ازاي تختاري زوج مش نرجسي

Рет қаралды 5,010

4 ай бұрын

الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ازاي تختاري زوج مش نرجسي ولا أي شخصية سامة؟
جربتي النرجسي سواء طليق او اب او ام وناوية ترتبطي تاني او لسة متجوزة نرجسي وبناتك كبروا وعلى وش جواز وعايزة تعرفي تعلميهم يختاروا زوج سوي؟ اسمعي الفيديو دة كويس
اول حاجة لازم تفهمي انك محتاجة فترة مش اقل من تسع شهور لسنة عشان تتعرفي على الشخص اللي ادامك ودة على حسب كلام دكتور يوسف الحسني في كتابه عقدك النفسية سجنك الابدي ، هو بيقول انك عشان تقدري تحكمي ع الشخص اللي حترتبطي بيه حكم صحيح وتعرفيه كويس وتعرفي أفكاره وسلوكايته لازمك من ٩ شهور لسنة ، فموضوع الخطوبة ٣ و٤ شهور دة موضوع فاشل جدا ، طيب عشان تفهمي اللي ادامك لازم تكوني فاهمة عقليته ودي حتفهميها ازاي اذا كنتي مش عارفة عقليات الناس شكلها ايه؟ عندنا في البشر ٣ عقليات : عقلية تقليدية ودة اللي مايعرفش حاجة في الحياة غير الموروثات اللي اتربى عليها سواء كانت صح او غلط متمسك بيها كأنها قرآن منزل ،وبالتالي مش مقتنع بالتغيير ومتجمد في نفسه ومستحيل يغير نفسه ولا معتقداته ولا سلوكياته .
العقلية التانية العقلية المتفتحة حتلاقيه دايما بيفكر في العادات والتقاليد الموروثة دي ويتفحصها ويشغل مخه فيها ويخلق لنفسه مفاهيم جديدة متوافقة مع الدين طبعا ومع حياته وبيئته من غير مايقلد الاخرين تقليد اعمى ودة اللي بنقول عليه بيخالف القطيع وبيمشي عكس الاتجاه لكن بحكمة وادب وتمسك بدينه ومش بيتبنى فكر لقد وجدنا اباءنا على هذا .
النوع التالت بقى دة المنفتح بزيادة وتمرد بدون تفكير ،متمرد ع العادات والتقاليد والقواعد الدينية حتى ودة تلاقيه بيعمل أي حاجة تيجي على باله غلط ولا صح مش مهم ودة شخص ملوش علاقة بالتفتح دة شخص مستهتر وملوش هوية
طيب دي اول حاجة لازم تشوفي عقلية اللي ادامك وتفهميها هو أي نوع من دول الأول والتالت اكيد حيكونوا شخصيات مش مريحة والاكستريم منهم شخصيات سامة وعشان تعرفي الشخص اللي معاكي مين فيهم لازم تتناقشي معاه وتتحاوري وتراقبي تصرفاته في المواقف عشان تفهمي هو بيفكر ازاي
طيب تاني حاجة الشخص اللي حتتجوزيه دة ولا العريس اللي متقدم لك ايه علاقته بالعمل والانجاز وايه هدفه في الحياة وهل هو كسول وبيأجل كل حاجة ومش بيطور نفسه ومعندوش طموح ولا هدف ولا هو أصلا مفيش في حياته غير الشغل والإنجازات والمشاعر ملهاش مكان في حياته والاجتماعيات عبارة عن تفاهات ؟
والاتنين دول أسوأ من بعض ،الشخص اللي تختاريه لازم يكون شخص محدد واضح عارف هدفه في الحياة مهتم انه يتعلم حاجة جديدة باستمرار وبيطور نفسه وفي نفس الوقت عنده اجتماعيات ووازن حياته صح
ثالث حاجة العصبية والهدوء : ابدا ابدا متختاريش شخص عصبي ومتوتر لان دي علامة غير صحية في الشخص التوتر والعصبية مستحيل تكون ملازمة الشخص السوي فلازم تدققي في أسباب التوتر والعصبية اللي في اللي ادامك لانها ممكن تكون عرض لكتير من الشخصيات السامة وتلاقي نفسك في الاخر بتقولي دا بيحبني بس عصبي وهو أصلا شخص سام
رابع حاجة الصارم والمتمادي والخاضع : مالهم دول ؟ الصارم هو الشخص اللي راسم حدوده وبيعرف يواجه ومش بيسمح لحد يتمادى معاه ودي بتكون شخصية محترمة ومتزنة ومش بتتعدى حدود حد ولكن الصرامة لو زادت عن الطبيعي بتحول العلاقة لعلاقة متجمدة ومفهاش أي تقارب ولا اتزان
اما المتمادي دة فتبعدي عنه فورا ودة اللي بيكون متنمر وساخر وقح ومش بيحترم حدود حد ويتحجج في الاخر انه بيهزر وانتي ليه مش بتقبلي الهزار وانتي جد اوي كدة ليه وهو أصلا هزاره إهانة وتمادي وسخرية ، اما بقى الخضع فدة شخص سلبي بيخاف من المواجهة وبيخاف يعمل أي حاجة تزعل أي حد وطول الوقت بيبرر نفسه ، النوع دة مش حقول لك تبعدي عنه لانه ممكن يتغير وعندك فرصة تختبري تطوره وتقدمه وانتي لو ساعدتيه حيتغير لكن اذا كان حابب الوضع دة فابعدي لانه لايعتمد عليه ومش حيتحمل مسئولية بيت وحياة
خامس حاجة الشكل : الشكل فعلا مسألة نسبية واللي يعجبك ممكن مايعجبش غيرك والشكل شيء سطحي ومش مهم والمهم الجوهر كل دة كلام جميل ولكن ماينفعش تتجوزي واحد حتعيشي في وشه طول عمرك وانتي حاسة انك مش قادرة تتقبلي شكله ماينفعش مش حتكون حياة سوية ابدا لازم تكوني متقبلة اللي ادامك في كل شيء حتى الشكل ، لكن خدي بالك بقى ماتنخدعيش في الوسيم الجميل اللي اهم حاجة عنده شكله خدي بالك ان الشكل ممكن يكون وسيلة عظيمة للخداع فانتبهي وانتي وبتختاري
سادس حاجة الحوار والمناقشة باريحية ودي علامة حمرا كبييييرة في الشخصيات السامة فانتبهي لها كويس
الفيلسوف نيتشة بيقول ايه بيقول لو فكرت في الزواج فاختار شخص يشبه اعز صديق لك ، ليه لان اعز صديق لك حيكون هو الشخص اللي بيسمع لك وبيحتويك وبيتحاور معاك وبيتناقش مناقشات مثمرة وفعالة وبلا هدف ولا مصلحة وحد انت مستحيل تزهق من الكلام معاه ولاهو حيزهق من الكلام معاك اختار شخص يشبه صديقتك الانتيم شخص لما تتكلمي معاه تتكلمي براحتك وبدون خوف ومن غير ماتفكري الكلام دة حيزعله ولا حيفهمه غلط ولا لا لانه فاهمك وفاهم تفكيرك وعارفنيتك وطيبتك ونقائك وعارف انك مش تلفي الكلام ولا بتقولي كلام له ميت معنى ومش حيسقط عليكي عقده ، الحوار علامة مهمة في الشريك السوي
سابع حاجة القيمة المضافة ، الشخص دة في خلال فترة الخطوبة اللي داخلة ع السنة هل اضاف لكي قيمة يعني علمك حاجة جديدة ،خلاكي احسن في اي حاجة خلاكي نسخة افضل من نفسك؟ ولا نسخة اسوأ ولا خلاكي شبح او دمية ؟
تامن حاجة العمر مفروض يكون متقارب ويستحسن يكون اكبر منك مش بكتير
تاسع حاجة المادة ، اختبري علاقته بالفلوس بخيل ولا مسرف ولا متزن
في النهاية مفيش حد كامل لكن فيه حد مهتم وعايز يبني علاقة سوية وبيجتهد وبيحاول وبيغير من نفسه وفيه حد مش مهتم وعايز ياخد وبس ،
#صحةـنفسية #القوة #الاكتئاب #النرجسي #النرجسية

Пікірлер: 55

@meriembenbatoule1169 4 ай бұрын

كل كلامك صح مليون في الماىة.لكن ماننساش الدعاء والتوكل على الله..لانك مش انت الي تختاري لنفسك...ربنا كاتب لك نصيبك من قبل...فاللهم اكتب لبناتنا ازواج صالحين

@Tawba123 4 ай бұрын

اللهم آمين يارب العالمين اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين

@Dish-Around-the-world 4 ай бұрын

ياريتني عرفتك من ثمان سنوات يا امي

@Oud792 4 ай бұрын

طليقي نرجسي وبدي اختار شخص مش نرجسي الانو عندي ولاد من نرجسي وحابة يعيشو في سلام

@7rayerdz803 4 ай бұрын

النرجسي الخفي صعب يخليك تصدقيه انو راجل يعتمد عليه وفيه كل صفات فارس الاحلام

@emanragabahmed8306 4 ай бұрын

كان فين الكلام ده من زمان 😢.. ربنا يعوضنا خير 😢

@allow123 4 ай бұрын

مش عايزة ازعلكم واقول لكم اغلب ذكورنا نرجسيين مع الأسف

@user-fc5pg8kj3m 4 ай бұрын

ماما كوثر اشهد الله إني أحبك في الله حضرتك علمتيني وغيرتي نظرتي لحياتي عمومآ وبخصوص المريض اللي عندي لقد تم التعامل معه بفضل حضرتك ربي يبارك فيك وجزاك الله خيرا وبارك الله في عمرك

@user-yf8nq5zu8t 4 ай бұрын

حلوه اوي❤❤❤❤ عايزة اقولكو حاجه متاخديهوش بن امه..من قلب الحدث اعااااني😢😢

@salwamousa-nr8hz 4 ай бұрын

سنتين خطبة اخر رومانسية ولماتزوجنا كل صفات النرجسية فيه من دون مبالغة

@7rayerdz803 4 ай бұрын

😢😢😢😢

@user-zk7hk6hi7o 4 ай бұрын

صح انا ثلاث سنوات حب ورمنسية لكن كان غيور جدا

@7rayerdz803 4 ай бұрын

@@user-zk7hk6hi7o النرجسي يغار منك وليس عليكي

@Aya.ahmad2 4 ай бұрын

أحسن شي صلاة الاستخارة هي الي تنقي وتطهّر النصيب الي سوف يأتي ،، إما يبعد العريس إذا كان سيئا أو يسهل الزواج بإزالة العقبات إذا كان العريس طيباً 😊❤ أكبر ندم بندم عليه إني ما استخرت قبل الزواج ووقعت مع نرجسي سيء جداً للاسف 😢 لذلك أنصح البنات أخواتي عليكم بصلاة الاستخارة هي التواصل الطيب مع الله وربنا يدلكم على الاختيار الصح الطيب لكم والمناسب لدينكم ودنياكم ❤😊

@user-qs7xp6mv6b 4 ай бұрын

صح صح الاستخارة أهم شئ وانك تتبرأ من رغباتك وتسلمه تسليم تام لله لأن مش هتقدر تغيرى حد ...،.......

@ronameda5757 4 ай бұрын

طب واللى استخارت ربنا وزوجها طلع نرجسى تعمل ايه

@Aya.ahmad2 4 ай бұрын

@@ronameda5757قال تعالى : (واصبر لحُكمِ ربك فإنك بأعيننا) قال رسول الله (صلى الله عليه وسلم):(ما من مسلمٍ يصيبه مصيبة فيقول ما أمره الله عزوجل:إنا لله وإنا إليه راجعون، الله أجرني في مصيبتي وأخلف لي خيراً منها إلا أخلف الله له خيراً منها)، وجزاء الصابرين الجنة، ويُوفّى الصابرون أجرهم بغير حساب 😍😍😍، إذن افرحي واصبري إن الله مع الصابرين لأن الله جعله امتحان لكِ في الدنيا ويوم القيامة انتي من الصابرين الي ربنا رح يؤمر ملائكته يرفعكم وياخدوكم للجنة مباشرة دون حساب ولا ميزان ولا عذاب 🥰🥰🥰🤲🏼🤩😍 قال رسول الله (صلى الله عليه وسلم):(إذا ابتلى الله العبد المؤمن بالسقم قال لصاحب الشمال أحد الملكين الموكلين يا ابن آدم ارفع القلم عنه وقال لصاحب اليمين اكتب لعبدي أحسن ما كان يعمل)، وفي الحديث:(إن الله يرسل الملائكة لتصب البلاء على العبد ثم يسألهم هل صببتم عليه البلاء؟ فيقولون: نعم يا رب، فيقول لهم أعيدوا عليه البلاء وصبوه صباً فإني أحب أن أسمعه يقول يا رب)، وقد سمع الله سفيان الثوري ـ رضي الله عنه ـ رجلاً في مجلسه يقول: اللهم ارضَ عني، فقال له سفيان: لو رضيت عن الله لرضي الله عنك، قال الرجل: وكيف أرضى عن الله يا سيدي، قال: يوم تسر بالنقمة سرورك بالنعمة فقد رضيت عن الله 🥰 يعني ربنا بحبك وجعل الدنيا الوسخة الفانية عذاب لك كي لا تتعلقي فيها ولا تغرقي في متاعها وفتنها، لأن الجنة بانتظارك إن شاءالله 😍🥰🤲🏼 اقرأي وابحثي عن مصير الصابرين موجود بالقرآن والأحاديث النبوية كتير عن مصير الصابرين وعن حب الله للصابرين 🥰 وانا تزوجت مرتين من ازواج نرجسيين وعايشه جهنم دنيوية وصابرة 😭😔💔😩😫 حمدلله وكل ما يكسر قلبي بركض بسرعة لسورة البقرة وادعية التحصين والتسبيح وبقوي شخصيتي بمشاهدة نصائح الدكاترة النفسيين عن النرجسيين وكيفية التعامل معهم وكيف اكون قوية وبطلت ابكي او اخاف قدام جوزي ابدا زي زمان فقط لما اكون لوحدي بالبيت ابكي واطلع الطاقة السلبية الي بشوفها منه وبدعي ربنا بالاوقات المباركة أنه يرفع البلاء عني ويزوجني بزوج اخلاقه ومشاعره مثل رسولنا الكريم او يعوضني بزوج طيب وحنون وجميل في الجنة 🤲🏼😢❤️ إن الله إذا أحب عبدا ابتلاه والحمدلله دي علامة على أن الله يحبني وما يريدني أن اتعلق بالدنيا واسلك طريق الضلال . اصبري يا اختي يا حبيبتي الله رح يعوضنا بجنة عظيمة ورح نكون حلوين هناك ومرتاحين ورح يعوضنا بازواج آخرين غير الي في الدنيا على حسب رغبتنا طبعاً مش شرط هناك نعيش مع نفس الزوج الي في الدنيا يعني بقرأ كتير عن متاع الجنة وبصبر نفسي 🥰 المهم طنشيه واسمعي لنصائح الدكتور وحافظي على سورة البقرة وادعية التحصين عند الخوف من لقاء الظالم همه ثلاثة بدعيهم وربنا بربط لسان وايادي جوزي عن اذيتي : ١. اللهم اكفنيهم بما شئت وكيف شئت ٢. اللهم إنا نجعلك في نحورهم ونعوذ بك من شرورهم ٣. وافوض امري الى الله إن الله بصير بالعباد ( دي قوليها ٧ مرات) قبل ما تشوفيه او يرجع البيت كلما ما حسيتي بخوف او خطر منه اقرأي هذه الثلاثة ادعية ٣ مرات او ٧ مرات وهو الافضل .

@noreen748 4 ай бұрын

مبدعه كالعاده جزاكي الله خيرا ❤

@monaazeez7520 4 ай бұрын

يسعد أوقاتك بكل خير دكتورة

@monafouda3369 4 ай бұрын

جزاك الله خيراً يا دكتورة ربنا يفتح عليك

@tymaaalhariri9649 4 ай бұрын

حلوة الحلقة . سلمت يداك

@user-qo6tc6vx8f 4 ай бұрын

جزاك الله الف خير عنا عندنا في اليمن مافيش حاجه في فتره الخطوبه وماتعرف عنه شي

@faten6318 4 ай бұрын

جزاكى الله خيرا

@ghm1918 4 ай бұрын

اللهم صل علىسيدنا محمد

@suzyhossen6899 4 ай бұрын

هذه هي المعادلة الصعبه

@user-uj9oe2xe5r 4 ай бұрын

ياريتنا سمعنا الكلام ده من زمان

@aseelfouad1946 4 ай бұрын

يادكتورة هذه الامور جدا صعبه الحل الامثل انو لاأحد يتزوج ويعيش حياته مطمئن لان اغلب الزواجات في عصرنا فاشله

@layanmovies8382 4 ай бұрын

ياريت عرفتك وسمعت هذا لكلام من زمان قبل ما توقع لفأس في راس

@Username-wu2ps 4 ай бұрын

فعلا والله لو مش عارفين تبقو أصحاب متتجوزوش

@nusybamalik3008 4 ай бұрын

مش يمكن البنت بتحب خطيبها (الي بيقولها انتي حلوه)ان شاءالله يكون بيحبها وربنا يسهل ليهم(وان شاء الله مايطلعو الاتنين نرجسين)😅

@user-qo6tc6vx8f 4 ай бұрын

كيف اقنع اابنتي أن زوجها نرجسيي والان مطلقه ومازالت متعلقه به

@allow123 4 ай бұрын

خليها تتفرج على القناة هنا وتعرف صفات النرجسي

@salsabelmohamed7256 4 ай бұрын

هى مدمناه وده تعلق مرضى. فتسمع حلقات التشافى لدكتورة كوثر.

@NM-wu8gh 3 ай бұрын

❤❤

@user-mb3dd7ox4m 4 ай бұрын

امي نرجسيه وكبيرة بالسن 32 وكنت بفكر لما اتخطب مش أطول فترة الخطوبه

@user-to5bc9im8m 4 ай бұрын

للاسف النرجسي الخفي بيتقن اخفاء هذه الاشياء خاصة الحوار

@user-kl4wh5tc3b 4 ай бұрын

فى حاجات بسيطه بتبين شخصيته

@user-lj9mz1ms9b 4 ай бұрын

❤

@douniaamal170 4 ай бұрын

❤❤❤

@lilasalhlewani9244 4 ай бұрын

❤❤❤❤

@a.n580 4 ай бұрын

انا كنت عارفه انه نرجسي من وقت الخطوبة لكن ما ما عندي حل ثاني غير اني اهرب من ام واب نرجسيين

@allow123 4 ай бұрын

انا صراحة لان اهلي طباعهم مش حلوة وامي نرجسية زي مابيقول الكتاب كنت بافحص اي عريس كويس جدا علشان مااتورطش وبصراحة بمرور الوقت من كتر العيوب اللى شفتها خلاص مش عايزة اتجوز

@user-cb3ci7qq9r 4 ай бұрын

انا انخطبت سنه ونص وبرضو طلع نرجسي

@ManarElsa 4 ай бұрын

مش مهم.. المهم ميزتيه ولا لا... نفدتي بجلدك ولا لا

@ManarElsa 4 ай бұрын

انا قرات الكتاب ده عجبني.. بس اختلفت معاه في كتابه التاني في نقط..

@sanamahtal2762 4 ай бұрын

مثل ماذا؟

@ManarElsa 4 ай бұрын

@@sanamahtal2762 يعني مما اذكر انه قال ان التقبيل في الافلام والمسلسلات عادي لانه تعبير عن محبه وان ده احسن من العنف.فليه اخبي المشاهد دي عن أطفالي) . انا ست عندي التزام ديني وده مش احسن ولا حاجه

@ManarElsa 4 ай бұрын

@@sanamahtal2762 هو يري في كتابه الثاني انه مشهد تقبيل في فيلم لا يجب ان نمنع الطفل من مشاهدته لانه العنف اولي بالمنع.. وانا اري انني امنع ابنائي لاني مسلم وفي وازع ديني واخلاقي..

@Gazelle599 4 ай бұрын

عدوة منتشرة ياجدعان😂

@shassan7 4 ай бұрын

ياريت يا دكتورة تعملى حلقة عن اللى بتطلب الطلاق بقالها سنين وهو رافض علما انها اعطتله محاولات ١٥ سنة ولكن العنف بيزيد والشتيمة والتحقير امام الاولاد والنفسية زفت خلاص فقدت الثقة فى نفسى وانى ممكن اتعلم حاجة واشتغل واقف على رجلى بس المهم ماشوفهوش تانى عملت محضر تعدى قبل كدا ووالدى اجبرنى اتنازل عنه عشان الفضايح ولانه وعده انه هايطلق وطلع عيل ورجع فى كلامه بعد ماتنازلت