اسباب الغضب النرجسي وازاي تتعاملي معاه ؟ .... كوثر سند

الغضب النرجسي
عشان تعرفي تتعاملي مع الغضب النرجسي لازم تعرفي ايه اللي بيدور في عقل النرجسي ساعة الغضب دة ، النرجسي بيكون في حالة الغضب دة لسبب من اتنين : اما بيستعبط وعامل مسرحية عشان يخوفك ، او انه غضبان جدا بسبب احساسه انك اهنتيه او اقتناعه انك انتي غلطانة باي شكل ، وعادة مش بتكوني غلطانة لكن هو عقله المريض بيلوي له الكلام وبيفسر له التصرفات بشكل غلط ، وممكن تكوني انتي احبطتيه بانك قلتي لا على حاجة غلط عايزك تعمليها او اعترضتي على تصرف غلط او نصحتيه باي حاجة في طريقة تعامله مع الاولاد ودة هو بيعتبره انتقاد وانتي عارفة هو عدوه الانتقاد ، اثناء الغضب الحقيقي اللي مش مسرحية بيكون النرجسي في حالة عصبية خطيرة جدا ومبيكونش سامع ولا شايف اي حاجة غير نار غضبه يعني انتي مهما قلتي ومهما حاولتي تدافعي عن نفسك هو مش سامعك ومش عايز يسمعك اصلا لانه شايف انك انتي اللي وصلتيه للحالة دي وفي قرارة نفسه بيكون كاره نفسه عشان هو مضطر يفضل معاكي عشان احتياجه لكي طبعا عشان الوقود (المشكلة مش فيكي طبعا الكلام دة لو انتي او اي حد في العالم مرتبط بيه ) كمان انتي لو حبيتي تتكلمي عشان تثبتي له انك صح وهو اللي غلط او هو فاهم غلط فدة بيكون كأنك بتحطي البنزين على النار يعني بتزودي غضبه اضعاف مضاعفة ليه لانك بتقولي ان نصف الاله دة بيغلط انتي اكيد اتجننتي وجاية كمان تقولي الكلام دة ساعة ماهو غضبان يعني انتي بتجننيه بزيادة جدا جدا ، هو اصلا شايف انك غلط ومش مفروض تكوني صح وهو غلط لان انتي مفروض تكوني اقل منه وهو الاعلى منك يبقى ازاي تبقي صح وهو غلط هو مخه مش بيشتغل بالطريقة دي عقله مش بيفهم غير انه هو الاعلى اللي مش بيغلط وانتي الاقل اللي كلك عيوب واخطاء ، فانتي كل ماحتحاولي تناقشيه او تثبتي له انه غلطان وانك معملتيش حاجة او ايا كان سياق الحديث كل ما انتي بتؤججي غضبه وتزوديه ،وممكن توصليه انه يكون خطر عليكي او على عفشك او اثاث بيتك لو هو من النوع العنيف جسديا ، يعني باختصار النرجسي في حالة الغضب النرجسي محدش حيعرف يفهمه انه غلط او محدش حيعرف يهديه
طيب المفروض تعملي ايه ؟ اذا كان الغضب النرجسي رايح في سكة العنف الجسدي ، يعني بيضرب ويكسر فمفروض تأمني الاطفال ويستحسن تخرجيهم برة الشقة وديهم عند جيرانك وتطلبي النجدة فورا ، اوعي تسيبيه يضربك وخصوصا لو اول مرة لانك لو عديتيها حتبقى عادة لازم تبلغي عنه ومتقوليش جوزي وابو اولادي وبتحبيه والكلام الفاضي دة لا الزوج يعني امان يعني يحميكي من الاذى يعني ياخدك في حضنه يطبطب عليكي لما تكوني خايفة مش هو اللي يخوفك ، الزوج يعني مودة ورحمة وتواضع وحنية مش كبر وكره واذى ، فوقي لنفسك اللي يمد ايده عليكي ويرعبك دة ميستاهلش يكون زوج اصلا لا لكي ولا لغيرك دة مكانه في السجن اللي بيضرب ويؤذي مكانه مش في وسط البشر مكانه في حتة تانية ، فوقي لنفسك ومتسمحيش لحد يؤذيكي عشان ربنا حيحاسبك على نفسك وعلى اولادك .
تيودور بيقول ماتحاوليش تهدي النرجسي لانه مش شايفك ولا سامعك وان الحاجة الوحيدة اللي ممكن تهديه هي انك تختفي من ادامه طبعا دة اللي بيضرب برضه .
اما لو كان الغضب عبارة عن زعيق واهانات فبرضه احسن حل انك تخرجي من المكان او تمشي من ادامه وطبعا بعض الناس حتقول حيزيد غضبه وييجي وراكي ويقولك انتي ازاي تسيبيني وتمشي وانا بتكلم وطبعا هو عايزك تسمعي كل الاهانات اللي بيوجها لك فانتي مفروض تردي بمنتهى الهدوء لما تكون بتتكلم حسمعك لكن انت مش بتتكلم ولازم يكون عندك ثبات انفعالي وتكوني واثقة من نفسك يعني لازم تكوني تعافيتي من تعلقك بيه ومن صدمتك فيه ورجعتي لطبيعتك تاني ، اما لو انتي لسة لم تتعافي (اسمعي سلسلة التشافي ) او لسة بتخافي او لسة متعلقة بيه او حتى خايفة يمد ايده يبقى في الحالة دي انتي مضطرة تفضلي في المكان لكن مترديش ولا حرف عليه وخليكي هادية ومتخليش اتهاماته تثير اعصابك انتي عارفة من جواكي انه كداب وانه عارف انها اتهامات باطلة وعارف انه بيقول اي كلام ولما بيهدى وييجي يصالحك يستعبط طبعا ويقول لك انا كنت متعصب ومبعرفش انا بقول ايه ، ايوة هو متعصب بس عارف بيقول ايه وبعضهم حتى اللي بيضرب بيكون واعي جدا للي بيعمله وبعضهم يضرب في اماكن لو علمت عمرك ماتقدري توريها لحد عشان تثبتي عليه انه ضربك ولا تقدري تعملي بيها تقرير في مستشفى وبيكون بيضرب بحيث يوجع وميكسرش وهم بيقولوا كدة لزوجاتهم لما يهدوا بيقولوا انهم عارفين كويس هم بيضربوا فين وازاي واظن ان دة بيكون في حالة الغضب المصطنع اللي معمول للتخويف وللوقود النرجسي ، تيودور بيقول لك ابدا ماتدخليش معاه في الاهانات وتردي الكلمة بكلمة لان دة بيزود غضبه من ناحية وطبعا بيديه وقود من ناحية تانية يعني بيستغلك اسوأ استغلال فلازم تحكمي اعصابك وتمسكي لسانك وبعد مايهدي وييجي يصالج حتعرفي تردي عن نفسك بكلمات لاذعة لكن بدون غلط منك وهو حيسمع لك ساعتها لانه عايز يحصل على لذة الصلح فحيضطر يسمع لك . المهم انك اثناء الغضب توقفي اي كلام لان الغضب احيان كتيرة بيكون الغرض منه الاستفزاز زي وماقلنا في الحلقة اللي فاتت لو لقاكي ماستجبتيش للاستفزاز حيوقفه ويوفر طاقته ويدور على تكتيك تاني . ولما يخلص الغضب متحاوليش تروحي تصالحيه لان مش انتي اللي غلطانة ومتحسيش بالذنب لان انتي فعلا مش مذنبة ومعندكيش مشكلة والمشكلة فيه هو.
اكونت الفيس بوك
www.facebook.c...
جروب ادرس عدوك النرجسي
/ kawthersanad11

[@monymohammed3859]

جواكى حنان و خوف علينا رهييييب والله انك أحن علينا من أهالينا اللى مافهموش الجحيم اللى احنا عايشين فيه وظلمونا وغلطونا وحمولنا هموم فوق همومنا ولقينا نفسنا لوحدنا فى الدنيا دى ماحدش فاهمنا ولا حاسس بينا ولا احنا عارفين نشرح لحد اللى احنا فيه لانه ما يتشرحش ولا بيتصدق بعد دة كله أخيرا لقينا حضرتك فاهمانا وبتقولى كل اللى احنا مش بنقدر نقوله او نعبر عنه كلامك فعلا بيطبطب على قلوبنا جزاكى الله كل خير الدنيا والأخرة ومتعك بالصحة وطوله العمر وباركلك فى أولادك وحياتك يااااارب

[@سلسبيل-ض7ش]

الله يصبركم ويعوضكم خير

[@monymohammed3859]

@@سلسبيل-ض7ش اللهم آمين حبيبتى ولكى بالمثل

[@solafamasarwa3310]

فعلا والله كلامك بالصميم حببتي

[@gogahelal4141]

دا حقيقي.اخيرا لقيت حد فاهم وحاسس باللي جواياوبيحوله لكلمات وكمان بيقولي الحلول..ربنا يجازيكي كل خير يا دكتوره كوثرسند ويباركلك..بحبك اوي

[@gogahelal4141]

بحبك يا دكتوره اوي..اد ايه حضرتك فاهمه الوضع ومتميزه فاسلوبك وبتبسطي المعلومه.ربنا يجازيكي كل خيروينفعنا بعلمك

[@precioussoul7128]

النرجسي اثناء الغضب يسترسل في الكلام والصراخ ولا يتوقف لفترة طويلة وبعد ان يهدأ لا يعتذر ويتكلم وكأن شيئاً لم يحصل

[@سلامسلام-ط3ظ]

صح كلامك لم يعتذر حتة لو قطعتي عنة الوقود

[@فففششش]

مخلوق غريب هههههه

[@mariamimi1896]

سبحان الله قلبنا مليان وهو كأن لم يحدث شيئ ويطلب العلافة عادي ليس له قلب حقا

[@tamikcm7352]

صحيح كلامك ويجي يقول لي انت مالك زعلانة ههههه

[@hebabasset6753]

مصاص للطاقه

[@azzanawar8221]

فعلا عمل الغضب وانا قاطعتة أكثر من عشرين يوم ولم اتاسف ابدا زى زمان اشكرك جدا لان الفضل لله ولكى حضرتك علمتنى احسن من امى التي ولدتنى

[@lailalola584]

بس ميرجعشلكيش لما تعملي صمت عقابي انا بقا مانعني من الخروج اعمل ايه

[@الوعيقوة]

انضربنا و مارس علينا العنف اللفظي والاقتصادي وتشويه سمعة وقلب الحقائق وسلط علينا القردود الطائرة حسبي الله ونعم الوكيل فيهم

[@nonynona3756]

عمره ما صالحني ولا طيب خاطرى والله وبيخاصمنى بالشهور

[@loaysalim6257]

حبيبتى حبى نفسك لازم تثقى فى نفسك وفى ايدك تلاعبى على الحبال لأنه شخص ضعيف ومعندوش رجوله😂

[@nununu8672]

Ana caman samt b chhoor

[@zahrar.834]

‏وأنا كمان بيعمل معايا نفس الشيء بشهرين ما بيكلمني 😳

[@5.v.l657]

والله مين سمع انازيك

[@shereenqassem339]

انا بقيت اكبر دماغي وبقول الباب يفوت جمل وبقي احسن وقت وهو بره

[@marouanesalwa6556]

.. أعوذ بالله من الشيطان الرجيم...النرجسي شيطان الانس... اعزك الله كم انت رائعة في شرحك و وصفك للنرجسي...الحمد الله أنا الآن في مرحلة التعافي و الشافي...بعد 25سنة في علاقة سامة.....شكرا ..شكرا ....🌹🌹🌹💖💖💖

[@gogahelal4141]

ربنا يوفقك ويثبتك

[@samsungprime2385]

ولا فيه امان ولا سند ولا مودة انما استغلال واستعباد واستغفال

[@besure277]

ياريت تنزلي فيديو عن كيف احاسبه بعد الغضب النرجسي او الصمت العقابي بالذات لو طول الصمت شهور 😢😢😢

[@عبداللهعبدالعزيز-و9ع]

قد يكون تسليط النرجسي على المؤمن او المؤمنه ابتلاء لرفع الدرجات ومع ذلك لابد من اتخاذ موقف

[@sweetpie2399]

هذا اكثر تسال عندي، واحيانا اقول لنفسي اني حتحاسب لاني ما حميتش نفسي من هذا العذاب ،و اني استسلمت من غير اي مقاومة و النتيجة ان بعد العمر دا ميش عارفة اعمل ايه .

[@MB__BM]

البلاء هو ان تصبر على انسان تقي وليس تصبر على اذى شيطان، اذا كان زوجك لا يصلي ولا يصوم ويشرب خمر وانتي صابره معه فانتي شريكة معه في الاثم.

[@tent3002]

الي يعجبني في قناتك رغم انه ممكن فيه قنوات سبقتك في الحديث عن النرجسي انك تختصري بدون مقدمات وماتكررين الكلام والاجمل انك كاتبه محتوى الفيديو تحته الي مو حابه تسمع وتمل من الاطاله تقرأ المكتوب والي مشغوله بعمل وحابه تسمع تسمع استمرررررري

[@ranarana-kj1xd]

طب اقولك ايه ولا اشكرك ازاي ياريت في ايدي حاجة غير الدعاء ليكي احييتي عقلنا والأمل جزاك الله خيرا

[@sofiaasofee7206]

صرت اخاف على نفسي اخاف من الجلطه والله العظيم تعديت عمر ال ٤٠ وانا تحت هذا الغضب وتزوجت نرجسي انفصلت ورجعت عند امي النرجسيه ادعولي بالله عليكم

[@اسرتيالجميلة-و9ز]

انا كنت بقول هذه يدي ف يدك لن انام حتى ترضى ...زي ما امرنا الرسول صلى الله عليه وسلم واهلينا علمونا بس طلعو بيترجموها ضعف 😄😄😄😄👍💐💐💐

[@amanykhaled1191]

وانا كنت بقوله انا مش هشتكيك إلا لله لغاية مالقيته بيشوه صورتى قدام اهلى فقولتلهم على عمايله

[@Rehab-tn2ot]

سر جمالك وتميزك يااستاذة كوتر هو طيبة قلبك وحنيتك وتفاعلك معانا واحساسك بينا فعلا ده حتي اهالينا لما بنحكي لهم بيغلطونا ويقول لنا اختياركم واتحملوا مسئوليتكم ربنا يزيدك من علمه ومن فضله ويحبب الناس فيكي اكتر واكتر وقناتك توصل المليون مشاهد

[@sherinfakhry4986]

مش بيصالح.... عمره ما صالحني... صمت عقاااابي مستمر. حسبنا الله و نعم الوكيييل

[@ounifaten8826]

طب دنتي ارتحتي

[@highlevel5748]

انتي محظوظه

[@foofoo6608]

يارتني عرفتك من زمان ،، بس الحمدالله ألي يطمني إن النتايج إلي توصلتلها صحيحة وقراري في الهروب صح 🌸

[@hebabasset6753]

انتي الملاك اللي ربنا بعته لينا يطبطب علينا من اللي بنشوفه

[@منالظلماتاليالنور-ض2ن]

من اجمل الفيديوهات إللى سمعتهالك و.يا ريت عرفت كل ده من زمان لأنى كل ده عيشاه و يا الف حسرة على العمر إللى راح هباء

[@عبداللهعبدالعزيز-و9ع]

كل إنسان له حدود يجب احترامها حتى لو طفل النرجسي لايحترمها وقد يكون مثل ماذكرت الدكتوره الفاضله عنيف او يرتكب الكبائر او حشاش تنتهي العلاقه نهائيا لا عوده إلى العلاقه ابدا

[@MonaKhalil-q8s]

الله يباركلك مشيت على كل خطواتك واتعافيت وحياتى مشيت صح الحمد لله لما تابعتك اكتشفت ان. ٣٠ سنة كنت كنت بتصرف خطا وده الى دمرنى ٣٠ سنة انقذتينى انى اعيش اليومين الى فاضلينى مدمرة نفسيا

[@BrahimHASSANI]

هل هي قناة ضد النرجسي ام ضد الرجل.. انت نسوية متأسلمة تساهمين في تشتيت الأسر. برافو واصلي في التحريض.. و في التفريق

[@n0namal-j59]

الله يجزاك خير ويجعلها بميزان حسناتك ع كثر ماشفت مقاطع فيديو عن النرجسي ماحد قال نفس كلامك من ناحية التفصيل بكيفية التعامل معه .. كر استفدت من علمك واعطيتيني طاقه قويه بالتغيير للافضل حتى صار وجهك كذا 😄😄😄 من كثر مااني سعيده باللي سمعته لان فعلا كنت محتاره جدا جدا بكيفية التعامل معه .. الله يسعد قلبك ويجبر بخاطرك ويعطيك حتى يرضيك 💜💜💜💜💜💜💜

[@wafaaelnomrosy2736]

فعلا عند حضرتك حق حاول وماسمحتش ليه وماقدرش يعملها معايا تاني بس كان بيقطع هدوم ليا ويكسرلي حجات دهب وكنت بسمع من بره انه بيضرب اللي تحت ايده في الشغل واخدت قرار الانفصال لما بدا يتجه في موضوع الضرب للاولاد والحمد لله ربنا خلصني منه كنت عايزه اطلب من حضرتك حلقات للاطفال للتشافي علشان ينسو اللي شافوه

[@STAR-fj1ys]

لا خليه يضرب . هنا الكف .. الكف بس ب ٥٠ الف ريال وسجن ٣ شهور . يتأدب مع السجن

[@hatemazap4683]

لو عندنا هذا القانون كنا صرنا مليونيرات

[@STAR-fj1ys]

@@hatemazap4683 كل النقود لاتعوض الإنسان عن آدميته المهدره وكرامته التي يمسها مخلوق قذر مجرد من الإنسانيه وضع هذا المبلغ لتأديب الجاني وعقابه وليس لكي تفرح المعتدى عليها بنقود تذهب كما جاءت

[@fadwajapan79]

ده في بلد عربي????

[@STAR-fj1ys]

@@fadwajapan79 في السعوديه . قوانيين صارمه . بلاغ على المعتدى عليه ويتم جره الى المخفر ومقاضاته . ومن طرق الباب يسمع الجواب

[@STAR-fj1ys]

صدقت اخي النقود لاتعوض جرح الكرامه والإنسانيه . انما وضعت لتأديب المعتوهين والمرضى حتى يفكر الف مره قبل ان يمد يده .

[@salmafarah7688]

احبك في الله سيدتي الفاضلة. ضحية نرجسي من المغرب

[@shoshyenezy223]

دكتورة للاسف الدكاترة العرب محد تطرق للطفل الذهبي وعلاقته باحد والديه النرجسيين انا طفلة ذهبية لاب نرجسي وكانت امي موجودة كنت اشوفه الملاك لكن بعد وفاة والدتي قهرا وكمدا منه واجهت الحقيقة المرة انتي ابنة لاب نرجسي رغم اني لازلت احبه مااحكي لك الشعور المتناقض اللي احسه اتمنى تسوين فيديو للطفل الذهبي وطبعا احنا نعرف كل عايلة في مثلث نرجسي وطفل ذهبي وكبش الفداء وطريقة معالجتهم لاني مو فاهمة مشاعري وصدمتي ولا قادره ابقى معاه بسبب انقلابه علي ولا قادره اتركه لانه محتاجني مع اخواني 💔

[@lahiaamina4386]

بالعكس انفعالك وضح الصورة اكثر لان احاسيسك وصلتنا ووصلت الرسالة

[@تريزهتريزهحكيموهبهصبحي]

وبيصدق خياله المريض وبيمثل قدام اولاده اني انا الل باحرق ف دمه وان قلبه تعبان وبيخلي اولاده يتعاطفوا معه وبيستخدم الحيله دي علشان مافيش حد يغلطه مع انه باين غضبه عل اتفه الاسباب قدامهم وفعلا بيضرب بطريقه لا تعلم فعلا بيضرب ولدرجه عضني جامد ف جنبي تخيلي وبسببه ضغطؤ دايما عالي ووصلت للغسيل الكلي ومع ذلك لايراعي صحتي ابدا ربنا ياخده ولا يراعي عشره السنين ولا كلام الناس ولا حساب ومنظر اولاده قدام الناس ولو الناس سالت وقلت الاسباب التافهه مش بيصدقوا كدا لانه قدامهم انسان مثالي وكمان ممكن يغضب بسبب انه لم ياكل قطعه لحمه مثلا تخيلوا يعني لو اكلت ابنه وهو اخد قطعه صغيره حد يتخيل كدا

[@زينهعياد-ي9ص]

متخيله....وبعمل هيك

[@نورالاسلام-ذ3ث]

فعلا طرد ولده عشان اكل

[@lamia9925]

صوت زوجي عالى جدا لدرجة ان الجيران تتضايق منه ويقولون انه مش طبيعي ايه الحل

[@sosososi8602]

جزاك الله الف خير لانك تنورينا وتفهمينا كيفية التعامل مع الشخصية المريضة حسبنا الله ونعم الوكيل في كل ظالم لايخاف عقاب الله

[@user-jm5ux1is5h]

انا عملي صمت عقابي وبعدها غضب دخلت الغرفة وغلقت الباب اجى يدق باب الغرفة لحد ما فتحت دخل اخذ أوراقه وطردني من البيت لميت شنطتي وخرجت لكن اتصلت على جارتي هي وزوجها اجو اخذوني لان الوقت كان بالليل وفضحت أفعاله أمامهم صار يكذب وينفي ويرمي كل شي عليه واني انا السبب وانا مقصرة وكله كذب وافتراء وظلم ثم طلقني بالتلفون كلمات فقط بالتلفون وبدون حقوق والآن لا أعرف ماذا أفعل وكيف اتصرف

[@delibamanel9]

انا بشكرك يا دكتورة على الطرح الموضوع بالذات لان انا تعبانة منو وحياة اخلص منو وإطلاق بس مقدرش وانا حاسة اني ضعيفة كرهت نفسي وكرهت ومش عارفة اعمل ايه

[@lolachannel2992]

ارجوك حابين موضوع عن تعاسة النرجسي

[@nununu8672]

هو دائما تاعس ودائما انت السبب

[@nonynona3756]

طب انا جوزى ناصح جداااا وذكى اوى لدرجة مش بيضرب ولا يغلط وفعلا حاول اول الجواز يضربني ووقفته عند حده بس يعصبني لدرجة انى انا اللى ممكن أقول كلام يتحسب علىّ غلط

[@امسيفونبيلهسيفوبلبل]

بالظبط نفس الوضع لدرجة اهلى دايما كانو شايفىنى ظالمه

[@nonynona3756]

@@امسيفونبيلهسيفوبلبل ايوة ظالمة وعاوزة اشوه صورته وخلاص لدرجة اخويا خاصمني ٣شهور عشانه

[@wafyaaahmedahmed8491]

صحيح لحد ما كل الي حولين الاخت دي واولادها يقولوا ان الام هي الي صوتها عالي وبتغلط

[@gasetsherif6559]

جزاكي الله عنا كل خير فهمتينا ازاي نتعامل مع الشخصيات الزباله دي

[@houde7399]

انا لما بسكت أثناء الغضب بيفتكر أن ده ضعف مني علي عكس ما برود عليه بسبات وحكمه ومن غير خوف بيسكت وبيخاف

[@malek2lby684]

كنت بعامل ربنا فيه لاكن الحمد لله أنا اتشفيت منه

[@wijdanerodayna2701]

كيف انتقم منه ضرب واهان وهددني يقتل كيف اقهر الشيطان

[@hrhruur1985]

يا اه يا ربي لك الحمد الله يالطيف يارب تبعدنا عنهم جزاك خيرا استاذة كوثر ربي يسعدك ياليت تعملي حقلة للخلاص منه

[@zobidazobida5364]

بارك الله فيك

[@mayorreada2784]

كل سنه وانت طيبه و بالف خير وصحه يا اطيب قلب ربنا يبارك فى حضرتك ويحفظك ويوفقك ويسعد أيامك كلها اللهم آمين يارب العالمين

[@تريزهتريزهحكيموهبهصبحي]

غير الشتيمه القذره والالفاظ القبيحه بتشويه السمعه وقد مرضت صحيا ونفسيا وصحتي ضعفت جداا

[@nadamody2970]

الاخطر من الزوج الاخت النرجسيه اللى بتبعدك عن والدتك ياريت تعمليلنا فيديو نتعامل معاهم ازاى

[@samsungprime2385]

لسه خايفه

[@shereenqassem339]

مره بيقولي لو ضربتك هتعملي ايه قلتله هضربك وغضب جدا واتنرفز جدا بس فعلا انا كنت اقصد الكلمه وعشان هو متأكد مكررش الفكره تاني وفعلا بيفضل يزعق وانا كنت برد عليه بس بعد كده بقيت ادخل واقفل عليا الباب

[@sofiamustafa9146]

السلام عليكم دكتوره مره قلتي كوني مرايا ليه لو غضب اغضبي. لو ضرب اضربي ما فهمت شو الصح

[@وردهالاوركادو]

ضربني مره وتركته ورفعت عليه قضيت طلاق وبعد محولات رجعت وبعد تسعه أشهر مد ايده عليه وخايفه يكررها جاوبيني دكتوره

[@MB__BM]

من يضربك مرة يضربك ثالث ورابع، فيقي من سذاجتك انه نرجسي خفي قريب من السيكوباثي، احمي نفسك واهربي

[@user-id-kawthers-sanad]

لو ضربك تاني اعملي له محضر ولو رجعتي له وضرب ثالث اتركيه ،الا الضرب

[@MB__BM]

@@user-id-kawthers-sanad انا لا انصح ان تعود له لو عملت له محضر لدى الشرطة، النرجسي حاقد وانتقامي قد ينسيها المشكلة وينتقم منها شر انتقام، عليها مغادرة البيت والذهاب الى اهلها ثم ترفع عليه قضية تعنيف جسدي عمدي امام الشرطة والقضاء.

[@talasabry1172]

أ. كوثر.. جزاكِ الله خيرًا عندي سؤال ضروري جداً وهيفرق معايا جدًا أختي الصغيرة للأسف لديها بعض التصرفات النرجسي نتيجة طول العشرة مع واحدة نرجسية.. ولكن هي لازالت عندها ١٢ عام هل هناك أمل أن تنشأ كإنسانة سوية؟ وكيف يمكنني أن أساعدها؟ وشكرًا مرة أخرى 🌷🌷

[@املشوقي-خ5ص]

ربنا يزيدك علم يا دكتوره كان حضرتك عايشه معانا فعلا حتى فى الضرب بيكون مكان خفى بس من ساعه مره مسكت له درج خوفته به مقررهاش بس مسكها ليه يقول انتى كنتى هتضربينى فعلا هما جبناء

[@sarahyahya3627]

كلامك بكيني ربي يجزيك خير الدنيا والاخره

[@emadmoody2474]

فعلا والله نفس الشعور اللي جوايا

[@لاإلهإلاالله-ت3ن]

جزاك الله خيرا عظيم..ماهو الكلام اللاذع الي اقوله له بعد الغضب

[@احمدزيدان-ي9د]

استاذه كوثر شكراً جزيلاً لحضرتك لكن اسمحي لي اختلف معاكي في نقطه تخص النرجسي الخفي و غضبه و هو زوجي في خلافاتنا دائماً يا مجنونه و يا مريضه و سب بالاب و الام مرت سنين على نفس الحل حتى بدات ارد عليه السباب بما يقابله من اهله و عند نهايه الخلاف دائماً اكون المخطئة و سبب الخلاف حتى في مره جدلته انه السبب فانكر بشده حتى ذكرت له بانني قمت بتسجيل الخلاف كام و ساسمعه لكل العائله و قتها ظهر عليه الرعب و تفادى الغضب المصطنع لانه يخاف ان اسجل له مثل العاده وقتها هيتم فضحة و اظهار حقيقته و هو ما نهاه عن اصطناع الغضب و الحذر عند الغضبي الحقيقى

[@user-id-kawthers-sanad]

برافو عليكي ،مفيش اي اختلاف الكلام دة قلته قبل كدة كذا مرة لكن اللي تقدر تعمله لكن فيه ناس لسة موصلوش للقوة دي ، ماشاء الله عليكي فرحتيني

[@sabahbaizid6092]

والله كل لى قولتيه صحيح

[@lavie.442]

زوجي نرجسي ضعيف عمل غضب نرجسي لاني حلمت حلم واخبرته بالحلم ....حلمت براجل طويل وجميل جدا وبيقولي انا معجب بيكي...لما قلت ليه الحلم بحسن نية لاني ما اخبي عنه اي شيء بس النتيجة كانت سلبية جدا

[@highlevel5748]

هههههه تستاهلي ولا في شخص عاقل يتكلم اصلا مع نرجسي؟!

[@solafamasarwa3310]

حببتي شكرا ليكي على مجهودك بارك الله فيكي 🌹🌹🌹🌹

[@نسماتالصباح-ظ7ح]

ربنا يبارك لنا فيكى

[@nisoz2325]

صحيح انا كل مرة اهرب من المكان يقول انت بلا احترام كيف بتعطي ضهرك وبتروحي وانا بتكلم

[@munaabuzir8283]

كلامك شفاء مثل العسل

[@aferzahia195]

السلام عليكم ورحمه الله وبركاته من فضلك ممكن تنزلينا حلقات التشافى بالترتيب لانى ماعرفت أجلها كلها وجزاكم الله خيرا الجزاء وبارك الله فيكم

[@Mona-mx9jt]

التشافي يكون بانك ما يهمك رضاه ولا سعادته ولا مصلحته ولا صحته وتفرحين الى سافر وتاخر ولا تغارين ابدا ولا تشتاقين مع نفور منه ولا تزعلين من الاول الى سوا لك صمت عقابي بالعكس تفرحين بالصمت 😁

[@user-id-kawthers-sanad]

kzbin.info/aero/PLE5VH6LZXw62Wsib2DwVA6dIOmTnL5cHL دي السلسلة مرتبة ومرقمة

[@Ssq.uae9]

السلام عليكم انا اتهمني اني زانيه وبنت شوارع نفس الستات الي يعرفهم هتجنن مش عارفه اعمل ايه وبيقول انتي بتشتمي صحباتي وتتهميهم انهم بنات شوارع انتي زيهم بنت شوارع

[@Maharat_Yadaweya]

نفسي انك تعملي كتاب بكل محتوي الفيديوهات

[@samsungprime2385]

المواجهه صعبه جدا

[@raofraof3150]

انا كي بديغضب مني يضرب الاولاد ويعذبهم با الضرب ويقولي متتكلميش متدخليش

[@amanyali2872]

صح يا دكتورة كوثر ضربني قبل كدا مرة واتنين تالت مرة كشفت خيانته ليا وبواجهه وبتكلم معاه جاي يضربني روحت انا اللي وقفت ف وشه وضربته وشقيت عليه هدومه وكسرت الدنيا حواليه ومن يومها بقاله ١٠ سنين معملناش تاني

[@samrgamalsamr35]

والظاهر بيضرب برضو

[@aferzahia195]

شكرا جزيلا لك على الرد هل ممكن أن أتصل بك مباشرة إذا سمحتى وجزاك الله خيرا الجزاء وبارك الله فيك

[@hodazeidan5822]

راااااائعة ربنا يبارك في حضرتك

[@monanasr8635]

يا ريتني اسمعتك من زمان

[@nadiasalam9209]

فعلا أحسنتي كل ده بيحصل معايا 😭😭😭😭😭👍👍👍👍👍

[@majidacasa3860]

شكرا،جزاك الله خيرا

[@haneenhaneen6339]

ربنا يكرمك ياماما كوثر

[@رحلةوعي369]

حسبنا الله ونعم الوكيل

[@nouhwahiba9499]

دكتورة هل أذا ضربني أخرج أنام خارج الغرفة مع ذكر المدة

[@روحناديا]

لا حول ولا قوة الا بالله

[@لاإلهإلاالله-ت3ن]

دايم بقول لي انا فوووق وانت تحت ..

[@AlaaMohamed-fu8jm]

اذا ضرب النرجسي ف اماكن حساسه يوجد نساء شرطيات ممكن يتم الكشف

[@mariammeme8303]

جزاك الله خير

[@koora1981]

كلن بيضربني وانا نايمه سبحان الله في ركبتي بعزم حيله حسبي الله ونعم الوكيل

[@HILDAGAHWICH-yh9si]

ليش رح يخليها تفتح الباب وتروح لعند الجيران اصلا

[@wafyaaahmedahmed8491]

والله يادكتوره اعرف واحده فضل زوجها يضربها علي راسها ومركز في الرأس لحد ما كانت الي بيتكلم جنبها بتسمع كلامهم لكن اكنها حروف مش عارفه تجمع الكلام وكذا مره تقول عيدوا الكلام مش عارفه بتقولوا ايه ...استغل انها لوحدها بدون وجود اولادها ولادها ٢٥ ٢٢ عام مش صغيرين الله ينتقم من الظالم

[@jeezawijust6099]

طب إيه العمل لما أنا فهمت الموضوع متأخر جدا يعني كل المسائل دي فهمتها بعد ما حضرت فيديوهاتِك ربنا يجازيكِ كل خير لكن المشكلة إني مش حقدر أبعد بعد العمر ده كله أنا انتقلت من مرحلة الحب للا حب للكره أنا دي الوقت بكرهه جداً

[@duaaali2391]

لازم نقرب من ربنا وهو هينصرنا على النرجسي شياطين الانس

[@ommohammed6274]

الله يبارك فيكي

[@halimaabuolwan4360]

طيب في حالات شتمي وسب أهلي

[@olaabdelrahman1076]

امي عملت محضر زمان لابويا ، و ما اتغيرش برده

[@اسماءالدمنهوري-ظ8ت]

لو سمحتي عاوزة اتواصل مع حضرتك اتواصل ازاي

[@بوسيعبدلله-ه4ج]

سلام عليكم لوسمحتي حصل موقف وبصراحه حاسه انني غلطانه خطيبي نرحسي وزعلانين منبعض وشوفنا بعض في الشارع صدفه ومع الاسف كشر في وجهي ومسلمش عليا هو ايه دا ليه كد

[@ommina4360]

روعه

[@lilasalhlewani9244]

❤❤❤❤

[@أأسماء-ج5ع]

مينفعش الخصام والسكوت مع الأشكال دى خاصة مع الإهانة والضرب لازم نضع لهم حدود ازاى نسمع الشتيمة ونسكت انا مش بقول أننا نرد الشتيمة لاطبعا لكن لازم اهدده واردعه لوشتمت أهلى تانى انا هقولهم وهغلطك ولوقدام الناس كلها إلا اهلى دول خط احمر وهو بطبيعته بيخاف من الفضيحة ولو حتى جاء ليعتذر مع أن دا مش بيحصل على طول ممكن يهدى ويعدى الموقف ولايبالى بخصامها له اوزعلها المهم عنده ياخد منها اللى هو عاوزه المهم متظهرش على طول انها مرحبة بأعتذاره يعنى تبين شوية انها لسة زعلانة أما الضرب ففعلا لازم من اول مرة توقفه عند حده

[@sallysamir3813]

الفيس بوك بتاع حضرتك من فضلك

[@user-id-kawthers-sanad]

اكونت الفيس بوك facebook.com/profile.php?id=100008051807381 جروب ادرس عدوك النرجسي facebook.com/groups/kawthersanad11

[@sallysamir3813]

الله يرضى عليكي

[@mona-fz1wi]

ممكن اسال سؤال ماذا يحدث اذا تزوج ابناء نرجسي من بنات نرجسي لهم نفس الظروف والحرمام العاطفي وكسرة النفس اكن بيلملموا حاهم وجراحهم وبيركزوا في اصلاح نفسهمونسيان الماضي ممكن تكون جوازاتهم ناجحه ارجو الرد جزاك الله خيرا

[@jasmin8548]

هو بيكون كله غل و حسد لناس معينه و بيقعد يمثل قدامهم انه بيحبهم و بعد كده بيطلع غله و امراضه النفسية علي بنات الناس اللهم انتقم من اهله قبله لانهم يعلمون جيدا انه غير صالح لزواج او ابوه

[@atzjshjshgs3178]

جزاك الله خيرا

[@طائرالعنقاء-ف8ف]

ايوه بيكون عارف يوجع ازاي زي تقطيع الشعر والجرجره منه بس في مره ضربني بالقلم علي وشي واتفاجئ أنه في الوان الطيف تحت عيني مع أنه مجاش حنب عيني وكان بيتعمد يقطع شعري اللي كان بيمدحه وفي الخطوبه كان يقولي عايزه دايما كده زي الخطوبه ناعم ومفرود وعمره ما عطاني اعالج شعري يارب جبلي حقي منه وعوضني بأنسان يحبني ويحترمني

[@ثقتيباللهتكفيني-ر2و]

شيطان الانس القوي جدااااا والمخيف جدااا النرجسى القاسي

[@mahaouf3498]

محتاجة أتواصل مع حضرتك يادكتور انا زوجة لشخص نرجسى وتعبانة جدا وولادى كمان إدمروا نفسيا بسببه محتاجة أتكلم مع حضرتك وشكرا

[@fatuma5607]

انا فتحت هذا الفيديو عشان أقدر أخليه ييغضب و ما يقدرش يتحكم في أعصابه أفنيت سنين معه بالعلاقة و كان يقصد يخليني ازعل و كمان كان يخليني انا اتأسف علي غضبي بس حان الوقت ليرد دينه.... رخ اتركه بس بدي اتلاعب به بمدة سنة كاملة و بعدين و اطلع و احط تفاصيل كل اللي عملتة به بهذه السنة عشان يعيش مع هذا الكره تجاههي طول حياته......

[@sajedaibrahem3867]

شاطره مستنين النتائج 🤣🤣

[@fatuma5607]

@@sajedaibrahem3867 العملية مستمرة ههههه

[@sajedaibrahem3867]

@@fatuma5607 كان الله في عونك ههههههه

[@fatuma5607]

@@sajedaibrahem3867 تسلمي

[@sarahyahya3627]

تستاهلي توصلي للقمه بفضل الله انتي من احباب الله لانك بتسعدي لضحيا كانوا للموت

[@mokaloka8873]

كان فين ده وكنت عميا وانضربت بالخرطوم والمكنسه ادام ولادي كان فين ده كنت حوشت ع الاقل انا بحمد ربنا اني ربيت ولادي لحد مكبرو والحمد لله اني لسه محتفظه بشكلي واهتمامي بنغسي لله امري وانتظر لحظه مشوف نهايته