إيصال الأمانة من الألف إلى الياء - طريقة كتابة ايصال الامانة وبياناته الاساسية وأهم الثغرات

[@وصفاتمتجربه-ن9ر]

طيب لو انا عايزه اسلف شخص فلوس والموضوع بيني وبينه بس... في الحاله دي اكتب مين مثلا في خانة الطرف التالت؟؟؟

[@ogghfggh14]

نفس سؤالي أرجو الرد

[@monyelmnshawy5842]

نفس السؤال

[@mahmoudelshazly7218]

نفس السوال

[@tameresho2103]

نفس السؤال

[@walaawalaa2374]

أيوة نفس السؤال

[@hazem777999]

حضرتك انسان محترم و جاوبت على كل الأسئلة الي عندي

[@قضاياطريفةومعلوماتقانونيةسريعة]

انت أحسن وشكرا جدا

[@mustafatalat4253]

جزاك الله خير وتحياتي لحضرتك ولكل أهل اسكندرية الكرام

[@قضاياطريفةومعلوماتقانونيةسريعة]

شكرا جدا لذوقك

[@fathysaad6689]

استاااذ ... الحمد لله أخدت براءة ... من نسايبي ... ويمكرون ويمكر الله والله خير الماكرين

[@قضاياطريفةومعلوماتقانونيةسريعة]

الحمد لله

[@youssefabdalaziz6012]

الف مبروك

[@yahimhmq7305]

اذا

[@ahmedayed6195]

ايهما اقوي في ضمان الحقوق الشيك البنكي أم إيصال الأمانه في حاله اذا تم كتابه ايصال الامانه بصوره صحيحه؟

[@قضاياطريفةومعلوماتقانونيةسريعة]

الشيك أقوي.. وده فيديو بكل التفاصيل kzbin.info/www/bejne/Z4aqfX1_bMuVbNE

[@ابرهيميوسفيوسف-ه1خ]

في مشاكل بيني وبين زوجتي وشرطين عليا وصل امانه تنصحني بي اي

[@ahmedayed6195]

@@ابرهيميوسفيوسف-ه1خ ربنا يصلح ما بينك و بين زوجتك و اهلها في هذه الايام المفترسه و ييسرلك أمورك

[@amrelsayd5756]

جزاك الله خير شرح وافي جدا ومحتوي متفرد بصراحه بس سوال انا لو ليا فلوس عند واحد الاضمن اني اخد عليه شيك ولا وصل امانه.!!!!!

[@قضاياطريفةومعلوماتقانونيةسريعة]

شكرا لحضرتك جدا الشيك أفضل طبعا. وده فيديو بالتفاصيل kzbin.info/www/bejne/Z4aqfX1_bMuVbNE

[@muhammadnagy7663]

فيديو جميل ومهم تسلم و ربنا يباركلك.

[@قضاياطريفةومعلوماتقانونيةسريعة]

شكرا لذوقك

[@malakhana8812]

ممكن سؤال بصمه الشخص اللي خد مني الفلوس بتبقي بايديه اليمين ولا الشمال ولا مافيش فرق عادي

[@rafathamed4103]

بعد اذنك .. لو اللى مكتوب عليه وصل الامانة توفى .. الموقف ايه وكيف استرداد المبلغ

[@احمدعبدالعاطي-ظ8ي]

من الورثه يا فندم

[@حلاوهروح-غ8ت]

يبقا مات

[@أفنديناوالسلطانهتوتا]

في الآخرة ان شاء الله حقك لا يضيع

[@محمدفوزيالشرقاوي-ت3ح]

من عياله ولو ملوش يبقي سامحة لوجة الله

[@mamounkhtb8299]

نفس الترتيب بالنسبة للقانون السوري وشكرا يا فندم على الشرح

[@mohamedsalah-gl8vj]

شكرا معالي المستشار شرح وافي وكافي ولاول مره في حياتي افهم وصل الامانه من الالف الياء جزاك الله كل خير ممكن لو تكرمت اجابه علي هذا السؤال لو صاحب وصل الامانه توفي الي رحمة الله هل يسقط الايصال ولا الورثه يقوموا بسداده

[@قضاياطريفةومعلوماتقانونيةسريعة]

اولا شكرا جدا لذوق حضرتك.... ثانيا في حالة وفاة محرر الايصال ينتقل الدين الوارد به الي ورثته في حدود ما آل اليهم من تركة

[@salahelghayesh367]

سؤال آخر لو سمحت هل لا بد من كتابة إيصال أمانة ام يجوز اي تعبير آخر مثل إقرار

[@alaatahoon3683]

شكرا على الشرح. لو سمحت كنت عايز استفسر هل يمكن يكون الطرف الثالث في إيصال الأمانة قاصر (أقل من ٢١ عام)؟

[@MahmoudAhmed-xw7hz]

بعد اذن حضرتك انا كنت عايز من واحد فلوس وهو اداني وصل عليه الامضاء بتاعته فقط هل ممكن حقي يرجع؟

[@mhommadhassan3870]

تسلم يا محترم عندي سوال لو اخد وصل امانه في تجاره اقمشه هل ينفعل ولا للازم عقد شراكه مع العلم انه سوف ياخد الفلوس بغرض التجاره

[@قضاياطريفةومعلوماتقانونيةسريعة]

ينفع عادي.... وان كان الافضل كتابة ايصال أمانة وعقد مشاركة معا بس يكون العقد باسمك والايصال باسم شخص تثق فيه جدا ..... وانا بالنسبالي مبحبش المشاركات اللي هي اسيب لواحد فلوسي يشغلها لانها بتعمل مشاكل لا حصر لها.

[@haithamgedo2864]

هل ينفع الطرف الثالث محامي الشخص نفسو الي اخد مني الفلوس ولا اجيب معي محامي قصد المحامي الثاني

[@eslamtalaat3420]

بعد اذن حضرتك فى واحد هياخد منى فلوس هيشغلها بنسبه ممكن اعرف الضمنات المطلوب ارجو الرد للاهميه. وشكرا

[@قضاياطريفةومعلوماتقانونيةسريعة]

اولا الضمان الشخصي اهم حاجة وقبل الورق... يعني لازم تكون تعرفه معرفة شخصية وليس طرف فلان وخلاص، ولازم تعرف عنوانه وعنوان اهله ويكون شخص حسن السمعة. ثانيا خلي بالك لو الموضوع انه بياخد فلوس من ده وده ويشغلهم ويوزع ارباح فده ممكن يدخل تحت توظيف الاموال وده جريمة ويفضل عدم التعامل مع هؤلاء الاشخاص لانه حتى لو هو كويس فتقلبات السوق مش مضمونة فضلا عن انه يرتكب مخالفة قانونية. لو الموضوع مشاركة حقيقية فاولا لازم يكون في عقد تفصيلي بالفلوس وكيفية المشاركة في الارباح والخسائر ويتكتب فيه كل صغيرة وكبيرة. ويفضل لو ان ايدك مش هتكون معاه في الشغل انك تاخد شيك بنكي او علي الاقل ايصال امانة بالمبلغ وزيادة شوية هلشان تعمل حساب المصاريف القضائية لو حصل نزاع لا قدر الله. طبعا ده الخطوط العريضة بس التفاصيل بتختلف من حالة لاخري

[@ahmedabdallah3450]

اوعى تعمل كده كلهم نصابين ولا كلب شغل فلوسك بنفسك حتى لو هتخسر فيها هتبقى قلب مرتاح لكن حد تانى لا انا فلوسي كلها وشقى عمرى راح كده وبجري وراه دلوقتى وإن شاء الله ربنا يردلى حقى على خير بس التعب النفسي من جريك ورا فلوسك فى المحاكم وياعالم هتاخد وقت قد إيه مش هتستحمله ومع العلم معايا إيصالات قانونية ١٠٠ % بس الإجراءات القانونية بتاخد وقت يكفى أنك تعرف أنك محتاج يتقبض عليه ٣ مرات عشان توصل لمرحلة السجن او الدفع معارضه و إستئناف ومعارضه استئنافية كل مره تقبض عليه يطلع الواحده منهم على إيه يا ابن الناس فلوسك فى جيبك ميشغلهاش غيرك أتعب شويه انا نصحتك لوجه الله وربنا يسترها معاك ودعواتكم ربنا يرجعلى حقى وشقى عمرى على خير

[@قضاياطريفةومعلوماتقانونيةسريعة]

كلامك صح جدا

[@hanyellesy4807]

هل يجوز التصالح فى جنحة تزوير فى محرر عرفى و استعمالة وصل امانه التوقيع مزور بواسطة شخص غير معروف و الصلب بخط المتهم ارجو التوضيح

[@الاستاذحمد]

معلمات قيمة جدا جدا جزاكم الله خير الجزاء

[@قضاياطريفةومعلوماتقانونيةسريعة]

شكرا جدا لحضرتك ولذوقك

[@الاستاذسامحجمعهالمحامي]

الفرق بين ايصالات الامانة والشيكات البنكية وايهما قانوني kzbin.info/www/bejne/oXyvqWuQetSaZ9U

[@samaradam9100]

في حالة الخانة ٢ فاضية وباقي الوصل مكتوب كامل بخط اللي مكتوب الوصل باسمه وبصم عليه ومضى ينفع اكتب الخانة التانية بخط مختلف لأن مكنش في طرف ثالث

[@MahmoudAli-up1mf]

السلام عليكم ورحمه الله وبركاته كيف أثبت ملكيتي لشقة في بيت عائلة والأرض غير مسجلة ومعايا عقد ابتدائى من والدتي هل ينفع إثبات تاريخ

[@قضاياطريفةومعلوماتقانونيةسريعة]

الموضوع طويل وفيه تفاصيل.... اولا الشهر العقاري بيرفض يثبت تاريخ عقود بيع العقارات.... ممكن حضرتك لاثبات حقك وليس ملكيتك ترفع صحة توقيع علي العقد.... لو عاوز تثبت حقك وملكيتك ترفع دعوى صحة ونفاذ بس طبعا لازم يكون فيه مسجل في ايلولة الملكية وتختصم كل من هو في ايلولة الملكية وده اجراءاتها طويلة ومكلفة.

[@MahmoudAli-up1mf]

@@قضاياطريفةومعلوماتقانونيةسريعة شكرا لحضرتك

[@asmaadewidar1657]

طيب من فضلك لو وصل الامانه ده بين زوجين ومش عوزين حد تالت يعرف إلا لو في حالة عدم السداد يجوز اسم الزوجين بس ونكتب ايه في مكان الاسم الثالث

[@qadar2018]

لو سمحت انا ينفع اكتب الوصل بايدي مش مطبوع والشخص التاني لسه ماطلعش بطاقه اكتب الرقم القومي من شهاده الميلاد

[@hazemdawa1157]

بعد اذنك ممكن يكون الطرف الاول هو الطرف الثالث مع العلم بوجود تحويلات بنكيه بنفس قيمة الايصال

[@mahmoudlatief4809]

لا

[@xxzz1726]

لو سمحت هل ينفع عمل وصل الأمانه علي ورق ابيض بنفس الأركان..وهل ينفع إن يكتب من أخذ الفلوس والمبلغ بصفه أمانه عندي لحين طلبها..وهل ينفع اكتب رقم بطاقه الطرف الثالث إلي مفروض هيستلم المبلغ

[@قضاياطريفةومعلوماتقانونيةسريعة]

كل اللي حضرتك قولته ينفع.... ممكن الايصال يتكتب كمبيوتر وممكن بخط اليد وممكن تشتريه من مكتبه...... ممكن تكتبه انك سلمت الفلوس للشخص بصفة امانة لحين طلبها وده اسمه عقد وديعة وهو من عقود الامانة..... وبالنسبة للطرف الثالث فانه يفضل كتابة رقم بطاقته ان امكن حتى لا يحدث لبث

[@HendMohamed-rg4rk]

الايصال كامل بيحتفظ بيه المقرض وعند كل سداد بيتقطع الايصال كدة تمام؟؟؟

[@محمدنجيبالجزار]

هل الطرف الثالث لابد من استدعائه للقضاء ؟ واذا حضر وقال انها تمثيلية ..هل سيعاقب ؟

[@mahmoudhelmehelmy7439]

السلام عليكم ورحمه الله بعد اذنك اذا انا مضيت علي قائمه منقولات بيضاء بالسعر فقط ثم بعد عام فوجئت بوضعهم اثاث والدهب فيها بالسعر هل هذا يعتبر غش منهم وتزوير وكذب ام هذا من حقهم ؟ .ولكم جزيل الشكر

[@aloyshapan2520]

ممكن تتواصل معي

[@MerlinH]

هل استطيع او يجوز اضافه شهود في وصل امانه كاثباتات وماهي اثباتات وصل امانه

[@m.m.8919]

شرحك ممتاز وفوق الرائع ما شا الله... تنفع مدرس جدااا... ربنا يبركلك 👍👍👍

[@قضاياطريفةومعلوماتقانونيةسريعة]

شكرا جدا لذوقك

[@حياتيكلهالله-ح7ت]

لو الزوج كتب المؤخر باسم الزوجه في ايصال امانه هل ينفع؟

[@osamazekry3470]

@@حياتيكلهالله-ح7ت لا داعي لاقحام نفسك في موضوع ايصال الامانه ؛ لانه موضوع جنائي.

[@somahamody7767]

طيب لو بند بتاريخ صدور البطاقة هل اتركه فاضى عادى عشان حضرتك قولت متتركوش اى بند فاضى

[@Ahmed-br1cp]

لو سمحت حد اخذ مني فلوس و وصل الامانة اكتوب فيه انو استلم الفلوس مني و الطرف التالت اسمي برضو هو المكتوب هل كده الوصل باطل

[@قضاياطريفةومعلوماتقانونيةسريعة]

لا مش باطل ده بيعتبر عقد وديعة وهو من عقود الامانة، عادي جدا. ولو اني لا افضل هذه الصياغة

[@walaawalaa2374]

طيب لو انا عايزة اسلف شخص مبلغ معين وده يكون بيني وبينه بس اكتب ايه في خانة الطرف الثالث .. ارجو التوضيح لو سمحت

[@mahmoudmahmoud8109]

شكرا لحضرتك شرح وافي و جميل

[@قضاياطريفةومعلوماتقانونيةسريعة]

شكرا لذوقك

[@اسلامفؤاد-ف5س]

@@قضاياطريفةومعلوماتقانونيةسريعة طيب لو هسلف حد فلوس بيني وبينوو الطرف الثالث اجيبو منين

[@mostafaelsherbeny152]

لازم ارفع وصل الأمانة على العنوان المكتوب في الوصل ولا ممكن فى اى قسم شرطة آخر

[@momotaher296]

السلام عليكم يعني بعد اذنك ماينفعش ايصال بين طرفين بدون طرف ثالث

[@قضاياطريفةومعلوماتقانونيةسريعة]

ينفع والمحكمة بتعتبره عقد وديعة وده من عقود الامانة.... بس انا بفضل طالما الايصال من الايصالات المطبوعة ثلاثية الاطراف ان يتم كتابة ثلاثة اطراف

[@أبواليزيدسلمان]

جزاكم الله خيرا كثيرا انا عامل عقد مع نجار موبيليا لتصنيع غرفة نوم واخد منى مبلغ باقى مبالغ تانية هل الصيغة دى تنفع ولا فية صيغة تانية

[@gabertaha3997]

شكرا لمجهود حضرتك

[@قضاياطريفةومعلوماتقانونيةسريعة]

شكرا لذوقك

[@misterahmedalshahat3628]

ممكن اجابة سؤالى للأهمية هل من الخطأ أن يكون الشخص اللى هيوصله الفلو س يكون اسم والدى وانا اسمى فى مكان صاحب الفلوس؟

[@قضاياطريفةومعلوماتقانونيةسريعة]

ليس خطا ولكن يفضل عدم ذلك اذا كنت انت ووالدك تقيمان في نفس المكان... ولكن لو حضرتك مقيم في مكان ووالدك في مكان تاني فكده عادي لان المنطق يقبل ذلك.

[@0111595]

طب ولو كاتب وصل أمانة على زوجته فيه ثغرات فالموضوع دا يضمن حقه ازاي من مراته مثلا لو حصل مشكلة

[@قضاياطريفةومعلوماتقانونيةسريعة]

إيصالات الأمانة اللي بتكون بين الزوجين بيكون فيها مشاكل يامة...... وبتحتمل كلام يامة ودفوع كثيرة، فالأفضل الإيصال يكتب باسم حد غير الزوج

[@قناةالسعادة-د7ز]

لو سمحت هو الشخص اللى. وصل إليه هو المستفيد ولا الطرف التانى

[@aboganarezek3282]

انا عندى إيصال على بياض فيه الاسم والبصمه ونور اشتكيه حاليا نكتب الباقى ولا نعمل ايه

[@قناةاخبارههيااليوم]

Up

[@mohamedaly1940]

نفس الحاصل معايا

[@ahmadashraf6226]

سلام عليكم حضرتك لو الايصال مكتوب بأيد المستلم وماضي وباصم بالاصبع وخانه المسلم فاضيه هل يبطل االايصال

[@زهرةحسين-د5ط]

جزاك الله خيرا

[@قضاياطريفةومعلوماتقانونيةسريعة]

شكرا لحضرتك

[@قضاياطريفةومعلوماتقانونيةسريعة]

شكرا لحضرتك

[@yasminsalah6645]

لو سمحت ارجو الرد لو اسم الي هيوصله الفلوس اتكتب غلط زي ناصر محمد بدل نصر محمد الي في البطاقة كدة الوصل غير صالح

[@اميرعبدالسلام-م1ظ]

ما شاء الله عليك....تسلم

[@قضاياطريفةومعلوماتقانونيةسريعة]

شكرا لذوقك

[@saprisalehify]

عليا حكم غيابى ابتدائى بايصال امانه ورخصة السيارة انتهت وعايز اجددها فهل لو رحت المرور اجدد الرخصة يتم القبض عليا

[@ahmedemad591]

هل لازم يكون في شهود؟؟

[@قضاياطريفةومعلوماتقانونيةسريعة]

لا مش شرط.... بل المتعارف عليه ان الايصال لا يحمل عادة توقيع شهود

[@شمسالمعارف-ق6ق]

الله يبارك فى حضرتك بس لى تعيق أو سؤال مهم للغايه لو المبلغ مكتوب ارقام ومش مفقط بالحروف واتعمل جنحه بالايصال منغيركنابه المبلغ الحروف والتفقيط هل يبطل الايصال أو يحصل على براءه بعد اذن حضرتك الرد مهم جدا

[@قضاياطريفةومعلوماتقانونيةسريعة]

عدم كتابة المبلغ بالحروف لا يبطل الأيصال وهو ايصال صحيح

[@Basant77]

شكرا ع المعلومات المفيدة 👍 ✔️

[@قضاياطريفةومعلوماتقانونيةسريعة]

العفو شكرا لذوقك

[@Basant77]

@@قضاياطريفةومعلوماتقانونيةسريعة كل عام وانتم بخير ✔️ 💕

[@قضاياطريفةومعلوماتقانونيةسريعة]

وحضرتك بخير

[@محمدهمس-ف2غ]

بعد اي مده يسقط الحكم اللي اتاخد علي ايصال امانه وماذا افعل بالايصال بعد ما سقط الحكم عن المشكوا في حقه عشان استرد فلوسي

[@قضاياطريفةومعلوماتقانونيةسريعة]

لو حكم غيابي بيسقط بثلاث سنوات لو الحكم نهائي بتسقط العقوبة بخمس سنوات.... لو سقط الحكم او العقوبة مفيش امام حضرتك غير انك تطالب بقيمة الايصال مدني.... بس ده بيفترض ان المشكو في حقه يكون موجود وعنده اموال تقدر تنفذ عليهما

[@Songsilike520]

شكرا لتعبك عندي سؤال لو واحد باع ليا سياره وبعد 10 سنوات اكتشفت انه السياره فيها مشكله كبيره عند الفحص والترخيص هل ممكن اعمل محضر وعلما انا عارف ساكن فين وعارف عنوان المحل بتاعه ورحتله ومعملش حاجه وطنشني خالص فهل انا عندي حق قانوني علما بان الرخصه للسياره مازالت باسمه وانا معايا توكيل منه بالاداره والتعامل مع المرور ملحوظه تم ارسالي بالسياره الي مرور الدراسه لعمل لجنه فنيه فهل انا لو رحت ممكن اتمسك مثلا او اتحبس او السياره تتحبس

[@اسلامعابدحنفيعابد]

كل سنه وانت طيب يا معالي الباشا ورمضان كريم بالله عليك عاوز اسال ما عليك سؤال لو وصل امانه انا كنت ماضيه ب 1000 جنيه بس ماضي بس فجاه قدام المحكمه لقيت الوصله على بصمه هو انا طعنت بالبصمه هل القاضي يديني الحق اللي هو يتعلق بالبصمه ولا يحولوا للخبير وخلاص يعني انا اقول له القاضي ده بصمت يا ريس واثره على هذا لو عاضه للخبيه الخبير حياخذ بصماتي وتجيء البصمه تقول مش بتاع طالماخذ دواءها ولا اعدام خطي يا مؤمن بالله عليك يا سعاده الباشا ردي علي عشان الموضوع ده ما بينامش بسببه بس البصمه اللي على الاتصال مش بتاعتي يا باشا

[@اسلامعابدحنفيعابد]

كل سنه وانت طيب يا معالي الباشا بالله عليك سؤال لوجه الله الامانه من مضى عليه ماضي بس اسم بس بالف جنيه قامت تاجر هتدفع البصمه مش بتاعتي وعملوا ب 100,000 لو انا وقفت قدام القاضي وقلت له يا ريس البصمه اللي في الاصول دي مش بتاعت اطلاقه وعوده على البصمات هل القاضي يحقق انا اخلي القاضي يقعد الاصاله على خباب بصمات على البصمه بس ويديني فيه بالله عليك يا سعاده الباشا رد علي كل عام وانت طيب

[@ibiheemo4607]

سؤال لو سمحت هل ينفع ختم المكتب والتوقيع بدلا من البصمه

[@قضاياطريفةومعلوماتقانونيةسريعة]

التوقيع يكفي.... لكن يفضل عدم وضع ختم المكتب لانه ذلك قد يعني وجود ربط بين الايصال ونشاط المكتب.... فيتحول الايصال لنزاع مدني.

[@islammohamed339]

شرح وافي اتمني لك دوام التوفيق

[@قضاياطريفةومعلوماتقانونيةسريعة]

شكرا لذوقك

[@abdelhayebraheem5149]

@@قضاياطريفةومعلوماتقانونيةسريعة بعد اذن سيادتك لو ايصال الامانه الشخص وقع عليه وختم بختم مكتبه والختم عليه بطاق ضريبيه ورقم السجل التجاري

[@malekahmed5141]

السلام عليكم طيب الخانه اللي فيها لتوصيل للسيد ممكن يكون اخويا عادي

[@قضاياطريفةومعلوماتقانونيةسريعة]

وعليكم السلام لا يفضل يكون أخوك طالما كان الأخ مقيم معك في نفس المنزل أو قريب منك لأنه لن يكون من المنطقي أن تعطي شخص غريب فلوسك ليوصلها لأخوك الساكن بجوارك. أما إذا كان أخوك في محافظة أخرى أو بعيد عنك فممكن كتابته كطرف ثالث. بس أنا بفضل الشخص الثالث يكون شخص تثق فيه ولكنه من الغير. وده فيديو بكامل التفاصيل: kzbin.info/www/bejne/qqe3hqOie7pojsU

[@noohtahan5333]

شكرا لك يا متر بس في موضوع مهم اللي هوا لو كتبت تاريخ كتابة الوصل فيه هيأثر عليه في حاجه؟

[@قضاياطريفةومعلوماتقانونيةسريعة]

kzbin.info/www/bejne/lZCYepSkZ5x6kLs ده فيديو كامل لموضوع كتابة تاريخ علي ايصال الامانة

[@samsmsma6668]

لو هدخل شريك في سيارة ميكروباص هل يكفي العقد الابتدائي وامضيه علي وصل أمانة بقيمة المبلغ الي دخلت بيه شريك لان الطرف الثاني شريك بنصف المبلغ بالإضافة إلي المجهود

[@قضاياطريفةومعلوماتقانونيةسريعة]

هو قانونا يكفي بس انا بفضل ان يتم كتابة العربية بالنصف واستخراج رخيصة مشتركة افضل ثم كتابة عقد بطريقة تقسيم الربح

[@adambasha9535]

شكرا على الفديو الجميل بس عندى سؤال.انا خليت واحد يكتب وصل وكتب اسمه فى خانه استلمت انا ومضى والمبلغ بخطه.بس انا كتبت اسمى بخطى فى خانه من السيد...وماكتبتش يسلم إلى مين يعنى الطرف الثالث مش موجود.هل يسقط حقى لو رفعت شكوى. ...ارجو الافاده ضرورى

[@قضاياطريفةومعلوماتقانونيةسريعة]

طبعا الموضوع كده في بعض الخطر، فالمهم حضرتك تكتب بخطك وبنفس القلم اسم الطرف الثالث.... والموضوع في الأخر خاضع لتقدير القاضي، بمعنى هناك قاضي ( وهذا هو الغالب ) يرى أن كتابة المبلغ بذات خط الموقع على الإيصال كافي لمسئوليته عما وقع عليه وأنه تسلم المبلغ، وهناك من يرى أن اختلاف الخطوط والأقلام ينفي ركن التسليم.

[@ahmedadel-qk9te]

طيب بعد اذنك فى عقد الايجار كويس بردو جنب الإمضاء ابصمه بردو كويس يفيد

[@قضاياطريفةومعلوماتقانونيةسريعة]

يفيد طبعا ومفيهاش اي ضرر

[@ahmedadel-qk9te]

شكرا لحضرتك ماتعرفش حضرتك قضايا الطرد بتاخد قد ايه فى المحاكم قانون جديد وشكرا

[@قضاياطريفةومعلوماتقانونيةسريعة]

بتاخد تقريبا من 6 اشهر الي سنة.... وطبعا الامر بيختلف بحسب ظروف كل قضية وبحسب المحكمة...... بس اللي بياخد وقت تنفيذ الحكم نفسه.

[@ahmedadel-qk9te]

دى حاجة تقرف طيب ما انا اقوم ارمى حاجاته برة العين المؤجرة واقفل عليها واخلص نفسى

[@ahmedadel-qk9te]

مش تنفع بردو 😊لو فى مقدرة صح

[@nohaabdelmohsen8695]

ممكن رقم حضرتك علشان عندى مشكله اخواتى ليه عندهم مبلغ و قولت انا عوزة اكتب عليهم المبلغ فيعمل وصل امانه و حضرتك قولت ٣ أطراف ممكن يكون طرفيين ارجو الرد

[@قضاياطريفةومعلوماتقانونيةسريعة]

ده الرقم ٠١٠٦٠٦٠٠٣٨٠ وممكن كتابة الايصال من طرفين ويكون بذلك عقد وديعة.

[@-mohamedali871]

@@قضاياطريفةومعلوماتقانونيةسريعة نفس قوه الايصال؟؟

[@قضاياطريفةومعلوماتقانونيةسريعة]

قانوناً نفس القوة..... عمليا من وجهة نظري الايصال ثلاثي الأطراف اقوي.

[@2481632966]

هل ممكن وصل الامانه كاملا مكتوب بخط يد المدين وشامل كل ما ذكرت

[@قضاياطريفةومعلوماتقانونيةسريعة]

هو ده الصح..... افضل ايصال امانة هو الايصال اللي بيكتبه المدين بخطه من الالف حتى الياء

[@2481632966]

@@قضاياطريفةومعلوماتقانونيةسريعة متشكر جدا

[@khedralardy8802]

لعلمك أنا أقدر اطلع ايصال الأمانة دة فشنك ،ولا عقوبة علية

[@singleabroad1358]

.طيب نورنا ياباشا برضه و عرفنا إزاي عشان نستفيد من المناقشة

[@أيمنخضرخضر-ر4خ]

نورنا يا كبير

[@MohamedMohamed-sf2sz]

السلام عليكم ورحمة الله وبركاته.. جزاك الله خيرا... استفسار لو سمحت... هل ممكن إيصال الأمانة يكتب كله كمبيوتر بالأسماء والمبلغ المالي باستثناء التوقيع في النهاية

[@hmm5122]

تسلم إيدك شرح وافى بس ليا سؤالين : ١- لو الشخص اللى كتبت عليه الأيصال بصم فقط لانه مبيعرفش يكتب . ١- لو كتبت الإيصال على مستأجر يسلم الفلوس لأخويا لانى فعلا مش كوجود هل يجوز لان فيه منازعات على موضوع الأخ والابن .. شكرًا ليك على الشرح الجميل .

[@قضاياطريفةومعلوماتقانونيةسريعة]

اولا شكرا لذوق حضرتك ثانيا البصمة وحدها تكفي ثالثا بالنسبة للاخ والابن فيجوز عادي بس علي الاقل ميكونوش مقيمين معاك في نفس البيت للمنطقية امام المحكمة..... واحنا بنقول يفضل بمعني في قضايا كثير اتعرضت علي المحاكم وكان الطرف الثالث الاخ او الابن وكانوا في نغس البيت والمحكمة حكمت بالادانة

[@rashamohy9740]

لوصل الامان

[@hassanelsaied4128]

لو الوصل اتكتب بقلم جاف اسود عادي ولا في مشكله ؟

[@قضاياطريفةومعلوماتقانونيةسريعة]

عادي جدا مفيش مشكلة

[@صابرللأبد]

هو إحنا حناخد إيصال امانه على اثيوبيا وماله برضه اهو يبقى ضمان برضو

[@aedmgoog666]

هههههه

[@aboebrahim6605]

الهطل له ناسه

[@ميرالالمصري-ق6ل]

لو حد اخد منى فلوس وعايزة اكتبه إيصال امان اعمل ايه علشان يكون صح مع العلم أنه محامى اعمل ايه علشان اكون ماشية قانونى

[@ibrahim_magdy0111]

شكرا لحضرتك 👍

[@قضاياطريفةومعلوماتقانونيةسريعة]

تحت امرك

[@ملكحامد-ص5ه]

لو سمحت في إيصال مضى عليه واحد قريبي من خمس سنوات وفي خانة واحده ما مدى صحته لو شكاه في النيابه

[@قضاياطريفةومعلوماتقانونيةسريعة]

مدة الخمس سنين مدة طويلة ممكن الطب الشرعي يتبين من خلالها ان الايصال كان علي بياض ثم تم كتابة بياناته في ظروف مغايرة. فهنا ياخد براءة ان شاء الله وممكن المحكمة تحتاج شهود وبعد ما تسمعهم تحكم بالبراءة

[@farooq44444]

احسنت 👍 سؤال/ لو المدعي عليه طلب يمين حاسمه انه لم يستلم مبلغ كاش وان الموضوع مجرد اقساط مثلا ايه الحل ؟

[@قضاياطريفةومعلوماتقانونيةسريعة]

شكرا لحضرتك.... هبعت لحضرتك ثلاث احكام نقض فيهم الاجابة من وجهتين نظر 1. لئن كان من المقرر أنه لا يوجد ما يمنع المدعى بالحقوق المدنية من توجيه اليمينالحاسمة بشأن مسألة مدنية بحتة تطبق عليها قواعد الإثبات المدنية ، وهى تجيز لكل الأخصام أن يكلف الآخر باليمينالحاسمة للنزاع ، غير أنه يمتنع توجيه اليمينالحاسمة إذا كان موضوعها الفعل الإجرامى ، إذ لا يجوز وضع المتهم فى حرج إما أن يحنث وإما أن يعترف بجريمته إذ يعتبر ذلك نوعاً من الإكراه على الاعتراف وهو أمر متحقق فى الدعوى المطروحة اعتباراً بأن موضوع اليمينفيها ليس عقد مدنى ، وإنما الفعل الإجرامى ، ومن ثم فإن ما يثيره الطاعن فى هذا الخصوص يكون فى غير محله . (الطعن رقم 15552 لسنة 66 جلسة 2003/06/01 س 54 ص 707 ق 91) 2. لا يوجد قانوناً ما يمنع المدعي بالحقوق المدنية من توجيه اليمينالحاسمة للنزاع بشأن وجود عقد الأمانة لدى نظر الدعوى الجنائية، لأن الدفع الذي يوجهه المتهم بأنظار هذا العقد يثير مسألة مدنية بحتة تطبق عليها قواعد الإثبات المدنية، وهي تجيز لكل من الأخصام أن يكلف الآخر باليمينالحاسمةللنزاع، فيجوز للمدعي الذي يعوزه الدليل الكتابي على وجود عقد الوديعة أن يوجه اليمينالحاسمةللمودع لديه، ولا محل البتة لحرمانه من الإثبات بهذه الطريقة أمام المحكمة الجنائية إذ لا يصح تسوئ مركزه لمجرد سلوكه الطريق الجنائي بدل الطريق المدني، ولا وجه للقول بعدم جواز توجيه اليمينالحاسمة أمام القضاء الجنائي لأن ما يمتنع توجيهه هو اليمين التي يكون موضوعها الفعل الإجرامي، إذ لا يجوز وضع المتهم فى حرج، إما أن يحنث فىيمينه وإما أن يعترف بجريمته، إذ يعتبر ذلك نوعا من الإكراه على الاعتراف، وهو أمر غير متحقق فى الدعوى المطروحة اعتباراً بأن موضوع اليمينفيها ليس الفعل الإجرامي، ولكنه عقد مدني. (الطعن رقم 704 لسنة 61 جلسة 2000/02/13 س 51 ص 175 ق 33) 3. ن ما ينعاه الطاعن من عدم إستجابة المحكمة لطلب توجيه اليمينالحاسمة - المنصوص عليها فى المادة 114 من قانون الإثبات فى المواد المدنية و التجارية - إلى المدعى بالحقوق المدنية فى شأن واقعة رد مبلغ الأمانة لا يكون له محل ، إذ لا يعرف قانون الإجراءات الجنائية سوى اليمينالمنصوص عليها فى المادة 283 منه و التى يجب أن يحلفها الشاهد قبل أداء الشهادة ، و هو ما أكدته المادة 288 من هذا القانون بالنسبة للمدعى بالحقوق المدنية و ذلك بما نصت عليه من أنه يسمع كشاهد و يحلف اليمين ، و إذ لم يطلب الطاعن سماع شهادة المدعى بالحقوق المدنية طبقاً لحكم هذه المادة ، فإنه لا يكون له - من بعد _ أن ينعى على المحكمة عدم قيامها بهذا الإجراء الذى لم يطلبه منها . (الطعن رقم 589 لسنة 59 جلسة 1990/12/27 س 41 ع 1 ص 1114 ق 201)

[@قضاياطريفةومعلوماتقانونيةسريعة]

لو في صعوبة في فهم هذه الاحكام بلغني واحاول افسرهالك اكثر... انا فضلت ابعتلك الاحكام نفسها علشان تكون من مصدرها

[@mohamedmoharm4561]

@@قضاياطريفةومعلوماتقانونيةسريعة ممكن رقم الموبايل عاوز استفسر عن شى ضروري

[@magedragheb1965]

البصمه يشترط تكون بصباع معين أو اليد اليمين فقط ؟

[@Emad_Chatboot]

قضايا طريفة لو سمحت حضرتك انا وصلت واحد مبلغ علي سبيل التشغيل واعطاني وصل أمانة بالمبلغ لضمان حقي كتب فيه بخط ايده كل أركان الإيصال تماام زي شرح الفيديو بس انا اخترت الطرف الثالث أخويا هل ده لو حصل نزاع يكون الإيصال ملغي لأنه مش منطقي أنه يوصل أمانة من أخ لاخوه ارجو الرد وجزاك الله خير للتوضيح

[@الاستاذعلىّالدينيحيىابراهيم]

لو أخوك ساكن قريب منك يبقى منطقى مينفعشى أنما لو ساكن بعيد مثلا فى محافظة غير محافظتك يبقى وصل الأمانة سليم وعادى

[@قضاياطريفةومعلوماتقانونيةسريعة]

الاستاذ علي الدين يحيي رد علي حضرتك احسن مني

[@أياممنحياتى-ي7س]

ارجوك حضرتك نفسي اتواصل مع حضرتك ضرورى عندى جلسه استئناف على قضيه إيصال امانه يوم عشره تسعه وماضيت على بياض ودافغه بأنتفاء ركن التسليم وموقفى صعب وخايفه جدا ارجوك

[@قضاياطريفةومعلوماتقانونيةسريعة]

تحت امرك 01060600380

[@امالبنيينالبنيين]

@@قضاياطريفةومعلوماتقانونيةسريعة لو سمحت انا كان في مشكله كبيره واخدت وصل امانه علي واحد علي بياض وماضي عليه تحت بس والتوقيع ورقم البطاقه فوق هل كدا صح ولاكدا باظ

[@قضاياطريفةومعلوماتقانونيةسريعة]

ممكن توضيح اكثر..... ما هي البيانات المكتوبة في اعلي الايصال؟ ام ان جميعها علي بياض؟

[@MrPrince1970]

Awesome informative 🌺❤️🌷🌺

[@ahmedbdran7651]

والله من فضلك امنت واحد علي سيارتي لمده سنه وفي اخر السنه اكلني ومفيش اي ايصال فيه حل اقاضيه وارجع حقي ،، لو فيه حل بارك الله فيك

[@ebtisamsayed9253]

شكرا يا فندم

[@قضاياطريفةومعلوماتقانونيةسريعة]

تحت امرك

[@magdyadmed7501]

وذلك بصفه أمانة لتوصيلة السيد. حضرتك انا كاتب اسم اختي هل ينفع

[@abdelrahmanhussien2013]

وبعدين هما مش منعو بيع إيصالات الأمانة دي من المكاتب

[@قضاياطريفةومعلوماتقانونيةسريعة]

لا متمنعش..... اللي اتمنع هو بيع الشيكات المكتبية لكن الإيصالات بتتباع في كل مكان

[@ShSh-vt1mg]

طيب لو كتب استلمت من زيد اوصلها لنفس الشخص زيد يبوظ الايصال

[@AhmedHassan-ul1bc]

الله يكرمك

[@قضاياطريفةومعلوماتقانونيةسريعة]

شكرا لذوقك

[@foralltheworld5099]

قمت بتحرير وصل امانة و كتبت فى منطقة بيضاء اسفل يمين الايصال ( الشاهد ثم اسمه و توقيعه ) فهل يضر هذا بالايصال

[@قضاياطريفةومعلوماتقانونيةسريعة]

لا يضر..... ولكني لا افضل ذلك لانه قد يطلب للشهادة وسيحلف اليمين وقد يقول اقوال لغير صالحك.

[@sameerhusen2585]

بالله عليك أفدني في الاستشارات دي واحد ظالم ماضاني على أصل أمانة على بياض وأخد كل مستحقاته المالية ولم يعضني الاصالات وهم عددهم أثنين وأنا لم أعضيه خوانة لأن كنا وأحنا أطفال متربين مع بعض وأيه العمل ويريت ترسل لي رقم الموبايل

[@قضاياطريفةومعلوماتقانونيةسريعة]

موقفك وحش طبعا.... بس محتاج منك تفاصيب اكثر..... ده رقمي وعليه واتس ٠١٠٦٠٦٠٠٣٨٠

[@adelabdazim9307]

هل ممكن اخد توقيع زياده وبصمه علي ظهر الايصال زياده في التاكيد ...شكرا لك

[@osamazakaria2025]

الله يبارك فيك

[@قضاياطريفةومعلوماتقانونيةسريعة]

شكرا لذوقك

[@MONIR-j1n]

طيب انا خليته كتب الوصل لكن المبلغ بالحروف فقط لأن مافيش خانه للأرقام ووقع وبصم فقط بدون بصمه هل فيها مشكله مع العلم كل كلمه كتبها بنفسه بعلمي طبعا

[@محمدمحمود-ط4د1خ]

انا واحد اخد ني يقسطلي عربيه وبعد لما مضيت علي ٦ وصلات ٤ الوصل ٥٠ الف متفقط ٢ علي ابيض بس انا وقعت وكتبت اسمي فوق بس والقلم معايا والرجل مش اداني فلوس لعند دلوقتي بقالو ٤شهور وفيه ناس شاهده عليه الطرف الثاني والثالث فالوصل فاضيين تماما وانا اخدت القلم في جيبي ارجوو الرد الله يجزيك خير و معايا شهود ٢ ههل المده الزمنيه من ١٠/١٢/٢٠١٩لعند النهارده لسه مكتبش الطرف الثاني والثالث الخبير بيطلعها براءه ارجو من فضلك الرد

[@قضاياطريفةومعلوماتقانونيةسريعة]

اولا انا بعتذر لحضرتك لاني مقدرتش افهم مقصودك قوي...... بس في العموم مدة الخمسة اشهر تعد مدة قصيرة ويصعب علي الطب الشرعي ان يعرفها مادام الكتابة بنفس القلم وطالما ان ايصال الامانة محفوظ بطريقة جيدة بدون تمزيق او ثني.

[@محمدمحمود-ط4د1خ]

طيب ارجوك رقم مبيل ضروري

[@محمدمحمود-ط4د1خ]

انا صورة الإيصال ممكن ابعتو لحضرتك تشوفو بعد اذنك

[@محمدمحمود-ط4د1خ]

@@قضاياطريفةومعلوماتقانونيةسريعة ممكن رقم مبيل ضروري

[@محمدمحمود-ط4د1خ]

@@قضاياطريفةومعلوماتقانونيةسريعة ممكن رقم مبيل ضروري

[@عوضالرياني]

هل ينفع لتوصيلها الى صاحب المال الذى دفع المبلغ ولاداعى لطرف ثالث وشكرا لك

[@aw-alb2924]

شعب يموت بالروتين واللف والدوران واختراع اساليب النصب العجيبه !!! والله العظيم شغل اونطه وبلطجه فعلا كرهتوا العالم بالقضاء المصري المليئ بالثغرات واللف والدوران ملعون ابو الحقوق اللي راح تتاخذ بالطرق الواطيه الحقيره وبأية وسيلة من باب الغاية تبرر الوسيلة شنو هالمسخرة هذه

[@ابراهيمابوالسعد-ض1ص]

عندي استفسار بعد اذن معاليك لو شخص حول مبلغ من السعوديه علي شخص في مصر ومعه وصولات التحويل هل ممكن أن يطالبه بلمبلغ ولو أنكر هل البنك ممكن يعطيني أفاده إن فعلا تم نزول في حساب هذا الشخص مبلغ مطابق للحولات الخارجيه او ايه هي حضرتك الجها القانونية المطالبه بلمبلغ المرسل ولك جزيل الشكر والامتنان

[@قضاياطريفةومعلوماتقانونيةسريعة]

ايصالات التحويل من الخارج تكفي لاثبات التحويل ولا حاجة للاستعلام من البنك في مصر. خاصة ان البنك قد يرفض اعطاء افادة بدخول المبلغ في الحساب حفاظا علي سرية الحسابات

[@mohamedhendawy1280]

بعد اذنك خلايا الطرف الثالث قل انا خت الفلوس وهو مختش هل كده رحت علي ولا ايه

[@امسامح-ي9ع]

لوالى هكتب عليه الوصول ليه بطاقتين بعناوين مختلفه ايه المتابع

[@قضاياطريفةومعلوماتقانونيةسريعة]

اكتب العنوان اللي الشخص مقيم فيه فعلا، ولو بيتنقل بين العنوانين اكتب العنوان اللي يحقق مصلحتك، بمعنى لو عنوان في محافظتك وعنوان في محافظة تانية اكتب اللي في محافظتك علشان ترفع الجنحة قريب منك.

[@امسامح-ي9ع]

@@قضاياطريفةومعلوماتقانونيةسريعة شكراً جزيلا سيادة المستشار

[@merfetabdellatef2536]

لو اخذت وصل عليه امضاء فقط ممكن انا اكتب كل البيانات وخاصة معي صورة من بطاقته حتي اضمن حقوقي وليس الوصل عليه بصمة

[@قضاياطريفةومعلوماتقانونيةسريعة]

لا يهم وجود بصمة فالتوقيع يكفي.... وحضرتك تخلي حد يكتبلك باقي بيانات الايصال كاملة في اسرع وقت حتى لا يظهر مرور وقت بين التوقيع وبين كتابة صلب الايصال.

[@merfetabdellatef2536]

@@قضاياطريفةومعلوماتقانونيةسريعة شكرا لحضرتك

[@egyptlovers9828]

@@قضاياطريفةومعلوماتقانونيةسريعة معني هذا ان اختلاف الخط واختلاف القلم المكتوب به اسم الطرف الثاني والثالث عن خط الطرف الاول صاحب التوقيع لا يهم في حاله الطعن انه وقع علي بياض .

[@قضاياطريفةومعلوماتقانونيةسريعة]

مهم جدا لان تعدد الخطوط والاقلام بياكد انتفاء واقعة التسليم..... بس في الفرض اللي قاله صاحب السؤال الايصال كامل علي بياض عدا التوقيع ولا يوجد اي بيانات اخرى بالايصال

[@Abdalazez_Ezat1997]

حضرتك لو الطرف التالت مكتوب نفس الشخص اللي مدى الفلوس كده صحيح ولا ايه

[@Marwan_2000.]

لو وصل أمانه فاضي مش مكتوب فيه غير التوقيع والبصمه ايه نظامه ؟

[@walaawalaa2374]

طيب اجيب منين دفتر شيكات لو سمحت

[@shams734]

هل يوجد مدة معينه يسقط بعدها الايصال ومنقدرش ناخذ فلوسنا

[@ديجيابوصلاح]

السلام عليكم لو الطرف الثالث توفي ايه الحل ولو الشخص اللي ماضي علي الايصال توفي ممكن يتاخد من الورثه

[@مجديالصعيدي-غ9ط]

لو مفيش بطاقة وفيه جواز سفر هل ينفع بدل البطاقة رجاء الرد لوتكرمت وشكرا لك

[@قضاياطريفةومعلوماتقانونيةسريعة]

ينفع طبعا..... وينفع كمان رخصة القيادة.... المهم اي حاجة تثبت الشخصية علي وجه قطعي.....

[@waleedhanafy9925]

حضرتك انا الشغل بتاعى فى الجبل ومعايا واحد اخد منى فلوس بس مفيش إيصال أمانه كمبيوتر مطبوع بس انا عملت إيصال على ورقه كراسه ومضى وبصم والايصال كامل مثل الكمبيوتر هل ينفع ولا لا

[@قضاياطريفةومعلوماتقانونيةسريعة]

اه طبعا ينفع.... والايصال كده مفهوش اي مشكلة

[@waleedhanafy9925]

@@قضاياطريفةومعلوماتقانونيةسريعة الله يسترها علينا وعليكم طمنتنى

[@waleedhanafy9925]

ألف مليون شكرا لحضرتك يا مستشار

[@radwanbikhit3986]

طيب الشيك إلي بنشتروه من المكتبه مش اسهل نرجو الافادة

[@قضاياطريفةومعلوماتقانونيةسريعة]

الشيكات المكتبية تم الغاءها... شوف حضرتك الفيديو ده kzbin.info/www/bejne/hqW1qIaVpqmnq5Y

[@radwanbikhit3986]

@@قضاياطريفةومعلوماتقانونيةسريعة شكرا لحضرتك