبقول في الحلقات هنا طالما بيصرف كويس ومش بيمد ايده ولا بيشتمك ويشتم اهلك ممكن التعايش معاه اذا انتي مضطرة لدة ، كلامي اكيد واضح انه مختلف عن اللي بتقول لك انتي مفترية انتي عايزة ايه من الدنيا تاني الراجل كريم وبيصرف ومش بيضربك ، الناس اللي بتقول كدة دي بتنقسم لثلاث أنواع
١- حد بيحبك ومش عايزك تاخدي لفظ مطلقة وخايف عليكي من الوحدة وخايف على اولادك ودة طبعا معندوش أي علم بالنرجسية وتأثيرها عليكي وعلى اولادك فبالتالي طبعا لاتسمعي له ولا تاخدي بكلامه واذا كان حد قريب زي ابوكي امك حد حيفرق معاكي في المساندة فلازم تفهميه اللي بيحصل معاكي وتحكي له المواقف اللي بتحصل
٢- تاني حد اهل النرجسي اللي بيحبوه لوكانوا مش نرجسيين وخايفين برضه عليه وعلي بيته واو ... ودول طبعا مش حينفع تشتكي لهم ابدا منه سواء هم اسوياء او نرجسيين لان ابنهم بالنسبة لهم ملاك بجناحات فمتجهديش نفسك في شرح ولا شكوى ولا دفاع عن نفسك ابدا ابدا معاهم
٣- ثالث نوع بقى اللي بتسميهم دكتور راماني الممكنين انيبلرز ، دول بقى اما نرجسيين من اهلك او محبين له من اهلك ومخدوعين فيه ، او قروده الطائرة او حد بيكرهك وضدك على طول الخط حتى لو كنتي مظلومة وماحيصدق يتفرج عليكي وانتي بتتألمي وغالبا دة بيكون برضه حد مش سوي ، الناس دي بتتعامل معاكي بطريقة شبه منظمة ومخططة سواء التخطيط دة من قبل النرجسي او من قبلهم هم ، ازاي هم بيبدأوا الكلام معاكي ان هو كويس وزي الفل وانتي اللي مش عارفة تحتويه ولا عارفة تراضيه وانتي اللي مقصرة وانتي اللي وصلتيه انه يمد ايده وانتي اللي بتهمليه فيهرب منك وانتي اللي مقصرة معاه عشان كدة راح يخونك او يتجوز عليكي ، وبعدين لو اثبتي لهم بالادلة انك لكي حق وان المشكلة فيه حيبدأوا يدخلوا في المرحلة اللي بعدها اللي هي طيب عيشي هو بس عصبي شوية وطالما بيصرف ومش بيضرب يبقى احتويه وعيشي حتى لو تقدري تسيبيه ماديا ومش مضطرة تعيشي هم بيقولوا لك عيشي وهو حيتغير وحيتحسن بس انتي احتويه ، ولما يوصلوا معاكي ان مفيش امل وانتي واخدة قرار ومفيش فايدة حيدخلوا في المرحلة الثالثة واللي هي استحمليه اصله مسكين هو مر بظروف صعبة وهو طفل اصل ابوه كان قاسي جدا عليه ، اصله امه كانت ظالماه ، اصل امه خانت ابوه وكانت فضيحة وهو متعقد ، اصل تربيته كانت كارثية ، حاولي تعالجيه وتقفي جنبه و..... وطبعا كل دة كلام فارغ واستعطاف لانهم مش لاقيين حل واحيان كتير جدا الزوجة بتتأثر بالكلام دة وخصوصا لما يتقال من حد هي بتثق فيه ولو كانت متعاطفة كمان بيصعب عليها وبتحاول تساعده فعلا وكل ماتحاول كل مايصدمها ويزيد في اعتدائاته عليها ،
طيب ايه الحل ؟
الحل لكل فرقة من دول حل ، الفرقة الأولى اللي هم اهلك او الناس اللي بيحبوكي لازم تحكي لهم اللي بيحصل معاكي بالتدريج وبشكل يومي تحكي المواقف اللي بتحصل بينك وبينه فيها تحقير وكلام واضح انه تقليل وتحقير ، ولازم تفهميهم يعني ايه نرجسية وليه بيعمل كدة عشان يقدروا يساندوكي بشكل صحيح ، دة في حالة انك مش عارفة ولا قادرة تكملي وحاسة انك ممكن تسيبيه فلازم تعملي الخطوة دي
اما الفرقة التانية اللي هي اهله وحبيه سواء اسوياء او لا دول لاتحكي ولا تشتكي ابدا ابدا وتوقفي أي كلام معاهم لانهم مش حيساعدوكي ولا حيريحوكي ابدا
النوع الثالث دة بقى بلوكيهم من دماغك ومن حياتك كلها لانهم بيتكلموا بلسان النرجسي ولانهم هم اللي بيزودوا نرجسيته بغبائهم وغالبا بيكون لهم عنده مصالح فبينافقوه او منهم اللي بيحبه أصلا وبيحسدك عليه وحاجات كتير المهم ان النوع دة مفروض ميكونش أصلا بينك وبينهم أي حوار نهائيا
قوي نفسك وثقفي نفسك واسمعي التشافي والثقة بالنفس واتخلصي من ادمان النرجسي وانتي مش حتحتاجي أصلا لحد يساندك غير ربنا
جروب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress
رابط حلقة السيرة
• السيرة النبوية الشريفة...

[@kawthersanad]

kzbin.info/www/bejne/oWGZdaaqnNeqiKc رابط حلقة السيرة (٣٩)

[@dr.emanmansour3349]

كيفية حجز استشارة عند حضرتك؟؟

[@basmalhmohamed9620]

@@dr.emanmansour3349 ازاى

[@gehanabdelzaher7503]

@@basmalhmohamed9620احتاج رقم واتس اب لو سمحت

[@nesmaelrefaie1921]

امي بتحب زوجي جدا وبتخاف منه يخاصمها بتخاف تقوله ليه مزعل بنتي دايما بتحب تظهرله انها احسن مني مع انها صعبه جدا في التعامل مع والدي بتفرح لو اتخاصمنا انا تعبانه بسبب امي وبسبب زوجي لتعامل ازاي😔

[@basmalhmohamed9620]

@@gehanabdelzaher7503 بالله عليك عوزة اتواصل معها ضرورى

[@maimonahmohammed7765]

انا في حاله قاطعني فيها القريب والبعيد ولم يبقى معي إلا الله ❤️

[@user-kj3nm9ez3i]

حبيبتي مفيش احسن منه واحنا منه مفيس معنا كده فانتى معكى الدنيا كلها❤❤

[@user-kj3nm9ez3i]

قولى افوض امري الى الله انه بصيرا بالعباد كتير ويقين ربنا معكى🌺🌺

[@elhamsaleh5216]

ربنا ناصر المظلومين والله عن تجربه فوضى امرك لله وربنا مفيش ارحم منه

[@user-jr7on8ll1c]

لما توصلي للمرحلة هذي اعلم ان الله يتولى امرك.. وان الفرج قريب..

[@basmagalal2608]

ملعون.ابو.الناس.العزاز.ال.لما.احتجنا.ليهم.طلعو.اندال.بامتياز

[@sweet1399]

المشكله اذا الاهل فاهمين بس بيغطوا عينيهم عن الحقيقه هم ضد الطلاق و لفظ مطلقه و اصبري ده نصيبك من الدنيا 🥲

[@user-rh6ob7st7f]

ربنا عوضنا عن الاهل بيك انا خسرني كل اهلي حتى امي لاكتشف انها كانت نرجسية والحمد لله حظرتك فيك حنية الدنيا ربنا يباركلك و يجازيك عنا خير الجزاء

[@marwaahmed9695]

💜💜💜

[@Adam-mo8ot]

اني أيضا اكرها للموت

[@the_dream1]

انا ايضا امي نرجسية وابويا نرجسي اكثر منو ومضطرة اعيش معاه ولاكن اقوي نفسي واتعلم مبقيتش زي الاول انا قوية وهو بيتخبط في ضعف

[@solafamasarwa3310]

اللهم صبرا وجبرا وقوة لكل مظلومة مع نرجسي الله يكون بعونكم 😇

[@user-wb5gi2gc1d]

تعليقا على حلقة حضرتك امبارح كانت جميلة زى حضرتك قال سيدنا عمر بن الخطاب : انها القلوب ياعلى ان صفت رأت ❤️

[@read55]

انا لسه مشفتش الفيديو... بس عامة انا مقاطعة الناس كلللللها... اروح احمل الفيديو و اتفرج برواقة.... بحبك و انقذتي حياتي

[@jaziibrahim7413]

للأسف أم حدية تفضل أخي وأخت نرجسية خفية و أخ مُمَكّن. أين المفر🤦‍♀️

[@user-pb6vk1fx1w]

شكرا أستاذة ربنا يخليك. اصلا احنا محدش مصدقنا، حتى المحامية بتاعتي عندها شك في الي بقوله و مش مقتنعة، ربنا يكون مع كل مظلوم

[@calambisou]

ما بيضربش و بيصرف و ولما اتجوز في السر رجع و طلقها .. لكن الحياه معاه بتكون سنوات من التثليث و الوحده و القهر و الاهمال المتعمد ..موت بالحياه

[@user-si1bk6uf4f]

أكثر موضوع خلاني اخرج من طوعي هو هذا الموضوع فعلا اثرتي موضوعا مهما جدا جدا شكرا دكتورة.

[@emanebrahem9851]

حلقه فى غاية الوجع والألم والحسره إلى فى قلبى لاني افتكرت كل حاجه من سنين كتير وكذب وافتري والناس تصدق

[@amalsaleh1078]

لوسمحتي تعملي حلقة عن علاقة اخوة النرجسين وتحريضهم على الزوجه والاولاد الاخوه نرجسين اسوء من النرجسي

[@user-uh3eo2cn4e]

انتي حد جميل اوي وبتحيبي مواقف احنا حتي نفسنا منعرفش نطرحها وبتكون دايره في دماغنا ربنا يكرمك ويجازيكي هنا خير الجزاء يارب

[@salwaelsaqa679]

والله حصل معايا فضلت اعافر علشان ادافع عن نفسي وكل مره يلقوا اللوم عليا الكل ضددي محدش واقف معايا

[@medoashraf4920]

انتي فعلا وصفتي حياتي بالظبط معاه من اهانه وضرب وشتيمه وقله قيمه معايا ومع ولادي طول عشتي معاه واهله زيه بالظبط امه تشجعه وتقوله الواحد له يتجوز ٤ انا هجوزه ٦ علشان عارفه اني مليش مقوي وهفضل اقول لغايه ما اموت دا مكانش ليه جواز وحسبي الله ونعم الوكيل في كل من ساعده في تحطيم حياتي ودمرني نفسيا

[@user-ko5kl8kq2e]

حطيتي ايدك عالجرح ، حلقة في وقتها شكراً جزيلا بارك الله فيك ، الله يجعلها في ميزان حسناتك يارب

[@fatimaal-eqabi8362]

الطرف الرابع والاهم هو القضاء والقانون كيف تتم المواجهة معه ومع اهله وخصوصا وان القاضي يحكم بالادلة والاثباتات وليس مواقف او كلام

[@user-lh3cs8yd5b]

ماهو للاسف القاضي بشر محتاج ادله إلا إذا كان ذو بصيره وعلم وهؤلاء ليس بالكثير

[@oumnoor1156]

شكرا يا حبيبتي انا في المرحلة دي مرحلة كسب اهلي في صفوا واعتمد على ابي لأنوا شخصية ضعيفة فاصبح زوجي هو ابن ابي وانا الشخص الغريب والحمد لله.

[@Rehab-tn2ot]

كل مرة الحلقة بتيجي في وقتها بالضبط وكاانك حاسة بيا

[@lolyloly775]

انا كمان والله دايما بقول كدا

[@user-pb6vk1fx1w]

و انا كمان في الوقت المناسب

[@souadhoumdi6802]

وانا كمان ربنا مايحرمناش منك ياميرة

[@mahaomar9073]

سبحان الله عملت الحل رقم 2 ورقم 3 وخليته يشبع باهله وبقرودة الطائرة اللي كان دايما بيهددني بيهم انه زي ما خلاهم يحبوني هيخليهم يكرهوني . فبلوك ليك ولاهلك ومعارفك وحبايبك

[@saharmoustafa1278]

ربي إني مغلوب فانتصر

[@ayakhalid9920]

جميلتي كوثر سند جميله جدا اهلي ذات نفسهم بيقولوا مش بيصرف عليكي وعلي الولاد دة جوزك مش بيتكلم خالص معقول

[@nanotilp8870]

نفس الكلام تحسي أن محدش همه راحتك ☹️

[@sarahbatto9713]

حلقة رائعة انا تعرضت للضغط من أهلي واهلو ولكن عرفت اتصرف متل ما حضرتك تفضلتي ولكن اغلب الكلام الذي اثر في كان من اولادي وكله نفس اللي قولتيه هل يوجد طريقة للتعامل معهم في هذا الموضوع اعمارهم 19 و21 وشكرااا لكل حلقاتك

[@zahiya687]

اهلا دكتورة انت الوحيدةاللى بتعبري عن داخلي انا ممتنة لكي الله يحفظك ويحفظ ولادك

[@AmalAmal-mb4sf]

سبحان الله هذا لعملته عملت بلوك مع اهلي لأن مع اهلي نرجسية اهلي نوع وأهل زوجي نوع ثاني الآن لم اكلم احد عن مشاكلي حت تغيير لم يعرفه الا الله فقط

[@monagoher6178]

انا تعافين من ادمانه من فترة وبقيت دلوقتى قوية متجاهلاه ماعتش بيصعب على حتى لوتعب شوية وهو مستغرب قوى وبيبصلى بصات وانا ولا انا هنا

[@aliahindash1294]

فعلا اجت الحلقة بوقتها تسلمي يا رب ❤❤

[@AhmedMostafa-fy1tk]

والله والله أكيد فيديو راااائع من قبل ما اسمعه وأكيد هلاقى فيه الجواب الشافي .ربنا يباركلك في صحتك يا دكتوره ويجازيكى عنا كل خير

[@yokahesham1155]

فعلا ..احرصي على ماينفعك واستعينى بالله ولاوتعجزى ..تحياتى لحضرتك كوثر هانم

[@mahaalbetar3572]

كلامك يوزن بالذهب وقناتك فريدة من نوعها لانك تركزين على هدف اوحد وهو حل مشاكل المظلومين من النرجسين جزاك الله كل خيروادامك نعمة في حياتي وحياة احبابك وجمعني واياك في الفردوس الأعلى من الجنة

[@NM-wu8gh]

مستنياكى 😍😍بشوف الفديو للمره الرابعه...ومابقتس خايفه انى اقول انى بتابعك حضرتك رجعتى ليه عقلى ..ادامك الله لنا سندا يارب يديكى الخير كله ربى يراضيكى

[@asmaeattar4130]

مشكورة استاذة كوثر سند على نصائحك و توجيهاتك القيمة انت فعلا سند لكل النساء ضحايا النرجسيين لا تنسي ادق تفاصيل الحياة معهم

[@shan6449]

ملاحظات صحيحة فعلا كلام قمة الابداع والروعة انخرطت أول ماستمعت لك اتمني الإستفادة وشكرا جزيلا

[@MODERN-ed7vy]

الله ينور عليكِ ربنا ينور بصيرتك و يزيدك علم و تنورينا

[@fatimaali3384]

رائعة و مبدعة كل عادة استاذة كوثر سند 💐كلامك و الله كأنوا جواب لتساؤلاتي للكلام الذي اتكلم فيه مع نفسي 🌸🌸🌸احبك في الله و ربي لا يحرمنا من كلامك و معلوماتك القيمة

[@aidashadad7686]

فيديو فوق الروعة حقيقي حقيقي وكلامك كله صح والله العظيم التشافي مع القرب م ربنا هو الحل ولا بقيت بحتاج لحد غير ربنا ثم فيديوهاتك يارب يارب يخليكي ليا ويجعلك سند طول العمر بعد الله

[@user-pw1rj2qf3u]

ربنا يخليكي لينا إنتي ودكتور أحمد فؤاد السبب إني فهمت الحاجات الغريبه اللي كان بيعملها معايا والحمدلله تعافيت بعد الصدمه وحرمته من الوقود بكل انواعه ودلوقتي لما طلبت الانفصال وافق بسرعه وبيستعجلني كمان إدعولي أكمل على خير

[@user-bg1vf1uz4p]

وحقاقاً للحق اول من تكلم عن النرجسيه هي الاستاذه الكبيره سحر النادي صار لها اكثر من ثلاث سنوات تتكلم وتوعي الناس بهذه الشخصيات السامه اسم القناه فخ الطاؤوس

[@hanaafarag8640]

بجد بدعيلك من قلبي علشان اول واحده من 9 سنين الاقيها حاسه اللي جوايا... انا دعيتلك من قبل ما اسمع الفيديو بس شوفت العنوان.ربنا يكرمك

[@hamada.ah149]

اقسم بالله انتى هتدخلى الجنة 🤗 ❤️ اناقريت السؤال بس ولسة هكمل الحلقة بس اقسم بالله فعلا بيقولوا كدة ههههه وهو اصلا هدفه ان الناس تقول عليه كدة ويقولوا عليا انا اللى مجنونة ومتمردة عالنعمة بس انا مببقاش فهماهم فعلا 🤔🙄

[@basmagalal2608]

انا.زيك.والله.عمل.ليه.حملة.تشهير.مع.اصحابة.وقرايبه.ويقولى.كفاية.فضحتك..طاب.تصدقى.بالله.طلع.عليه.وعلى.امى.وعلى.خالتى.اننا.كنا.ققلالة.ادب.

[@sabahabdelsamie5447]

لا يعلم الغيب الا الله احنا منعرفش مين هيدخل الجنة و مين لا

[@user-gk4bc6rh4b]

محدش حيدخل الجنه إلا بمشيئه الله فقط والقَسَم مش لعبه خيتو مابصير تقسمي على كل شيء والله المستعان

[@hamada.ah149]

ربنايهديكوا... خليكوا ف حالكوا محدش وجهلكوا كلام

[@user-sq5hc4fu3o]

وعليكم السلام ورحمة الله وبركاته..ما شاء الله على الإبتسامة الحلوة..بحبك في الله شكرا لحضرتك

[@nouraadel7709]

الله ينوووووورررر عليكى❤❤❤❤اللهم لا تجعل فى قلبى أحد غيرك❤❤❤❤❤❤❤❤❤❤❤

[@user-yz1tm5wz4h]

كلامك كله صح صح يا دكتوره ان يشفيك ويعافيك نتيجه الصحه والعافيه وبارك الله فيك جزاك الله خيرا كلام صح

[@hendali54]

حقىقي ربنا خير معين والله المستعان ويفرج كربنا جميعاً ويديم عليك العافيه وبنحبك في الله

[@ssm80]

انا نرجسي ظاهر بيصرف علي ولاده ومبيمدش ايده كنت بقوم اقعد اصوووووت اصوت امه بتقولي ايه يعني يشتم اهلك بس مبيضربكيش احمدي ربنا ميشتم اهلك والله دانا بناتي بيضربوا احمدي ربنا. 🙂🙂 داناابني مفيش زيه روحت عملتلها هي وبناتها بلوووك وقطعت تام

[@pocy4782]

بارك الله فيك أنت رائعة 💐💞💐💞

[@user-hx4ty7ku5p]

مع العمل بالأسباب التى ذكرت.. أكثرى من الدعاء وقول( لا إله إلا أنت سبحانك إني كنت من الظالمين)

[@user-ud2lu1xw1x]

اذا كان النرجسي الخفيف عنده خوف من الله ، ، ، لا بأس به وهذا كمان مجنني ومفرحني بنفس الوقت مدري كيف أتمنى تتكلمي عن كذا

[@user-gk4bc6rh4b]

لو زوجك فعلا بيخآف الله يبقى مش نرجسي ههههه انا عاشرت نرجسي سيكوباثي وللاسف بعد ما خلعته وقعت مع نرجسي خفي خبيث. والاثنين ما بيخافو الله ومع انو زوجي الحآلي بيصلي ولاكنو كذآب ومنآفق وحقير

[@user-cb2qu3bs7f]

جزاك الله خيرا عظيم يا قلبي احبك مره

[@EmanAhmed-js6lo]

والله الفيديو ف وقته فعلا ده اللي بيحصل

[@user-np7pp4zg8w]

جزاك الله خيرا ❤

[@Mona_Mohammed-shata]

سبحان الله حضرتك حكيتى الى حصل معيا من اهله النرجسين بالظبط ومن اهلى الى خايفين علياو فاهمين غلط.والحمد لله بدعى ربنا يثبتى ويعنى ع التعايش وتربية عيالى تربية سويه

[@maggieyoussouf2392]

السلام عليكم استاذه كوثر ربنا يجزاكي الخير على الحلقات الجميله ربنا يجعلها بميزان حسناتك رجاء حبيبتي اعرف كيفية التواصل معك للضروره وجزاكم الله خيرا💐

[@nesrenbarakat5013]

حببتي جزاكي الله كل خير، حسبي الله ونعم الوكيل، فعلا ده بيبقى ضغط نفسي، تاني

[@user-in2qp9gn4s]

الله عليكي يادكتورة 😍😍🌹🌹زي الفل

[@user-ho2jp7gh4z]

بحب جدا جملك الاعتراضيه اللى بتعلقى بيها على الكلام ... بضحكنى جدا

[@user-oy4vr7wd4r]

الله يكرمك اشكرك علي مجهودك

[@sayorysan8828]

ربنا يزيدك ويعزك يا رب بحبك في الله

[@Noha192]

كلامك كله صح كل الاقوال دي بتتقال وبقت الحرب مع النرجسي ومع اقرب الناس ليكي ربنا المستعان 😡😔

[@sihamkhader164]

جزاك الله خير

[@Sokoon710]

النرجسي طريق الإخلاص في التوحيد 😊

[@hanaagaber9267]

اللهم صل وسلم وبارك على نبينا محمد وعلى اله وصحبه وسلم تسليما كثيرا جزاكم الله خيرا ❤

[@TheThehope212]

شكرا لك استاذتنا العزيزة

[@walaaramadan4842]

منهم لله ربنا المنتقم من كل ظالم وكل واحد بيحكم بغير العدل منه لله بردو

[@drines4254]

امو بتقلي ماهو انتي بتكلي وتشربي خلاص اسكتي حتى لو ضربك وخانك وسبك ومتقليش لاهلك عيب تشتكي من زوجك والله لاندمو على عمري وعلى دموعي وعلى ثقتي لي وضعتها فيه

[@ammuhamad8415]

معك حق الناس السلبيه ما بنفع نحكي معا راح يضر ونا ويزيدو علينا اوجعنا ولو حتى من اهلنا لسه الاهل اصعب انا يكونو ما يصد قو كلامنا وافوض امري الى الله ان الله بصير بلعباد 👍

[@WasfatAloosh]

يعطيك العافية دكتورة

[@user-uf1xc9to1u]

قبل ما اشوف الفيديو بدوس لايك

[@mary813matthew9]

ياربي صح جدا مش ممكن كثر خيرك قوتينا وفتحتي عيونا

[@saharmoustafa1278]

ربنا يراضيك ويسعدك

[@user-fm2bw3cg2m]

الحمدلله تعافيت من الادمان ووصلت لمرحلة القوة

[@rightthing8099]

والحرب النفسية نعمللها ايه؟ الناس مش فاهمة ومش متوقعة اصلا في صنف هكي من البشر

[@amiragade2626]

فعلًا هو ده البيتقال بس خان وتزوج عليا هو كريم جدا وكويس جدًا معايه وبيحترمنى جدا وبيقول كل حاجة كويسه عليا بس كل الصفات النرجسيه فيه

[@user-oe4br1dj6i]

التزمي بسورة البقره ولاحوله ولاقوة الابالله وربي سيفرجها عليك يارب ويريح قلبك

[@basmagalal2608]

طيب.ما.هو.خان.وبيخون.وهيخون.دا.نرجسي.خفى

[@user-gk4bc6rh4b]

ههههههه خيتو شكلك تآيههه او مو متابعه مواصفات النرجسي مليح الزوج النرجسي لااااا يحترم ولا يهتم ومش مؤدب بلعكس متسلط وبذيء لسان ووقح ومتلاعب وحقير ومستحييييل يقدر يعيش بسلام وبدون استفزاز الزوجه او شتمها اتوقع زوجك طبيعي ولآكنو من النوع يلي نسونجي وبعيد عن الله والله اعلى واعلم

[@mahaalbetar3572]

حسبنا الله ونعم الوكيل في كل ظالم

[@shahjah1144]

د رامنى اطلقت على هذا التصرف" الايجابية السامة".

[@noraahmed7083]

ياريتك نزلتى الحلقه دى من اسبوع حاليا بمر بكل ده

[@sarasalem8319]

انتي جوهره الله يحفظك

[@TheThehope212]

في الصميم لكن الحمدلله ينشغلون وتوضع حدود ونحن نمضي الحمدالله ابنائي معي بفضله سبحان الله أذاه طالهم

[@madamebounhir5414]

احبك كثيرا انرت عقلي و ارتحت قلبي بفضل الله تابعي معنا ❤❤❤❤❤❤❤❤❤

[@emankhaled1284]

انتي جميله النهارده ولبسك شيك جدا 🥰

[@fatmaabdelkader7188]

كلامك صح ميه في الميه

[@user-tt7tv8dj6j]

كلامك مظبوط والله يا حبيبتي😢

[@youcefguerfa1006]

مرة قررت الطلاق فاشتكيت لاخويا طبعا وقف مع زوجي واتهمني انا وبعث مراتو تتكلم معايا فاشتكيت لها فكاني اتكلم الصينية وهي العربية يعني الب عايشة مع زوج سوي مستحيل تفهمك وفي النهاية ندمت لانها اتهمتني ازاي بتتكلمي عن زوجك كدا دا مافيش عندك مودة ورحمة وكلمتني عن شطارتها في التعامل مع زوجها الصعب ولازم اتعلم منها

[@MaaouiArwa-nu7zk]

و أفوظ أمري إلى الله إنا الله بصير بالعباد

[@waafaahamtoly938]

والله معاكى كل الحق انا واحدة من الناس اللى بيزعلنى ان اهلى بيقولوا لى لا دا كويس وغلبان انتى اللى مش عارفة تتعاملى معاه

[@user-jr7on8ll1c]

الحمدلله انا تعافيت منه و ساكته عنه بمزاجي اقدر اشتكيه واخذ حقوقي لكني اقول خلوني اصبر عليه اشوي يمكن الله يفرجها..

[@Sokoon710]

انا شايفة دي أهم حلقة

[@user-gu7jz5gc1w]

انا الفريق الثالث مجنني ورغم هم اطباء وقسم منهم اطباء علم النفس ..ولكن نفس الكلام الي قلتيه ..ولكن انا فاض بي الصبر وتركته وقاطعتهم كلهم

[@keltoumkhodja2957]

للأسف الشديد هناك بعض النرجسيين تمكنوا من كسب الابناء الى صفهم مهما شرحت وتحدثت فلن يناصرونك .. الحل هو عدم الاهتمام والاستغناء عن الجميع

[@sabasaba5689]

نفس اللي بيحصل معي بالضبط، حسبي الله ونعم الوكيل

[@rawanaljehani9254]

زوجي كان من أروع الشخصيات وكنا في بلد اخر ولكن بعد قربه من امه ورجوعنا لنفس البلد مع أمه النرجسية تغير لانسان ثاني وصار انسان سام زيها ويستعمل نفس اسلوبها ،كيف ممكن اتصرف؟؟

[@emadmoody2474]

ممكن حضرتك تعملي حلقه للزوج النرجسي اللي ودني جامد لاهله وهم سبب للمشاكل الكثيره بنا وبرغم هذا هو مصدقهم وملغي الشخصيه امامهم بحب حضرتك جدا

[@mahanusair4554]

بورك جهدك. ما هي المده الطبيعيه المطلوبه لاكتشاف الشخص النرجسي

[@user-pu4kj7we9k]

أول ما تبطلى طيبه زايدة وتأنيب ضمير بتكتشفيه عالطول

[@monahumaida9651]

شكرا ❤

[@user-mz4yl6dr9u]

الزوج النرجسي بيستخدم الحرب البارده والنفسيه وامام الناس بيعاملك كويس على شان المدح

[@lemdanilamia7610]

سبحان الله نفس اللي قلتيه سمعتو من الناس المحيطة بي سامحيه هو مسكين

[@basmagalal2608]

حرفيا.ياامى.حتى.حسدينى.على.الاكل.والشرب.واللبس.فعلا

[@malakmohamd1092]

سبحان الله الحلقة في وقتها وكل الي في الحلقة صح مليون مرة وللأسف حصل وجبولي انهيار عصبي وقوم أهلي عليا واخويا ضربني والله من غير ذنب 😂😂 ومش فهمين اي حاجه وعايش دور الضحية بءتقان وكاذب اوي وحسبي الله ونعم الوكيل ويارب اشوف فيه عجائب قدرته أمين يارب

[@user-jr7on8ll1c]

انا كنت عند امي المريضة مشلوله من اسبوعين وكنت بأكمل حياتي عندها وهو الي موديني ويقول اجلس هناك وماعاد ترجعي البيت.. لحق وراي ورجعني وانا ساكته بس وصلت البيت بدا يسب ويستفزني سكت وصار يتكلم على أولادي ويستفزهم.. و مايشتري شي ولا جاب أغراض البيت ولا شي عقاب لاني تكلمت دافعت عن نفسي واولادي.. يعني دوامه مش عارفه اخرج منها الزي.؟؟

[@oomar9181]

@@user-jr7on8ll1c الله يفرج همك ويسخره لكم رغما عن انفه

[@samahhussin1018]

حبيبتي دكتوره كوثر ربنا يبارك فيك ويحفظك يارب العالمين ودايما تقونا وتفهمينا وتوضحلنا الامور

[@fatmaabdelkader7188]

اوعي تفتكري ان ربنا غافل عنه يمهل ولايهمل ولله الامر من قبل ومن بعد هو يغور في دهيه المصيبه بتبقي اوجع من الي حته منك صبرا جميل والله المستعان الله لا اله الا الله سبحانك اني كنت من الظالمين عليكي بالدعاء سيدنا يونس يجعل لك الله مخرجا بأذنه

[@fatmaabdelkader7188]

ربنا يفك كربك انشاء الله

[@imadelche9282]

شكرا كلام صحيح ربنا ينتقم مينو

[@samahhussin1018]

والله ربنا عوضنا بك الحمد لله