Рет қаралды 48,297
Қызылорда облысы Қазалы ауданында бүкіл ауылдың тұрғындары "ақыл-есінде ауытқуы бар" деген жетім жігітті әскерге күштеп әкетті дейді. 25 жастағы Тұрар Матығұлдың өзі оны ауыл әкімі мен әкімдік қызметкері автокөлікке сүйреп мінгізіп, әскери комиссариатқа жеткізгенін айтады. Ал ондағылар азаматты санаулы күннің ішінде-ақ әскер қатарына алған екен. Ауыл тұрғындары болса ата-анасынан ерте айырылған жігіттің ақыл-есінде кемістігі барына қарамастан қолына қару беріп, әскери міндетін өтеуге жібергеніне наразы.
Бұл 25 жастағы Тұрар Матығұлдың әскери комиссариатта отырған кезі. Жас жігітті ауылдағы достары іздеп барып, видеоға түсіріп алған. Онда Тұрар өзін ауыл әкімі мен әкімдік қызметкерінің үйінен сүйреп алып шыққанын айтады. Тіпті қоқан-лоқы көрсетіп, аудандағы қорғаныс істер жөніндегі бөлімге күштеп әкелді дейді.
Аядай ғана Басықара ауылының тұрғындарын ашындырған осы бейнежазба. Ауылдықтар Тұрардың бала кезінен ақыл-есінде ауытқуы бар дейді. Тіпті кейде қызбаланып өзін ұстай алмайтын кездері жиі болатынын айтады. Көпшілік оның ақыл-ойындағы кемтарлығын біле тұра әскери комиссариатқа күштеп апарған ауыл әкімінің әрекетіне наразы.
ЖӘМИ ЖҮСІПОВ, Басықара ауылының тұрғыны:
- Мұның әкесі мотоцикл авариясынан қайтыс болды, шешесі одан кейін қайтыс болды. Жалғыз өзі тұрады... Бұл бала шамалы науқастау. Бір он күн сәлем берсе, он күн сәлем бермей кетіп қалады.
ҚАЙРАТ ӘЛІБАЙ, Басықара ауылының тұрғыны:
- Ауру, науқас адам ғой. Ертең психологический ауруы бар адамға мылтық береді мысалы. Ұланға барады дейді. Ол не деген сұмдық? Қару бергеннен кейін біреуді атып тастауы мүмкін. Не өзін атып тастауы мүмкін.
Тұрардың мінез-құлқындағы ауытқушылықты ауыл әкімінің өзі де аңғарған екен. Бір қызығы, соған қарамастан жас жігітті әскери комиссариаттан өтуге өзі жібергенін де мойындап отыр. Алайда оған әскерге бар деп қысым жасамадым дейді.
МҰРАТБЕК БЕКМАНБЕТОВ, Басықара ауылдық округінің әкімі:
- Өзінің де шамалы ауытқуы бар енді. Нервныйлығы, тез қызбалығы. Бірақ соның бәрін біз біліп, әрмен қарай медициналық сараптамадан өте алмайтын шығар деген оймен 30 күні осы жерге өз еркімен кеткен.
Бірақ Тұрар Матығұл белгісіз себептермен бұған дейін психикалық ауруы бар азамат ретінде медициналық тіркеуге алынбаған екен. Ал қорғаныс істер жөніндегі бөлімде оны тексеруден өткізген дәрігерлер сол сәтте жігіттің ақыл-есінің ауытқуы байқалмаған еді дейді.
КҮНШЫҒАР ӘБІЛОВ, Қазалы ауданаралық ауруханасы бас дәрігерінің орынбасары:
- Мына жақтағы военкоммен, баламен сөйлестік. Енді комиссия болады дейді. Ертең тағы тексеріледі. Бірақ ол карантинде жатқан адам. Частьқа жіберер алдында бәрін проверка жасаймыз дейді.
Қазір 25 жастағы жігіт Қызылордадағы 55/47 әскери бөліміне жеткізілген. Дәрігерлер оның денсаулығын тағы бір тексереміз деп отыр. Тұрардың әскер қатарына алына ма, жоқ па содан кейін белгілі болмақ. Ал бүтіндей ауыл халқы ақыл-есінде ауытқуы бар азаматтың қолына қару берсе, оқыс жағдайға тап бола ма деп алаңдаулы.
.
.
.
.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал