Tyler Bey, Magnolia Hotshots, Mayroong WINASAK! | Calvin vs Calvin | SISIW lang ang KALABAN?!

Pagkatapos ng larong ito ay muli na ngang magbabalik ang dating coach ng TNT Tropang Giga - si Coach Chot Reyes. Alam mong alanganin ka na talaga kung napakalalim na talaga ng huhugutin mo gawa nang hindi makapaglalaro si Jayson Castro at wala pa ring balak bumalik sa mundo ang manlalarong galing sa moon. Kaya naman tila, naging basang sisiw ang manok nitong si Manny V. Pangilinan. #PUSOSports #MagnoliaHotshots
Ang kalamangan, nakamit nga ng TNT dahil sa dalawang manlalarong ito. Ang kababalik lamang na manlalarong si RR Pogoy, wala ngang sinayang na pagkakataon upang sa tres ay makapukol. Habang si Rahlir Hollis-Jefferson, ginawa naman ang lahat upang makadikit sa kanilang mga kalaban. Sa opensa at depensa siya nga ay nakatulong. Hindi lamang siguro nakatulong na mayroon din siyang walong turnovers.
Kung may silver lining ang kampanya ngayon ng TNT Tropang Giga, ito marahil ay ang patuloy na pag-usbong ng laro nitong si Calvin Oftana. Kaunti na lang sya na talaga ang magiging mukha ng prangkisa na kanyang kinabibilangan. Bukod sa kanilang import, siya ang pangunahing naasahan ng kanyang koponan. Sa susunod na kumperensiya kaya, mayroon na kaya siyang kakampi na consistent na makatutulong sa kanya?
Ang mga manok panabong ni Coach Chito Victolero, handang makipagsabayan kahit kanino man. Hindi naman sila makararating sa tuktok ng standings kung hindi kundisyon ang kanilang mga manlalaro. Bagaman, kapapasok lamang muli sa rotation, instant impact nga kagad itong sina Calvin Abueva at Ian Sangalang. Ang kanilang combo ay nakapagbigay sa Magnolia Hotshots ng dalawampu’t apat na puntos off the bench.
Tila maning-mani lamang kay Tyler Bey ang koponan nitong si MVP. Hindi umubra kahit sino ang kanyang makaharap. Huwag kayong magkakamaling maliitin ang kanyang lakas sapagkat payat. Dahil sa gabing ito, tumaob at bumagsak lahat ng kanyang naging katapat. All-around player na mayroong matinong tira sa labas tapos masipag pang dumepensa. Sa tingin ninyo, siya ba ang tatanghaling Best Import ngayon?
Nauna nang makapagpahinga ang Magnolia habang paglalabanan pa ng Meralco at Phoenix ang huling pwesto sa semis. Sino sa tingin ninyo ang magwawagi sa tunggaliang iyon? Nananatiling mainit ang Hotshots na para bang kahit na sino pa ang bumangga ay paniguradong delikado ang kampanya. Sa magandang takbo ng kanilang laro, maaari na bang sa kanila mapunta ang kampeonato ngayon? Anong masasabi ninyo rito?
__________________________________________________________________________________
Patuloy nating suportahan ang #PBAonOneSports: www.youtube.com/@OneSportsPHL...
Manood ng live!
Patuloy nating suportahan ang Pinoy basketball. Patuloy nating suportahan ang Pinoy sports. PUSO!
This video is edited under fair use. No copyright infringement is intended. Credits to the owner of the images, video clips, etc.
www.spin.ph/basketball/pba/ch...
www.pba.ph/recap
www.pba.ph/gallery
Salamat sa pagtangkilik at salamat sa suporta sa sports!