Рет қаралды 43,222
Gurugala Katte Dhwani Presents
Song : Echaradali Nade Manave
Lyrics : Shri Purandara Dasaru
Composed by : Smt Divya Giridhar
Singers : Anantraj Mistry & Divya Giridhar
Music : Bharadwaj
Recording & Mastering : Swaroop Studio Mysore
_______________________________________________
This Video Song Copyrights belongs to the owner of this song
ಎಚ್ಚರದಲಿ ನಡೆ ಮನವೇ
ಮುದ್ದು ಅಚ್ಯುತನ ದಾಸರ ಒಡಗೂಡಿ ಬರುವೆ
ಅನ್ನದಾನವ ಮಾಡೋದಿಲ್ಲಿ ಮೃ |ಷ್ಟಾನ್ನವ ತಂದು ಮುಂದಿಡುವರು ಅಲ್ಲಿ||
ಅನ್ಯಾಯ ಮಾಡುವುದಿಲ್ಲಿ ನಿನ್ನ |ಬೆನ್ನ ಚರ್ಮವ ಸೀಳಿ ತಿನಿಸುವರಲ್ಲಿ||೧||
ತಂದೆ ತಾಯಿಗಳ ಪೂಜೆಯಿಲ್ಲಿ ದೇ |ವೇಂದ್ರನ ಸಭೆಯ ತೋರುವರು ನಿನಗಲ್ಲಿ ||
ತಂದೆ ತಾಯಿಗಳ ಬೈಯ್ವುದಿಲ್ಲಿ ಹುಲ್ಲು| ದೊಂದೆಯ ಕಟ್ಟು ಸುಡಿಸುವರಲ್ಲಿ ||೨||
ಆಲಯ ದಾನವು ಇಲ್ಲಿ ವಿ |ಶಾಲ ವೈಕುಂಠದೊಳಿಡುವರು ಅಲ್ಲಿ ||
ಆಲಯ ಮುರಿಯುವುದಿಲ್ಲಿ ನಿನ್ನ | ಶೂಲದ ಮರವನೇರಿಸಿ ಕೊಲ್ವರಲ್ಲಿ ||೩||
ಅತ್ತೆಮಾವನ ಸೇವೆ ಇಲ್ಲಿ ಮತ್ತೆ |ಉತ್ತಮ ಪತಿವ್ರತೆ ಎಂಬುವರಲ್ಲಿ ||
ಅತ್ತೆ ಮಾವನ ಬೈಯ್ಯುವುದಿಲ್ಲಿ ನಿನ್ನ | ಕತ್ತು ಗರಗಸದಲ್ಲಿ ಕೊಯ್ಯುವರಲ್ಲಿ ||೪||
ಗಂಡನ ಭಕ್ತಿಯು ಇಲ್ಲಿ ನಮ್ಮ | ಪುಂಡರೀಕಾಕ್ಷನು ಒಲಿಯುವನಲ್ಲಿ |
ಗಂಡನ ನಿಂದಿಸುವುದಿಲ್ಲಿ ನಿನ್ನ |ಖಂಡ ಖಂಡವ ಕತ್ತರಿಸುವರಲ್ಲಿ ||೫||
ಮದ್ದಿಟ್ಟು ಕೊಲ್ಲುವರಿಲ್ಲಿ ಒ |ದ್ದೊದ್ದು ಹದ್ದು ಕಾಗೆಗ್ ಹಾಕುವರಲ್ಲಿ |
ಕ್ಷುದ್ರ ಬುದ್ಧಿಯ ಮಾಡುವುದಿಲ್ಲಿ ದೊಡ್ಡ | ಗುದ್ದಲಿ ಕಾಸಿ ಬೆನ್ನೊಳು ಎಳವರಲ್ಲಿ ||೬||
ಯಾಚಕರ ಮನ್ನಿಪುದಿಲ್ಲಿ ನಿನ್ನ | ಯೋಚನೆಯಿಲ್ಲದೆ ಸಲಹುವರಲ್ಲಿ ||
ಯಾಚಕರನು ಬಯ್ಯುವುದಿಲ್ಲಿ ನಿನ್ನ | ನಾಚಿಕೆ ತೆಗೆದು ನಾಲಿಗೆ ಸೀಳ್ವರಲ್ಲಿ|| ೭||
ಧರ್ಮವ ಮಾಡುವುದಿಲ್ಲಿ ಸು |ಧರ್ಮ ಸಭೆಯ ತೋರುವರು ಮುಂದಲ್ಲಿ ||
ಕರ್ಮ ಯೋಚನೆಗಳು ಇಲ್ಲಿ ನಿನಗೆ| ನಿರ್ಮಿಸಿಹನು ಕ್ರಿಮಿ ತಿನ್ನುವುದಲ್ಲಿ ||೮||
ಹೆಣ್ಣು ಹೊನ್ನನು ಬಯಸೋದಿಲ್ಲಿ ನಿನ್ನ |ಕಣ್ಣಿಗೆ ಸುಣ್ಣವ ತುಂಬುವರಲ್ಲಿ ||
ಘನ ಸುಜ್ನಾನವು ಇಲ್ಲಿ ಪ್ರ |ಸನ್ನ ಪುರಂದರ ವಿಠಲ ಪಾಲಿಪನಲ್ಲಿ ||೯||